კალაუბანი

საქართველოს ეკონომიკა კატასტროფულ ვარდნას განაგრძობს

79
(განახლებულია 17:28 01.07.2020)
მიმდინარე წლის მაისში, გასული წლის ანალოგიურ პერიოდთან შედარებით, კლების ტენდენცია ეკონომიკის თითქმის ყველა სფეროში დაფიქსირდა.

თბილისი, 1 ივლისი – Sputnik. საქართველოს ეკონომიკა ვარდნას აგრძელებს – კორონავირუსის პანდემიის ფონზე 2020 წლის მაისში, გასული წლის ანალოგიურ პერიოდთან შედარებით, საქართველოს მშპ 13,5%-ით შემცირდა, ნათქვამია საქართველოს სტატისტიკის ეროვნულ სამსახურის „საქსტატის“ განცხადებაში.  

2020 წლის მაისში, გასული წლის ანალოგიურ პერიოდთან შედარებით, კლების ტენდენცია ეკონომიკის თითქმის ყველა სფეროში დაფიქსირდა.

იანვარ–მაისში ეკონომიკის ვარდნამ, გასული წლის ანალოგიურ პერიოდთან შედარებით, 5,4% შეადგინა.

გასულ წელს საქართველოს ეკონომიკა 5,2%-ით გაიზარდა და გადააჭარბა პროგნოზს, რომელიც 4,5%-ს შეადგენდა.

მოსალოდნელი სტატისტიკა

ქვეყნის ეკონომიკა მაისში უფრო ნაკლებად დაეცა, ვიდრე 2020 წლის აპრილში. საქართველოს ეკონომიკის მინისტრის ნათია თურნავას აზრით, ამის მიზეზი მაისის ბოლო დეკადაში საგანგებო მდგომარეობის გაუქმება და გარკვეული ბიზნეს–საქმიანობის დაწყებაა.

2020 წლის აპრილში, გასული წლის ანალოგიურ პერიოდთან შედარებით, ქვეყანაში მშპ-ის მაჩვენებელი 16,6%-ით შემცირდა.

„მთლიანობაში ეს სტატისტიკა მოსალოდნელი იყო. პირველ ყოვლისა, მთავარია ის, რომ აპრილსა და მაისში ჩვენ საგანგებო მდგომარეობის პირობებში ვიმყოფებოდით და სრულიად შეგნებულად შევაჩერეთ ბიზნეს–აქტივობა, ადამიანების მობილობა, რამაც მოგვცა შესაძლებლობა პრაქტიკულად გადავრჩენილიყავით და არ გაგვემეორებინა ის ნეგატიური ტენდენციები, რომლებიც, სამწუხაროდ, ბევრ ქვეყანაში მოხდა, და შეგვენარჩუნებინა დადებითი ეპიდემიოლოგიური სიტუაცია“, – განაცხადა თურნავამ. 

მინისტრის თქმით, ახლა, როდესაც ბიზნეს–აქტივობა მეტ-ნაკლებად ამოქმედდა, უნდა დავაკვირდეთ, როგორ აისახება იგი ივნისისა და ივლისის მონაცემებზე, თუმცა, წლის ბოლომდე დადებითი დინამიკა მოსალოდნელი არაა.

„რა თქმა უნდა, ჩვენ ველოდებით, რომ დინამიკა კვლავ უარყოფითი იქნება, ჩვენ ყველამ კარგად ვიცით, რომ წლის ბოლომდე ეკონომიკური ვარდნა 4–5% იქნება“, – განაცხადა თურნავამ.

პანდემიის გავლენა ეკონომიკაზე

მიუხედავად 2019 წლის დადებითი ეკონომიკური მაჩვენებლებისა, 2020 წელს კორონავირუსის პანდემიით გამოწვეულმა შოკმა მნიშვნელოვნად გააუარესა ქვეყნის ეკონომიკური ზრდა, ნათქვამია კორონავირუსის წინააღმდეგ მთავრობის მიერ გატარებული ღონისძიებების ანგარიშში. 

ანგარიშის თანახმად, მოსალოდნელია, რომ საქართველოს სავაჭრო პარტნიორ ქვეყნებში ეკონომიკური ზრდის შენელება უარყოფითად აისახება ქვეყნის ექსპორტზე და ფულადი გადარიცხვების მაჩვენებლებზე, პანდემიიდან გამომდინარე გლობალური გაურკვევლობის გაგრძელებით კი შემცირდება კაპიტალის შემოდინება და ეკონომიკაში დაგეგმილი ინვესტიციების განხორციელება. პანდემიის შედეგად ქვეყნის ეკონომიკაზე ნეგატიური გავლენა იქონია ტურიზმის ვარდნამ. 2020 წლის პირველი კვარტლის მონაცემებით, საერთაშორისო ვიზიტორებისგან მიღებული შემოსავლები, გასული წლის ანალოგიურ პერიოდთან შედარებით, 26%-ით შემცირდა.

2020 წელს მოსალოდნელია მომსახურების ექსპორტის 55%-ით შემცირება, რაშიც გათვალისწინებულია საერთაშორისო ვიზიტორებისგან მიღებული შემოსავლების დაახლოებით 70%-იანი შემცირება. ასევე ტურიზმის შემცირება უარყოფითად მოქმედებს სხვა სფეროებზეც, მათ შორის, სამშენებლო და უძრავი ქონების სექტორზე.

არადამაიმედებელი პროგნოზები

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ეპიდვითარების გაუმჯობესებასთან დაკავშირებით ხელისუფლებამ კორონავირუსის გავრცელების პრევენციის მიზნით გამოცხადებული საგანგებო მდგომარეობა და კომენდანტის საათი 23 მაისიდან გააუქმა და დაწესებული შეზღუდვების ეტაპობრივი მოხსნა დაიწყო. 

საქართველოს ეკონომიკა პანდემიისა და გლობალური კრიზისის ფონზე რთულ მდგომარეობაში აღმოჩნდა. საქართველოს სახელმწიფო ბიუჯეტში ასახული ოფიციალური პროგნოზის თანახმად, 2020 წელს ქვეყნის ეკონომიკის ვარდნა 4%-ს მიაღწევს.

მიმდინარე წელს უარყოფით ეკონომიკურ ზრდას პროგნოზირებენ საერთაშორისო ორგანიზაციებიც, თუმცა, ამავე დროს იმედს გამოთქვამენ, რომ 2021 წელს საქართველო ცხოვრების ჩვეულ რიტმს დაუბრუნდება.

ამასთან, საერთაშორისო ორგანიზაციების მონაცემებით, საქართველოს ეკონომიკის ვარდნა საშუალოდ 4% იქნება.

ყველაზე პესიმისტური, როგორც საქართველოში მიაჩნიათ, არის ევროპის რეკონსტრუქციისა და განვითარების ბანკის 14 მაისს გამოქვეყნებული პროგნოზი, რომლის თანახმად, საქართველოში 2020 წელს მშპ 5,5%-ით შემცირდება, თუმცა უკვე 2021 წელს ეკონომიკა 5,5%-ით გაიზრდება.

საერთაშორისო სავალუტო ფონდში (სსფ) ვარაუდობენ, რომ 2020 წელს საქართველოს ეკონომიკის ვარდნა –4%-მდე იქნება, ხოლო ინფლაცია 4,6%-ს შეადგენს. თუმცა, სსფ-ის პროგნოზები 2021 წელთან დაკავშირებით საკმაოდ ოპტიმისტურია. ფონდის შეფასებით, უკვე 2021 წელს საქართველოს ეკონომიკა გაიზრდება 3%-ით, ხოლო ინფლაცია 3,7%-მდე შემცირდება. 

შემოდგომაზე საქართველოს ეკონომიკა გაუარესდება, მიაჩნია ექსპერტს

„საერთაშორისო პროგნოზირებისა და კვლევების ცენტრის“ ვიცე-პრეზიდენტი ნიკა შენგელია ფიქრობს, რომ ჯერჯერობით არავინ იცის, როდის დაიწყება პოსტკრიზისული პერიოდი.

„წინ ჩვენ მეორე კვარტლის მონაცემები გველოდება. ჩვენ არ ვიცით, რა ხდება მსოფლიო ეკონომიკაში და დიდი ალბათობაა იმისა, რომ კრიზისი რეალურად ამ შემოდგომაზე, ოქტომბერ–ნოემბერში დაიწყება. და ეს არანაირად არ არის დაკავშირებული კორონავირუსის პანდემიასთან“, – განაცხადა შენგელიამ  „Sputnik–საქართველოსთან“.

მისი თქმით, კრიზისი გამოწვეულია მსოფლიოს მასშტაბით დაწესებული შეზღუდვებითა და ეკონომიკის შეჩერებით და საფონდო და ნავთობის ბაზრებზე შექმნილი ვითარებით. 

„ამიტომაც, თუ ამას დაემატება კიდევ პანდემია, რამდენადაც არა მარტო საქართველოში არამედ მსოფლიოს სხვა ქვეყნებშიც აცხადებენ, რომ იქნება მეორე ტალღა, ეს მსოფლიო ეკონომიკისთვის, განსაკუთრებით განვითარებადი ქვეყნების ეკონომიკებისთვის, იქნება დამღუპველი“, – აღნიშნა ექსპერტმა.

შენგელიას აზრით, სიტუაციიდან გამომდინარე, საქართველოში მნიშვნელოვნად გაიზარდა უმუშევრობის დონე, შემცირდა ინვესტიციები, ალბათ შემოდგომიდან გაიზრდება იმპორტი, ექსპორტი კი შემცირდება – ეს ოთხი ფაქტორი ძლიერ დაარტყამს ლარის კურსს.

„ლარის გაუფასურება, რომელსაც ჩვენ შემოდგომიდან ველოდებით, სერიოზულ გავლენას მოახდენს ინფლაციასა და ფასების ზრდაზე“, – აღნიშნა ორგანიზაციის ვიცე-პრეზიდენტმა.

დასავლეთი დაგვეხმარება

პანდემიამ ნეგატიური გავლენა მოახდინა როგორც კერძო სექტორზე, ისე მოქალაქეების სოციალურ მდგომარეობაზე. მთავრობა იძულებული გახდა მეწარმეებისა და მოქალაქეებისთვის, ასევე ეპიდემიის გავრცელების აღკვეთისა და დაავადებულთა მკურნალობისთვის დამატებითი რესურსები მოეძიებინა.

„უარესი იქნება“ - ნათია თურნავა მშპ-ს კატასტროფული ვარდნის შესახებ საუბრობს>>>

ამ მიზნებისთვის აუცილებელმა დამატებითმა ხარჯებმა 3 მლრდ ლარზე მეტი შეადგინა.

საერთაშორისო პარტნიორებთან მთავრობის აქტიური მოლაპარაკებების შედეგად საქართველო პირველი ქვეყანა გახდა, რომელმაც კორონავირუსის გავრცელების გამო შექმნილი კრიზისის პერიოდში სსფ-სგან დახმარება მიიღო. ორგანიზაცია დათანხმდა „გაფართოებული დაფინანსების მექამიზმის“ პროგრამის გაგრძელებაზე, რაც ნიშნავს წლის ბოლომდე საქართველოსთვის 447 მლნ დოლარის გამოყოფას.

ამას მოჰყვა სხვა დონორების დახმარება. მთლიანობაში საქართველომ 1,5 მლრდ აშშ დოლარის ოდენობის დახმარება მიიღო.

79
თემები:
საქართველოს ეკონომიკა (639)
თბილისი

კომპენსაციის მიღების მსურველებო, დარეგისტრირდით: მთავრობამ ვადა გაახანგრძლივა

73
(განახლებულია 20:13 09.07.2020)
ამ დროისათვის სახელმწიფოსგან 300 ლარის დახმარება 100 ათასზე მეტმა თვითდასაქმებულმა და 200 ლარის თითქმის 130 ათასმა სამსახურდაკარგულმა მიიღო.

თბილისი, 9 ივლისი — Sputnik. საქართველოს მთავრობამ პანდემიის გამო შემოსავლის გარეშე დარჩენილი მოქალაქეებისა და თვითდასაქმებული პირებისთვის დახმარების მისაღებად რეგისტრაციის ვადა 1 აგვისტომდე გაახანგრძლივა, განაცხადა საქართველოს პრემიერ-მინისტრმა გიორგი გახარიამ მთავრობის სხდომის წინ.

სახელმწიფოს მხრიდან კომპენსაციის მისაღებად იმ პირთა რეგისტრაცია, რომლებმაც COVID-19-ის პანდემიის გამო შემოსავალი დაკარგეს, 15 მაისს დაიწყო და 1 ივლისს დასრულდა.

გახარიას თქმით, აუცილებლობის შემთხვევაში ვადა მომავალშიც გახანგრძლივდება.

„მოგეხსენებათ, რომ რეგისტრაციების ვადა ამოწურულია, მაგრამ მთავრობამ მიიღო გადაწყვეტილება მისი 1 აგვისტომდე გაგრძელების შესახებ. ვინც დააგვიანა, ან ვერ შეძლო ელემენტარულად საჭირო საბუთების შეგროვება, ამ ადამიანებისთვის ეს ვადა გაგრძელდა, და თუ საჭირო იქნება, რეგისტრაციის ვადა შემდგომაც გაგრძელდება. დღეს ჩვენი პირველი და ყველაზე მნიშვნელოვანი ამოცანა, ეპიდემიასთან ბრძოლასთან ერთად, იმ ჩვენი მოქალაქეების დახმარებაა, რომლებსაც კრიზისის გამო შემოსავალი შეუმცირდათ და საერთოდ დაკარგეს შემოსავალი", – განაცხადა გახარიამ.

პრემიერის თქმით, სახელმწიფოსგან 300 ლარის დახმარება 121719-მა თვითდასაქმებულმა, ხოლო 200-ლარიანი დახმარება 129 ათასზე მეტმა პირმა მიიღო, ვინც შემოსავალი დაკარგა.

რეგისტრაციის გავლა ასევე შეუძლიათ იმ პირებს, რომლებიც უცხოეთში სეზონურ სამუშაოზე იყვნენ დასაქმებული.

73
თემები:
COVID-19 საქართველოში
რთველი

„რქაწითელი" და „კახური მწვანე": მთავრობა რთვლის სუბსიდირებას გეგმავს

93
(განახლებულია 19:26 09.07.2020)
გიორგი გახარიას თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

თბილისი, 9 ივლისი — Sputnik. საქართველოს მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს, განაცხადა საქართველოს პრემიერ-მინისტრმა გიორგი გახარიამ მთავრობის სხდომაზე.

მანამდე ღვინის ეროვნული სააგენტოს თავმჯდომარემ ლევან მეხუზლამ განაცხადა, რომ, მთავრობის გადაწყვეტილებით, წელს რთვლის სუბსიდირებაზე 60 მილიონი ლარი დაიხარჯება.

მეხუზლას თქმით, სუბსიდია, სავარაუდოდ, მხოლოდ „რქაწითელის" ჯიშის ყურძენს შეეხება. თუმცა, როგორც აღმოჩნდა, სიაში „კახური მწვანეც" არის.

„მთავრობა რთველის სუბსიდირებას განახორციელებს, განსაკუთრებით, ყურძნის ისეთი ჯიშების, როგორიცაა „რქაწითელი" და „კახური მწვანე", რომელთა ფასიც 80 თეთრზე დაბალი არ იქნება", – განაცხადა გახარიამ.

გახარიას თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

„ყველამ კარგად იცის, რომ მთავრობის ანტიკრიზისული გეგმის ერთ-ერთი მთავარი სამიზნე გახლავთ სოფელი, ფერმერი, ქართველი გლეხი. ჩვენ ყველაფერი გავაკეთეთ იმისთვის, რომ სხვადასხვა ინსტრუმენტით ამ ადამიანებს დავხმარებოდით, ქართველი ფერმერი გაგვეძლიერებინა კრიზისის პირობებში", – განაცხადა გახარიამ.

როგორც მან აღნიშნა, თუ აუცილებლობა იქნება, სახელმწიფო ყურძნის შესყიდვაშიც ჩაერთვება.

ამასთან, პრემიერმა მოკლე ექსკურსი გააკეთა და აღნიშნა, თუ რამდენად წარმატებული იყო გასული წლები ქართული მევენახეობისა და მეღვინეობისთვის.

„2019 წელი იყო რეკორდული – საქართველოდან 94 მილიონი ბოთლი ღვინის ექსპორტი განხორციელდა. რა თქმა უნდა, შიდა მოხმარებაც იზრდებოდა. 2012 წელს ქართულ ექსპორტში მეღვინეობის წილი მთლიანობაში დაახლოებით 2.5% იყო, დღეს კი 6%-ია", – განაცხადა გახარიამ.

საქართველოში რთველის სეზონი სექტემბრიდან იწყება. იმისთვის, რომ პანდემიის გამო გამოწვეული ეკონომიკური კრიზისი რთველზე არ აისახოს, საქართველოს ხელისუფლებამ მეღვინეობის დარგზე ანტიკრიზისული გეგმის ფარგლებში ზრუნვა გადაწყვიტა. აღნიშნული გადაწყვეტილება ივნისის დასაწყისში პრემიერთან სოფლის მეურნეობის სამინისტროსა და შესაბამისი უწყებების წარმომადგენლების სამუშაო შეხვედრაზე იქნა მიღებული.

93
თემები:
საქართველოს მთავრობა
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86398
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86398
თემები:
COVID-19 საქართველოში