მარწყვი

ქართული მარწყვი და მოცვი ამერიკის ბაზრისკენ დაიძრა

69
(განახლებულია 13:28 26.06.2020)
საქართველოდან საერთაშორისო ბაზარზე სულ უფრო მეტი პროდუქცია გადის, ამჯერად კომპანია „გლენბერი“ საკუთარ ნაწარმს ამერიკელ მომხმარებელს შესთავაზებს.

თბილისი, 26 ივნისი – Sputnik. ქართულმა კომპანია „გლენბერმა“ აშშ-ში 20 ტონა მარწყვისა და მოცვის ექსპორტი განახორციელა, ნათქვამია სოფლისა და სოფლის მეურნეობის განვითარების სააგენტოს მიერ გავრცელებულ განცხადებაში.

თანამედროვე სტანდარტების სამაცივრე მეურნეობა „გლენბერი“ 2018 წელს სახელმწიფო პროგრამა „ერთიანი აგროპროექტების“ მხარდაჭერით შეიქმნა. საწარმოში მთლიანობაში 5 მლნ ლარის ინვესტიცია განხორციელდა, აქედან 600 ათასი სახელმწიფო გრანტი, დანარჩენი თანხა კი ბენეფიციარის ინვესტიციაა. 

„აღნიშნული ქარხანა მეორე წელია საერთაშორისო ბაზარზე სხვადასხვა სახეობის პროდუქციას წარადგენს“, – აღნიშნა გარემოს დავისა და სოფლის მეურნეობის მინისტრის მოადგილემ გიორგი ხანიშვილმა, რომელიც საწარმოს მუშაობას გაეცნო.

სამაცივრე კომპლექსში წელიწადში 1,2 ათასი ტონა სხვადასხვა ხილ-ბოსტნეულის შენახვაა შესაძლებელი. გარდა ამისა, ქარხანას გადამამუშავებელი ინფრასტრუქტურა აქვს, კერძოდ, შოკური გაყინვის მეთოდი, რომლის დახმარებითაც 24 საათში 10 ტონა ხილ-ბოსტნეულის გადამუშავებაა შესაძლებელი.

კომპანიაში დანერგილია სურსათის უვნებლობის საერთაშორისო სტანდარტი ISO 22 000. მიმდინარე წელს „გლენბერმა“ 5 ჰექტარზე ბროკოლი და 11 ჰექტარზე მარწყვი გააშენა.

სახელმწიფო პროგრამა „ერთიანი აგროპროექტის“ ფარგლებში, რომელიც 2013 წლიდან მოქმედებს, საქართველოში უკვე დაფინანსდა 200 ახალი საწარმო.

69
თემები:
საქართველოს სოფლის მეურნეობა (95)
ატმის მოსავლის აღება

ქართული ატმის იმპორტი რუსეთში შეუფერხებლად მიმდინარეობს

89
(განახლებულია 22:34 15.07.2020)
რუსეთის გარდა, ქართული ხილი იყიდება სომხეთში, აზერბაიჯანში, ყაზახეთში, სლოვენიაში, მოლდოვასა და სინგაპურში

თბილისი, 15 ივლისი - Sputnik. საქართველოდან რუსეთში უკვე ექსპორტირებულია თითქმის 4 ათასი ტონა ატამი და ვაშლატამა, იუწყება გარემოს დაცვისა და სოფლის მეურნეობის სამინისტრო 14 ივლისის მონაცემებზე დაყრდნობით.

ქართულ ატამსა და ვაშლატამას ექსპორტისთვის ამზადებენ – რამდენ ტონას გაიტანენ უცხოეთში >>

კორონავირუსის პანდემიის გამო შექმნილი სირთულეების მიუხედავად, საქართველო შეუფერხებლად ახორციელებს ატმისა და ვაშლატამას ექსპორტს. სოფლის მეურნეობის სამინისტრომ გახსნა „მწვანე დერეფანი“, რომლის წყალობითაც ექსპორტიორები ახერხებენ ხილის სწრაფად გატანას საზღვარგარეთ COVID-19-ის გამო დაწესებული შეზღუდვების პირობებშიც კი.

უწყების ინფორმაციით, ატმის მოსავლის აღება აქტიურ ფაზაშია. 14 ივლისის მონაცემებით, საქართველოდან ექსპორტირებულია 6,2 ათასი ტონა პროდუქცია, რაც გასული წლის ანალოგიური პერიოდის მაჩვენებელს 640 ტონით აღემატება. 2019 წელს ატმისა და ვაშლატამას ექსპორტმა 5,5 ათასი ტონა შეადგინა. 

იმპორტიორ ქვეყნებს შორის ლიდერობს რუსეთი, რომელზეც ექსპორტის 61% მოდის - თითქმის 3,8 ათასი ტონა. 30% ექსპორტირებულია სომხეთში, 7% - აზერბაიჯანში.

გარდა ამისა, შედარებით მცირე რაოდენობით ხილი გადის ყაზახეთში, სლოვენიაში, მოლდოვასა და სინგაპურში.

ამ დროისათვის ატმისა და ვაშლატამას მიღება 22 სამაცივრე მეურნეობას შეუძლია. ამასთან, ხილის ექსპორტთან დაკავშირებული ყველა პროცედურა „ერთი ფანჯრის“ პრინციპით ხორციელდება. ეს ფერმერებსა და ექსპორტიორებს საშუალებას აძლევს ყველა დოკუმენტი სწრაფად, ყოველგვარი ბიუროკრატიული სირთულეების გარეშე მიიღონ. პროცესში ფიტოსანიტარული და საბაჟო სამსახურების წარმომდგენლები ჩაერთო.

სოფლის მეურნეობის სამინისტროში შეიქმნა სამუშაო ჯგუფი, რომელიც აქტიურად აგროვებს ინფორმაციას, ახდენს მის სისტემატიზაციას, მუდმივ კავშირზეა ფერმერებთან და დისტრიბუტორებთან.

წელს კახეთის რეგიონში ატმისა და ვაშლატამას დიდ მოსავალს – 35 ათას ტონაზე მეტს ელოდებიან.

2019 წლის სეზონზე საქართველოდან 13,2 ათას ტონაზე მეტი ატამი და ვაშლატამა გავიდა, მოსავლის საერთო რაოდენობის 80%-ზე მეტი გავიდა რუსეთში – 10,7 ათასი ტონა. სომხეთში გაიგზავნა 1,3 ათასი ტონა ატამი და ვაშლატამა, აზერბაიჯანში – 667 ტონა.

ექსპორტი ასევე ხორციელდებოდა უკრაინაში, ყაზახეთში, სლოვენიაში, ერაყში, ირანში, ბელარუსში, მოლდოვასა და კატარში.

89
თემები:
საქართველოს სოფლის მეურნეობა (95)

ვისთან და რით ვაჭრობს საქართველო პანდემიის პირობებში

66
(განახლებულია 16:15 15.07.2020)
პანდემიამ სერიოზული დარტყმა მიაყენა ქართულ ეკონომიკას – საგარეო სავაჭრო ბრუნვა 2020 წლის დასაწყისიდან 16,8%-ით შემცირდა 2019 წლის იანვარი-მაისთან შედარებით და 4,2 მლრდ დოლარზე მეტი შეადგინა.
ვისთან და რით ვაჭრობს საქართველო პანდემიის პირობებში
© Sputnik / Konstantin Ivanov.

საქართველოს სტატისტიკის ეროვნული სამსახურის „საქსტატის" მონაცემებით, იანვარი-მაისში საქართველოდან 1,2 მილიარდი დოლარის ღირებულების პროდუქცია გავიდა, რაც 2019 წლის იმავე პერიოდის მაჩვენებელზე 16,2%-ით ნაკლებია.

იმპორტმა 2020 წლის პირველ ხუთ თვეში დაახლოებით 3 მლრდ დოლარი შეადგინა, რაც გასული წლის ამავე პერიოდთან შედარებით 17%-ით ნაკლებია.

საქართველოს უარყოფითმა სავაჭრო ბალანსმა მითითებულ პერიოდში 1,7 მლრდ დოლარზე მეტი შეადგინა, რაც მთელი საგარეო სავაჭრო ბრუნვის 41,2%-ს შეადგენს.

2020 წლის დასაწყისიდან საქართველოს მსხვილი სავაჭრო პარტნიორები არიან თურქეთი, რუსეთი და ჩინეთი – ამ ქვეყნებთან სავაჭრო ბრუნვამ იანვარი–მაისში 1,5 მლრდ დოლარს გადააჭარბა, რაც მთლიანი სავაჭრო ბრუნვის 35,6%-ია.

საქართველოს სავაჭრო პარტნიორების ათეულში ასევე შედიან: აზერბაიჯანი - 409,1 მლნ დოლარზე მეტი, სომხეთი - 216,5 მლნ დოლარზე მეტი, უკრაინა - 205,7 მლნ დოლარზე მეტი, აშშ - დაახლოებით 187,7 მლნ დოლარი, ბულგარეთი - დაახლოებით 175 მლნ დოლარი, გერმანია - 168,1 მლნ დოლარზე მეტი, იტალია - დაახლოებით 77,3 მლნ დოლარი.

საქართველო ასევე ვაჭრობს ევროკავშირის და დსთ-ის ქვეყნებთან.

კორონავირუსის ეპიდაფეთქებამ ქვეყნის ეკონომიკას სერიოზული დარტყმა უკვე მიაყენა – მიმდინარე წლის მაისში ქვეყნის საგარეო სავაჭრო ბრუნვა 33,2%-ით დაეცა, მათ შორის ექსპორტი – 30,6%-ით, იმპორტი – 34,3%-ით.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

66
თემები:
საქართველოს ეკონომიკა
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0