Презентация итогов программы Производи в Грузии

მეტი კრედიტი, მეტი დახმარება: საქართველოში ბიზნესის კეთება მარტივდება

123
(განახლებულია 14:28 25.06.2020)
თუ ადრე პროექტი 100-მდე სხვადასხვა დარგის მეწარმეებს ეხმარებოდა, ამიერიდან ეს რაოდენობა პრაქტიკულად ორმაგდება.

თბილისი, 25 ივნისი — Sputnik. საქართველოს მთავრობის ერთ-ერთი ყველაზე წარმატებული პროექტი „აწარმოე საქართველოში“ ადგილობრივი მეწარმეების მხარდაჭერის მიზნით კიდევ გაფართოვდება, განაცხადეს განახლებული პროგრამის პრეზენტაციაზე

სამთავრობო პროგრამა „აწარმოე საქართველოში" 2014 წლის ზაფხულიდან ამოქმედდა. ის მიზნად ისახავს ქვეყანაში ადგილობრივი წარმოების წახალისებას. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ყველა სახელმწიფო პროგრამა, მიმართული ბიზნეს-სექტორის ხელშეწყობისა და ეკონომიკური განვითარებისკენ.

სააგენტოს პროგრამებია: კრედიტების სუბსიდირება და უზრუნველყოფა, რომლებიც მოიცავს საქმიანობის 200-ზე მეტ სახეობას, და მიკროგრანტები, რომლებიც საქმიანობის 300-ზე მეტ სახეობას ეხება.

კრედიტების თანადაფინანსება

გაფართოებული პროგრამის ფარგლებში დაფინანსდება პლასტმასის, სამშენებლო მასალების, მინერალური წყლების, ტყავის, არმატურის, ფრინველისა და ცხოველის საკვების მწარმოებელი საწარმოები და ასევე ლაბორატორიების მუშაობა. დაფინანსების სიაში ასევე მოხვდა სასტუმროები, ბალნეოლოგიური კურორტები, სათავგადასავლო პარკები და სხვადასხვა ტურისტული სერვისები. 

პროგრამაში მონაწილეობისთვის დადგენილი საკრედიტო ლიმიტი 50 ათას ლარამდე შემცირდა, მაქსიმალური მოცულობა კი 10 მლნ ლარამდე გაიზარდა.

ადილობრივი, არასაერთაშორისო ბრენდის შემთხვევაში კრედიტის მაქსიმალური მოცულობა 4 მლნ ლარს შეადგენს, საერთაშორისო ბრენდისა და სხვადასხვა ტურისტული სერვისების შემთხვევაში – 10 მლნ ლარს.

სახელმწიფოს მონაწილეობის ვადა 24-დან 36 თვემდე იზრდება. ასევე გაიზარდა სახელმწიფოს თანამონაწილეობის პროცენტიც. მაგალითად, 13%-იანი ვალის შემთხვევაში 1,5%-ს დაფარავს სახელმწიფო, რაც კომპანიების ფინანსურ სახსრებს გამოათავისუფლებს ბიზნესის კეთებისთვის.

საკრედიტო–საგარანტიო სქემა

იცვლება საკრედიტო–საგარანტიო სქემის მასშტაბები, როდესაც სახელმწიფო ბანკის წინაშე კრედიტის უზრუნველყოფის გარანტად გამოდის. პროგრამის ბიუჯეტი 20-დან 330 მილიონ ლარამდე გაიზარდა, რომლის მეშვეობით შესაძლებელი გახდება 2,1 მლრდ ლარის ოდენობის საკრედიტო პორტფელების უზრუნველყოფა. 

პროგრამის ფარგლებში კომერციული ბანკის მიერ გაცემულ თითოეულ კრედიტზე გარანტიის მოცულობა ნაცვლად სესხის არაუმეტეს 70%-ისა, იქნება 90%.

საკრედიტო–საგარანტიო უზრუნველყოფის სქემის მიხედვით, მეწარმე შეძლებს არანაკლებ 50 ათასი ლარის და არაუმეტეს 5 მლნ ლარის კრედიტის აღებას.

გარდა ამისა, კრედიტის რეფინანსირების შემთხვევაში სახელმწიფო 30%-იან უზრუნველყოფას განახორციელებს.

მიკროგრანტები

მიკრო და მცირე საწარმოების მხარდაჭერის ერთ-ერთი ყველაზე წარმატებული პროგრამის ბიუჯეტი 10-დან 40 მლნ ლარამდე გაიზარდა. რეგიონულ განვითარებაზე ორიენტირებული საგრანტო პროგრამის მოცულობის ზედა ზღვარი გაიზარდა 20-დან 30 ათას ლარამდე. 

პროგრამაში გამარჯვებული მეწარმეების თანამონაწილეობის თანხა 20%-ის ნაცვლად 10% იქნება. თუ მეწარმე ბიზნესს მაღალმთიან რეგიონში დაიწყებს, იგი მხოლოდ 5%-ს გადაიხდის.

აღნიშნული გადაწყვეტილების მიზანი რეგიონებში ბიზნესის მაქსიმალური დეცენტრალიზაციაა. ამიერიდან ამ პროგრამაში მონაწილეობა შეუძლიათ თბილისელ მეწარმეებსაც.

პროგრამებში მონაწილეობის თვალსაზრისით პრიორიტეტი ეძლევა ქალ მეწარმეებს, შშმ პირებს და სხვა მოწყვლად ჯგუფებს.

პროგრამის „აწარმოე საქართველოში“ წარმატებები

სააგენტო სამი ძირითადი მიმართულებით მუშაობს: ბიზნესის განვითარება, ექსპორტის მხარდაჭერა და ინვესტიციების მოზიდვა. 

პროგრამის ფარგლებში სააგენტომ „აწარმოე საქართველოში“ მხარდაჭერა აღმოუჩინა 359 სამეწარმეო პროექტს, რომელთა შედეგად ქვეყანაში 13 ათასზე მეტი სამუშაო ადგილი გაჩნდა. მათ შორის, გასულ წელს დაფინანსდა 85 პროექტი, რაც 31%-ით მეტია 2018 წელთან შედარებით. 19%-ით გაიზარდა ინვესტიციები კერძო სექტორის მხრიდან. 

გარდა ამისა, მთავრობამ მხარი დაუჭირა 136 სასტუმროს პროექტს, რამაც 3,3 ათასზე მეტი სამუშაო ადგილი შექმნა. 2019 წელს მხარდაჭერა მიიღო 59-მა სასტუმრომ, რაც 48%-ით მეტია 2018 წელთან შედარებით.

2019 წელს დამტკიცდა სააგენტოს სტრატეგია ინვესტიციების გასაზრდელად. სააგენტოს დახმარებით 2019 წელს ქვეყანაში გაჩნდა ხუთი ახალი საინვესტიციო პროექტი, რომელმაც ქვეყანას მოუტანა 83 მლნ დოლარი პირდაპირი ინვესტიციების სახით და შეიქმნა 850 ახალი სამუშაო ადგილი.

სააგენტოს გეგმაშია პროგრამის წარმატებით განხორციელების გაგრძელება, მეტი ბიზნესმენის მოზიდვა და მათთვის სხვადასხვა პროექტში მონაწილეობისას თანადაფინანსების მისაღებად პირობების შემსუბუქება.

123
თემები:
საქართველოს ეკონომიკა (677)
თბილისი

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა

103
(განახლებულია 20:31 05.08.2020)
მთავრობა გამონაკლისის წესით დაუშვებს ყველა ქვეყნის იმ მოქალაქის მიერ საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

თბილისი, 5 აგვისტო - Sputnik. ერთთვიანი სატესტო რეჟიმის შემდეგ  ბიზნეს-ვიზიტორების პლატფორმა საქართველოში სრულფასოვნად და წარმატებით ამოქმედდა, განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის უწყებათაშორისი საკოორდინაციო საბჭოს შემდეგ გამართულ ბრიფინგზე. 

საქართველოში საქმიანი ვიზიტის განსახორციელებლად უცხოეთის ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითან ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში  კორონავირუსზე PCR–ტესტი უნდა გაიკეთონ ან საკუთარი ხარჯებით სავალედბულო 14–დღიანი კარანტინი გაიარონ. ეს არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

„დღეს ჩვენ საკმაოდ შთამბეჭდავი სტატისტიკა გვაქვს – სხვადასხვა ქვეყნიდან 2,7 ათასამდე  განაცხადია შემოსული, როგორც რეგიონის, ისე ევროპის ბევრი ქვეყნიდან, საიდანაც ბიზნეს–ვიზიტორს მოკლევადიანი, საქმიანი ვიზიტით სურს საქართველოში ჩამოსვლა. და თქვენ იცით, რომ  მოცემულ შემთხვევაში მათ უფლება აქვთ, კარანტინის გარეშე, გარკვეული პერიოდულობით, საკუთარი ხარჯებით ჩაიტარონ PCR–ტესტი“, – განაცხადა თურნავამ.

მისი თქმით, ეს არის უსაფრთხო საქართველოს მოსახლეობისთვის და გარდა ამისა, ქვეყანას ბიზნეს–პროცესების გაცოცხლებისა და ინვესტორთან ურთიერთობის შენარჩუნების შესაძლებლობას მისცემს.

თურნავამ გნაცხადა, რომ რამდენიმე დღის შემდეგ ახალი პლატფორმის კიდევ ერთი პრეზენტაცია ჩატარდება, რომლის წყალობითაც საქართველოში ხანგრძლივი ვადით ჩამოსვლას შეძლებენ  უცხოელი ვიზიტორები, რომლებსაც საქართველოდან დისტანციური მუშაობის სურვილი ექნება.  

„ამ მიმართულებით ძალიან მაღალი ინტერესი არსებობს, მათ შორის სხვადასხვა საერთაშორისო საფინანსო ინსტიტუტიდან და მათგან, ვინც მუშაობის დისტანციურ რეჟიმში გადავიდა. ასე რომ სწორედ საქართველო გახდება ის ადგილი, საიდანაც ისინი შეძლებენ თავიანთ კორპორაციებში მუშაობას, მაგრამ იცხოვრებენ საქართველოში“, – აღნიშნა ნათია თურნავამ.

პროექტის თაახმად, მთავრობა პროექტის თანახმად, მთავრობა გამონაკლისის წესით დაუშვებს ყველა ქვეყნის მოქალაქის საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

საქართველოში გრძელვადიანი პერიოდით ყოფნის მსურველებისთვის შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა სამივე კატეგორიის მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

ე.წ. გრძელვადიანი ვიზიტორები 14-დღიან კარანტინს კომერციული ტარიფით, საკუთარი ხარჯით გაივლიან, ასევე განიხილება ექვსთვიანი სამოგზაურო დაზღვევის არსებობა.

103
თემები:
საქართველოს ეკონომიკა (677)
ქართული ფული

ეროვნულმა ბანკმა რეფინანსირების განაკვეთი ისევ შეამცირა

79
(განახლებულია 21:00 05.08.2020)
მონეტარული პოლიტიკის კომიტეტმა რეფინანსირების განაკვეთის 25 საბაზისო პუნქტით შემცირების გადაწყვეტილება მიიღო.

თბილისი, 5 აგვისტო – Sputnik. საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთის 8.25%-დან 8.0%-მდე შემცირების გადაწყვეტილება მიიღო, ნათქვამია საქართველოს ეროვნული ბანკის განცხადებაში.

რა უჯდება ეროვნულ ბანკს ეროვნული ვალუტის სტაბილურობა>>

ეროვნულმა ბანკმა მონეტარული პოლიტიკის შემსუბუქება მიმდინარე წლის აპრილიდან, გამკაცრების ხანგრძლივი პერიოდის შემდეგ დაიწყო. უწყებამ მონეტარული პოლიტიკის გამკაცრება 2019 წლის სექტემბრიდან, ეროვნული ვალუტის კურსის დაცემის შემდეგ ინფლაციაზე ზეწოლის განეიტრალების მიზნით დაიწყო. რეფინანსირების განაკვეთი სექტემბერ–დეკემბრის პერიოდში 6,5%-დან 9%-მდე გაიზარდა.

საქართველოში ინფლაციის მიზნობრივი მაჩვენებელი 3 პროცენტია. მაისში ინფლაციის დონემ 6,5% შეადგინა, ივნისში – 6.1%, ივლისში კი ინფლაციის მაჩვენებელმა შემცირება განაგრძო და 5.7 პროცენტი გახდა.

„ეროვნული ბანკის პროგნოზით, სხვა თანაბარ პირობებში წლის მომდევნო პერიოდში ინფლაცია შემცირებას განაგრძობს, 2021 წლის პირველ ნახევარში მიზნობრივ დონეს ჩამოსცდება და შემდგომ მას ქვემოდან დაუახლოვდება. ინფლაციის შემცირების დინამიკას სუსტი მოთხოვნა უზრუნველყოფს. კერძოდ, ეროვნული ბანკის განახლებული პროგნოზით, 2020 წელს ეკონომიკის 5%-იანი შემცირებაა მოსალოდნელი, რაც ინფლაციის პროგნოზზეც შემცირების მიმართულებით მოქმედებს“, – ნათქვამია ეროვნული ბანკის ვებ-გვერდზე.

რეფინანსირების განაკვეთი – პროცენტის ოდენობაა წლიური გაანგარიშებით, რომელსაც საკრედიტო ორგანიზაციები ეროვნულ ბანკს მათთვის გამოყოფილი კრედიტებისთვის უხდიან. რეფინანსირების განაკვეთი ეროვნული ბანკის ფულად-საკრედიტო პოლიტიკის ძირითადი ინსტრუმენტია და საფინანსო სექტორში საბაზრო განაკვეთების ორიენტირად არის მიჩნეული.

რა ელის ლარის კურსს: საქართველოს ეროვნული ბანკი რეზერვების გაყიდვას განაგრძობს>>

მონეტარული პოლიტიკის კომიტეტის შემდეგი სხდომა 2020 წლის 16 სექტემბერს ჩატარდება.

79
თემები:
საქართველოს ეკონომიკა (677)
სასამართლო

დაკავებული ექიმების საქმე: სასამართლოს გადაწყვეტილება ცნობილია

0
ქართველი ექიმები თბილისის ცენტრალური საავადმყოფოს დირექტორისა და ექიმების მხარდამჭერ აქციებს ატარებენ

თბილისი, 5 აგვისტო — Sputnik.  თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება, იუწყება საზოგადოებრივი მაუწყებლის პირველი არხი.

საავადმყოფოს დირექტორი გიორგი ლობჟანიძე და ექიმი ვახტანგ ყიფიანი სამშაბათს დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს.

სასამართლოს გადაწყვეტილებით,  კლინიკის  დირექტორი გიორგი ლობჟანიძე საპატიმროს 100 ათასი ლარის ოდენობით გირაოს გადახდის შემდეგ დატოვებს, რაც შეეხება ხოჭოლავას, მას სასამართლომ დაუსწრებლად  პატიმრობა შეუფარდა. 

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა, მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

რაც შეეხება კლინიკის დირექტორ გიორგი ლობჟანიძეს, გამოძიება  ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

0
თემები:
შემთხვევები საქართველოში