გიორგი გახარია მთავრობის სხდომაზე

საქართველოს ანტიკრიზისული ბიუჯეტი დამტკიცებულია: როგორ გადანაწილდა თანხები

88
საქართველოს პარლამენტმა ერთხმად, 84 ხმით, დაამტკიცა შესწორებები 2020 წლის სახელმწიფო ბიუჯეტში, რომლებიც ითვალისწინებს კორონავირუსის გავლენას და მსოფლიო ეკონომიკურ კრიზისთან ბრძოლას

ქვეყნის ახალი ბიუჯეტი ანტიკრიზისულია. როგორც მთავრობაში მისი წარდგენისას განაცხადეს, ბიუჯეტში გათვალისწინებულია კორონავირუსის მეორე ტალღასთან ბრძოლის მთავრობის მიერ ადრე გამოცხადებული ყველა ანტიკრიზისული ზომა და რესურსი.

სახელმწიფო ბიუჯეტი გადაიხედა ორი მთავარი ფაქტორის გამო: მაკროეკონომიკური მაჩვენებლების პროგნოზების გაუარესების და საქართველოსთვის საერთაშორისო პარტნიორების მხრიდან გამოყოფილი დამატებითი ფინანსური დახმარების გამო.

პროგნოზი ითვალისწინებს როგორც მშპ-ს ზრდის მიმდინარე მაჩვენებლებს, ისე საერთაშორისო ფინანსური ინსტიტუტების მონაცემებს მსოფლიო ეკონომიკის ზრდის შესახებ, მათ შორის საქართველოს მიმართაც.

პროექტის თანახმად, კორონავირუსის პანდემიის შედეგად 2020 წელს მოსალოდნელია ეკონომიკური ზრდის 4%-ით შემცირება. ნომინალური სავალუტო შიდა პროდუქტი, პროგნოზის თანახმად, 50,3 მილიარდი ლარის დონეზე იქნება. შესადარებლად, შარშან ეს მაჩვენებელი 53,1 მილიარდ ლარს შედგენდა. ლარის მიმდინარე კურსი დოლარის მიმართ არის - 3,0535 GEL/$1.

ბიუჯეტის მთლიანი დეფიციტის პროგნოზი 8,5%-ის დონეზეა.

სახელმწიფო ბიუჯეტის ახალი პარამეტრები

მიღებული პროექტის თანახმად, 2020 წელს სახელმწიფო ბიუჯეტის შემოსულობები დაახლოებით 3,9 მილიარდი ლარით გაიზრდება და 18,4 მილიარდ ლარს შეადგენს.

ამასთან, შემოსავლები შემცირდება ერთი მილიარდი ლარით და 10,2 მილიარდ ლარს შეადგენს.

შემოსულობების ზრდა გამოწვეულია სხვა შემოსავლების ზრდით, მათ შორის, კორონავირუსთან ბრძოლის ფონდის შექმნით, საქართველოს ეროვნული ბანკის დივიდენდების ზრდით, რესურსების დამატებითი მობილიზაციითა და სხვ.

გაიზრდება ასევე გრანტების მოცულობა საერთაშორისო პარტნიორებისგან მიღებული დახმარების ხარჯზე და საქართველოს ვალდებულებები. ამასთან, კრედიტების მოცულობა საბიუჯეტო დახმარების ფარგლებში, მოიმატებს 4,5 მილიარდი ლარით.

რაც შეეხება ბიუჯეტის ხარჯვით ნაწილს, პროექტის თანახმად, სახელმწიფო ბიუჯეტის ასიგნებების მოცულობა დაახლოებით 1,5 მილიარდი ლარით მოიმატებს და დაახლოებით 15,9 მილიარდ ლარს შეადგენს.

სახელმწიფო ბიუჯეტის ხარჯი შემცირდება 199,6 მილიონი ლარით, კაპიტალური ხარჯი - 347,5 მილიონი ლარით. ასიგნებების ნაწილი გადანაწილდება ზოგიერთი უწყების დაფინანსების შემცირებისა და სხვათა დაფინანსების გაზრდის ხარჯზე.

დამატებითი ხარჯი

სახელმწიფო ბიუჯეტის ფარგლებში უკვე დაგეგმილია 1,8 მილიარდი ლარის ოდენობის ხარჯი, რომელიც ანტიკრიზისული ზომების რეალიზაციას მოხმარდება.

ამ თანხიდან 44 მილიონი ლარი მოხმარდება საკარანტინო ზონების მომსახურების ანაზღაურებას, 151 მილიონი ლარი კი - ჯანდაცვის სფეროს კორონავირუსთან დაკავშირებული მდგომარეობის გამო, მათ შორის, ტესტებს, პირადი ჰიგიენის ნივთებს და სხვ.

კიდევ 559,2 მილიონი ლარი გამოყოფილია ბიზნესისა და კლინიკებისთვის შეღავათებისა და სუბსიდიებისთვის, მათ შორის, მცირე გრანტებისთვის, საკრედიტო-საგარანტიო სქემისთვის, კლინიკების სუბსიდირებისთვის და ა.შ.

თუმცა ყველაზე დიდი ნაწილი - 1 მილიარდი ლარი - სოციალური სფეროსთვისაა გამიზნული.

კორონავირუსით დაზარალებული კონკრეტული ადამიანების დახმარების გარდა, სოციალური დახმარებისთვის გათვალისწინებულია ფონდის სახსრები, დამატებითი ფინანსები ჯანდაცვის სფეროსთვის და მაღალმთიანი რეგიონების წარმომადგენლების დახმარება.

ვის უმცირდება დაფინანსება

კორონავირუსთან დაკავშირებული მზარდი ხარჯის გარდა, ბიუჯეტში გათვალისწინებულია დაფინანსების შემცირება ზოგიერთი უწყებისთვის.

ასე, მაგალითად, პარლამენტის ასიგნებები 4 მილიონი ლარით შემცირდება, მათ შორის, 2,5 მილიონი ლარით შემცირდება საკანონმდებლო ორგანოს მიმდინარე ხარჯი.

კორონავირუსის გამო 750 ათასით შემცირდება ხარჯი პრეზიდენტის ადმინისტრაციისთვის, მთავრობის ადმინისტრაციისთვის კი -  ერთი მილიონი ლარით.

გარდა ამისა, მცირდება ხარჯი აუდიტის სამსახურისთვის, საერთო სასამართლოებისთვის, იუსტიციის უმაღლესი საბჭოსთვის, საპენსიო სააგენტოსთვის, ასევე, პრაქტიკულად ყველა სამინისტროსთვის.

ყველაზე დიდი შემცირება  - 127 მილიონი ლარით - ელის განათლების, მეცნიერების, კულტურისა და სპორტის სამინისტროს.

რატომაა ანტიკრიზისული ბიუჯეტი უნიკალური

ეკონომიკურ საკითხთა ექსპერტი სოსო არჩვაძე მიიჩნევს, რომ ბიუჯეტის ახალი ვარიანტი მთავრობის მიერ აპრილის ბოლოს შემუშავებული და მოწონებული ანტიკრიზისული გეგმის პრაქტიკულად ფინანსური ხსნაა.

„პირველად საქართველოს დამოუკიდებლობის განმავლობაში, 90-იანი წლებიდან დაწყებული, დაიგეგმა ხარჯის ზრდა მაკროეკონომიკური მაჩვენებლების, კერძოდ, მშპ-ს შემცირების პირობებში. როგორ წესი, მათ შორის მაღალი დადებითი კორელაციაა. მაგრამ მოცემულ შემთხვევაში დაუჯერებელი რამ ხდება - ეკონომიკა მცირდება, ბიუჯეტის ხარჯი კი იზრდება“, - განუცხადა არჩვაძემ Sputnik-საქართველოს.

მისი სიტყვებით, ამისათვის მთავრობას მოუხდა, მკვეთრად, სამჯერ გაეზარდა სახელმწიფო ბიუჯეტის დეფიციტის მიმართება მშპ-სთან და ამის საფუძველზე დამატებითი სახსრების მობილიზება მოეხდინა.

„მთლიანობაში, თუ დღევანდელ ბიუჯეტს გადავხედავთ, ის გასულ წელთან შედარებით დაახლოებით 5%-ით, ოდნავ მეტითაც კი იზრდება. თანაც არა მხოლოდ ნომინალურად, არამედ ინფლაციისა და მშპ-ს დეფლატორის გათვალისწინებით. ანუ წელს სახელმწიფოს ხარჯი უფრო მნიშვნელოვანი იქნება, უფრო ხელშესახები, ვიდრე წინა წლებში“, - აღნიშნა პროფესორმა.

მან ხაზი გაუსვა, რომ ბიუჯეტიდან სახსრები, ძირითადად, სწორედ სოციალური და სამედიცინო სფეროებისკენ მიემართება. 

88
თემები:
საქართველოს ეკონომიკა (646)

ვისთან და რით ვაჭრობს საქართველო პანდემიის პირობებში

37
(განახლებულია 10:16 15.07.2020)
პანდემიამ სერიოზული დარტყმა მიაყენა ქართულ ეკონომიკას - საგარეო სავაჭრო ბრუნვა 2020 წლის დასაწყისიდან 16,8%-ით შემცირდა 2019 წლის იანვარ-მაისთან შედარებით და 4,2 მლრდ დოლარზე მეტი შეადგინა.
ვისთან და რით ვაჭრობს საქართველო პანდემიის პირობებში
© Sputnik / Konstantin Ivanov.

 

საქართველოს სტატისტიკის ეროვნული სამსახურის („საქსტატის") მონაცემებით, იანვარ-მაისში საქართველოდან 1,2 მილიარდი დოლარის ღირებულების პროდუქცია გავიდა, რაც 2019 წლის იმავე პერიოდის მაჩვენებელზე 16,2%-ით ნაკლებია.

იმპორტმა 2020 წლის პირველ ხუთ თვეში დაახლოებით 3 მლრდ დოლარი შეადგინა, რაც გასული წლის ამავე პერიოდთან შედარებით 17%-ით ნაკლებია.

საქართველოს უარყოფითმა სავაჭრო ბალანსმა მითითებულ პერიოდში 1,7 მლრდ დოლარზე მეტი შეადგინა, რაც მთელი საგარეო სავაჭრო ბრუნვის 41,2%-ს შეადგენს.

2020 წლის დასაწყისიდან საქართველოს მსხვილი სავაჭრო პარტნიორები არიან თურქეთი, რუსეთი და ჩინეთი – ამ ქვეყნებთან სავაჭრო ბრუნვამ იანვარ–მაისში 1,5 მლრდ დოლარს გადააჭარბა, რაც მთლიანი სავაჭრო ბრუნვის 35,6%-ია.

საქართველოს სავაჭრო პარტნიორების ათეულში ასევე შედიან: აზერბაიჯანი - 409,1 მლნ დოლარზე მეტი, აშშ - დაახლოებით 187,7 მლნ დოლარი, უკრაინა - 205,7 მლნ დოლარზე მეტი, სომხეთი - 216,5 მლნ დოლარზე მეტი, გერმანია - 168, 1 მლნ დოლარზე დოლარი, ბულგარეთი - დაახლოებით 175 მლნ დოლარი, იტალია - დაახლოებით 77,3 მლნ დოლარი.

საქართველო ასევე ვაჭრობს ევროკავშირის და დსთ-ის ქვეყნებთან.

კორონავირუსის აფეთქებამ ქვეყნის ეკონომიკას სერიოზული დარტყმა უკვე მიაყენა – მიმდინარე წლის მაისში ქვეყნის საგარეო სავაჭრო ბრუნვა 33,2%-ით დაეცა, მათ შორის, ექსპორტი 30,6%-ით, იმპორტი კი 34,3%-ით.

ქართული საინვესტიციო კომპანია Galt&Taggart-ის მონაცემებით, კორონავირუსის პანდემიასთან დაკავშირებით დაწესებული შეზღუდვების გამო ექსპორტის შემცირებამ ეკონომიკას შეიძლება 200 მილიონიდან 1 მილიარდ დოლარამდე ზარალი მიაყენოს, იმის მიხედვით, თუ როგორ განვითარდება მოვლენები.

37
თემები:
საქართველოს ეკონომიკა (646)
მშენებლობა

ამოქმედდა იპოთეკური სესხების სუბსიდირების პროგრამა

56
(განახლებულია 10:09 15.07.2020)
უძრავი ქონების გაყიდვის შემცირების პრობლემის გადასაჭრელად ხელისუფლებამ გადაწყვიტა, მოქალაქეებს ბინების შეძენის პროცესი გაუმარტივოს

თბილისი, 15 ივლისი – Sputnik. საქართველოში ამოქმედდა იპოთეკური კრედიტების სუბსიდირების პროგრამა იმ მოქალაქეებისთვის, რომლებსაც ბინის ყიდვა წლის ბოლომდე სურთ, განაცხადა სააგენტოს „აწარმოე საქართველოში“ ხელმძღვანელმა მიხეილ ხიდურელმა.

მისი თქმით, პროგრამის მიმართ კერძო სექტორის მხრიდან დიდი აქტიურობაა.

„ძალიან მალე ჩვენ უკვე საშუალება გვექნება, რომ ბანკებთან ერთად სტატისტიკა ვაწარმოოთ. აპლიკაციების მიღება დაწყებულია, უკვე მუშავდება და  პირველი ნაკადის სტატისტიკას აუცილებლად მალე მოგაწვდით“, – განაცხადა ხიდურელმა.

იპოთეკური სესხების სუბსიდირება ხორციელდება მთავრობის პროგრამის ფარგლებში, რომელიც სამშენებლო სექტორის დახმარებისკენაა მიმართული.

უძრავი ქონების გაყიდვის შემცირების პრობლემის გადაჭრის მიზნით ხელისუფლებამ გადაწყვიტა, რომ მოქალაქეებს ბინების შეძენის პროცესი გაუმარტივოს. ვისაც სურს ბინის შეძენა 2020 წლის ბოლომდე, მთავრობა მათი იპოთეკური სესხის საპროცენტო განაკვეთის სუბსიდირებას მოახდენს. იპოთეკური სესხის 4%-ის სუბსიდირება ხუთი წლის განმავლობაში გავრცელდება ყველა საკრედიტო შეთანხმებაზე 200 ათას ლარამდე თანხის შემთხვევაში.

საქართველოს ეროვნული ბანკის მიერ დადგენილი წესების თანახმად, იპოთეკური სესხები 20 წლამდე ვადით გაიცემა და ბინის შეძენის შემთხვევაში უზრუნველყოფის კოეფიციენტი 70%-ს შეადგენს; ანუ, სესხს ბანკი გასცემს. რადგან უზრუნველყოფის კოეფიციენტი 70%-ია, სახელმწიფოს მხრიდან თანადაფინანსების მიღების მსურველმა, რომელიც იპოთეკურ სესხს აიღებს, გადასახდელი 30%-დან მინიმუმ 10% უნდა დაფაროს, დანარჩენ 20%-ზე კი სახელმწიფო იძლევა გარანტიებს, რომლის თანახმად მყიდველს ამ თანხის გადახდა გადაუვადდება.

უფრო იაფად, ვიდრე გუშინ, ანუ შეიძინე ბინა და გადმოდი დღესვე!>>

გეგმის მიხედვით, მთავრობა იპოთეკური სესხის საპროცენტო განაკვეთის სუბსიდირებაზე 70 მლნ ლარს გამოყოფს, იპოთეკური კრედიტების პორტფელზე სახელმწიფო გარანტიებისთვის  - 14 მილიონ ლარს.

პროგრამა წლის ბოლომდე დადებულ კონტრაქტებზე იმოქმედებს. საქართველოში ლიცენზირებული 15 ბანკიდან პროგრამაში ხუთი დაწესებულება მონაწილეობს. ახალ პირობებში ბინებს მოსახლეობას დაახლოებით 70 სამშენებლო კომპანია სთავაზობს.

საკრედიტო გარანტიების სქემა

ხიდურელის განცხადებით, ასევე დიდი აქტიურობაა საკრედიტო–საგარანტიო სქემის ნაწილშიც.

„რა თქმა უნდა, უფრო მეტი წილი რესტრუქტურირებულ სესხებზე მოდის, თუმცა ჩვენ ძალიან დიდი მოლოდინი გვაქვს, რომ ერთ კვირაში უკვე პირველი რამდენიმე შემთხვევა გვექნება ახალი ბიზნესების, სადაც სახელმწიფო გარანტიაში შედის“, – აღნიშნა ხიდურელმა.

პროგრამის ფარგლებში კომერციული ბანკის მიერ გაცემულ თითოეულ კრედიტზე გარანტიის მოცულობა ნაცვლად სესხის არაუმეტეს 70%-ისა, იქნება 90%.

კორონავირუსი უძრავი ქონების ბაზარს ურტყამს: რა ელის სფეროს?>>

საკრედიტო–საგარანტიო უზრუნველყოფის სქემის მიხედვით, მეწარმე შეძლებს არანაკლებ 50 ათასი ლარის და არაუმეტეს 5 მლნ ლარის კრედიტის აღებას.

ასევე სახელმწიფო, კრედიტის რესტრუქტურიზაციის შემთხვევაში, 30%–ის უზრუნველყოფას მოახდენს.

56
თემები:
საქართველოს ეკონომიკა (646)
თბილისის საქალაქო სასამართლო

რა ღირს დავით ცინარიძის თავისუფლება: საპატრულო პოლიციის ექს-უფროსს გირაო შეუფარდეს

0
(განახლებულია 12:53 15.07.2020)
საპატრულო პოლიციის ყოფილ უფროსს ოჯახური ძალადობა ედება ბრალად. გამოძიების ცნობით, იგი მეუღლეს ფიზიკურად გაუსწორდა და მოკვლით დაემუქრა

თბილისი, 15 ივლისი — Sputnik. საქართველოს საპატრულო პოლიციის ყოფილი უფროსი დავით ცინარიძე სასამართლომ 30 000-ლარიანი გირაოს სანაცვლოდ გაათავისუფლა, იუწყება საზოგადოებრივი მაუწყებლის პირველი არხი.

პოლიციამ ცინარიძე მიმდინარე წლის 28 აპრილს, ოჯახური ძალადობის ბრალდებით დააკავა. პროკურატურის ინფორმაციით, არაფხიზელ მდგომარეობაში მყოფმა ცინარიძემ მეუღლეს სიტყვიერი და ფიზიკური შეურაცხყოფა მიაყენა, ამასთან, მას ცეცხლსასროლი იარაღით დაემუქრა, თან ერთხელ გაისროლა კიდეც. ინციდენტის შედეგად არავინ დაშავებულა.

ბრალდებულის ადვოკატის კახა ხვისტანის თქმით, ცინარიძის პატიმრობაში ყოფნის არავითარი საფუძველი არ არსებობდა. იგი დარწმუნებულია, რომ მისი დაცვის ქვეშ მყოფ პირს გამამართლებელ განაჩენს გამოუტანენ.

დავით ცინარიძეს საპატრულო პოლიციის სამმართველოს უფროსის თანამდებობა 2015 წელს ეკავა.

სისხლის სამართლის საქმე აღძრულია ოჯახური ძალადობისა და ოჯახის წევრის მიმართ მუქარის მუხლებით, რაც სამ წლამდე პატიმრობას ითვალისწინებს.

0
თემები:
კრიმინალი საქართველოში