ნათია თურნავა

კრედიტის აღება და გასტუმრება მარტივდება როგორ დაეხმარება მთავრობა ბიზნესს

830
(განახლებულია 13:31 16.06.2020)
საკრედიტო–საგარანტიო მექანიზმი თავისი შინაარსით – ესაა საგარანტიო ფონდი, რომელიც მცირე და საშუალო ბიზნესის მიერ აღებული კრედიტების კომერციული ბანკებისთვის დაბრუნების გარანტად გამოდის.

თბილისი, 16 ივნისი – Sputnik. საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“, კომერციულ ბანკებსა და მიკროსაფინანსო ორგანიზაციებს შორის დაიწყო ხელმოწერა შეთანხმებაზე საკრედიტო–საგარანტიო სქემაში მონაწილეობის შესახებ, განუცხადა ჟურნალისტებს ეკონომიკის მინისტრმა ნათია თურნავამ.

დაიწყე ახალი პროექტი და მიიღე მთავრობის საბანკო-საკრედიტო გარანტია: მთავრობის ინიციატივა>>

ანტიკრიზისული გეგმის ფარგლებში მთავრობა ბიზნესს საკრედიტო–საგარანტიო სქემის ფარგლებში არსებული კრედიტების რესტრუქტურიზაციაში დაეხმარება. სახელმწიფო პროგრამა „აწარმოე საქართველოში“ ამგვარად უფრო მორგებული გახდება ახალ მოთხოვნებთან, ხელისუფლება გაზრდის კრედიტების მოცულობას, ხოლო პროცენტი საბაზრო ვითარების გათვალისწინებით იქნება კორექტირებული.

კრედიტების გარანტირების სქემის მოცულობა 330 მლნ ლარს შეადგენს, რომლის მეშვეობით შესაძლებელი გახდება 2,1 მლრდ ლარის ოდენობის საკრედიტო პორტფელების უზრუნველყოფა. პროგრამის ფარგლებში კომერციული ბანკის მიერ გაცემულ თითოეულ კრედიტზე გარანტიის მოცულობა ნაცვლად სესხის არაუმეტეს 70%-ისა, იქნება 90%.

საკრედიტო–საგარანტიო უზრუნველყოფის სქემის მიხედვით, მეწარმე შეძლებს არანაკლებ 50 ათასი ლარის და არაუმეტეს 5 მლნ ლარის კრედიტის აღებას.

როგორც მინისტრმა აღნიშნა, საკრედიტო–საგარანტიო სქემის ფარგლებში ამუშავდება ახალი წინადადება. თუ აქამდე ეს პროგრამა ორიენტირებული იყო მხოლოდ განვითარებასა და ახალ პროექტებზე, ახლა ის დაეხმარება ასევე არსებულ ბიზნესს არსებული კრედიტების რესტრუქტურიზაციის ნაწილში.

„ახალი პროგრამით გაიზარდა იმ დარგების ჩამონათვალი, რომლებსაც აღნიშნული სქემა შეეხება. ესენია: წარმოება და გადამუშავება; სასტუმრო ინდუსტრია მშენებლობის ნაწილში; სარესტორნო ინდუსტრია; საქმიანობა საგანმანათლებლო და ჯანდაცვის სფეროში; მომსახურების ფართო სპექტრი; კვლევები და დამუშავება და ვაჭრობა“, – განაცხადა ეკონომიკის მინისტრმა.

ანუ, როგორც ნათია თურნავამ განმარტა, თუ ადრე გაცემული კრედიტის რესტრუქტურიზაცია მოხდება და ბანკი გადაავადებს ბიზნესისთვის კრედიტის გადახდას, ბიზნესსაც და ბანკსაც 30%-იან თანადაფინანსებას შესთავაზებენ. აქედან გამომდინარე, საკრედიტო–საგარანტიო სქემის დატვირთვა ძალიან მაღალი იქნება, ხოლო რისკები შემცირდება.

საკრედიტო–საგარანტიო მექანიზმი თავისი არსით არის საგარანტიო ფონდი, რომელიც მცირე და საშუალო ბიზნესის მიერ აღებული კრედიტების კომერციული ბანკებისთვის დაბრუნების გარანტად გამოდის. მარტივად რომ ვთქვათ, როდესაც ბიზნესი იღებს კრედიტს, მთავრობა მას თავდებში უდგება, ანუ მისი გარანტი ხდება, და თუ კონკრეტული ბიზნესი არ გაამართლებს და ბანკიდან აღებული სესხი ისე დაიხარჯება, რომ მოგებას არ მოიტანს, მთავრობის მიერ შემნილი ფონდი აღებული თანხის ნაწილს საბიუჯეტო ფულით დაფარავს.

სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.

გახარია: ეკონომიკის სამინისტროს ქართული წარმოების განახლებაზე აქცენტის გაკეთება ევალება>>

პროგრამა ბიზნესმენთა შორის დიდი პოპულარობით სარგებლობს. პროგრამის ფარგლებში ამ წლების განმავლობაში დაეხმარნენ 500-მდე მეწარმეს, 350-მდე მცირე სასტუმროს, 6,2 ათასზე მეტმა ოჯახმა მთელ ქვეყანაში მიიღო მიკროგრანტი და შეძლო ოჯახური ტიპის მცირე ბიზნესის დაწყება.

830
თემები:
საქართველოს ეკონომიკა (639)
ვალუტის გაცვლის პუნქტი

ლარის კურსი 10 ივლისს

20
(განახლებულია 17:42 09.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0006 ლარით გაუფასურდა. 

თბილისი, 10 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0600 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0006 ლარით გაუფასურდა.

ლარის კურსი 10 ივლისს
ლარის კურსი 10 ივლისს
20
თემები:
ლარის კურსი დღეს
თბილისი

კომპენსაციის მიღების მსურველებო, დარეგისტრირდით: მთავრობამ ვადა გაახანგრძლივა

74
(განახლებულია 20:13 09.07.2020)
ამ დროისათვის სახელმწიფოსგან 300 ლარის დახმარება 100 ათასზე მეტმა თვითდასაქმებულმა და 200 ლარის თითქმის 130 ათასმა სამსახურდაკარგულმა მიიღო.

თბილისი, 9 ივლისი — Sputnik. საქართველოს მთავრობამ პანდემიის გამო შემოსავლის გარეშე დარჩენილი მოქალაქეებისა და თვითდასაქმებული პირებისთვის დახმარების მისაღებად რეგისტრაციის ვადა 1 აგვისტომდე გაახანგრძლივა, განაცხადა საქართველოს პრემიერ-მინისტრმა გიორგი გახარიამ მთავრობის სხდომის წინ.

სახელმწიფოს მხრიდან კომპენსაციის მისაღებად იმ პირთა რეგისტრაცია, რომლებმაც COVID-19-ის პანდემიის გამო შემოსავალი დაკარგეს, 15 მაისს დაიწყო და 1 ივლისს დასრულდა.

გახარიას თქმით, აუცილებლობის შემთხვევაში ვადა მომავალშიც გახანგრძლივდება.

„მოგეხსენებათ, რომ რეგისტრაციების ვადა ამოწურულია, მაგრამ მთავრობამ მიიღო გადაწყვეტილება მისი 1 აგვისტომდე გაგრძელების შესახებ. ვინც დააგვიანა, ან ვერ შეძლო ელემენტარულად საჭირო საბუთების შეგროვება, ამ ადამიანებისთვის ეს ვადა გაგრძელდა, და თუ საჭირო იქნება, რეგისტრაციის ვადა შემდგომაც გაგრძელდება. დღეს ჩვენი პირველი და ყველაზე მნიშვნელოვანი ამოცანა, ეპიდემიასთან ბრძოლასთან ერთად, იმ ჩვენი მოქალაქეების დახმარებაა, რომლებსაც კრიზისის გამო შემოსავალი შეუმცირდათ და საერთოდ დაკარგეს შემოსავალი", – განაცხადა გახარიამ.

პრემიერის თქმით, სახელმწიფოსგან 300 ლარის დახმარება 121719-მა თვითდასაქმებულმა, ხოლო 200-ლარიანი დახმარება 129 ათასზე მეტმა პირმა მიიღო, ვინც შემოსავალი დაკარგა.

რეგისტრაციის გავლა ასევე შეუძლიათ იმ პირებს, რომლებიც უცხოეთში სეზონურ სამუშაოზე იყვნენ დასაქმებული.

74
თემები:
COVID-19 საქართველოში