ბლოკპოსტი

სატვირთო ავტომობილების მძღოლებს ქვეყანაში შემოსვლისას კორონავირუსზე ტესტირება ჩაუტარდება

112
(განახლებულია 21:12 12.06.2020)
თუ მიზნობრივი ტესტირების შედეგად მძღოლს კორონავირუსი დაუდასტურდება, მას ცხელების ცენტრში გადაიყვანენ და PCR ტექნოლოგიით ტესტირების მიზნით შესაბამის ბიოლოგიურ მასალას აუღებენ.

თბილისი, 12 ივნისი – Sputnik. საერთაშორისო სატვირთო გადაზიდვების განმახორციელებელი ავტოსატრანსპორტო საშუალებების მძღოლების (გარდა სატრანზიტო მძღოლებისა) მიმართ ეპიდემიოლოგიური კონტროლისა და კარანტინის ახალი წესები დამტკიცდა, ნათქვამია შემოსავლების სამსახურის მიერ გავრცელებულ განცხადებაში.

უწყების ცნობით, შესაბამისი რეგულაციები საქართველოს ეკონომიკისა და მდგრადი განვითარების მინისტრის, ჯანდაცვის მინისტრისა და ფინანსთა მინისტრის ერთობლივი ბრძანების საფუძველზე დამტკიცდა.

საქართველოს საზღვრებზე მძღოლებს კორონავირუსზე სპეციალურ ვაგონოთახებში გამოიკვლევენ>>

ახალი რეგულაციების მიხედვით, საქართველოს ტერიტორიაზე შემოსვლისას საბაჟო-გამშვებ პუნქტებზე მძღოლებს (როგორც საქართველოს მოქალაქეობის მქონე, ასევე უცხო ქვეყნის მოქალაქე მძღოლებს) ჩაუტარდებათ მიზნობრივი ტესტირება ანტიგენზე და ანტისხეულზე. პროცედურა ხორციელდება შემოსავლების სამსახურის საბაჟო-გამშვებ პუნქტებზე, საზღვაო ნავსადგურსა და საბაჟო კონტროლის ზონებში განთავსებულ სპეციალურ სამედიცინო პუნქტებში.

მიზნობრივი ტესტირების შედეგად ახალი კორონავირუსის დადასტურების შემთხვევაში მძღოლს შესაბამის ცხელების ცენტრში გადაიყვანენ, სადაც განხორციელდება შესაბამისი ბიოლოგიური მასალის აღება მისი სპეციფიკური ლაბორატორიული პოლიმერიზული ჯაჭვური რეაქციის (PCR) ტექნოლოგიით ახალ კორონავირუსზე ტესტირების მიზნით.

იმ შემთხვევაში, თუ საბაჟო კონტროლის ზონაში ტესტირების შედეგად არ გამოვლინდა ახალი კორონავირუსით ინფიცირების შემთხვევა და საქართველოს მოქალაქეობის მქონე მძღოლი არ დატოვებს საქართველოს ტერიტორიას შესაბამისი ტესტირებიდან 72 საათის განმავლობაში, აღნიშნული მძღოლი ექვემდებარება სავალდებულო საკარანტინო სივრცეში განთავსებას.

უწყების ცნობით, მძღოლს შეუძლია საკარანტინო სივრცის დატოვება მხოლოდ ახალი, განმეორებითი ტესტირების შემდეგ. აღნიშნული ტესტირება უზრუნველყოფილი უნდა იქნეს მძღოლის, მისი დამსაქმებლის, შესაბამისი იმპორტიორის/ექსპორტიორის ან სხვა დაინტერესებული პირის სახსრებით.

გახარია: სატრანზიტო გადაზიდვების მძღოლები ყველაზე მაღალი რისკის შემცველი არიან>>

თუ საერთაშორისო სატვირთო გადაზიდვების განმახორციელებელი ავტოსატრანსპორტო საშუალებების მძღოლი დაარღვევს ეპიდემიოლოგიური კონტროლისა და კარანტინის  წესებს, ის დაჯარიმდება საქართველოს კანონმდებლობით დადგენილი წესის შესაბამისად.

ბოლო მონაცემებით, საქართველოში ახალი კორონავირუსი 843 ადამიანს დაუდასტურდა, გამოჯანმრთელდა 697, გარდაიცვალა 13 პაციენტი.

112
თემები:
COVID-19 საქართველოში (1204)
ვალუტის კურსი

რა უჯდება ეროვნულ ბანკს ეროვნული ვალუტის სტაბილურობა

162
(განახლებულია 20:13 13.07.2020)
კორონავირუსის პანდემიამ ეკონომიკის იმ სფეროებს, საიდანაც ქვეყანაში უცხოური ვალუტის შემოდინება ხდება, სერიოზული დარტყმა მიაყენა.

ტურიზმის გაჩერებამ, უცხოეთიდან ფულადი გზავნილებისა და პირდაპირი უცხოური ინვესტიცების კლებამ ისედაც გაუფასურებული ლარი კიდევ უფრო მეტად გაუფასურების საფრთხის წინაშე დააყენა.

ლარის კურსმა ვარდნა 9 მარტიდან დაიწყო, როდესაც კორონავირუსის პანდემიასთან დაკავშირებულ გაურკვევლობას მსოფლიო ბაზრებზე ნავთობის ფასების მკვეთრი ვარდნა დაემატა. 25 მარტისთვის ლარი უკვე 24%-ით იყო გაუფასურებული და 3,45 ნიშნულამდე იყო მისული.

სავალუტო ბაზრის სტაბილიზების მიზნით ეროვნულმა ბანკმა მარტიდან მოყოლებული სამ თვეში რვა აუქციონი გამართა, რომლებზეც ჯამში 230 მილიონი დოლარი გაყიდა.

მიმდინარე წლის 30 ივნისის მდგომარეობით, ეროვნული ბანკის სავალუტო რეზერვი უკვე 3 616 მილიონი აშშ დოლარია.

ეკონომისტი ნიკა შენგელია მიიჩნევს, რომ წლის ბოლომდე ეროვნულ ბანკს ლარის სტაბილურობის შესანარჩუნებლად საკუთარი რეზერვების დახარჯვა კიდევ ბევრჯერ მოუწევს.

„ეროვნულს ბანკს აქვს საკმარისი სავალუტო რეზერვი, რათა ლარის კურსის სტაბილურობა 3-იან ნიშნულთან ახლოს შეინარჩუნოს, ვფიქრობთ, რომ წლის ბოლომდე ეროვნული ვალუტის კურსის მითითებულ ნიშნულთან სიახლოვეს შენარჩუნება ეროვნულ ბანკს დამატებით 250-300 მილიონი დოლარი დაუჯდება“, – აღნიშნა ნიკა შენგელიამ „Sputnik–საქართველოსთან“ საუბრისას.

საქართველოში მცურავი გაცვლითი კურსის რეჟიმი მოქმედებს, რაც იმას ნიშნავს, რომ ის მთლიანად განისაზღვრება სავალუტო ბაზრის მიერ, რომელიც შედგება კომერციული ბანკებისგან, საინვესტიციო ფონდებისგან და იმ კორპორაციებისა თუ ინდივიდებისგან, რომელთა ინტერესში უცხოური ვალუტის ყიდვა–გაყიდვა შედის.

თუმცა ქვეყანაში, სადაც იმპორტს დიდი წილი უჭირავს, არასტაბილური და გაუფასუფრებული ეროვნული ვალუტა საფრთხეს ფასების სტაბილურობასაც უქმნის, რაც, თავის მხრივ, უკვე ეროვნული ბანკის რეგულირების სფეროა.

სავალუტო აუქციონების გარდა ეროვნული ბანკი რყევების შესამცირებლად ყოველდღიურ ინტერვენციებს იყენებს. კერძოდ, როდესაც დღის განმავლობაში გაცვლითი კურსის რყევები აჭარბებს წინასწარ განსაზღვრულ ნიშნულს, ეროვნული ბანკი უცხოური ვალუტით ვაჭრობაში გარკვეული თანხით ერთვება.

13 ივლისის მდგომარეობით, საქართველოს ეროვნული ვალუტა აშშ დოლარის მიმართ 3,0624 GEL/$1 ნიშნულზეა.

ნიკა შენგელიას აზრით, მიუხედავად იმისა, რომ ეროვნული ბანკი ბაზარზე სავალუტო ინტერვენციებს ისევ გააგრძელებს, ლარის კურსის მერყეობა თვალშისაცემი სექტემბრის მეორე ნახევრიდან გახდება და ამის მიზეზი იმპორტის ზრდა იქნება.

„რაც შეეხება ინფლაციას, რომელიც თარგეთირებულთან შედარებით 3,1%-ით მეტია, ვფიქრობთ, ივლისი-აგვისტოს თვეში ამ მაჩვენებლის მნიშვნელოვანი ცვლილება მოსალოდნელი არ არის“, – აღნიშნა ნიკა შენგელიამ.

„საქსტატის“ ცნობით, წლიური ინფლაცია (2020 წლის ივნისი 2019 წლის ივნისთან შედარებით) კვლავ მაღალ დონეზე რჩება – 6,1%.

ეკონომისტი ვეფხია გიორგაძე კი თვლის, რომ ეროვნული ბანკი რეზერვების გაყიდვით ლარის კურსის სტაბილურობას დიდხანს ვერ უზრუნველყოფს. 

„ეროვნული ბანკი თუ არ შეამცირებს რეალურად ფულის მასას ეკონომიკაში და მის რაოდენობას ეკონომიკის ადეკვატურს არ გახდის, მაშინ მას მოუწევს ქარის წისქვილებთან ბრძოლა, ლარის კურსიც მეტად გაუფასურდება, ვერც ინფლაციას გაართმევს თავს და ეს რეზერვიც შემოელევა გზადაგზა“, – აღნიშნა ვეფხია გიორგაძემ „Sputnik–საქართველოსთან“ საუბრისას.

როგორც ვეფხია გიორგაძემ განმარტა, ეროვნულ ბანკს ეკონომიკაში ფულის მასის შემცირება რეზერვების გამოყენების გარეშეც შეუძლია რეფინანსირების სესხების შემცირების ხარჯზე.

„რეფინანსირების სესხი ის ინსტრუმენტია, რომლითაც ეროვნული ბანკი ახდენს კომერციული ბანკებისთვის მოკლევადიანი ლიკვიდობის მიწოდებას, აქ დავამატებდი, რომ ეროვნული ბანკი ვერ აკონტროლებს რეალურად – აქვს თუ არა მოკლევადიანი ლიკვიდობის პრობლემა კომერციულ ბანკს, ის ენდობა კომერციული ბანკებისგან შემოსულ მოთხოვნას, რის შემდეგაც ფული უკვე ეკონომიკაში ხვდება“, – აღნიშნა ვეფხია გიორგაძემ.

ვეფხია გიორგაძის თქმით, დღეს საქართველოს სავალუტო რეზერვების მოცულობა ისედაც ნაკლებია საერთაშორისო ორგანიზაციების მიერ განსაზღვრულ მინიმალურ მაჩვენებელზე. რეზერვები კი ქვეყნის მხრიდან საგარეო ვალდებულებების შესრულების – უცხოური ვალუტით გადახდების შეუფერხებლად განხორციელების ერთგვარი გარანტია და ერთ-ერთი მთავარი ფაქტორია, რომელსაც საერთაშორისო დონორი ორგანიზაციები ქვეყნისთვის სესხების გაცემისას ითვალისწინებენ.

ნატა პატარაია

 

162
ვალუტის გაცვლის პუნქტი

ლარის კურსი 13 ივლისს

85
(განახლებულია 08:12 13.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0024 ლარით გაუფასურდა. 

თბილისი, 13 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0624 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0024 ლარით გაუფასურდა.

ლარის კურსი 13 ივლისს
ლარის კურსი 13 ივლისს
85
თემები:
ლარის კურსი დღეს
თბილისი

14 ივლისს დაბადებულები ზოდიაქო, დახასიათება, რჩევები

0
(განახლებულია 10:22 12.07.2020)
გაეცანით 14 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

12–22 ივლისი

12–22 ივლისის პერიოდი კირჩხიბის ნიშნის მესამე დეკადას განეკუთვნება.

ამ დეკადას მთვარე მართავს. ამ პერიოდში დაბადებულები გამოირჩევიან შესანიშნავი ინტუიციით, უყვართ მოგზაურობა. არიან მხიარული, საკმაოდ კეთილი ადამიანები, შეუძლიათ კონფლიქტების მოგვარება. მთვარის გავლენის წყალობით ოკულტიზმის უნარები გააჩნიათ.

მნიშვნელოვანი წლებია: 16, 26, 36, 48, 50, 60, 72. 

ამ პერიოდში დაბადებულთა სიმბოლოა ია.

ამ დეკადაში დაბადებული ადამიანები, კარგი იქნება, თუ მეტად მეგობრული და კეთილგანწყობილი, უფრო გულგახსნილი და მიმნდობი იქნებიან გარშემომყოფების მიმართ. ამ ადამიანებმა უნდა გააცნობიერონ, რომ გარშემომყოფებს მათ მიმართ გულითადი განწყობა აქვთ. თუ ამ ნაკლოვანებებს გაითვალისწინებენ, მერყეობა და შიშის გრძნობა დატოვებს და სილაღისა და თავისუფლების შეგრძნებით იცხოვრებენ.

14 ივლისს დაბადებულები

14 ივლისს დიდი სასიცოცხლო ენერგიის მქონე, პატივმოყვარე ადამიანები იბადებიან. ისინი ყოველთვის აღწევენ დასახულ მიზნებს, თუნდაც ამისთვის ზნეობრივი კანონების გადაბიჯება მოუხდეთ. ინტერესდებიან მისტიკური და ექსტრასენსორული საკითხებით. ფინანსურ სფეროში წარმატებები აქვთ, მაგრამ ეკონომია არ იციან, რაც მატერიალურ პრობლემებს იწვევს.

ამ დღეს დაბადებულებს სხვათა დარწმუნების შესაშური უნარი აქვთ. თუ მათი მტკიცე იმიჯი არასაკმარისი აღმოჩნდა, მაშინ ოპონენტის დასარწმუნებლად თავიანთ შესანიშნავს შარმს იყენებენ. ვინც ახერხებს შთაბეჭდილების მოხდენას პროფესიული უნარებითა და ობიექტური გადაწყვეტილებებით, ის გარშემომყოფთა ნდობას ადვილად აღწევს. საოცარია, მაგრამ ამ ადამიანების მიმართ მიზიდულობა ქვეცნობიერ დონეზე ვითარდება.

14 ივლისს დაბადებულებს კარგი პროფესიული უნარები აქვთ. რაზეც ისინი საუბრობენ, ძალზე საინტერესო და მართალი ისტორიებია, ამიტომ მათი სიცრუეში დადანაშაულება შეუძლებელია. მაგრამ, სამწუხაროდ, ხანდახან მათში ეჭვიც შეაქვთ, რადგან მათი მონათხრობი ძალზე ილუზორულ შთაბეჭდილებას ტოვებს.

როგორი დასვენება უყვართ ზოდიაქოს ნიშნებს>>

ამ დღეს დაბადებულები არიან ძალზე თავდაჯერებული, აქვთ იუმორის შესანიშნავი გრძნობა. ხანდახან, შესაძლოა, დეპრესიული მდგომარეობაც განუვითარდეთ, თან - უმიზეზოდ. თუმცა, თუ მათ კარგად დავაკვირდებით, აუცილებლად შევნიშნავთ გარკვეულ ნაღველს, რაც ამ ადამიანებს კიდევ უფრო მომხიბლავს ხდის. 14 ივლისს დაბადებულებს ყოველთვის აქვთ შესაძლებლობა, დიდი აუდიტორია დაიპყრონ. ურთიერთობებში ძალზე ნიჭიერი და უნიკალური არიან.

ჯანმრთელობა

14 ივლისს დაბადებულები სხვადასხვა დაავადებას უცნაურად უყურებენ. ერთი მხრივ, სტაბილურ გავლენას ახდენენ გარშემომყოფებზე და საკუთარ თავზე და მეორე მხრივ, მაზოხისტური დატვირთვით გამოირჩევიან. ამგვარი „მტანჯველი“ ადამიანის იარლიყით ცდილობენ ყურადღების მიქცევას. ზოგიერთისთვის დეპრესია, უბრალოდ, აუცილებელი პროცესია თვითგანვითარებისთვის. ამ ადამიანებს არ უყვართ ფიზიკური აქტიურობა, ხოლო დიეტის და თან - საკმაოდ უჩვეულო - დაცვა შეუძლიათ.

რჩევა:

გამოარკვიეთ, სად იმალება თქვენი მთავარი ძალა და ის მეტად კონსტრუქციულად გამოიყენეთ. შესაძლოა, დროთა განმავლობაში გაიგოთ თქვენი „ბნელი“ მხარეები, მაგრამ სჯობს, „ნათელ“ მხარეებს გაუფრთხილდეთ.

0