საქართველოს მთავრობის სხდომა

საქართველოს ანტიკრიზისული ბიუჯეტი: ხელისუფლება პრიორიტეტებს გადახედავს

64
(განახლებულია 13:44 10.06.2020)
საშემოსავლო ნაწილში ბიუჯეტი 1,8 მილიარდი ლარით არის შემცირებული, ხოლო საბიუჯეტო ხარჯები – დაახლოებით 600 მილიონი ლარით.

თბილისი 10 ივნისი – Sputnik. საქართველოს მთავრობამ კორონავირუსის პანდემიისა და მსოფლიო ეკონომიკური კრიზისის გამო, მთავრობის ანტიკრიზისული გეგმის შესაბამისად, 2020 წლის ბიუჯეტში შესწორებები შეიმუშავა.

კორონავირუსის პანდემია ქვეყნის ეკონომიკაზე უკვე სერიოზულად აისახა და პრაქტიკულად ყველა მაკროეკონომიკური მაჩვენებელი გადაიხედა გაუარესების მიმართულებით.

ძირითადი მაკროეკონომიკური მაჩვენებლების პროგნოზი 2020 წელს

მაჩვენებელი პროგნოზი იანვარში პროგნოზი ივნისში
ეკონომიკური ზრდა, %  5,0  –4,0
დეფლატორი, % 3,0 4,8
მშპ, მლრდ ლარი 58,5 50,3
შემოსულობები კონსოლიდირებულ ბიუჯეტში მლრდ ლარი  12,1  10,5
ბიუჯეტის დეფიციტი, % მშპ-ის მიმართ 2,7 8,5
პროგნოზი ითვალისწინებს როგორც მშპ-ის ზრდის მიმდინარე მაჩვენებელს, ისე საერთაშორისო საფინანსო ინსტიტუტების მონაცემებს მსოფლიო ეკონომიკის, მათ შორის საქართველოს, ზრდის კუთხით.
პროექტის თანახმად, კორონავირუსის პანდემიის შედეგებიდან გამომდინარე, 2020 წელს ქართული ეკონომიკის 4%-ით შემცირებაა მოსალოდნელი. ნომინალური ჯამური შიდა პროდუქტი პროგნოზირებულია 50,3 მლრდ ლარის დონეზე (შედარებისათვის: გასულ წელს ეს მაჩვენებელი 53,2 მლრდ ლარი იყო).

პრემიერი: ყველაფერს ვაკეთებთ, რომ ეკონომიკა აღდგეს>>

ბიუჯეტის მთლიანი დეფიციტის პროგნოზი 8,5%-ის დონეზე დადგინდა.

შემცირებული ბიუჯეტი და ანტიკრიზისული გეგმა

საშემოსავლო ნაწილში ბიუჯეტი შემცირებულია 1,8 მლრდ ლარით, ხოლო საბიუჯეტო ხარჯები – დაახლოებით 600 მლნ ლარით.

ამასთან, პროექტის მიხედვით, პანდემიასთან ბრძოლისთვის აუცილებელი რესურსი შეადგენს 3,4 მლრდ ლარს. ეს თანხა წლის განმავლობაში მოხმარდება მთავრობის ანტიკრიზისული გეგმით გათვალისწინებულ დახმარებებს.

ანტიკრიზისული გეგმის განხორციელებაზე სახრები განაწილებულია შემდეგნაირად:

– 450 მლნ ლარი – ექვსი თვის განმავლობაში 200 ლარის ოდენობით დახმარება იმ ადამიანებისთვის, ვინც ოფიციალური სამუშაო დაკარგა;

– 250 მლნ ლარი – სამუშაო ადგილების შესანარჩუნებლად, საშემოსავლო გადასახადების შემცირებაზე;

– 75 მლნ ლარი – თვითდასაქმებულების ერთჯერად დახმარებაზე 300 ლარის ოდენობით;

– 170 მლნ ლარი – მოსახლეობის კომუნალური გადასახადების სუბსიდირებაზე;

– 48 მლნ ლარი – დახმარება 6 თვის განმავლობაში სოციალურად დაუცველი ოჯახებისთვის, რომლებმაც 65 ათასიდან 100 ათასამდე სარეიტინგო ქულა დააგროვეს;

– 13 მლნ ლარი – მრავალშვილიანი ოჯახების დახმარება 6 თვის განმავლობაში, რომლებმაც 100 ათასზე ნაკლები სარეიტინგო ქულა დააგროვეს;

– 24 მლნ ლარი – 100 ლარის ოდენობის დახმარება ექვსი თვის განმავლობაში აშკარად გამოხატული შეზღუდული შესაძლებლობების მქონე პირებისა და შეზღუდული შესაძლებლობების მქონე ბავშვებისთვის.

– 133,5 მლნ ლარი – რომელიც მობილიზებულია StopCoV-ის ფონდის ანგარშზე;

– 45 მლნ ლარი – საკარანტინო ზონების მომსახურების გადახდაზე და ფრენების სუბსიდირებაზე;

– 285 მლნ ლარი – ვირუსის გავრცელების აღკვეთასა და ჯანდაცვის ხარჯებზე;

– 60 მლნ ლარი – ჯანდაცვის ინფრასტრუქტურის მზადყოფნის გაუმჯობესებაზე;

– 330 მლნ ლარი – საკრედიტო–საგარანტიო სქემის დაფინანსებაზე;

– 70 მლნ ლარი – სასტუმროებისთვის ხარჯების სუბსდირებაზე პროცენტებში;

– 45 მლნ ლარი – სასტომროების ქონების გადასახადისგან გათავისუფლებაზე;

– 20 მლნ ლარი – მცირე გრანტების გაცემაზე;

– 40 მლნ ლარი – მშენებლობის სექტორის მხარდაჭერასა და იძულებით გადაადგილებული პირებისთვის ბინების შეძენის გაზრდაზე;

– 139 მლნ ლარი – სოფლის მეურნეობის სექტორის მხარდაჭერაზე;

– 600 მლნ ლარი – დღგ-ის დამატებით დაბრუნებაზე;

– 600 მლნ ლარი – კომერციული ბანკების გრძელვადიანი ლიკვიდობის შექმნაზე.

64
თემები:
საქართველოს ეკონომიკა (688)
აღმოსავლეთ და დასავლეთ საქართელოს დამაკავშირებელი ცენტრალური ტრასა

როდის გაიხსნება ხაშურის შემოვლითი გზა

97
(განახლებულია 20:08 12.08.2020)
გზის მშენებლობა 31 ივლისს უნდა დასრულებულიყო, თუმცა კორონავირუსის პანდემიის გამო კონტრაქტორს დასრულების ვადად მიმდინარე წლის ოქტომბერი განესაზღვრა.

თბილისი, 12 აგვისტო — Sputnik. ხაშურის შემოვლითი გზის მშენებლობა დასრულების ეტაპზეა, ნათქვამია საქართველოს რეგიონული განვითარებისა და ინფრასტრუქტურის სამინისტროს მიერ გავრცელებულ განცხადებაში.

აგვისტოს მეორე ნახევარში ხაშურს ოთხზოლიანი ასფალტ-ბეტონის მაგისტრალური შემოვლითი გზა ექნება.

„ხაშურის შემოვლითი გზის მშენებლობა, ხელშეკრულების შესაბამისად, 31 ივლისს უნდა დასრულებულიყო, თუმცა კორონავირუსის პანდემიის გამო შექმნილი გარემოების გათვალისწინებით კონტრაქტორს დასრულების ვადად მიმდინარე წლის ოქტომბერი განესაზღვრა“, – ნათქვამია განცხადებაში.

აღმოსავლეთიდან დასავლეთისკენ მიმავალი ავტოტრანსპორტის კომფორტული და უსაფრთხო გადაადგილებისთვის ხაშურის შემოვლითი გზის მნიშვნელობის გათვალისწინებით, აგვისტოს ბოლოს ამ გზის 13 კმ-იანი მონაკვეთიდან 11.5 კმ-ზე გაიხსნება ოთხზოლიანი გზა, ხოლო დარჩენილი 1.5 კმ დროებით იქნება ორზოლიანი. დარჩენილ 1.5 კმ გზაზე დამატებითი ორ ზოლის მშენებლობა ოქტომბერში დასრულდება და ხაშურის შემოვლითი გზის 13-ვე კილომეტრი ოთხზოლიანი იქნება.

ხაშურის შემოვლითი გზა აგარა-ზემო ოსიაურის ბოლო მონაკვეთზე იწყება და სურამში მოწყობილ ახალ კვანძთან შეუერთდება არსებულ გზას. ამ მონაკვეთზე აშენდა 420-მეტრიანი ხიდი, რომელსაც საქართველოში ყველაზე მაღალი ბურჯები აქვს.

ხაშურის შემოვლითი გზა ზემო ოსიაური–ჩუმათელეთის გზის ნაწილია და ორივე მონაკვეთის დასრულების შემდეგ გზა რიკოთის საუღელტეხილო გვირაბამდე მივა. ამ გზით გვერდს ავუვლით ხაშურს, სურამს და ჩუმათელეთს. პროექტის ფარგლებში საერთო ჯამში აშენდება ოთხზოლიანი ასფალტ-ბეტონის გზა, 21 ხიდი, 5 გვირაბი, რკინა-ბეტონის მიწისქვეშა გასასვლელები, წყალგამტარი მილები და სადრენაჟე სისტემები. 

რაც შეეხება ზემო ოსიაური–ჩუმათელეთის გზის მეორე მონაკვეთის – 6.4 კმ-იანი გზის მშენებლობას, ამჟამად მიმდინარეობს სატენდერო წინადადებების შერჩევა-შეფასების პროცესი.

ზემო ოსიაური–ჩუმათელეთის მონაკვეთი ქვეყნის მთავარი სატრანზიტო ავტომაგისტრალის შემადგენელი ნაწილია და ამ მონაკვეთის ექსპლუატაციაში შესვლით გაიზრდება ჩქაროსნული გზის გამტარუნარიანობა, ავტოტრანსპორტის მოძრაობის უსაფრთხოების დონე და შემცირდება მგზავრობის დრო, აცხადებენ სამინისტროში.

97
თემები:
ტრანსპორტი საქართველოში
პრემიერი გიორგი გახარია

გიორგი გახარია: საქმიანი ვიზიტები ქვეყანაში უკიდურესად მნიშვნელოვანია

92
(განახლებულია 16:12 12.08.2020)
საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი ქვეყანაში ჩამოსვლას გეგმავენ.

თბილისი, 12 აგვისტო – Sputnik. ბიზნეს–ვიზიტორების მიმართულება უკიდურესად მნიშვნელოვანია იმისთვის, რათა ქვეყანაში ეკონომიკა არ „გაცივდეს“ და ეკონომიკური აქტივობები ნელ-ნელა გაძლიერდეს, განაცხადა საქართველოს პრემიერ-მინისტრმა გიორგი გახარიამ უწყებათშორის საკოორდინაციო საბჭოზე.

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა>>

პრემიერის განცხადებით, ამ პერიოდის განმავლობაში ბიზნეს–ვიზიტორების რაოდენობა 4000 ადამიანს ასცდა. ეს არ ნიშნავს, რომ ყველა ეს ადამიანი ამჟამად საქართველოში იმყოფება, მაგრამ მათი ვიზიტები ძალზე მნიშვნელოვანია ქვეყნის ეკონომიკისთვის. 

„იმისთვის, რომ ეკონომიკა არ გაცივდეს და ეკონომიკური აქტივობები ნელ-ნელა გავაძლიეროთ, ამისთვის ბიზნეს–ვიზიტორების მიმართულება არის უკიდურესად მნიშვნელოვანი“, – განაცხადა გიორგი გახარიამ.

მისი თქმით, ამ ადამიანების ჯანმრთელობაზე ზრუნვაც საქართველოს მთავრობის პირდაპირი ვალდებულებაა და შტაბმა, შესაბამისად, ამ მიმართულებას ყურადღება უნდა მიაქციოს.

ტესტირება, კარანტინი, მოგზაურობის ისტორია - რა უნდა ვიცოდეთ საქართველოს საზღვრის კვეთისას>>

„ჩვენ გვაქვს რისკის შემცველი კიდევ რამდენიმე მიმართულება. მოგეხსენებათ, რომ ნაცვალგების პრინციპიდან გამომდინარე, რამდენიმე ქვეყანას ჩვენ საზღვრები გავუხსენით. დღევანდელი მონაცემებით, ამ მიმართულებით ქვეყანაში უკვე შემოსულია 1520 განაცხადი და ამ მომენტისთვის ქვეყანაში 751 ტურისტი იმყოფება“, – აღნიშნა გახარიამ.

საქართველოში ერთთვიანი სატესტო რეჟიმის შემდეგ ბიზნეს–ვიზიტორების პლატფორმა სრულფასოვნად ამოქმედდა.

საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში კორონავირუსზე PCR–ტესტი უნდა გაიკეთონ ან სავალდებულო 14-დღიანი კარანტინი გაიარონ საკუთარი ხარჯებით. ეს პირობა არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

მალე საქართველოში ხანგრძლივი ვადით ჩამოსვლას შეძლებენ ის უცხოელი ვიზიტორებიც, რომლებსაც საქართველოდან დისტანციური მუშაობის სურვილი ექნებათ.

საქართველოში გრძელვადიანი პერიოდით ყოფნის მსურველებისთვის უკვე შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

92
თემები:
საქართველოს ეკონომიკა (688)
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0