ხედი თბილისზე

როგორ გაიაფდა ბინები და მანქანები და გაძვირდა სურსათი - ღირებულებათა გადაფასება თუ...

3213
(განახლებულია 16:42 06.06.2020)
კორონავირუსის პანდემიამ ნეგატიური გავლენა საქართველოს ეკონომიკის თითქმის ყველა სექტორზე  მოახდინა. Sputnik საქართველო დაინტერესდა როგორ შეიცვალა ფასები  ბინებზე, მანქანებზე, სურსათზე თუ ტრანსპორტზე. ან კიდევ როგორ აისახა პანდემია კომუნალური გადასახადების ტარიფებზე.

ბინები

საჯარო რეესტრის ეროვნული სააგენტოს  მონაცემებით, ჯერ კიდევ 2020 წლის თებერვლში უძრავი ქონების სარეგისტრაციო ტრანზაქციათა რაოდენობა წინა წლის ანალოგიურ პერიოდთან შედარებით 12.2%- ით იყო გაიზარდილი და ქვეყნის მასშტაბით 67 002 ერთეულს შეადგენდა.

უძრავი ქონების სააგენტო „თბილისი სერვისის“ დირექტორის გიორგი კუნელაურის შეფასებით, კორონავირუსის პანდემიამ მნიშვნელოვანი დარტყმა მიაყენა უძრავი ქონების ბაზარს.

„ფასებზე პანდემიამ მკვეთრად იმოქმედა. გასაქირავებელი ობიექტების საბაზრო ღირებულება დაახლოებით  20 -30 % დაეცა, ხოლო გასაყიდის - დაახლოებით 10 %. გარდა ამისა, ბაზარზე წლის დასაწყისთან შედარებით 50-60 % -ით შემცირდა მოთხოვნაც “- აღნიშნა გიორგი კუნელაურმა Sputnik საქართველოსთან საუბარში.

მისივე თქმით, ფასებმა ძირითადად ძველ აშენებულ ბინებზე  და ქალაქის ძველ უბნებში მდებარე საცხოვრებლებზე დაიკლო. რაც შეეხება ახალ აშენებულ კორპუსებს, მათი ღირებულება დიდად არ შეცვლილა.

სააგენტოს ხელმძღვანელის ინფორმაციით, დღეს უფრო მეტი მოთხოვნა მაინც გაყიდვებზეა ვიდრე ქირაზე.

საცხოვრებელ ფართებზე გამოცხადებული ფასები მნიშვნელოვნად არ შეცვლილა იმ  ვებ-გვერდებზე სადაც ფიზიკური პირები თავად აქვეყნებენ განცხადებებს ბინის გაყიდვის თაობაზე. თუმცა, როგორც გიორგი კუნელაურმა განმარტა, მართალია გამყიდველი ინტერნეტში ისევ ძველ ფასს უთითებს, რეალურ მყიდველს საბოლო ჯამში გამოცხადებულზე ბევრად ნაკლებ თანხაზე ურიგდება.

რაც შეეხება მთავრობის გადაწყვეტილებას ახალაშენებული ბინების იპოთეკურით შეძენის შემთხვევაში სესხების 4 %  სუფსიდირების თაობაზე, გიორგი კუნელააურის თქმით,  ბაზარზე მსგავსი პრეცენდენტი დღემდე არ ყოფილა, მაგრამ  ამან გაყიდვებზე დადებითად უნდა იმოქმედოს. მაგალითად, თუ დროის გარკვეულ მონაკვეთში გაიყიდებოდა 10 ობიექტი, სუბსიდრების შემთხვევაში გაიყიდება -12.

საქართველოს მთავრობა 5 წლის განმავლობაში ყველა იმ იპოთეკური სესხის 4 პროცენტს დაასუბსიდირებს, რომელი კონტრაქტიც 1 ივნისიდან  წლის ბოლომდე გაფორმდება. ამ შეღავათით იპოთეკარები მხოლოდ ახალაშენებული ან მშენებარე ბინების შეიძენის შემთხვევაში ისარგებლებენ.

„მთავრობის ეს გადაწყვეტუილება ბაზარზე დადებითად აისახება. შეიძლება 4 % არ იყოს გადამწყვეტი ფაქტორი ადამიანისთვის ბინის შესაძენად, მაგრამ ვისაც გადაწყვეტილი აქვს, იმისთვის შეღავათია. თანაც რაღაც რისკ ფაქტორს უმცირებს და უფრო ადვილად მიიღებინებს გადაწყვეტილებას“- აღნიშნა გიორგი კუნელაურმა.

„თბილის სერვისის“ დირექტორი თვლის, რომ სუფსიდირება  ახალაშენებულ ბინებზე ფასების ზრდას არ გამოიწვევს და მხოლოდ  მოსახლეობის მსყიდველუნარიანობას გაზრდის.

„სამშენებლო კომპანიას ობიექტის ღირებულებაში გათვალისწინებული აქვს დანახარჯი და შესაბამისად აქვს გამოყვანილი მისი საბაზრო ღირებულებაც, ფასს ვერ გაბერავს, სამშენებლო კომპანია იქიდან  გამომდინარე რომ ბაზარზე კონკურენციაა“- აღნიშნა გიორგი კუნელაურმა.

ავტომობილები

კორონავირუსის პანდემიამ გაყიდვების მოცულობა ავტომობილების ბაზარზეც შეამცირა. საგრძნობლად არის გაიაფებული ავტოტრანსპორტიც.

რუსთავის ავტომობილების ბაზრობა, რომელიც სამხრეთ კავკასიის რეგიონში ერთ-ერთი უმსხვილესია. სულ რამდენიმე  დღეა რაც ისევ ამუშავდა. კორონავირუსის გავრცელების პრევენციის მიზნით ქვეყანაში შემოღებული საგანგებო მდგომარეობის მოქმედების პერიოდში ბაზრობები დაკეტილი იყო.

რუსთავის ავტობაზრობა „აუტოპაპა“-ს მარკეტინგის მენეჯერის  სტელა კამანდაროვას თქმით, რამდენიმე დღის მონაცემებზე დაყრდნობით ძნელია იმის განსაზღვრა, რა ხდება ბაზარზე მოთხოვნა მიწოდების თვალსაზრისით, თუმცა ავტომობილების ფასები დღეს გაცილებით იაფია, ვიდრე ეს საგანგებო მდგომარეობის შემოღებამდე იყო.

რუსთავის ავტობაზრობაზე დღეს 3 000 ზე მეტი ავტომობილი ელოდება მყიდველს.

„ბაზრობაზე მანქანის პარკირების ტარიფი შაბათ-კვირაობით ადრე 25 ლარი იყო, ხოლო ორშაბათიდან პარასკევის ჩათვლით კი 2 ლარი. ქვეყანაში საგანგებო მდგონარეობის გამოცხადების შემდეგ კი დღეში 1 ლარი გავხადეთ, ეს ლოიალური ტარიფი 1 ივნისამდე გვქონდა. ახლა პარკირების მომსახურება ჩვენთან 3 ლარია,  ტარიფს ეტაპოვრივად გავზრდით და მხოლოდ სექტემბერში დავუბრუნდებით ძველ ფასს“ - აღნიშნა სტელა კამანდაროვამ.

კომუნალური გადასახადები

კორონავირუსის პანდემიას დენის გაზის, წყლის და დასუფთავების გადასახადებზე გავლენა არ მოუხდენია. წლის დასაწყისიდან არ შეცვლილა კომუნალური გადასახადების ტარიფები არც ფიზიკური და არც იურიდიული პირებისთვის.  

სურსათი, ტრანსპორტი

პანდემიის ფონზე საქართველოში ინფლაცია 6%-ზე ზევით რჩება. სტატისტიკის ეროვნული სამსახურის მონაცემებით, მაისში ინფლაციის დონემ წინა წელთან შედარებით 6,5% შეადგინა, მაშინ როცა მიზნობრივი მაჩვენებლი 3 %-ია.

ნიკა შენგელიას აზრით, კორონავირუსის პანდემიიდან გამოდინარე ეკონომიკის ჩაკეტვამ, თითქმის ყველა სახელმწიფო საკუთარი ეკონომიკის ავტონომიაში მოაქცია და ამ მხრივ გამონაკლისი არც საქართველო აღმოჩნდა. სურსათსა და სხვა საქონელის იმპორტზე დამოკიდებულ ქვეყანაში ეკონომიკის ტემპების შემცირებამ, რაც კორონავირუსის პრევენციის მიზნით შემოღებული შეზღუდვებითაც იყო განპირობებული, საკვებზე ფასების ზრდა გამოიწვია.

„ფასები ძირითადად გაზრდილია სურსათსა და პირველადი მოხმარების თითქმის ყველა საქონელზე. ფასების ზრდას ხელი ლარის გაუფასურებამაც შეუწყო, თუმცა, მიუხედავად იმისა,რომ ბოლო 10 დღის განმავლობაში ლარის კურსი დოლარის მიმართ  შედარებით გამყარებულია, იმპორტირებულ  პროდუქტებზე  ფასების კლებას არ უნდა ველოდოთ,“- აღნიშნა ნიკა შენგელიამ

ეკონომისტის აზრით, კურსის გამყარებით გამოწვეულ მოგების მარჟას სავარაუდოდ თავად იმპორტიორი კომპანიები დაიტოვებენ.

მართალია წინა თვეებში ქვეყანაში მოქმედი შეზღუდვების ფონზე „საქსტატის“ მონაცემებით, ტრანსპორტის ჯგუფში ფასების კლება ფიქსირდება, ნიკა შენგელიას აზრით. მგზავრობის ღირებულების, ზრდას უნდა ველოდოთ  როგორც კი საქალაქთაშორისო ტრანსპორტის გადაადგილებაზე დაწესებული შეზღუდვა მოიხსნება და დიდი ალბათობით მგზავრობის ღირებულება მინიმუმ  2,5 -3 ჯერ იქნება გაზრდილი.

„საერთო ჯამში, წლიური ინფლაციის მაჩვენებელი, რომელსაც „საქსტატი“ 2020 წლის ბოლოს დააფიქსირებს, მნიშვნელოვნად იქნება გადახრილი თარგეთირებული 3% ისაგან“- აღნიშნა ნიკა შენგელიამ. 

ნატა პატარაია

 

3213
ნათია თურნავა

სააგენტო „აწარმოე საქართველოში“ სესხების პროცენტის სუბსიდირების პროგრამას აფართოებს 

7
(განახლებულია 14:29 03.12.2020)
ეკონომიკის მინისტრმა განმარტა, თუ რომელ ბიზნესს დაუსუბსიდირებს სახელმწიფო სესხებისა და ლიზინგის პროცენტს „აწარმოე საქართველოში“ პროგრამის ფარგლებში

თბილისი, 12 ნოემბერი – Sputnik. სააგენტო „აწარმოე საქართველოში“ საბანკო სესხებისა და ლიზინგის პროცენტის სუბსიდირებას სხვადასხვა სფეროში და მათ შორის, კინოთეატრებისთვისაც მოახდენს, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

ბიზნესის ხელშეწყობის გასაძლიერებლად: რა ცვლილებები შევიდა „აწარმოე საქართველოში“>>

კორონავირუსის პანდემიამ და ამის გამო დაწესებულმა შეზღუდვებმა საქართველოში სერიოზული პრობლემები შეუქმნა ბიზნესს. მთავრობა სხვადასხვა პროგრამის მეშვეობით ამ პრობლემების შემსუბუქებას ცდილობს. ამჯერად ხელისუფლება ბიზნესს საბანკო ვალდებულებების მომსახურების მიმართებით ეხმარება.

ერთ–ერთი სიახლე, რომელიც სააგენტოს საბანკო სესხების პროცენტის სუბსიდირების პროგრამაში შედის, ივენთ კომპანიებს ეხება.

„ივენთ კომპანიები ადრე ჩვენ  ჩავრთეთ სესხის პროცენტის სუბსიდიების პროგრამაში და ახლა  სახელმწიფო მათი ლიზინგის პროცენტის სუბსიდირებასაც მოახდენს, ვინაიდან ამ კომპანიებს  გარკვეული ინვენტარი აქვთ ლიზინგით შეძენილი, ჩვენ მათ აქაც პროცენტისგან პრაქტიკულად გავათავისუფლებთ“, - აღნიშნა ნათია თურნავამ.

ლიზინგის პროცენტის სუბსიდირებას სახელმწიფო რესტორნებისთვისაც მოახდენს.

„რესტორნების ინდუსტრიაში ვიწყებთ ახალ პროგრამას. ეს არის სესხისა და ლიზინგის პროცენტის სუბსიდირება. განაცხადების მიღება დაიწყება ხვალიდან... ჩვენ ძალიან კარგად გვესმის, რომ სარესტორნო ინდუსტრია, პანდემიიდან გამომდინარე, პირველ რიგში არის საკმაოდ მძიმე მდგომარეობაში და ჩვენ მაქსიმალურად სწრაფად გვინდა , რომ მათ შევუმსუბუქოთ საბანკო სესხების ტვირთი“, - განაცხადა ნათია თურნავამ.

მინისტრმა მოუწოდა რესტორნების მენეჯმენტს, აქტიურად მიაკითხონ თავიანთ კრედიტორ ბანკებს და აღნიშნა, რომ ამ პროგრამის სარგებლობის შემთხვევაში კომპანიები საბანკო  სესხის პროცენტის ტვირთს უახლოეს 6 თვეში პრაქტიკულად ვერ იგრძნობენ.

„400 მლნ ლარის სასესხო პორტფელია. 6 თვის განმავლობაში 30 მლნ ლარის ბიუჯეტი იქნება და სულ მცირე 1500 მდე რესტორანი შეძლებს ამით ისარგებლოს“, - თქვა ნათია თურნავამ.

უმუშევრობა საქართველოში – ახალი სტატისტიკა>>

მთავრობის გადაწყვეტილებით, სასტუმროები, რესტორნები 2021 წელს გათავისუფლდებიან ქონების გადასახადისგან. 2020 წლის 4 თვის გადავადებული (2020 წლის 1 დეკემბრამდე) საშემოსავლო გადასახადის ჩამოწერა განხორციელდება ტურიზმის სექტორში (სასტუმროები, რესტორნები და მსგავს საქმიანობაში ჩართული კომპანიები), ამასთან გაგრძელდება სასტუმროების საბანკო სესხების პროცენტის სუბსიდირება.

საკოორდინაციო საბჭოს გადაწყვეტილებით, 28 ნოემბრიდან სხვადასხვა შეზღუდვა ამოქმედდა, მათ შორის, იზღუდება მუნიციპალური ტრანსპორტის მუშაობა; სავაჭრო ობიექტების (გარდა სურსათის, ცხოველების საკვების, აფთიაქების, ვეტაფთიაქების, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობა, ღია და დახურული ბაზრობების მუშაობა (გარდა აგრარული ბაზრებისა), სასწავლო დაწესებულებები მთლიანად დისტანციურ რეჟიმზე გადადიან.

„აწარმოე საქართველოში“ - საქართველოს ხელისუფლების ერთ-ერთი ყველაზე წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

7
თემები:
საქართველოს ეკონომიკა
პრემიერი გიორგი გახარია

პრემიერი 2021 წლის ბიუჯეტის პროექტზე: ეს არის დაბალანსებული ბიუჯეტი

17
(განახლებულია 12:54 03.12.2020)
2021 წლის სახელმწიფო ბიუჯეტის პროექტი, რომელზედაც  მთავრობა საერთაშორისო სავალუტო ფონდთან ერთად მუშაობდა, საკანონმდებლო ორგანოს უკვე წარედგინა და ის ახალმა პარლამენტმა უნდა დაამტკიცოს

თბილისი, 3 დეკემბერი – Sputnik. 2021 წლის სახელმწიფო ბიუჯეტის ძირითადი მიზნებია პანდემიასთან ბრძოლა, მოსახლეობის მიზნობრივი სოციალური დახმარება, ბიზნესის დახმარება და ეკონომიკის მომზადება პოსტკრიზისული აღდგენისთვის, განაცხადა საქართველოს პრემიერ-მინისტრმა გიორგი გახარიამ დღეს მთავრობის სხდომის დაწყებამდე.

„მოგეხსენებათ, ჩვენ პარლამენტში წარვადგინეთ 2021 წლის სახელმწიფო ბიუჯეტი, რომელიც არის უაღრესად მნიშვნელოვანი დოკუმენტი. ეს არის დოკუმენტი, რომლის მიხედვითაც ჩვენ უნდა ვიცხოვროთ 2021 წელს, ფინანსური დოკუმენტი, რომელიც განსაზღვრავს იმას, თუ როგორი იქნება ქვეყანა ერთი წლის შემდეგ“, - განაცხადა პრემიერმა.

გიორგი გახარიას თქმით,  პარლამენტისთვის წარდგენილი ბიუჯეტის პროექტზე მუშაობა სავალუტო ფონდთან ერთად მიმდინარეობდა. 

„წარმოდგენილია დაბალანსებული ბიუჯეტი, რომელიც ითვალისწინებს ყველა იმ ძირითად კომპონენტს, რომელიც აუცილებელია კრიზისში, აუცილებელია პანდემიის წინააღმდეგ ბრძოლაში და ეკონომიკურ კრიზისთან გამკლავებაში“, – განაცხადა გახარიამ.

2021 წლის სახელმწიფო ბიუჯეტის პროექტის მიხედვით, მთლიანობაში ბიუჯეტის ხარჯები 18,384 მილიარდ ლარს შეადგენს, ხოლო შემოსულობები – 16,758 მილიარდს.

შეზღუდვების გამკაცრებასთან ერთად საქართველოს მთავრობამ მოსახლეობისა და ბიზნესის დასახმარებლად ახალი ანტიკრიზისული გეგმა შეიმუშავა, რომლის პროგრამების დიდი ნაწილი ექვს თვეზეა გათვლილი.

ბიუჯეტის პროექტის თანახმად, გამოყოფილი 1,42 მილიარდი ლარიდან 280 მილიონი ლარის დახარჯვა იგეგმება 2020 წელს, ხოლო 1,14 მილიარდის – 2021 წელს.

ბიუჯეტის პროექტის თანახმად, საერთო თანხიდან 450 მილიონი ლარი ჯანდაცვის სფეროს მოხმარდება, აქედან 400 მილიონ ლარს მიიღებს ჯანდაცვის სამინისტრო, ხოლო 50 მილიონს – ეკონომიკის სამინისტრო.

სოციალურ დახმარებაზე გამოიყოფა 540 მილიონი ლარი, საიდანაც 230 მილიონი 2020 წელს 300-ლარიან ერთჯერად დახმარებაზე და ნოემბერ-დეკემბერში მოსახლეობის კომუნალური ხარჯების დასაფარად დაიხარჯება. დარჩენილი თანხა – 310 მილიონი ლარი 2021 წელზე გადანაწილდება.

მომავალი წლის 1 იანვრიდან პენსიები იზრდება>>

ბიუჯეტში ასევე გათვალისწინებულია ბიზნესის დახმარება – 430 მილიონი ლარით. აქედან 260 მილიონი ლარი 1,5 ათას ლარამდე ხელფასის მქონე პირების 750 ლარამდე თანხის საშემოსავლო გადასახადისგან გათავისუფლებას მოხმარდება. 2020 წელს ზარალი გადასახადებზე 220 მილიონ ლარს შეადგენს.

2021 წლის სახელმწიფო ბიუჯეტი ახალმა პარლამენტმა უნდა დაამტკიცოს.

17
თემები:
საქართველოს ეკონომიკა

მეგაბაიტები იების ნაცვლად: როგორ შოულობს ქართველი პედაგოგი ინტერნეტისთვის ფულს

0
გურიის სოფელი ჩიბათის მკვიდრმა, პედაგოგმა ლადო აფხაზავამ უჩვეულო საქველმოქმედო სტარტაპი მოიფიქრა - ის ქოთნებით იებს ყიდის, რათა საკუთარ მოსწავლეებს ინტერნეტის დავალიანება გადაუხადოს. დაწვრილებით - იხილეთ ჩვენი ვიდეო

ლადო აფხაზავას მთელ საქართველოში იცნობენ. ის უამრავი საერტაშორისო ჯილდოს ლაურეატია, ხოლო 2019 წელს ის მსოფლიოს 10 საუკეთესო პედაგოგს შორისაც იყო წარდგენილი. იმავე წელს განათლების მინისტრმა მას მენტორი-მასწავლებლის სტატუსი მიანიჭა.

მიუხედავად ასეთი პოპულარობისა, აფხაზავას არასდროს უფიქრია მშობლიური ჩიბათის დატოვებაზე.

ლადომ საკუთარი თავი მისი აღსაზრდელების საჭიროებებს დაუთმო.

ცოტა ხნის წინ პედაგოგი პრობლემის წინაშე აღმოჩნდა. საქმე ისაა, რომ პანდემიის გამო, ყველა სკოლა დისტანციურ სწავლებაზე გადავიდა.

აღმოჩნდა, რომ ლადოს მოსწავლეების ნაწილს არ შეეძლო გაკვეთილებზე დასწრება, რადგან მათ ოჯახებს არ ჰქონდათ საშუალება ინტერნეტის ჩასართავად.

მაშინ მასწავლებელს უპრეცედენტო იდეა დაებადა, რომელსაც „იები მეგაბაიტების ნაცვლად“ უწოდა.

ლადომ იების გაზრდა და გაყიდვა დაიწყო. თითოეულის ფასი 19 ლარია, სწორედ იმდენი, რამდენიც ჯდება ინტერნეტის ერთ თვიანი პაკეტი.

კეთილ საქმეში საკუთარი წვლილი შეიტანეს ყვავილების მაღაზიებმაც მთელი ქვეყნის მასშტაბით, კერძოდ - თბილისში, ბათუმსა და ქუთაისში. მათ ლადო აფხაზავას საკუთარი საქონლის რეალიზაციისათვის ადგილი დაუთმეს.

0