სუვენირების გაყიდვა სვეტიცხოვლის შესასვლელთან

იზრდება იმ თვითდასაქმებულების რაოდენობა, რომლებმაც სახელმწიფოსგან დახმარება მიიღეს

55
(განახლებულია 15:59 01.06.2020)
კომპენსაციების გაცემა 28 მაისს დაიწყო და ამჟამად სახელმწიფოს დახმარება იმ ადამიანებისთვის, რომლებმაც სამუშაო დაკარგეს, 15 მილიონ ლარზე მეტს შეადგენს.

თბილისი, 1 ივნისი — Sputnik. სახელმწიფოს კომპენსაცია 2020 წლის პირველ კვარტალში პანდემიის გამო სამსახურის გარეშე დარჩენილმა 72 ათასმა პირმა და 51 ათასზე მეტმა თვითდასაქმებულმა მიიღო, განუცხადა ჟურნალისტებს დასაქმების ხელშეწყობის სააგენტოს დირექტორის მოადგილის მოვალეობის შემსრულებელმა ნინო ველთაურმა.

გახარია: ფულადი კომპენსაცია უკვე 400 ათასზე მეტმა მოქალაქემ მიიღო>>

მისი თქმით, კომპენსაციების ჩარიცხვა 28-29 მაისს დაიწყო. ფულადი დახმარება უკვე მიიღო 51 ათასზე მეტმა თვითდასაქმებულმა ადამიანმა. ეს არის 15 365 ათასი ლარი.

„რაც შეეხება შემოსავლის გარეშე დარჩენილ დასაქმებულებს, მათი რიცხვი ამ მომენტისთვის შეადგენს 72 ათას ადამიანს. მათზეც მოხდა კომპენსაციების ჩარიცხვა 14 435 ათასი ლარის ოდენობით“, – განაცხადა ველთაურმა.

საქართველოს მთავრობამ 24 აპრილს დაამტკიცა ანტიკრიზისული გეგმა, რომელიც მოსახლეობისა და ბიზნესის დახმარებას ითვალისწინებს კორონავირუსის პანდემიის შედეგების გადალახვის მიზნით. გეგმის თანახმად, ქვეყნის თვითდასაქმებული მოქალაქეები ერთჯერადად 300 ლარის ოდენობის დახმარებას მიიღებენ. ამისთვის ბიუჯეტიდან 75 მილიონი ლარია გამოყოფილი.

რეგისტრაციის პროცესი 6 კვირა – 2020 წლის 1 ივლისამდე გაგრძელდება. თვითდასაქმებული პირებისთვის, რომლებიც უკვე დარეგისტრირებული არიან შემოსავლების სამსახურში და შემოსავალი დაკარგეს 2020 წლის აპრილიდან, საკმარისი იქნება ფორმის შევსება ჯანდაცვის სამინისტროს ვებ-გვერდზე https://www.moh.gov.ge/. ეს ჯგუფი მოიცავს: ფიზიკურ პირებს მცირე ბიზნესის სტატუსით, ფიზიკურ პირებს, რომლებიც ახორციელებენ ფიქსირებულ დაბეგვრით საქმიანობას, მეწარმეებს მიკრობიზნესის სტატუსით და ინდივიდუალურ მეწარმეებს.

განაცხადში აუცილებელია სახელის, გვარის, პირადი ნომრის, კონტაქტური მონაცემების (ფაქტობრივი საცხოვრებელი ადგილი და ტელეფონის ნომერი), საბანკო რეკვიზიტების მითითება.

ამ ჯგუფის მოქალაქეები კომპენსაციის მიღების თაობაზე შეტყობინებას მიიღებენ ვებ-გვერდზე eservices.rs.ge, პირად გვერდზე.

ელექტრონული რეგისტრაციის განსხვავებული პროცედურებია გათვალისწინებული იმ თვითდასაქმებული პირებისთვის, რომლებიც შემოსავლების სამსახურის ბაზაში არ არიან.

სახელმწიფოსგან დახმარების მისაღებად მათ ელექტრონული სახით უნდა წარადგინონ იმის მტკიცებულება, რომ შემოსავლის წყარო ჰქონდათ 2020 წლის აპრილამდე. 

მაგალითად, ეს შეიძლება იყოს ამონაწერი ბანკიდან, ცნობა, ნებართვა ან ლიცენზია, რომელიც გასცეს ხელისუფლების ადგილობრივმა ორგანოებმა, ან იურიდიული პირის მიერ გაცემული დოკუმენტი, რომელიც ადასტურებს შემოსავალს ან ეკონომიკურ საქმიანობას. მათ ასევე უნდა შეავსონ სტანდარტული ფორმა, მიუთითონ სახელი, გვარი, პირადი ნომერი, საკონტაქტო მონაცემები (ფაქტობრივი საცხოვრებელი ადგილი და ტელეფონის ნომერი), საბანკო რეკვიზიტები.

ის, ვინც დარეგისტრირებულია შემოსავლების სამსახურში, კომპენსაციას მიიღებს 10 სამუშაო დღის განმავლობაში მას შემდეგ, რაც შემოწმდება მის მიერ წარდგენილი ინფორმაცია.

მათ, ვინც ბაზებში არ არის რეგისტრირებული, ლოდინი მოუწევთ, სანამ დასაქმების ხელშეწყობის სააგენტო სამუშაო ჯგუფთან შეამოწმებს ყველა მონაცემს და ორი კვირის შემდეგ დასკვნას უწყებათშორის კომისიას წარუდგენს. ეს ადამიანები თანხას 10 სამუშაო დღის განმავლობაში მხოლოდ კომისიის დასტურის შემდეგ მიიღებენ.

9 მილიონის გრანტები სოფლად ბიზნესის განვითარებისთვის – როგორ მოვიპოვოთ>>

იმ პირებს, რომლებსაც არ აქვთ შესაძლებლობა გაიარონ რეგისტრაცია და შეავსონ განაცხადი ელექტრონული სახით, შეუძლიათ მიმართონ დასაქმების სააგენტოს სერვის-ცენტრებს ან სოციალური მომსახურების სააგენტოს, სადაც მათ ცენტრების ადგილობრივი თანამშრომლები დაეხმარებიან.

დამატებითი ინფორმაციის მიღება შესაძლებელია ჯანდაცვიის „ცხელ ხაზზე“ – 15-05.

55
თემები:
COVID-19 საქართველოში (1413)
მთავრობის ადმინისტრაციის შენობა

ამერიკული კომპანია გიორგი გახარიასთან შეხვედრას ითხოვს

56
„ფრონტერა“ საქართველოს მთავრობას მოუწოდებს, დაემორჩილოს საარბიტრაჟო სასამართლოს გადაწყვეტილებას და პატივი სცეს კონტრაქტის პირობებს

თბილისი, 14 აგვისტო - Sputnik. ამერიკული ნავთობმომპოვებელი კომპანია Frontera Resources Corporation განაგრძობს საქართველოს ხელისუფლების დადანაშაულებას ტყუილსა და დეზინფორმაციაში და მთავრობასთან შეხვედრასა და მუშაობის შეუფერხებლად გაგრძელების გარანტიებს ითხოვს.

„ფრონტერამ“ გაავრცელა მორიგი განცხადება საქართველოს პრემიერ-მინისტრ გიორგი გახარიას მისამართით, რომელშიც მთავრობის მეთაურს მოუწოდებს, შეასრულოს 23 ივნისის გადაწყვეტილება იმის შესახებ, რომ კონტრაქტი კომპანიასთან არ შეწყდება. კომპანია აღნიშნავს, რომ მთავრობას არც კი უცდია პრემიერის სიტყვების შესრულება.

„მთავრობისგან მივიღეთ შეტყობინება, რომ ხელისუფლება მხოლოდ „დროებით აჩერებს“ კონტრაქტის შეწყვეტის პროცედურას. ჩვენ გვქონდა მრავალგზის მცდელობა, შევხვედროდით ხელისუფლების წარმომადგენლებს, რათა „ფრონტერას" მიერ მომავალში განსახორციელებელი და ყველა მხარისთვის მომგებიანი ინვესტიციებისათვის შეგვექმნა საფუძველი, თუმცა ხელისუფლება პრემიერ-მინისტრის და მთავრობის გადაწყვეტილებას არ სცემს პატივს და კვლავ აგრძელებს დაშინების და დეზინფორმაციის კამპანიას“, - ნათქვამია „ფრონტერას“ განცხადებაში.

გარდა ამისა, „ფრონტერა“ მოუწოდებს საქართველოს მთავრობას, დაემორჩილოს საარბიტრაჟო სასამართლოს გადაწყვეტილებას, პატივი სცეს კონტრაქტის პირობებს, შეხვდეს კომპანიის წარმომადგენლებს კონსტრუქციული დიალოგისთვის და გასცეს გარანტიები მუშაობის გასაგრძელებლად.

კომპანია უარყოფს ინფორმაციას, რომ საქართველომ მოიგო საარბიტრაჟო დავა და რომ კომპანიას 84 თანამშრომლისთვის 17-თვიანი სახელფასო დავალიანება აქვს.

ამის მიუხედავად...

კომპანიის ყოფილ თანამშრომლებს არაერთხელ გაუმართავთ საპროტესტო აქცია სახელფასო დავალიანების გასტუმრების მოთხოვნით. მათ სასამართლოსაც მიმართეს. როგორც ისინი აღნიშნავენ, კომპანიის ვალი 1 მილიონამდე ლარს შეადგენს.

ამ ადამიანების დასახმარებლად მთავრობამ მათთვის 1,2 ათასი ლარის ოდენობის ერთჯერადი ფულადი დახმარების აღმოჩენის გადაწყვეტილება მიიღო. ამასთან, „ფრონტერას“ მოუწოდა, დაფაროს სახელფასო დავალიანება იმის გათვალისწინებით, რომ ვალდებულების შესასრულებლად არანაირი დაბრკოლება არ არსებობს.

ერთი კვირის წინ ეკონომიკის მინისტრმა ნათია თურნავამ განაცხადა, რომ მთავრობა საკმაოდ პოზიტიურ და აქტიურ კომუნიკაციას აწარმოებს კომპანიასთან და მხარეები ემზადებიან შეხვედრისთვის გარკვეული ტექნიკური საკითხების განსახილველად.

ხანგრძლივი დავა

კომპანიასა და ქვეყანას შორის დიდი ხანია დავა მიმდინარეობდა ნავთობის მოპოვებისას პროდუქციის წილობრივ გადანაწილებასთან დაკავშირებით კონტრაქტის თაობაზე. ქართულმა მხარემ რამდენიმე პირობა წამოაყენა, რომელთაგან მთავარი იყო იმ ტერიტორიის დაბრუნება, რომელსაც „ფრონტერა" არ იყენებდა დაზვერვისა და ნავთობის მოპოვების მიზნით. ეს ტერიტორია სალიცენზიო ბლოკის დაახლოებით 99%-ს შეადგენს. ტერიტორია უნდა დაბრუნებულიყო ჯერ კიდევ 2017 წელს.

საქმე საარბიტრაჟო სასამართლომდე მივიდა. გაიმარჯვა საქართველომ, რომელსაც „საქართველოს ნავთობისა და გაზის კორპორაცია" და „ნავთობისა და გაზის სახელმწიფო სააგენტო“ წარმოადგენდნენ. საქართველო კომპანიასთან თავდაპირველად კონტრაქტის გაწყვეტას აპირებდა.

თუმცაღა, იქიდან გამომდინარე, რომ მთავრობა ზრუნავს თავის საინვესტიციო რეპუტაციაზე, Frontera-ს საშუალება მისცეს მუშაობა გააგრძელოს ტერიტორიის იმ ნაწილში, სადაც სამუშაოები ჯერ კიდევ საბჭოთა პერიოდში წარმოებდა. საუბარია საკონტრაქტო ტერიტორიის დაახლოებით 1%-ზე, რადგანაც საარბიტრაჟო სასამართლოს გადაწყვეტილებით დანარჩენი 99% კომპანიამ სახელმწიფოს უკვე დაუბრუნა.

თავდაპირველად კომპანიის ხელმძღვანელობამ შეთავაზებულ პირობებზე უკმაყოფილება გამოთქვა და თავის პრობლემებში საქართველოს ხელისუფლება დაადანაშაულა, აღნიშნა, რომ კომპანიის მიმართ ადგილი აქვს ცილისწამებასა და დეზინფორმაციას.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

56
თემები:
საქართველოს ეკონომიკა
თელასი

რატომ ყიდის საპარტნიორო ფონდი „თელასის“ აქციებს

53
(განახლებულია 21:57 14.08.2020)
აუქციონი გამოცხადებულია კონკურენტულ პირობებში და არის მოლოდინები, რომ აქციები მომგებიან ფასად გაიყიდება, მიაჩნიათ ფონდში

თბილისი, 14 აგვისტო - Sputnik. თბილისის ელექტროგამანაწილებელი კომპანია „თელასის“ აქციების გაყიდვით მიღებულ სახსრებს „საქართველოს საპატრნიორო ფონდი“ ახალი საინვესტიციო პროექტების დაფინანსებას მოახმარს, განუცხადეს Sputnik-საქართველოს ფონდის პრეს-სამსახურში.

ამ კვირაში ცნობილი გახდა, რომ „საპატრნიორო ფონდმა“ ელექტროგამანაწილებელ კომპანია „თელასში“ თავისი აქციების 24,5%-ის გაყიდვა გადაწყვიტა. აუქციონი 9 სექტემბერს დაინიშნა. საჯარო აუქციონის საწყისი ფასი შეადგენს 10,5 მლნ აშშ დოლარის ეკვივალენტს ლარში.

„აქციების გაყიდვის, ან რომელიმე პროექტის დაფინანსების შესახებ გადაწყვეტილებას ფონდი არ იღებს. ამას მთავრობა წყვეტს. ამიტომ „თელასის“ აქციების გაყიდვის შესახებ გადაწყვეტილება მიღებულია მთავრობის დადგენილების მიხედვით. მიღებული თანხა ახალი პროექტების დაფინანსებას მოხმარდება“, - განაცხადა ფონდის წარმომადგენელმა.

პრესსამსახურში აღნიშნეს, რომ აუქციონი გამოცხადებულია კონკურენტული პირობებით და არსებობს მოლოდინი, რომ აქციები მომგებიან ფასად გაიყიდება და კარგი მფლობელის ხელში მოხვდება.

აქციების გაყიდვით მიღებული მოგება ფონდის ანგარიშზე ჩაირიცხება, შემდეგ კი ხელისუფლება გადაწყვეტს, რომელ პროექტებს დაუჭერს მხარს და დააფინანსებს.

ფონდში აღნიშნეს, რომ „თელასში“ კუთვნილი აქციების რაოდენობის გათვალისწინებით კომპანიის ხელმძღვანელობის რომელიმე გადაწყვეტილებებზე ზეგავლენის მოხდენა შეუძლებელი იყო.

საპარტნიორო ფონდი ახორციელებს რამდენიმე სახელმწიფო კომპანიის მმართველობას, მათ შორის არის საქართველოს რკინიგზა, ნავთობისა და გაზის კორპორაცია, საქართველოს სახელმწიფო ელექტროსისტემა და „თელასი“.

„ეს კომპანიები „საპარტნიორო ფონდის“ მფლობელობაში იმიტომ იყო, რომ დაფინანსების ერთ-ერთი წყარო იყო მათგან მიღებული დივიდენდები. ახლა კი არანაირ დივიდენდებს ფონდი არ იღებს. მნიშვნელოვანია მსგავსი პროექტებიდან გასვლა და გათავისუფლებული სახსრების ინვესტირება ახალ პროექტებში“, - განაცხადეს ფონდის პრესსამსახურში.

„საპარტნიორო ფონდი" სახელმწიფო საინვესტიციო ფონდია, რომელიც 2011 წელს დაარსდა. მისი მთავარი დანიშნულება საინვესტიციო პროექტების განვითარების საწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.) საქართველოში ინვესტიციების წახალისებაა. ამჟამად მთავრობა მისი რეფორმირების საკითხს განიხილავს.

ინვესტორების ძიებაში: საქართველოს საპარტნიორო ფონდმა ჩინეთში მემორანდუმი გააფორმა >>

ფონდის მიზანია თანამშრომლობის განვითარება საჯარო და კერძო სექტორებს შორის საინვესტიციო პროექტების განსახორციელებლად, სამუშაო ადგილების შესაქმნელად, უცხოური ინვესტიციების მოსაზიდად და ქვეყნის ეკონომიკის გასავითარებლად. ფონდი ოთხ სექტორში ფუნქციონირებს – ენერგეტიკის, სოფლის მეურნეობის, წარმოებისა და უძრავი ქონების. საპარტნიორო ფონდის ფინანსური თანამონაწილეობა პროექტის ჯამური კაპიტალის 49%-ით და პროექტის ჯამური ღირებულების 25%-ით შემოიფარგლება. დანარჩენ კაპიტალს სტრატეგიული ინვესტორი უზრუნველყოფს.

 

53
თემები:
საქართველოს ეკონომიკა
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0