ბენზინგასამართი სადგური

მსოფლიო ბაზრებზე ნავთობი გაიაფდა, რა ღირს საწვავი  საქართველოში

257
(განახლებულია 21:40 14.05.2020)
რამდენად აისახება მსოფლიო ბაზარზე მიმდინარე პროცესები საქართველოზე, რომელიც ნავთობპროდუქტების იმპორტს თითქმის მთლიანად ახორციელებს და გაიაფდება თუ არა საწვავი შესამჩნევად ადგილობრივი მომხმარებლისთვისაც, სპეციალისტებს ამაზე განსხვავებული  მოსაზრებები აქვთ.

კორონავირუსის პანდემიის ფონზე მსოფლიო ბაზარზე ნავთობი საგრძნობლად გაიაფდა. ევროპის ცენტრალური ბანკის ექსპერტების პროგმნოზით, ეს ტენდენცია კიდევ გარკვეული პერიოდის განმავლობაში შენარჩუნდება. 

მსოფლიო ბაზარზე მიმდინარე მოვლენებმა გავლენა საქართველოზეც უნდა იქონიოს, თუმცა საწვავის ძალიან გაიაფება მოსალოდნელი არ არის, მიაჩნია ექსპერტ გია ხუხაშვილს.

ექსპერტის თქმით, საქართველოში ბენზინის ფასი არ შედგება მარტო საერთაშორისო ფასებისგან, ის შედგება აქციზის გადასახადისგან, რომელიც არის ფიქსირებული და ნავთობი სულ ნული დოლარიც რომ ღირდეს, ის დაწესებული 250 ლარი 1 ტონა პროდუქტზე, იმპორტიორმა გადასახადის სახით მაინც უნდა გადაიხადოს. გარდა ამისა მნიშვნელოვანი ფაქტორია ლარის დევალვაციაც, ესეც რა თქმა უნდა აძვირებს პროდუქტს, თუმცა, მსოფლიო ბაზარზე არსებული ტენდენციებიდან გამომდინარე საწვავის ფასმა ადრე თუ გვიან საქართველოშიც უნდა დაიწიოს.

„ზუსტად რამდენით გაიაფდება მე ამას ნამდვილად ვერ დაგითვლით, მაგრამ იმის ილუზია არ უნდა გვქონდეს, რომ ფასი განახევრდება, იმიტომ რომ აქ გადასახადების ნაწილში ცოტა სხვანაირად არის საქმე - გადასახადები ფიქსირებულია და სულ საჩუქრადაც რომ იყოს ნავთობი, ბენზინი მაინც არ ეღირება იაფი“ - განუცხადა გია ხუხაშვილმა Sputnik საქარველოს.

ნავთობპროდუქტების იმპორტიორთა კავშირის თავმჯდომარის ვანო მთვრალაშვილის განცხადებით,  COVID 19 - გამო გლობალურ  ბაზრებზე ფასების შემცირების შედეგად საქართველოში ფასები შემცირებულია საშუალოდ 55-60 თეთრით და რომ არა ლარის დევალვაცია დოლართან მიმართებაში, საწვავის ფასი კიდევ უფრო მეტად იქნებოდა შემცირებული. 

„ჩვენ, როგორც ნავთობპროდუქტების იმპორტიორი ქვეყანა, პირველ რიგში დამოკიდებული ვართ საწვავის საერთაშორისო ფასებზე პლატსის მიხედვით, ფასწარმოქმნაში  მონაწილეობს: ლოგისტიკური დანახარჯები, აქციზისა და დღგ გადასახადი პრდუქტის იმპორტის დროს, საოპერაციო ხარჯები და სხვა, ასევე ერთ-ერთი მნიშვნელოვანი კომპონენტია ლარის გაცვლითი კურსი დოლარის მიმართ.“ - აღნიშნა ვანო მთვრალაშვილმა Sputnik საქართველოსთან საუბრისას.

მისივე თქმით, ბრენდირებული კომპანიების ფასებზე საუბრისას ისიც უნდა აღვნიშნოთ, რომ პროდუქციის შემოტანა ხდება ქვეყანაში თვის სხვადასხვა დროს, იმ პერიოდში არსებული საერთაშორისო ფასის მიხედვით, შედარებით დიდი რაოდენობის მოცულობით, რომელიც ხელს უწყობს იმას, რომ კომპანიებს მუდმივად ჰქონდეთ მინიმუმ თვენახევარი-ორი თვის მარაგი.

საქართველოს ნავთობპროდუქტების ბაზარზე დღეს ძირითადი სუბიექტები :„ვისოლი", „რომპეტროლი", „სოკარი", „ლუკოილი" და  „გალფი“ არიან. ამჟამად ბრენდირებული ავტოგასამართი სადგურების ქსელებში ერთი ლიტრი ბენზინი „სუპერი“ 2,14-2,35 ლარი ღირს, „პრემიუმი — 2,15-2,24 ლარი, „ევრო რეგულარი“ — 2,02-2,14 ლარი, ევრო დიზელი — 2,18-2,24 ლარი, ხოლო დიზელის შეძენა — 2,05 -2,25 ლარდაა შესაძლებელი.

განსხვავებული ვითარებაა ფასებთან დაკავშირებით არაბრენდირებულ გასამართ სადგურებზეც, რომელთაც არ გააჩნიათ მარაგები, მსხვილი ქსელური ოპერატორებისგან განსხვავებით.

ვანო მთვრალაშვილის თქმით, როდესაც კომპანია მარაგების გარეშე ოპერირებს, საწვავის ახალი პარტიას ყიდულობს საერთაშორისო ფასის იდენტურ ფასად საბითუმო ბაზარზე და შესაბამისად მისი ფასიც გამოდის ნაკლები. ბრენდირებულ კომპანიები კი სწორედაც არსებული მარაგების გათვალისწინებით, რომელიც შედარებით მაღალ ფასიანია, დროის მცირე მონაკვეთში ვერ ახერხებენ საერთაშორისო ფასების იდენტური ფასი შესთავაზონ მომხმარებელს, მსგავსი ვითარებაა ყველა იმპორტზე დამოკიდებულ ქვეყანაში.

„შესაბამისად, თუ არაბრენდირებულ გასამართ სადგურებზეზე  რეგულარის ტიპის ბენზინის ფასი 1.4, ლარიდან იწყება, ბრენდირებულზე  -1.98 ლარიდან. თუმცა აქვე უნდა აღვნიშნოთ, რომ ბრენდირებული კომპანიები თავის ლოიალურ და კორპორატიულ მომხმარებლებს სთავაზობენ დამატებით 15-20 თეთრიან ფასდაკლებას ყოველ ლიტრზე“- აღნიშნა მთვრალაშვილმა.

არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაციის“ ვიცე-პრეზიდენტის პაატა ბაირახტარის აზრით კი საწვავი ბრენდირებულ ავტოგასამართ სადგურებზე გაცილებით იაფი უნდა ღირდეს ვიდრე ახლაა.

„საგრძნობლად ბენზინისა და დიზელის ფასებმა მხოლოდ არაბრენდირებულ გასამართ სადგურებზე დაიკლო. მცირე კომპანიებმა საწვავზე ფასების შემცირება ეროვნული ვალუტის დევალვაციის ფონზეც კი მოახერხეს,  რასაც ვერ ვიტყვით ბრენდირებულ ავტოგასამართ სადგურებზე, რომლებსაც გააჩნიათ იმის რესურსი, რომ მომხმარებელს თავიანთი საფასო პოლიტიკა შესთავაზონ“- აღნიშნა პაატა ბაირახტარმა.

ეკონომისტის თქმით, მართალია  ბრენდირებულმა კომპანიებმაც რამდენჯერმე მოახდინეს საწვავზე ფასების შემცირება, მაგრამ  ეს მაინც ვერ პასუხობს მსოფლიო ბაზრებზე არსებულ ტენდენციებს. 

„ბრენდირებულ კომპანიებს შეუძლიათ ბაზარზე იმ ფასად გაყიდონ პროდუქტი, რომელიც მათ ბიზნეს ინტერესს შეეფერება, ბიზნესი კი ყოველთვის მოგებაზეა ორიენტირებული. ეს არის მისი ბუნება და ეს უნდა დაარეგულიროს სწორედ კონკურენციამ. ჩვენთან ამ მიმართულებით კონკურენცია არის დაბალი, რადგან არაბრენდირებული კომპანიები დიდი კომპანიებთან სერიოზულად კონკურირებას ვერ ახერხებენ“- აღნიშნა პაატა ბაირახტარმა Sputnik საქართველოსთან საუბრისას. 

მისივე თქმით, აღსანიშნავია ისიც, რომ საქართველოში საწვავის ფასზე დიდად არც ბენზინზე და დიზელზე მოთხოვნის შემცირებას უმოქმედია. ბოლო ორ თვეში კორონავირუსის გავრცელების საფრთხესთან დაკავშირებით, ქვეყანაში შემოღებულმა შეზღუდვებმა, ავტოტრანსპორტის მოძრაობის აკრძალვამ და საწარმოების გაჩერებამ, პრაქტიკულად გაანახევრა საწვავის მოხმარება.

„ბაზარზე როდესაც კონკურენცია არ არის და კომპანიები აწესებენ თავიანთ საფასო პოლიტიკას, ხელოვნურად არის ჩარევა საჭირო, რაც მარეგულირებელმა - ამ შემთხვევაში კონკურენციის სააგენტომ უნდა გააკეთოს, ეს უწყება კი თავის მოვალეობას მაინცდამაინც ყოჩაღად ვერ ართმევს თავს“- მიაჩნია პაატა ბაირახტარს.

საქართველოში შარშან 1096,0 ათასი ტონა ბენზინისა და დიზელის საწვავის იმპორტი განხორციელდა.  აქედან  544,3 ათასი ტონა ბენზინი, ხოლო 551,7 ათასი ტონა კი დიზელის საწვავი იყო.

რაც შეეხება მსოფლიო ბაზრებზე არსებულ ფასებს, ბოლო მონაცემებით, ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა 30,97 დოლარი/ბარელზე. ხოლო ნიუ-იორკში  York Mercantile Exchange-ზე (NYMEX) - Light Sweet ტიპის ნავთობის ფასმა შეადგინა 24,74 დოლარი/ბარელზე. ერთი წლის წინ კი ნავთობის ფასი საერათაშორისო ბირჟებზე  58-74 დოლარის ფარგლებში მერყეობდა.

ნატა პატარაია

 

257

რთველს კორონავირუსის არ ეშინია: კახეთში ყურძნის დიდი მოსავალი მიიღეს ფოტო

42
(განახლებულია 19:47 30.09.2020)
  • ახლა მთელ კახეთში შეუსვენებლად შრომობენ
  • უკვე 210 ათასი ტონა ყურძენი მოიკრიფა
  • უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს
  • თუმცა, ჩასაბარებელი ფასები წელს შემცირდა, მაგრამ სხვა გზა არ არის
  • როგორც ღვინის ქარხნებში აცხადებენ, ფასებს მსოფლიო ბაზარი განაგებს
  • მუშაობა პარალელურად უწყვეტად მიმდინარეობს
  • წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა
  • სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან
  • ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს
  • ჩაბარებული ყურძნის ფასმა წელს 65 მილიონ დოლარს გადააჭარბა
  • რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში
  • რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა
  • აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან
  • რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო
  • მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები
  • რთველი - ეს ყოველთვის ნამდვილი დღესასწაული და ახალი იმედების წყაროა
წელს კახეთში რთველი აგვისტოს ბოლოს დაიწყო. იხილეთ „Spunik-საქართველოს“ ფოტოკადრები, როგორ მიმდინარეობდა ყურძნის მოსავლის აღება.

რთველი არა მხოლოდ ყურძნის მოსავლის აღება, არამედ მეღვინეობის ნამდვილი დღესასწაულიცაა. ამ დღეს ყველა ელოდება და წინასწარ ემზადება. მძიმე სამუშაო დღე კი საღამოს მთავრდება სუფრით და პოზიტიური განწყობითა და ემოციებით.

მართალია, წელს ყურძენს საწარმოები უფრო დაბალ ფასად იბარებდნენ, რამაც ფერმერებსა და მიწათმოქმედებზე უარყოფითად იმოქმედა, მაგრამ, როგორც მეღვინეები აცხადებენ, მათ ბრალი არაფერში მიუძღვით – ფასების ვარდნაზე მსოფლიო ბაზარი მოქმედებს. რა შეიძლება გაკეთდეს? ადრინდელივით ბევრი შრომა და იმედი, რომ ყველაფერი უკეთ იქნება.

წელს კორონავირუსის პანდემიის გამო ფერმერების მხარდასაჭერად საქართველოს მთავრობამ ყურძნის ორი ჯიშის – „რქაწითელისა“ და „კახური მწვანეს“ სუბსიდირება მოახდინა.

 

42
  • ახლა მთელ კახეთში შეუსვენებლად შრომობენ
    © Sputnik / STRINGER

    ახლა მთელ კახეთში შეუსვენებლად შრომობენ

  • უკვე 210 ათასი ტონა ყურძენი მოიკრიფა
    © Sputnik / STRINGER

    უკვე 210 ათასი ტონა ყურძენი მოიკრიფა

  • უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს
    © Sputnik / STRINGER

    უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს

  • თუმცა, ჩასაბარებელი ფასები წელს შემცირდა, მაგრამ სხვა გზა არ არის
    © Sputnik / Alex Shlamov

    თუმცა, ჩასაბარებელი ფასები წელს შემცირდა, მაგრამ სხვა გზა არ არის

  • როგორც ღვინის ქარხნებში აცხადებენ, ფასებს მსოფლიო ბაზარი განაგებს
    © Sputnik / STRINGER

    როგორც ღვინის ქარხნებში აცხადებენ, ფასებს მსოფლიო ბაზარი განაგებს

  • მუშაობა პარალელურად უწყვეტად მიმდინარეობს
    © Sputnik / STRINGER

    მუშაობა პარალელურად უწყვეტად მიმდინარეობს

  • წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა
    © Sputnik / STRINGER

    წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა

  • სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან
    © Sputnik / STRINGER

    სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან

  • ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს
    © Sputnik / STRINGER

    ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს

  • ჩაბარებული ყურძნის ფასმა წელს 65 მილიონ დოლარს გადააჭარბა
    © Sputnik / STRINGER

    ჩაბარებული ყურძნის ფასმა წელს 65 მილიონ დოლარს გადააჭარბა

  • რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში
    © Sputnik / STRINGER

    რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში

  • რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა
    © Sputnik / STRINGER

    რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა

  • აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან
    © Sputnik / STRINGER

    აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან

  • რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო
    © Sputnik / STRINGER

    რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო

  • მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები
    © Sputnik / STRINGER

    მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები

  • რთველი - ეს ყოველთვის ნამდვილი დღესასწაული და ახალი იმედების წყაროა
    © Sputnik / STRINGER

    რთველი - ეს ყოველთვის ნამდვილი დღესასწაული და ახალი იმედების წყაროა

მამუკა ხაზარაძე

პარტიამ „ლელო საქართველოსთვის“ ლარის გადარჩენის გეგმა წარმოადგინა

37
(განახლებულია 14:09 30.09.2020)
მამუკა ხაზარაძის შეთავაზებაა ფიზიკური და იურიდიული პირების სესხების რესტრუქტურიზაცია და ლარის კურსისთვის „დერეფნის განსაზღვრა“.

თბილისი, 30 სექტემბერი — Sputnik. ბანკირ მამუკა ხაზარაძის პარტიამ „ლელო საქართველოსთვის“ ქვეყნისა და ლარის „შველა“ გადაწყვიტა და შესაბამისი გეგმა შეიმუშავა

საქართველოში ამ ეტაპზე დოლარის მიმართ ეროვნული ვალუტის კურსი ეცემა, რაც მოსახლეობის სერიოზულ უკმაყოფილებას იწვევს. ეროვნულ ბანკში ლარის ამ მდგომარეობას ეკონომიკური კრიზისითა და არჩევნების გამო ბაზარზე ნეგატიური მოლოდინებით ხსნიან.

პარტიის ლიდერმა მამუკა ხაზარაძემ მოიფიქრა, თუ როგორ დაეხმაროს მოსახლეობას, ვისაც სესხი დოლარში აქვს აღებული და ლარის მერყევი კურსის გამო ზარალდება.

„წლის დასაწყისში ფიზიკურ პირებს 3,8 მლრდ დოლარის მოცულობის კრედიტი ჰქონდათ, დღეს კი მერყევი კურსის გამო 600 მილიონი დაკარგეს – ეს კოლოსალური თანხაა. ეს ის თანხაა, რომლის გამოყენებაც ადამიანებმა საკუთარი შვილებისა და ოჯახებისთვის ვერ მოახერხეს“, – განაცხადა ხაზარაძემ.

Fitch: საქართველოს ეკონომიკა იმაზე ნაკლებად დაეცემა, ვიდრე ამას ხელისუფლება ვარაუდობს>>>

გამოსავალის სახით ხაზარაძის შეთავაზებაა ფიზიკური და იურიდიული პირების სესხების რესტრუქტურიზაცია.

„ეკონომიკური კრიზისის შედეგად დაზარალებულ მოსახლეობას ჩვენ ეს ტვირთი უნდა მოვხსნათ“, – აღნიშნა მან.

გარდა ამისა, პარტიის ლიდერმა ლარის „შველის“ საკუთარი სქემა წარმოადგინა.

„ლელო” ლარის „დერეფნის განსაზღვრის“ მექანიზმის შემოღებას გთავაზობთ. ჩვენ შეგვიძლია გავაჩეროთ და დავასტაბილუროთ ლარი და ამის გაკეთება უახლოეს მომავალშია შესაძლებელი“, – განაცხადა ხაზარაძემ.

თუმცა, ხაზარაძეს არ განუმარტავს, თუ როგორ იმოქმედებს დერეფნის განსაზღვრის პრინციპი.

ეროვნული ბანკის პროგნოზით, ლარის კურსი არჩევნების შემდეგ დასტაბილურდება. რაც შეეხება ფასებს, ინფლაციის დონე უკვე კლებისკენაა და მომავალ წელს მიზნობრივ მაჩვენებელს – 3%-ს მიაღწევს, შემდეგ კი ამ ნიშნულსაც ჩამოსცდება.

37
აბანოთუბანი

საქართველოში ვერავინ წაგვაჩხუბებს: სომხებსა და აზერბაიჯანლებს მშვიდობის იმედი აქვთ

0
(განახლებულია 21:00 30.09.2020)
საქრთველოს აზერბაიჯანული და სომხური დიასპორების წარმომადგენლებს ეჭვიც არ ეპარებათ, რომ კონფლიქტის თავიდან არიდებას შეძლებენ

თბილისი, 30 სექტემბერი — Sputnik. მთიან ყარაბაღში შეიარაღებულმა შეტაკებებმა გარკვეული მღელვარება გამოიწვია საქართველოს სომხურ და აზერბაიჯანულ დიასპორებში, რომლებმაც საპროტესტო აქციებიც კი გამართეს ჩვენს ქვეყააში.

აზერბაიჯანელებმა ბაქოს პოზიციის მხარდამჭერი აქცია თბილისში მდებარე საელჩოს წინ ჩაატარეს, რა დროსაც აზერბაიჯანის სახელმწიფო ჰიმნი შეასრულეს და წუთიერი დუმილით პატივი მიაგეს კონფლიქტში დაღუპულთა ხსოვნას.

აქციის მონაწილეებთან გავიდა აზერბაიჯანის საელჩოს პირველი მდივანი საქარტველოში ანარ რასულოვი, რომელმაც მადლობა გადაუხადა ახალგაზრდობას მხარდაჭერისთვის.

მთიან ყარაბაღს სოლიდარობა გამოუცხადა ჯავახეთის სომხურმა მოსახლეობამ. მათ საქართველო–თურქეთის საერთაშორისო მნიშვნელობის გზაც კი გადაკეტეს, რათა ხელი შეეშალათ სატვირთო ავტომობილების მოძრაობისთვის, რომლებითაც, მათი თქმით,  თურქეთს იარაღი გადააქვს აზერბაიჯანში.    

ორივე მხარის აქციები ქართული პოლიციის მკაცრი კონტროლით მიმდინარეობდა. არცერთი პროტესტი არ გადაზრდილა კონფლიქტში ან რაიმე სახის აგრესიულ შეჯახებაში. ამ დროისათვის ქვეყანაში ამ კუთხით სრული სიმშვიდეა.

მშვიდობის კუნძული

მეგობრები, მეზობლები, თანაკლასელები და ნათესავებიც კი — სომხებისა და აზერბაიჯანელების ადამიანური ურთიერთობები საქართველოში პოლიტიკას არასდროს დაუჩრდილავს. თბილისური ეზოები ყოველთვის იყო ერთგვარი მულტიკულტურული მიქსი, რომელიც ქმნიდა კიდეც საქართველოს დედაქალაქის განუმეორებელ კოლორიტს.

მარნეულის მუნიციპალიტეტის ხოჯორნის თემში კი არსებობს სოფელი წოფი, რომლის შესახებაც შეიძლება ბევრს არც სმენია. ამ სოფელში გვერდი–გვერდ ცხოვრობენ აზერბაიჯანელები და სომხები, რომლებსაც არაფერი აქვთ ერთმანეთთან გასაყოფი და სადავო.

„ქარიშხალს ავიცდენთ“

ფონდ „სამოქალაქო ინტეგრაციის“ აღმასრულებელ დირექტორ ზაურ ხალიევს მიაჩნია, რომ

საქართველოში მცხოვრებ ეთნიკურ აზერბაიჯანლებსა და სომხებს კონფლიქტისთვის თავის არიდება მარტივად შეუძლიათ — უბრალოდ, თითოეულმა მათგანმა უნდა გააცნობიეროს, რომ ის უპირველესად საქართველოს მოქალაქეა.

„ადამიანებმა უნდა გაიგონ, რომ ისინი საქართველოს მოქალაქეები არიან და ყველაფერს საქართველოს პოზიციიდან უნდა შეხედონ — ეს ჩვენი ვალია. ომს არავისთვის არ მოუტანია კარგი. მერწმუნეთ, სჯობს არ დატოვოთ ისეთი კვალი, რომლის მეხსიერებიდან ამოშლაც ძალიან ძნელი იქნება“, — ამბობს ხალიევი.

მისი თქმით, საქართველოს სომხებმა და აზერბაიჯანლებმა მოახერხეს გადაეტანათ მძიმე 90–იანები და მდგომარეობიდან ღირსეულად გამოსულიყვნენ. და საერთოდ, ხალიევს მიაჩნია, რომ საქართველო ამ ორი ეთნოსის მშვიდობიანი თანაცხოვრების საუკეთესო მაგალითია.

ზაურ ხალიევს სოლიდარობას უცხადებს საზოგადო მოღვაწე, სომხური დიასპორის  ერთ–ერთი ლიდერი, საქართველოს პარლამენტის ექს–დეპუტატი ვან ბაიბურთი.

„ჩვენ გამოვიარეთ ყველაზე მწვავე 90–იანი წლები. კონფლიქტის ნაპერწკალი მაშინ საქართველოს არ შეხებია. მაშინ მე და სულეიმან სულეიმანოვი, საქართველოს აზრებაიჯანელთა კავშირის თავმჯდომარე. გაზეთ „გურჯისტანის“ მთავარი რედაქტორი, ქართველ მეგობრებთან ერთად დავდიოდით ქვემო ქართლში, რომ მშვიდობა ყოფილიყო. ნურც იოცნებებს ნურავინ, რომ შეძლებს საქართველოს მოქალაქეების, სომხებისა და აზერბაიჯანლების წაჩხუბებას. ჩვენ შევძლებთ ქარიშხლის აცდენას“, — ამბობს ბაიბურთი.

ექს–დეპუტატის თქმით, საქართველო ტოლერანტობის მაგალითია მთელი მსოფლიოსთვის და სხვადასხვა ეთნიკურ ჯგუფებს შორის განხეთქილების შეტანის მცდელობა ვერაფერს მოიტანს.

სომხური დიასპორის წარმოადგენელმა ასევე მოუწოდა საქართველოს ყველა მცხოვრებს, თავი შეიკავონ „თეატრალიზებული აქციებისა“ და მკვეთრი გამონათქვამებისგან.

ქართული ნეიტრალიტეტი

მთიან ყარაბაღში ვითარების გამწვავების შემდეგ თბილისმა  სომხეთსა და აზერბაიჯანს თავშეკავებისა და მოლაპარაკებათა მაგიდასთან დაბრუნებისკენ მოუწოდა.

ქვეყნის პრემიერ–მინისტრმა გიორგი გახარიამ კი განაცხადა, რომ საქართველო მზადაა, თბილისში უმასპინძლოს ბაქოსა და ერევნის წარმომადგენლებს კონფლიქტის უსწრაფესად დარეგულირების მიზნით. მთავრობის მეთაურის ამ ინიციატივას მმართველმა პარტიამ მხარი დაუჭირა.

გარდა ამისა, საქართველომ უარი უთხრა სომხეთსაც და აზერბაიჯანსაც იარაღის ტრანზიტზე ჩვენი ქვეყნის ტერიტორიაზე. ხელისუფლება ხაზს უსვამს, რომ რეგიონში მშვიდობის დამყარება — ეს საერთო ინტერესის თემაა.

0
თემები:
მთიან ყარაბაღში ვითარება გამწვავდა – შეიარაღებული შეტაკება 2020