პენსიონერი

პენსიები საქართველოში ყოველწლიურად გაიზრდება: მთავრობის ინიციატივა პარლამენტშია

1136
(განახლებულია 21:52 13.05.2020)
დღეისათვის საქართველოში ასაკობრივი პენსია ქალებს 60 წლიდან, ხოლო მამაკაცებს 65 წლიდან ენიშნებათ. საქართველოში პენსიას დაახლოებით 770,3 ათასი ადამიანი იღებს.

თბილისი, 13 მაისი – Sputnik. მთავრობის ინიციატივა ქვეყანაში პენსიების ყოველწლიურად გაზრდის შესახებ პარლამენტის ბიურომ ოთხშაბათს გამართულ სხდომაზე დაარეგისტრირა, განაცხადა პარლამენტის თავმჯდომარემ არჩილ თალაკვაძემ.

პენსიების ყოველწლიურად გაზრდის ინიციატივა მთავრობის ანტიკრიზისული გეგმის ნაწილია, რომელიც ასევე ითვალისწინებს მოქალაქეების გარკვეული ნაწილის გადასახადებისგან გათავისუფლებას, უმუშევრად დარჩენილი პირებისთვის დახმარების გაცემას და შეჭირვებული მოსახლეობის დახმარებას. 

„მინდა ვუთხრა მოსახლეობას, რომ პენსიების ზრდის დაპირებასთან ერთად მოხდება პენსიის ინდექსაცია, რის შემდეგაც პენსიონერები, ეკონომიკური ზრდის მიუხედავად, ყოველწლიურად მიიღებენ გაზრდილ პენსიას დამოუკიდებლად იმისა, რამდენად გაიზრდება საქართველოს ეკონომიკა“, - განაცხადა თალაკვაძემ.

როგორ გაიზრდება პენსია

დღეისათვის საქართველოში ასაკობრივი პენსია ქალებს 60 წლიდან, ხოლო მამაკაცებს 65 წლიდან ენიშნებათ. საქართველოში პენსიას დაახლოებით 770,3 ათასი ადამიანი იღებს. 

პენსია 220 ლარს შეადგენს. თუმცა უკვე 1 ივლისიდან დაახლოებით 406,2 ათასი 70 წელს ზემოთ ასაკის პენსიონერი პენსიასთან ერთად 30-ლარიან დანამატს მიიღებს.

მთავრობის ინიციატივით, მსგავსი განაწილება - 70 წლამდე და 70 წელს ზემოთ - პენსიების ინდექსაციის დროსაც შენარჩუნდება.

ეს წესი შემდეგია: 70 წლამდე პენსიონერებისთვის პენსიის ზრდა ინფლაციის გათვალისწინებით მოხდება, ხოლო 70 წლის ზემოთ - ინფლაციისა და პლუს ეკონომიკური ზრდის 80%-ის გათვალისწინებით.

ციფრებში ეს მინიმუმ 20 ლარია 70 წლამდე პენსიონერებისთვის, ხოლო 70 წელზე ზემოთ – 25 ლარი. თუ კრიტერიუმები მაღალი იქნება, ზრდაც შესაბამისი დაფიქსირდება, თუ ზრდა არ იქნება, პენსია ყოველწლიურად გარანტირებულად 20-25 ლარით გაიზრდება.

პენსიების ინდექსაცია საქართველოსთვის საერთაშორისო სავალუტო ფონდის ერთ-ერთ რეკომენდაციას წარმოადგენს. ფონდის ანალიტიკოსების აზრით, საბაზო სახელმწიფო პენსიის ინდექსაციის წესების შემოღება პენსიონერების რეალური შემოსავლის გაზრდას და სიბერით გამოწვეული სიღარიბის შემცირებას შეუწყობს ხელს.

1136
თემები:
საქართველოს ეკონომიკა (595)
ვალუტის გაცვლის პუნქტი

ლარის კურსი 4 ივნისს

7
(განახლებულია 08:21 04.06.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0356 ლარით გამყარდა.

თბილისი, 4 ივნისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0416 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ 0,0356 ლარით გამყარდა.

ლარის კურსი 4 ივნისს
ლარის კურსი 4 ივნისს
7
თემები:
ლარის კურსი დღეს
ვალუტის გადამცვლელი პუნქტი

მოსახლეობის საყურადღებოდ: 8 ივნისიდან სავალუტო ჯიხურები იხსნება

81
(განახლებულია 19:59 03.06.2020)
მომავალი კვირიდან საქართველოს მოსახლეობა ვალუტის გადამცვლელ პუნქტებში ვალუტის ყიდვას ან გადაცვლას შეძლებს.

თბილისი, 3 ივნისი – Sputnik. საქართველოს მთელ ტერიტორიაზე 8 ივნისიდან საქმიანობას განაახლებენ ვალუტის გადამცვლელი პუნქტები, რომლებმაც მუშაობა კორონავირუსის პანდემიის გამო შეაჩერეს, ნათქვამია საქართველოს ეროვნული ბანკის ვებ-გვერდზე გავრცელებულ განცხადებაში. 

ვალუტის გადამცვლელმა პუნქტებმა მუშაობა 31 მარტს შეაჩერეს. ამ ეტაპზე მოქალაქეებს ვალუტის გადაცვლა მხოლოდ ბანკებსა და მიკროსაფინანსო ორგანიზაციებში შეუძლიათ.

„ერთობლივი ქმედებებით ჩვენ სწრაფად შევძლებთ ვირუსის დამარცხებას და საქმიანობის ჩვეულ რეჟიმში დაბრუნებას“, – ნათქვამია უწყების მიერ გავრცელებულ განცხადებაში.

ეროვნული ბანკი მოუწოდებს ვალუტის გადამცვლელი პუნქტების მფლობელებს, მკაცრად დაიცვან პროფესიონალთა რეკომენდაციები და რჩევები. 

საქართველოში საგანგებო მდგომარეობა 21 მარტს გამოცხადდა და ის 23 მაისამდე მოქმედებდა. ამჟამად მთავრობა პანდემიის გამო დაწესებული შეზღუდვების დაჩქარებულ ტემპში მოხსნის პროცესს აგრძელებს.

შეზღუდვების მოხსნის გეგმა ექვსეტაპიანია და მისი განხორციელება ქვეყანაში ეპიდსიტუაციაზეა დამოკიდებული. გეგმის თანახმად, შეზღუდვები სრულად 6 ივლისისთვის უნდა იყოს გაუქმებული. მანამდე კი ქვეყანაში დახურულ სივრცეებში პირბადის ტარება აუცილებელი პირობაა.

81
თემები:
COVID-19 საქართველოში