East Point

ბიზნეს–ასოციაცია ეკონომიკის გახსნის დაჩქარებულ ტემპს მიესალმება

103
(განახლებულია 16:57 09.05.2020)
დღეს ყველა კომპანიისთვის ძირითადი პირობა მოქმედებს – კორონავირუსის გავრცელების პრევენციის მიზნით ჯანდაცვის სამინისტროს მიერ შემუშავებული წესებისა და ნორმების დაცვა.

თბილისი, 9 მაისი — Sputnik.  საქართველოს ბიზნეს–ასოციაცია მიესალმება ქვეყანაში დაწესებული შეზღუდვების შემსუბუქების მორიგ ეტაპს, რომლის მიზანია, აღდგეს ეკონომიკური აქტივობა და ბიზნესი დაუბრუნდეს ცხოვრების მეტ-ნაკლებად ჩვეულ რიტმს, ნათქვამია ორგანიზაციის განცხადებაში.

კორონავირუსის აფეთქებამ საქართველოს ეკონომიკას სერიოზული დარტყმა მიაყენა. ზარალი პრაქტიკულად ყველა სფეროს მიადგა, ამიტომაც შეზღუდვების სწრაფი, ეფექტური და უსაფრთხო მოხსნა – ხელისუფლების მთავარი ამოცანაა. მთავრობის გადაწყვეტილებით, ქვეყანაში წარმოება 11 მაისიდან სრულად განახლდება, ასევე მუშაობას დაიწყებს ყველა მაღაზია, რომელთაც ქუჩიდან შესასვლელი აქვთ და არ ყიდიან ფეხსაცმელსა და ტანსაცმელს. 

 „ჩვენ ვხედავთ, რომ უკიდურესად აუცილებელია ეკონომიკის რაც შეიძლება მალე და ეფექტურად აღდგენა და ეკონომიკის განვითარებისა და ზრდის იმ ნიშნულებამდე ეტაპობრივად დაბრუნება, რაც პანდემიამდე გვქონდა“, – ნათქვამია ორგანიზაციის განცხადებაში.

ორგანიზაციაში აღნიშნავენ, რომ კარგად აცნობიერებენ ეკონომიკის გახსნასთან დაკავშირებულ რისკებს, თუმცა შეჩერებული საქმიანობის ყოველი დამატებითი დღე ბიზნესის, დასაქმებულებისა და თითოეული მოქალაქის მდგომარეობას მნიშვნელოვნად აუარესებს. 

 „შესაბამისად, როდესაც ბიზნესი საუბრობს ეკონომიკის გახსნის ტემპების დაჩქარებაზე, ჩვენ სრულად ვაცნობიერებთ, როგორც შესაბამისი გადაწყვეტილების მიმღებთა პასუხისმგებლობას, ასევე ცალკეული ბიზნეს–სუბიექტის, ყოველი დასაქმებულისა და მოქალაქის პასუხისმგებლობას, რათა საფრთხის ბოლომდე აღმოფხვრამდე ჯანდაცვის სამინისტროს მიერ შემუშავებულ რეკომენდაციებს განსაკუთრებული ყურადღება მიექცეს და განუხრელად დავიცვათ საკუთარი დასაქმებულების თუ მომხმარებლების უსაფრთხოება“, – ნათქვამია განცხადებაში.

დღეს ყველა კომპანიისთვის ძირითადი პირობა მოქმედებს – კორონავირუსის გავრცელების პრევენციის მიზნით ჯანდაცვის სამინისტროს მიერ შემუშავებული წესებისა და ნორმების დაცვა. საგანგებო მდგომარეობის პირობებში ყველა რეკომენდაციის დაცვას მკაცრად აკონტროლებენ შრომის ინსპექციის ინსპექტორები, ზედამხედველობის სამსახურისა და მუნიციპალური ინსპექციის თანამშრომლები. 

ბიზნეს–ასოციაცია იმედს გამოთქვამს, რომ მალე საქმიანობის განახლების შესაძლებლობა იმ კომპანიებსაც ექნებათ, რომლებმაც არსებულ რეალობაში მუშაობა შეაჩერეს. რაც, მათი სიტყვებით, ნიშნავს სამუშაო ადგილებზე ათასობით მოქალაქის დაბრუნებასა და COVID-19–ის გამო შექმნილი სოციალური სიტუაციის გაუმჯობესებას.

კორონავირუსის აფეთქების გამო საქართველოს ხელისუფლებამ 31 მარტს ბიზნესისთვის შეზღუდვები დააწესა და იმ კონკრეტული საწარმოების სია წარმოადგინა, რომელთაც მუშაობაზე შეზღუდვა არ შეეხო.

მოგვიანებით ხელისუფლებამ ეკონომიკის გახსნის ექვს ეტაპიანი გეგმა წარმოადგინა. თუმცა, რიგმა კომპანიებმა მუშაობის განახლება დადგენილ ვადამდე ადრე დაიწყეს.

კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა ერთი თვით. შემდეგ მთავრობამ საგანგებო მდგომარეობა 22 მაისამდე გააგრძელა.

საქართველოში კორონავირუსის პირველი შემთხვევა 26 თებერვალს დაფიქსირდა. 31 მარტიდან კი ქვეყნის მთელ ტერიტორიაზე კარანტინის რეჟიმი მოქმედებს. შემოღებულია ასევე კომენდანტის საათი 21:00 საათიდან დილის 06:00 საათამდე.

103
თემები:
საქართველოს ეკონომიკა (689)
დოლარები და ლარები

ლარის კურსის სტაბილურობისთვის: რეგულატორმა დოლარების მორიგი პარტია გაყიდა

75
სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

თბილისი, 13 აგვისტო - Sputnik. საქართველოს ეროვნულმა ბანკმა მორიგი სავალუტო აუქციონი ჩაატარა, რომელზეც 20 მილიონი დოლარი გაყიდა. ბირჟაზე ლარის საშუალო შეწონილმა გაცვლითმა კურსმა დოლარის მიმართ შეადგინა 3, 0705  GEL/$1.

სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

ეროვნული ბანკის ამასწინანდელი განცხადებით, იგი გამოიყენებს მის ხელთ არსებულ ყველა ინსტრუმენტს, მათ შორის, სავალუტო ინტერვენციებს ფასების სტაბილურობის უზრუნველსაყოფად.

„ახლა, როდესაც სავალუტო ბაზარი არასტაბილურია, ეროვნული ბანკი უზრუნველყოფს ბაზრისთვის საჭირო ლიკვიდურობას როგორც უცხოურ, ისე ეროვნულ ვალუტაში“, - განაცხადა რეგულატორმა.

სავალუტო აუქციონების გარდა, ეროვნული ბანკი კურსის რყევის შესამცირებლად ყოველდღიურად ახორციელებს ინტერვენციებს. კერძოდ, როდესაც გაცვლითი კურსი დღის განმავლობაში წინასწარ დადგენილ ნიშნულს ასცდება, ეროვნული ბანკი ვაჭრობაში გარკვეული მოცულობის უცხოური ვალუტით ერთვება.

გარდა ამისა, წელს ეროვნული ბანკი ინტერვენციისთვის იმ ვალუტას იყენებს, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიით გამოწვეული შედეგების აღმოსაფხვრელად იღებს.

საქართველოს ეროვნულმა ბანკმა პარასკევისთვის ლარის კურსი აშშ დოლარის მიმართ 3, 0728 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0057 ლარით გამყარდა.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება.

 

75
თემები:
საქართველოს ეკონომიკა (689)
თეა წულუკიანი

მასშტაბური რეფორმა რა სიახლეები შევა მეწარმეთა შესახებ ახალ კანონპროექტში

117
(განახლებულია 19:44 13.08.2020)
მინისტრის თქმით, ახალი კანონპროექტის თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა.

თბილისი, 13 – Sputnik. დღეს ჩვენ დავასრულეთ სრულიად ახალ კანონპროექტზე მუშაობის მრავალწლიანი პროცესი, რომელსაც ჰქვია საქართველოს კანონი „მეწარმეთა შესახებ“, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

როგორც მინისტრმა განმარტა, ეს კანონი 1994 წელს მიღებულ მეწარმეთა შესახებ კანონს ჩაანაცვლებს, რომელიც, მიუხედავად 2008 წელს განხორციელებული ცვლილებებისა, საერთოდ არ პასუხობს თანამედროვეობას, ბიზნეს-წრეების ინტერესებსა და გამჭვირვალობის პრინციპებს, რომელიც თავისუფალი მეწარმეობისთვის აუცილებელია.

რა საჭიროა ანტიდემპინგური კანონი და რა სარგებელს მოუტანს ის ქართულ ბაზარს>>

წულუკიანის განცხადებით, მნიშვნელოვანია, რომ ბევრი ისეთი ახალი რეგულაცია შემოდის, რომელიც დავის შემთხვევაში სახელმძღვანელო გახდება როგორც მეწარმეების, ასევე მოსამართლეებისთვის.

„მნიშვნელოვანია, რომ ძალიან ბევრი ახალი რეგულაცია შემოდის, რომელიც არასავალდებულო ხასიათისაა, ანუ დისპოზიციურია, მაგრამ სახელმძღვანელო იქნება როგორც მეწარმეებისთვის, ასევე მოსამართლეებისთვის – დავის შემთხვევაში. რასაკვირველია, არის იმპერატიული ნორმებიც, მაგრამ ამ კანონით იქმნება სრულიად თავისუფალი, რეგულირებული და განჭვრეტადი ატმოსფერო და ბიზნეს-კლიმატი კიდევ უფრო უნდა გაუმჯობესდეს“, – აღნიშნა მინისტრმა.

მისი თქმით, ახალი კანონპროექტის თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა, იქნება ეს სააქციო საზოგადოება, შპს, სოლიდარული პასუხისმგებლობის საზოგადოება, კოოპერატივი თუ კომანდიტური საზოგადოება. ასევე შემოდის სხვადასხვა ევროპული სტანდარტი, მათ შორის, სადამფუძნებლო დოკუმენტების საჯარო რეესტრში წარდგენის მიმართულებით.

„ესაა მასშტაბური რეფორმა, ესაა ის რეფორმა, რომელსაც არა მხოლოდ დარგობრივი უწყებები, ეკონომიკისა და ფინანსთა სამინისტროები, არამედ ჩვენი ბიზნესმენებიც მრავალი წელია ელოდნენ და 2013 წელს მათთან ერთად დაწყებული ეს პროცესი დღეს დასრულდა“, – აღნიშნა იუსტიციის მინისტრმა.

თეა წულუკიანის თქმით, ახალი კანონპროექტი ორი კვირის განმავლობაში გამოქვეყნდება „საქართველოს საკანონმდებლო მაცნეში“.

პარლამენტის მიერ პროექტის დამტკიცების შემთხვევაში ახალი რეგულაციები ძალაში 2021 წლის 1 იანვრიდან შევა.

117
მთვარე

მთვარის კალენდარი: 14 აგვისტო რისი გაკეთება შეიძლება და რისი არა

0
(განახლებულია 12:39 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 აგვისტო, პარასკევი. ამ დღეს ვენერა მართავს. კლებადი მთვარე ტყუპის ნიშანშია.

სწრაფი და ენერგიული საქმეების დროა. მომატებულია იმპულსურობა, ამიტომ ეცადეთ, თავი აარიდოთ ისეთ საქმეებს, რომლებიც დიდ ყურადღებას მოითხოვს.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სწრაფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ინტუიციის ნდობა დღის მეორე ნახევარში, განსაკუთრებით ფულთან დაკავშირებულ საკითხებში, მარტივი საკითხების გადაჭრა, მიმდინარე საქმეების განხილვა, სავაჭრო ოპერაციების ჩატარება, პასიურობა და საკუთარ თავში ჩაღრმავება, ნეიტრალიტეტის დაცვა კოლეგებთან მიმართებით.

არარეკომენდებული აჩქარება, აქტიურობა, დღის პირველ ნახევარში გუნდთან ერთად საქმიანობა, რთული მოლაპარაკებები, შეთანხმებების დადება, კონტრაქტებზე ხელმოწერა, საპასუხისმგებლო გადაწყვეტილებების მიღება.

კარგი დღეა მგზავრობისთვის, მაგრამ აჩქარების გარეშე.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. ხელსაყრელია ჰაეროვანი ვარცხნილობის გაკეთებისთვის. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. არახელსაყრელი დღეა ბალახეული კულტურების დარგვა–გადარგვისთვის. ეფექტური იქნება ზედმეტი ყლორტების მოშორება გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0