ნახევარფაბრიკატების საწარმო

კორონავირუსი და უმუშევრობა: რამდენი საწარმო შეამცირებს თანამშრომლებს

111
(განახლებულია 14:02 08.05.2020)
პირველ კვარტალში მსხვილი კომპანიების 47,2% მიიჩნევდა, რომ გარდაუვალია თანამშრომლების შემცირება ამ წლის მეორე კვარტალში.

თბილისი, 8 მაისი – Sputnik. კერძო ქართული კომპანიების დაახლოებით ნახევარი მიიჩნევს, რომ გარდაუვალია თანამშრომლების შემცირება კორონავირუსის პანდემიის გამო, მეორე ნახევარი კი არ აპირებს გაფართოებას - ასეთია საქართველოს ბიზნეს-ასოციაციის კვლევის შედეგები.

საქართველოს ბიზნეს-ასოციაცია (BAG) 70-ზე მეტ დიდ კომპანიას აერთიანებს, მათ შორის, ბანკებს, გასამართი სადგურების ქსელებს, სამშენებლო კომპანიებს, კომუნიკაციების კომპანიებს, ასევე დიდი სუპერმარკეტების ქსელებს.

დასაქმებასთან დაკავშირებით საქართველოს ბიზნეს-ასოციაციის გამოკითხული წევრების მოლოდინები BAG-ის ინდექსის ყოველკვარტალური გამოკითხვის ფარგლებში მნიშვნელოვნად გაუარესდა. BAG-ის დასაქმების ბარომეტრი, რომელიც ასოციაციის წევრებს შორის დასაქმების დონის მოსალოდნელ ცვლილებებს ასახავს მომდევნო სამი თვის განმავლობაში, 2020 წლის პირველ კვარტალში უარყოფითი გახდა და –46,7 პუნქტი შეადგინა. შედარებისთვის: 2019 წლის მეოთხე კვარტალში BAG-ის წევრ საწარმოებს დასაქმებასთან დაკავშირებით დადებითი მოლოდინები ჰქონდათ, ამიტომ დასაქმების ბარომეტრი დადებითი იყო და 26,1 პუნქტს შეადგენდა.

კომპანიის კვლევის თანახმად, 2020 წლის პირველ კვარტალში კომპანიების 47,2%-მა ჩათვალა საჭიროდ თანამშრომლების შემცირება ამ წლის მეორე კვარტალში, კიდევ 50,9% თანამშრომელთა რაოდენობაში ცვლილებებს არ ელოდება.

მუშაობა კორონავირუსის პირობებში: ქართულ კომპანიებში შრომის პირობებს ამოწმებენ>>

ამასთან, კვლევის თანახმად, ყველაზე მეტად ნეგატიური მოლოდინებია სამშენებლო და ვაჭრობის სფეროებში, ხოლო შედარებით პოზიტიური – მრეწველობის სფეროში.

„მშენებლობის სექტორში სამუშაო ადგილების შემცირების უკიდურესად ნეგატიური მოლოდინია, რაც, სავარაუდოდ, კრიზისების დროს უძრავი ქონების ბაზარზე მოთხოვნის შემცირებას უნდა უკავშირდებოდეს“, – აღნიშნულია კვლევაში.

დასაქმების ბარომეტრი ეფუძნება საქართველოს ბიზნეს-ასოციაციის წევრთა გამოკითხვას, რომელშიც კომპანიები დასაქმებულების რაოდენობის მხრივ თავიანთ გეგმებს აღწერენ.

იმის შესახებ, რომ საქართველოში დასაქმებულთა რაოდენობა შემცირდება, უფრო ადრე საქართველოს პრემიერ-მინისტრმა გიორგი გახარიამაც განაცხადა. მისი პროგნოზით, კორონავირუსის გამო სამუშაო ადგილები ქვეყანაში 350 ათასით შემცირდება.

უმუშევრობა საქართველოში

სტატისტიკის ეროვნული სამსახურის „საქსტატის“ მონაცემებით, საქართველოში უმუშევრობის დონე 2019 წლის მეოთხე კვარტალში 12,3%-დან 10,9%-მდე შემცირდა.

„საქსტატმა" უმუშევრების დათვლის სისტემა შეცვალა. ამჟამად თვითდასაქმებულების მონაცემები ახალი მეთოდიკით ითვლება. თუ ადრე თვითდასაქმებულად მიიჩნეოდა საკუთარ მიწაზე მომუშავე ნებისმიერი ადამიანი, აწარმოებდა ის პროდუქციას თავისთვის თუ ბაზარზე გასაყიდად, ახალი მეთოდოლოგიით, ადამიანი, რომელიც მხოლოდ საკუთარი თავისთვის მუშაობს, თვითდასაქმებულის კატეგორიიდან ამოიშალა.

1 იანვრიდან ამოქმედდა ცალკე უწყება – დასაქმების ხელშეწყობის სახელმწიფო სააგენტო.

მთავრობამ მიიღო სპეციალური დადგენილება, რომლის მიხედვით, ახალი უწყება ასრულებს უმუშევრობის პრობლემების გადაწყვეტასთან დაკავშირებულ ფუნქციებს, რომელსაც მანამდე სოციალური მომსახურების სააგენტო ასრულებდა.

ყველაფერი საპრივატიზაციოდ: კალაძეს თბილისის ეკონომიკის „გაცოცხლება“ სურს>>

სააგენტო შუამავლის როლს ასრულებს სამუშაოს მძებნელთა და ბიზნესს შორის. ის აღრიცხავს დასაქმების მსურველებს, სწავლობს შრომის ბაზარს და შრომის ბაზრის საკითხებზე რეკომენდაციებს გასცემს.

2019 წლის მონაცემებით, უმუშევრობის დონე საქართველოში 11,6%-ს შეადგენდა, ანუ ოფიციალურად უმუშევრად მიიჩნეოდა 221 ათასი ადამიანი.

დახმარება მათთვის, ვინც სამუშაო დაკარგა

კორონავირუსით გამოწვეული კრიზისის ფონზე საქართველოს მთავრობამ მიიღო გადაწყვეტილება, საშემოსავლო გადასახადისგან გაათავისუფლოს ისინი, ვისი შემოსავალიც 1,5 ათას ლარამდეა, თუმცა შეღავათები ყველას არ შეეხება.

საგადასახადო შეღავათები მთავრობის ანტიკრიზისული გეგმის ნაწილია, რომელიც მიმართულია იმ ადამიანების დასახმარებლად, რომლებიც კორონავირუსის გავრცელების პერიოდში შემოსავლების გარეშე დარჩნენ, ასევე დასაქმებულების წასახალისებლად.

გეგმის მიხედვით, საშემოსავლო გადასახადს არ გადაიხდიან კერძო სექტორის წარმომადგენლები, რომელთა ხელფასი 1,5 ათას ლარამდეა. ამასთან, არ დაიბეგრება 750 ლარამდე თანხა. ანუ, მაგალითად, 1000 ლარი ხელფასის დროს საშემოსავლო გადასახადი გამოითვლება 250 ლარიდან და არა მთლიანი თანხიდან.

გადასახადებისგან გათავისუფლების მიზნით დამსაქმებელმა უნდა წარადგინოს ყოველთვიური საგადასახადო დეკლარაცია.

111
თემები:
საქართველოს ეკონომიკა (595)
ქარის ელექტროსადგური

რატომ შემცირდა ელექტროენერგიის მოხმარება პანდემიის დროს: მინისტრის განმარტება

25
(განახლებულია 08:57 04.06.2020)
ელექტროენერგიის მოხმარების შემცირება, რაც COVID-19–ის პანდემიამ გამოიწვია, სავარაუდოდ, მეორე კვარტალშიც გაგრძელდება, ეკონომიკის სამინისტრო 2020 წელს საერთო მოხმარების 0,8%–ით შემცირებას პროგნოზირებს

თბილისი, 4 ივნისი – Sputnik. კორონავირუსის პანდემიის პერიოდში ეკონომიკური აქტიურობის შენელების გამო საქართველოში ელექტროენერგიის მოხმარება შემცირდა, განუცხადა ჟურნალისტებს ეკონომიკისა და მდგრადი განვითარების მინისტრმა ნათია თურნავამ.

საქართველოში ბოლო 20 წლის განმავლობაში ელექტროენერგიის მოხმარება იზრდებოდა, მაგრამ კორონავირუსთან დაკავშირებული ვითარება ქვეყანაში და მსოფლიოში ამ დარგზეც აისახა.

„კორონავირუსის დროს გლობალურმა პანდემიამ და მათ შორის, საქართველოში ეკონომიკურმა კრიზისმა, ასევე ბიზნეს–პროცესების შენელებამ და გარკვეულწილად, საერთოდ შეჩერებამ, რადგან საგანგებო ვითარებაში ვიმყოფებოდით, გარდაუვლად გამოიწვია ისიც, რომ ამ პერიოდში  ელექტროენერგიაზე მოთხოვნა შემცირდა“, – განაცხადა თურნავამ.

მინისტრის თქმით, ეკონომიკური კრიზისის პერიოდში მთავრობა მოხმარებული ელექტროენერგიის საფასურის გადახდაში მოქალაქეების გარკვეულ კატეგორიას დაეხმარა.

„ჩვენ დაუყოვნებლივ მოვახდინეთ სამი თვის ელექტროენერგიის გადასახადის სუბსიდირება მოსახლეობისთვის, რამაც მდგრადი გახადა მოსახლეობის გადახდისუნარიანობა ამ რთულ პერიოდში და ირიბად დაეხმარა, მათ შორის, ენერგეტიკულ კომპანიებს...რა თქმა უნდა, ეს არ არის საკმარისი, რომ შარშანდელ დონეზე გვქონდეს მოთხოვნა ელექტროენერგიაზე“, – აღნიშნა თურნავამ.

საქართველოში ორ წელიწადში ორ ახალ ქარის ელექტროსადგურს ააშენებენ>>

საქართველოს ელექტროენერგეტიკული ბაზრის ოპერატორის მონაცემებით (ESCO), 2019 წელს საქართველოში მოხმარებულია 13,4 მილიარდი კილოვატ-საათი ელექტროენერგია, ხოლო გამომუშავებულია - 11,9 მილიარდი კილოვატ-საათი. გამომუშავებული ელეტროენერგიის დიდი წილი ჰიდროსადგურებზე მოდის – 8,9 მლრდ კვტ/სთ, თბოსადგურებმა გამოიმუშავეს 2,4 მლრდ კვტ/სთ, ხოლო ქარს სადგურმა „ქართლი“ – 84,7 მლნ კვტ/სთ.

მოსალოდნელია, რომ ელექტროენერგიის მოხმარების შემცირება, რაც COVID-19–ის პანდემიამ გამოიწვია, 2020 წლის მეორე კვარტალშიც გაგრძელდება, ეკონომიკის სამინისტრო წელს საერთო მოხმარების 0,8%–ით, ანუ 12,7 მლრდ კვტ/სთ–მდე შემცირებას პროგნოზირებს.

25
თემები:
COVID-19 საქართველოში
ვალუტის გაცვლის პუნქტი

ლარის კურსი 4 ივნისს

15
(განახლებულია 08:21 04.06.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0356 ლარით გამყარდა.

თბილისი, 4 ივნისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0416 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ 0,0356 ლარით გამყარდა.

ლარის კურსი 4 ივნისს
ლარის კურსი 4 ივნისს
15
თემები:
ლარის კურსი დღეს
პატარა თვითმფრინავი

როდის განახლდება შიდა ავიარეისები საქართველოში

0
(განახლებულია 09:36 04.06.2020)
საქართველოს მოსახლეობა შიდა ავიარეისებით, რომელთა შესრულება საგანგებო მდგომარეობის გამოცხადებისთანავე შეწყდა, თითქმის ორთვენახევარი ვერ სარგებლობდა

თბილისი, 4 ივნისი – Sputnik. კორონავირუსის პანდემიის გამო შეჩერებული შიდა ავიარეისები 15 ივნისს განახლდება, ინფორმაცია ამის შესახებ გამოაქვეყნა ქართულმა ტურისტულმა კომპანია Vanilla Sky–მ.

რომელი ქვეყნიდან ჩამოვლენ საქართველოში პირველი ტურისტები - შეთანხმება მიღწეულია>>

საქართველოში შიდა ტურიზმი 15 ივნისიდან აღდგება, ხოლო ქვეყანა მოგზაურებს უცხოეთიდან 1 ივლისიდან მიიღებს.

„Vanilla Sky 15 ივნისიდან აღადგენს შიდა რეისებს თბილისი-ბათუმის; ნატახტარი - მესტიას; ნატახტარი - ამბროლაურის მიმართულებით. სულ მალე შეგატყობინებთ ფრენების განრიგს“, – ნათქვამია განცხადებაში.

ავიაკომპანია Ak-Air Georgia–მ, რომელიც საქართველოში შიდა ავიარეისებს ასრულებს, ფრენები 22 მარტს საგანგებო რეჟიმის ამოქმედებასთან დაკავშირებით შეაჩერა.

საგანგებო მდგომარეობა საქართველოში 21 მარტს დაწესდა და 23 მაისამდე მოქმედებდა. შემდეგ დაიწყო შეზღუდვების ეტაპობრივად მოხსნა. ამჟამად მთავრობა შეზღუდვებს აჩქარებული ტემპით ხსნის.

შეზღუდვების მოხსნის გეგმა ექვსი პუნქტისგან შედგება, მაგრამ მისი რეალიზება ქვეყანაში ეპიდემიურ ვთარებაზეა დამოკიდებული. გეგმის მიხედვით შეზღუდვები საბოლოოდ 6 ივლისისთვის უნდა მოიხსნას. მანამდე კი ქვეყანაში აუცილებელია სამედიცინო პირბადის ტარება დახურულ საზოგადოებრივ ადგილებში.

0
თემები:
ავიამიმოსვლა საქართველოში