კუპიურები

სსფ-ის მიერ COVID-19-თან ბრძოლისთვის გამოყოფილ თანხას საქართველო მსოფლიოში პირველი მიიღებს

149
გიორგი გახარიამ საერთაშორისო სავალუტო ფონდის დირექტორს გამოყოფილი დახმარებისთვის მადლობა გადაუხადა

თბილისი, 2 მაისი - Sputnik. საერთაშორისო სავალუტო ფონდის (სსფ) აღმასრულებელმა საბჭომ დაამტკიცა საქართველოსთვის 200 მილიონი აშშ დოლარის გამოყოფა, რომელიც კორონავირუსის პანდემიით გამოწვეული საგადახდო ბალანსის და ბიუჯეტის გადაუდებელ საჭიროებებს მოხმარდება, ნათქვამია სსფ-ის ვებგვერდზე გავრცელებულ განცხადებაში.

კორონავირუსი საქართველოს ეკონომიკას ურტყამს: "საქსტატი" ახალ მონაცემებს აქვეყნებს >>

საქართველოს ხელისუფლებამ და სსფ-ის გუნდმა მიაღწიეს შეთანხმებას „გაფართოებული დაფინანსების მექანიზმის“ (EFF) მეექვსე მიმოხილვის თაობაზე გამართულ მოლაპარაკებებზე, რომელიც 1-13 აპრილს გაიმართა.

დაფინანსებასთან ერთად, რომელიც საქართველოსთვის ხელმისაწვდომი მიმოხილვის დასრულების შემდეგ გახდება, სსფ-ის შეთანხმების ფარგლებში საერთო გამოყოფილი თანხა კვოტის 230 პროცენტს შეადგენს.

საბჭოს გადაწყვეტილებით, სახელმწიფო ბიუჯეტი 200 მილიონი დოლარით უკვე მაისში შეივსება, რაც საქართველოს ხელისუფლებას მისცემს საშუალებას გადაუდებელი სამედიცნო და სოციალურ-ეკონომიკური საჭიროებები დააკმაყოფილოს.

ახალი სამწლიანი პროგრამა - „გაფართოებული დაფინანსების მექანიზმი“, რომელიც საქართველოში ეკონომიკური რეფორმების მხარდაჭერას ისახავს მიზნად, საერთაშორისო სავალუტო ფონდმა 2017 წლის აპრილში დაამტკიცა. ამ პროგრამის ფარგლებში 448 მლნ დოლარი საქართველომ უკვე მიიღო.

ამგვარად, საქართველო გახდა ერთ-ერთი პირველი ქვეყანა, რომელიც საერთაშორისო სავალუტო ფონდის კორონავირუსთან ბრძოლის მიმდინარე პროგრამის ფარგლებში გაზრდილ რესურსებს მიიღებს.

საერთაშორისო სავალუტო ფონდს მადლობა გადაუხადა საქართველოს პრემიერ-მინისტრმა გიორგი გახარიამ.

„მადლობას ვუხდი საერთაშორისო სავალუტო ფონდის მმართველ დირექტორს, აღმასრულებელ დირექტორთა საბჭოსა და პროგრამის მომლაპარაკებელ მისიას მეექვსე მიმოხილვის დასრულებისთვის და მიმდინარე პროგრამის 200 მილიონი აშშ დოლარით გაზრდისთვის“, – დაწერა გიორგი გახარიამ Twitter-ის აკაუნტში.

ფული მოქმედებაში

კორონავირუსის პანდემიით გამოწვეულ შედეგებთან საბრძოლველად საქართველო საერთაშორისო პარტნიორებისგან 3 მილიარდ დოლარს მიიღებს.

საქართველოს მთავრობამ უკვე შეიმუშავა ანტიკრიზისული გეგმა, რომლის თანახმად ხელისუფლება ფინანსურ დახმარებას აღმოუჩენს უმუშევრებს, სოციალურად დაუცველებს, შშმ პირებს, თვითდასაქმებულებს და მრავალშვილიან ოჯახებს.

ცალკე გეგმა შემუშავდა ბიზნესის დახმარების მიზნით, რომელსაც მთავრობა განსაკუთრებულ საგადასახადო და სასესხო შეღავათებს შესთავაზებს.

საქართველოს ხელისუფლება უახლოეს დროს აგრეთვე ტურიზმის და სოფლის მეურნეობის სფეროს დახმარების გეგმას წარადგენს.

ამასთან ძირითადი აქცენტი ადგილობრივი წარმოების გაზრდასა და განახლებაზე გაკეთდება.

149
თემები:
COVID-19 საქართველოში (1210)
ტრაქტორები

საქართველოში შეღავათებით საწვავზე 90 ათასმა ფერმერმა ისარგებლა

18
(განახლებულია 09:54 15.07.2020)
ფერმერებმა, რომლებმაც გაანაღდეს თავიანთი საშეღავათო ბარათები დიზელის საწვავზე, ჯამში 3 მილიონ ლარამდე ეკონომია გასწიეს

თბილისი, 15 ივლისი – Sputnik. სახელმწიფო პროგრამა „აგროდიზელის“ ფარგლებში დიზელის სწავავის შეღავათიან ფასად შესაძენად ბარათები 90 ათასზე მეტმა ფერმერმა მიიღო, ნათქვამია სოფლისა და სოფლის მეურნეობის განვითარების სააგენტოს განცხადებაში.

ფერმერებისთვის დიზელის საწვავის მიწოდება შეღავათიან ფასებში საქართველოს მთავრობის სოფლის დახმარების პროგრამის ერთ-ერთ პუნქტს წარმოადგენს. სოფლის განვითარების პროგრამა მიმართულია დარეგისტრირებული მიწების მფლობელთა ფერმერული მეურნეობების განვითარებისკენ. სწორედ მიწის რეგისტრაცია წარმოადგენს დახმარების განმსაზღვრელ ფაქტორს.

ფერმერებმა ფასდაკლების ბარათები 25 ათასზე მეტი ტონა დიზელის საწვავზე მიიღეს. იმ ფერმერებმა, რომლებმაც უკვე გაანაღდეს ფასდაკლების ბარათები, ჯამურად, 3 მლნ-მდე ლარი დაზოგეს.

პროგრამის ფარგლებში, ბენზინგასამართ სადგურებზე ფერმერთა ორგანიზებული მომსახურების პროცესის შენარჩუნებისთვის, ძალაშია დადგენილი წესი, რომლითაც ყველა ფერმერმა 1 ივლისამდე შეძლო კუთვნილი საწვავის ფასდაკლების ბარათების 20%–ის განაღდება, თუ საწვავი სულ მცირე 100 ლიტრია. თუ მისაღები დიზელის საწვავის ოდენობა 100 ლიტრზე ნაკლებია, ფერმერებს შეუძლიათ საწვავის ფასდაკლების ბარათების სრულად გამოყენება.

1 ივლისიდან 1 სექტემბრამდე შესაძლებელი იქნება კუთვნილი საწვავის დამატებით 20%-ის განაღდება, არანაკლებ 300 ლიტრისა. თუ კუთვნილი საწვავის ოდენობა 300 ლიტრზე ნაკლებია, ფერმერები საწვავის ფასდაკლების ბარათების სრულად განაღდებას შეძლებენ, ხოლო 1 სექტემბრიდან მათ ნებისმიერი რაოდენობის დიზელის ფასდაკლების ბარათების გამოყენების შესაძლებლობა ექნებათ.

როგორ დაეხმარება საქართველოს ხელისუფლება სოფელს: ახალი პროგრამები და შეღავათები>>

ყველა ფერმერი, რომელიც 0,25-დან 10 ჰექტრამდე რეგისტრირებულ მიწის ნაკვეთს ფლობს, აგროტექნიკური სამუშაოებისთვის აუცილებელ საწვავს საბაზრო ღირებულებაზე იაფად შეიძენს. წლიური ლიმიტი იქნება 150 ლიტრი ერთ ჰექტარ მიწის ნაკვეთზე.

პროგრამის ფარგლებში 1 ლიტრი საწვავის ფასი ავტოგასამართ სადგურებზე 1,16 ლარია. SOCAR Georgia Petrolium-ის საბითუმო ბაზებზე 1,5 ათას ლიტრზე მეტი საწვავის შეძენისას კი – 1,07 ლარი.

სულ პროგრამით სარგებლობა შეუძლია 200 ათას ფერმერს.

დამატებითი დახმარება ფერმერებს

70 ათასზე მეტ ფერმერს, რომლებიც ლეგალურად ფლობენ 0,25–დან 10 ჰექტრამდე ფართობის დარეგისტრირებულ მიწის ნაკვეთებს, აგრობარათებზე უკვე დაერიცხა აგროქულები. დარიცხული სუბსიდიის ოდენობა 14 მლნ ლარს აჭარბებს.

რომლებითაც ფერმერები სასუქებისა და მცენარეთა დამცავი პრეპარატების, ქიმიური და ბიოლოგიური საშუალებების, თესლისა და ნერგების შეძენას, ასევე აგროტექნიკის მომსახურების საფასურის გადახდას შეძლებენ.

აგრობარათებით, რომლებზეც დარიცხულია როგორც თანხა (200 ლარი 1 ჰექტარზე), ისე ქულები, ფერმერებს შეუძლიათ სასუქებისა და მცენარეთა დამცავი პრეპარატების, ქიმიური და ბიოლოგიური საშუალებების, თესლისა და ნერგების შეძენა, ასევე აგროტექნიკის მომსახურების საფასურის გადახდა.

აგროდაზღვევის პროგრამის ფარგლებში გაცემულია 14 ათასზე მეტი პოლისი. დაზღვეულია 15 ათას ჰექტრამდე მიწის ფართობი, ხოლო დაზღვეული მოსავალის ღირებულება 134 მილიონ ლარს აღემატება.

აგროდაზღვევის პროგრამაში სიახლესთან დაკავშირებით, მრავალწლიანი კულტურების დაზღვევა სეტყვის, წყალდიდობის, ქარიშხლისა და შემოდგომის ყინვებისგან სამი წლით არის შესაძლებელი. გარდა ამისა, სახელმწიფო, სხვადასხვა მოცულობით კულტურის სახეობის მიხედვით, მონაწილეობას მიიღებს სადაზღვევო პრემიების თანადაფინანსებაში.

შიდა ქართლში კალიებს ებრძვიან>>

წელს შეიცვალა აგროკრედიტის პროგრამაც, რომელიც ქვეყანაში 2012 წლიდან მოქმედებს. სახელმწიფო სრულად აანაზღაურებს იმ კრედიტის პროცენტს 5–დან 100 ათას ლარამდე, რომელიც ერთწლიანი კულტურების წარმოების განვითარებაზეა აღებული. კრედიტი ნახევარი წლის განმავლობაში გაიცემა.

ბოლო მონაცემებით, უკვე გაცემულია 1 317 აგროკრედიტი. კრედიტის საერთო თანხა 24 მილიონ ლარს ჭარბობს, მათ შორის, სააგენტოს მიერ კრედიტის პროცენტის თანადაფინანსება 1,9 მლნ ლარზე მეტია.

18
თემები:
საქართველოს სოფლის მეურნეობა
ვალუტის გაცვლის პუნქტი

ლარის კურსი 15 ივლისს

35
(განახლებულია 08:20 15.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0019 ლარით გაუფასურდა 

თბილისი, 15 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0633 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0019 ლარით გაუფასურდა.

ლარის კურსი 15 ივლისს
ლარის კურსი 15 ივლისს
35
თემები:
ლარის კურსი დღეს
აზერბაიჯანის ტანკი

სომხეთ-აზერბაიჯანის ბრძოლები არ წყდება: განადგურებულია კიდევ ერთი სამხედრო ობიექტი - ვიდეო

0
(განახლებულია 09:46 15.07.2020)
შეტაკებებში, რომლებიც მესამე დღეა გრძელდება სომხეთ-აზერბაიჯანის საზღვარზე, დაღუპულია 11 აზერბაიჯანელი და ოთხი სომეხი სამხედრო

თბილისი, 15 ივლისი — Sputnik. აზერბაიჯანის თავდაცვის სამინისტროს განცხადებით, ტოვუზის მიმართულებით სომხეთის სამხედრო ობიექტი და ტექნიკაა განადგურებული.

„საბრძოლო მოქმედებების დროს, ტოვუზის რაიონის მიმართულებით, 14 ივლისს ჩვენმა ქვედანაყოფებმა ზუსტი ცეცხლით გაანადგურეს სომხეთის შეიარაღებული ძალების კიდევ ერთი ობიექტი“, — განაცხადა აზერბაიჯანის თავდაცვის სამინისტროს პრესმდივანმა ვაგიფ დარგიაჰლიმ.

მისი თქმით, ასევე განადგურებულია სომხედის სამხედრო ტექნიკა.

აზერბაიჯანის სამხედრო უწყებამ საკუთარ გვერდზე ოპერაციის დამადასტურებელი ვიდეოც განათავსა.

12 ივლისს დაწყებული შეტაკებები აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე, რომელიც საკმაოდ ახლოსაა საქართველოს საზღვართან და ასობით კილომეტრითაა დაშორებული არაღიარებული მთიანი ყარაბაღიდან, მესამე დღეა გრძელდება.

დაღუპულია აზერბაიჯანელი გენერალი – ვრცელდება ღამით შეტევის ვიდეო>>

ბაქოს ინფორმაციით, საბრძოლო მოქმედებებში დაღუპულია 11 აზერბაიჯანელი სამხედრო, მათ შორის გენერალ–მაიორი ფოლად გაშიმოვი და პოლკოვნიკი ილგარ მირზიაევი.  ერევნის მონაცემებით,  მათი მხრიდან დაღუპულია ორი ოფიცერი და ორი ჯარისკაცი, ხოლო დაჭრილია ხუთი სამხედრო.

აზერბაიჯანი და სომხეთი ერთმანეთს აბრალებენ შეტაკების დაწყებასა და სროლებს. მსოფლიოს რიგმა ქვეყნებმა და საერთაშორისო ორგანიზაციებმა შეშფოთება გამოთქვეს შექმნილი ვითარების გამო და მხარეებს დიალოგისკენ მოუწოდეს.

 

0