თბილისი

მსოფლიო ბანკი საქართველოს მოსახლეობას კორონავირუსის პანდემიის დაძლევაში დაეხმარება

102
(განახლებულია 15:53 30.04.2020)
მსოფლიო ბანკის მიერ გამოყოფილი სახსრები სამი დაგეგმილიდან პირველი ტრანშია, რომელსაც საქართველო უახლოესი სამი თვის განმავლობაში მიიღებს.

თბილისი, 30 აპრილი – Sputnik. მსოფლიო ბანკი საქართველოს 80 მლნ დოლარის ოდენობის ფინანსური დახმარების პაკეტს გამოუყოფს, რათა დაეხმაროს კორონავირუსის პანდემიის სამედიცინო და სოციალური შედეგების შერბილებისა და აღმოფხვრისკენ მიმართულ ხელისუფლების ძალისხმევას, ნათქვამია მსოფლიო ბანკის განცხადებაში.

ანტიკრიზისული გეგმა მზადაა – საქართველოს მთავრობა მოსახლეობას დაეხმარება>>

მხარდაჭერა საქართველოსთვის კორონავირუსთან ბრძოლის დაჩქარებული მექანიზმის ფარგლებში გამოიყო. ეს მექანიზმი მიმართულია იმ ზომების დაფინანსებაზე, რომლებიც კორონავირუსის პანდემიის გამო შექმნილი საფრთხეების აღკვეთას, გამოვლენასა და მათზე რეაგირებას ეხმარება, ასევე გულისხმობს სოციალური დაცვის სფეროში მოსახლეობის ყველაზე მოწყვლადი ჯგუფების დაუყოვებლივ მხარდაჭერას.

ჯანდაცვის სფეროში საგანგებო ვითარებაზე რეაგირების ზომები მოიცავს დაავადების გამოვლენასა და დადასტურებას, ტესტირების გაფართოებას, ასევე ჯანდაცვის სისტემის განმტკიცებას დაავადების შემთხვევების მართვის თვალსაზრისით.

ამას გარდა, კრედიტის სახსრები უზრუნველყოფს შეჭირვებული ოჯახების შემოსავლების მხარდაჭერას მიზნობრივი სოციალური დახმარების პროგრამის გაფართოების გზითა და დროებითი ფულადი დახმარებებით მათთვის, ვინც პანდემიის გამო სამუშაო დაკარგა.

„ჩვენი სწრაფი მხარდაჭერით ვეხმარებით ადამიანების სიცოცხლის გადარჩენაში და სახსრების მოძიებაში მათთვის, ვინც ამ რთულ დროს პანდემიისგან დაზარალდა“, - განაცხადა მსოფლიო ბანკის რეგიონულმა დირექტორმა სამხრეთ კავკაიაში სებასტიან მოლინეუსმა.

ამასთან, მან დაასახელა იმ თანხის მოცულობა, რომლითად მსოფლიო ბანკი საქართველოს დაეხმარება.

„ჩვენი შეფასებით, დაფინანსების პაკეტი საქართველოსთვის დაახლოებით 200 მილიონი დოლარი იქნება, როგორც დამატება დაახლოებით 300 მილიონი დოლარისა, რომელიც უკვე გამოყოფილია 2020–2021 წლების პროექტების ფარგლებში, რომლებიც მიმართულია განვითარების უფრო ფართო მოთხოვნებზე, როგორიცაა ციფრული კავშირგაბმულობა და ინფრასტრუქტურა“, – განაცხადა მოლინეუსმა.

საქართველოს ფინანსთა მინისტრმა ივანე მაჭავარიანმა მსოფლიო ბანკს დახმარებისთვის მადლობა გადაუხადა.

მაჭავარიანის განცხადებით, პარტნიორები აქტიურად მონაწილეობენ საქართველოს მთავრობასთან მოლაპარაკებებში პანდემიის პირველივე დღეებიდან. მინისტრმა აღნიშნა მსოფლიო ბანკის როლი ამ პროგრამის მომზადებაში, ასევე ქვეყნის განვითარებაში ზოგადად.

მსოფლიო ბანკის დახმარების პროგრამა

მსოფლიო ბანკის მიერ გამოყოფილი სახსრები სამი დაგეგმილი ტრანშიდან პირველია, რომელსაც საფინანსო ინსტიტუტი საქართველოს უახლოეს სამ თვეში გამოუყოფს.

დაფინანსების მეორე ეტაპი განხორციელდება არსებული ოპერაციის დამატებითი დაფინანსების ფორმით ეკონომიკის მართვისა და კონკურენტუნარიანობის განვითარების პოლიტიკის კუთხით.

მესამე ეტაპი – ესაა პროექტი, რომელიც მიმართულია სამუშაო ადგილების შექმნის პროგრამის მხარდაჭერაზე, ასევე პანდემიისგან დაზარალებული მიკრო, მცირე და საშუალო საწარმოების დახმარებაზე.

პირდაპირი დახმარების ზომების გარდა, მსოფლიო ბანკი ქვეყნის დახმარებას აპირებს განვითარების უფრო ფართო მოთხოვნების თვალსაზრისითაც, როგორიცაა ციფრული კავშირგაბმულობა და ინფრასტრუქტურა პროგრამის Log-In Georgia ფარგლებში, რომელიც მხარს დაუჭერს მთავრობის 700-ზე მეტი სოფლის ინტერნეტში ჩართვის გეგმას ოპტიკურ-ბოჭკოვანი საკაბელო ქსელის მეშვეობით.

102
თემები:
საქართველოს ეკონომიკა (695)
მთავრობის ადმინისტრაციის შენობა

ამერიკული კომპანია გიორგი გახარიასთან შეხვედრას ითხოვს

56
„ფრონტერა“ საქართველოს მთავრობას მოუწოდებს, დაემორჩილოს საარბიტრაჟო სასამართლოს გადაწყვეტილებას და პატივი სცეს კონტრაქტის პირობებს

თბილისი, 14 აგვისტო - Sputnik. ამერიკული ნავთობმომპოვებელი კომპანია Frontera Resources Corporation განაგრძობს საქართველოს ხელისუფლების დადანაშაულებას ტყუილსა და დეზინფორმაციაში და მთავრობასთან შეხვედრასა და მუშაობის შეუფერხებლად გაგრძელების გარანტიებს ითხოვს.

„ფრონტერამ“ გაავრცელა მორიგი განცხადება საქართველოს პრემიერ-მინისტრ გიორგი გახარიას მისამართით, რომელშიც მთავრობის მეთაურს მოუწოდებს, შეასრულოს 23 ივნისის გადაწყვეტილება იმის შესახებ, რომ კონტრაქტი კომპანიასთან არ შეწყდება. კომპანია აღნიშნავს, რომ მთავრობას არც კი უცდია პრემიერის სიტყვების შესრულება.

„მთავრობისგან მივიღეთ შეტყობინება, რომ ხელისუფლება მხოლოდ „დროებით აჩერებს“ კონტრაქტის შეწყვეტის პროცედურას. ჩვენ გვქონდა მრავალგზის მცდელობა, შევხვედროდით ხელისუფლების წარმომადგენლებს, რათა „ფრონტერას" მიერ მომავალში განსახორციელებელი და ყველა მხარისთვის მომგებიანი ინვესტიციებისათვის შეგვექმნა საფუძველი, თუმცა ხელისუფლება პრემიერ-მინისტრის და მთავრობის გადაწყვეტილებას არ სცემს პატივს და კვლავ აგრძელებს დაშინების და დეზინფორმაციის კამპანიას“, - ნათქვამია „ფრონტერას“ განცხადებაში.

გარდა ამისა, „ფრონტერა“ მოუწოდებს საქართველოს მთავრობას, დაემორჩილოს საარბიტრაჟო სასამართლოს გადაწყვეტილებას, პატივი სცეს კონტრაქტის პირობებს, შეხვდეს კომპანიის წარმომადგენლებს კონსტრუქციული დიალოგისთვის და გასცეს გარანტიები მუშაობის გასაგრძელებლად.

კომპანია უარყოფს ინფორმაციას, რომ საქართველომ მოიგო საარბიტრაჟო დავა და რომ კომპანიას 84 თანამშრომლისთვის 17-თვიანი სახელფასო დავალიანება აქვს.

ამის მიუხედავად...

კომპანიის ყოფილ თანამშრომლებს არაერთხელ გაუმართავთ საპროტესტო აქცია სახელფასო დავალიანების გასტუმრების მოთხოვნით. მათ სასამართლოსაც მიმართეს. როგორც ისინი აღნიშნავენ, კომპანიის ვალი 1 მილიონამდე ლარს შეადგენს.

ამ ადამიანების დასახმარებლად მთავრობამ მათთვის 1,2 ათასი ლარის ოდენობის ერთჯერადი ფულადი დახმარების აღმოჩენის გადაწყვეტილება მიიღო. ამასთან, „ფრონტერას“ მოუწოდა, დაფაროს სახელფასო დავალიანება იმის გათვალისწინებით, რომ ვალდებულების შესასრულებლად არანაირი დაბრკოლება არ არსებობს.

ერთი კვირის წინ ეკონომიკის მინისტრმა ნათია თურნავამ განაცხადა, რომ მთავრობა საკმაოდ პოზიტიურ და აქტიურ კომუნიკაციას აწარმოებს კომპანიასთან და მხარეები ემზადებიან შეხვედრისთვის გარკვეული ტექნიკური საკითხების განსახილველად.

ხანგრძლივი დავა

კომპანიასა და ქვეყანას შორის დიდი ხანია დავა მიმდინარეობდა ნავთობის მოპოვებისას პროდუქციის წილობრივ გადანაწილებასთან დაკავშირებით კონტრაქტის თაობაზე. ქართულმა მხარემ რამდენიმე პირობა წამოაყენა, რომელთაგან მთავარი იყო იმ ტერიტორიის დაბრუნება, რომელსაც „ფრონტერა" არ იყენებდა დაზვერვისა და ნავთობის მოპოვების მიზნით. ეს ტერიტორია სალიცენზიო ბლოკის დაახლოებით 99%-ს შეადგენს. ტერიტორია უნდა დაბრუნებულიყო ჯერ კიდევ 2017 წელს.

საქმე საარბიტრაჟო სასამართლომდე მივიდა. გაიმარჯვა საქართველომ, რომელსაც „საქართველოს ნავთობისა და გაზის კორპორაცია" და „ნავთობისა და გაზის სახელმწიფო სააგენტო“ წარმოადგენდნენ. საქართველო კომპანიასთან თავდაპირველად კონტრაქტის გაწყვეტას აპირებდა.

თუმცაღა, იქიდან გამომდინარე, რომ მთავრობა ზრუნავს თავის საინვესტიციო რეპუტაციაზე, Frontera-ს საშუალება მისცეს მუშაობა გააგრძელოს ტერიტორიის იმ ნაწილში, სადაც სამუშაოები ჯერ კიდევ საბჭოთა პერიოდში წარმოებდა. საუბარია საკონტრაქტო ტერიტორიის დაახლოებით 1%-ზე, რადგანაც საარბიტრაჟო სასამართლოს გადაწყვეტილებით დანარჩენი 99% კომპანიამ სახელმწიფოს უკვე დაუბრუნა.

თავდაპირველად კომპანიის ხელმძღვანელობამ შეთავაზებულ პირობებზე უკმაყოფილება გამოთქვა და თავის პრობლემებში საქართველოს ხელისუფლება დაადანაშაულა, აღნიშნა, რომ კომპანიის მიმართ ადგილი აქვს ცილისწამებასა და დეზინფორმაციას.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

56
თემები:
საქართველოს ეკონომიკა (695)
თელასი

რატომ ყიდის საპარტნიორო ფონდი „თელასის“ აქციებს

53
(განახლებულია 21:57 14.08.2020)
აუქციონი გამოცხადებულია კონკურენტულ პირობებში და არის მოლოდინები, რომ აქციები მომგებიან ფასად გაიყიდება, მიაჩნიათ ფონდში

თბილისი, 14 აგვისტო - Sputnik. თბილისის ელექტროგამანაწილებელი კომპანია „თელასის“ აქციების გაყიდვით მიღებულ სახსრებს „საქართველოს საპატრნიორო ფონდი“ ახალი საინვესტიციო პროექტების დაფინანსებას მოახმარს, განუცხადეს Sputnik-საქართველოს ფონდის პრეს-სამსახურში.

ამ კვირაში ცნობილი გახდა, რომ „საპატრნიორო ფონდმა“ ელექტროგამანაწილებელ კომპანია „თელასში“ თავისი აქციების 24,5%-ის გაყიდვა გადაწყვიტა. აუქციონი 9 სექტემბერს დაინიშნა. საჯარო აუქციონის საწყისი ფასი შეადგენს 10,5 მლნ აშშ დოლარის ეკვივალენტს ლარში.

„აქციების გაყიდვის, ან რომელიმე პროექტის დაფინანსების შესახებ გადაწყვეტილებას ფონდი არ იღებს. ამას მთავრობა წყვეტს. ამიტომ „თელასის“ აქციების გაყიდვის შესახებ გადაწყვეტილება მიღებულია მთავრობის დადგენილების მიხედვით. მიღებული თანხა ახალი პროექტების დაფინანსებას მოხმარდება“, - განაცხადა ფონდის წარმომადგენელმა.

პრესსამსახურში აღნიშნეს, რომ აუქციონი გამოცხადებულია კონკურენტული პირობებით და არსებობს მოლოდინი, რომ აქციები მომგებიან ფასად გაიყიდება და კარგი მფლობელის ხელში მოხვდება.

აქციების გაყიდვით მიღებული მოგება ფონდის ანგარიშზე ჩაირიცხება, შემდეგ კი ხელისუფლება გადაწყვეტს, რომელ პროექტებს დაუჭერს მხარს და დააფინანსებს.

ფონდში აღნიშნეს, რომ „თელასში“ კუთვნილი აქციების რაოდენობის გათვალისწინებით კომპანიის ხელმძღვანელობის რომელიმე გადაწყვეტილებებზე ზეგავლენის მოხდენა შეუძლებელი იყო.

საპარტნიორო ფონდი ახორციელებს რამდენიმე სახელმწიფო კომპანიის მმართველობას, მათ შორის არის საქართველოს რკინიგზა, ნავთობისა და გაზის კორპორაცია, საქართველოს სახელმწიფო ელექტროსისტემა და „თელასი“.

„ეს კომპანიები „საპარტნიორო ფონდის“ მფლობელობაში იმიტომ იყო, რომ დაფინანსების ერთ-ერთი წყარო იყო მათგან მიღებული დივიდენდები. ახლა კი არანაირ დივიდენდებს ფონდი არ იღებს. მნიშვნელოვანია მსგავსი პროექტებიდან გასვლა და გათავისუფლებული სახსრების ინვესტირება ახალ პროექტებში“, - განაცხადეს ფონდის პრესსამსახურში.

„საპარტნიორო ფონდი" სახელმწიფო საინვესტიციო ფონდია, რომელიც 2011 წელს დაარსდა. მისი მთავარი დანიშნულება საინვესტიციო პროექტების განვითარების საწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.) საქართველოში ინვესტიციების წახალისებაა. ამჟამად მთავრობა მისი რეფორმირების საკითხს განიხილავს.

ინვესტორების ძიებაში: საქართველოს საპარტნიორო ფონდმა ჩინეთში მემორანდუმი გააფორმა >>

ფონდის მიზანია თანამშრომლობის განვითარება საჯარო და კერძო სექტორებს შორის საინვესტიციო პროექტების განსახორციელებლად, სამუშაო ადგილების შესაქმნელად, უცხოური ინვესტიციების მოსაზიდად და ქვეყნის ეკონომიკის გასავითარებლად. ფონდი ოთხ სექტორში ფუნქციონირებს – ენერგეტიკის, სოფლის მეურნეობის, წარმოებისა და უძრავი ქონების. საპარტნიორო ფონდის ფინანსური თანამონაწილეობა პროექტის ჯამური კაპიტალის 49%-ით და პროექტის ჯამური ღირებულების 25%-ით შემოიფარგლება. დანარჩენ კაპიტალს სტრატეგიული ინვესტორი უზრუნველყოფს.

 

53
თემები:
საქართველოს ეკონომიკა (695)
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0