მამაკაცი პირბადით

რაში დახარჯავს მთავრობა დონორების მიერ გამოყოფილ 1.5 მილიარდ დოლარს: მინისტრის განმარტება

94
(განახლებულია 21:39 15.04.2020)
პირველადი შეთანხმების თანახმად, საერთაშორისო დონორი ორგანიზაციები საქართველოს წლის ბოლომდე 1,5 მილიარდი დოლარის დახმარებას გამოუყოფენ.

თბილისი, 15 აპრილი — Sputnik. საერთაშორისო პარტნიორების მიერ საქართველოსთვის გაწეული ფინანსური დახმარება ნაწილობრივ შეავსებს საბიუჯეტო დეფიციტს და ასევე მოხმარდება მოქალაქეებისა და სამედიცინო სექტორის მხარდაჭერას, განაცხადა საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა.

კორონავირუსის ეპიდაფეთქებამ ქვეყნის ეკონომიკას სერიოზული დარტყმა მიაყენა. ზარალდება ბიზნესის თითქმის ყველა სფერო. მოსახლეობის დიდი ნაწილი უმუშევარი დარჩა. კრიზისიდან გამოსასვლელად ხელისუფლება ფინანსური დახმარების მიღების მიზნით სამი კვირის განმავლობაში აწარმოებდა აქტიურ და საკმაოდ რთულ მოლაპარაკებებს საერთაშორისო საფინანსო ინსტიტუტებთან.

მაია ცქიტიშვილის თქმით, საერთაშორისო საფინანსო ინსტიტუტებისა და დონორი ორგანიზაციების მიერ  საქართველოსთვის გამოყოფილი დახმარების პაკეტი, სხვა ქვეყნებთან შედარებით, საკმაოდ მოცულობითია. მისი საორიენტაციო მოცულობა 1,5 მილიარდი დოლარი იქნება და ის საქართველოს წლის ბოლომდე უნდა გამოუყონ.

„ყველა ეკონომისტი და ყველა ქვეყანა პროგნოზირებს რეცესიას, ანუ ეკონომიკის შემცირებას და შენელებას. მხოლოდ ჩვენ მაგალითზე, საერთაშორისო სავალუტო ფონდის პროგნოზის მიხედვით, დაახლოებით 3,5 მილიარდი დოლარი მოაკლდება ჩვენს ეკონომიკას. შესაბამისად, მოაკლდება ბიუჯეტსაც და, აქედან გამომდინარე, დახმარების სახით მიღებული თანხა ჩვენ მიერ მოხმარდება როგორც საბიუჯეტო დეფიციტის და საჭიროებების დაკმაყოფილებას, ისე, რა თქმა უნდა, ჩვენი მოქალაქეების, სამედიცინო სექტორის მხარდაჭერას და უშუალოდ COVID-19-თან ბრძოლას, რასაც, უკვე არსებული მონაცემებით, 350 მილიონ ლარზე მეტი სჭირდება“, - განაცხადა მაია ცქიტიშვილმა.

მინისტრმა ასევე აღნიშნა, რომ საქართველოს მთავრობა აგრძელებს მუშაობას საერთაშორისო პარტნიორებთან დახმარების თანხების მიზნობრიობის, კონკრეტული პროგრამების შინაარსისა და ბენეფიციარების განსაზღვრისთვის.

„ვმუშაობთ იმისათვის, რომ განვსაზღვროთ - ეს იქნება ბიზნესისთვის, სახელმწიფო პროგრამების სახით თუ მოქალაქეებზე ან სამედიცინო სექტორზე ორიენტირებული დახმარება. ერთობლივი მუშაობის შედეგად ჩვენ შევძლებთ უკეთესად დავინახოთ სურათი, უკეთესად განვსაზღვროთ ყველა იმ ბენეფიციარის წრე და იმ საჭიროებების ნუსხაც, რომელთაც მოხმარდება აღნიშნული თანხა”, - განაცხადა მაია ცქიტიშვილმა.

მისი თქმით, საერთაშორისო პარტნიორებისგან მიღებული თანხის ნაწილი ბიზნესის მხარდამჭერ სახელმწიფო პროგრამებსაც მოხმარდება.

ეკონომიკური გამოწვევების დასაძლევად საქართველოს 447 მილიონ დოლარს გამოუყოფს საერთაშორისო სავალუტო ფონდიც.

რაც შეეხება ქვეყნის მთვარობის მიერ ეკონომიკის წახალისების მიზნით გადადგმულ ნაბიჯებს, საქართველოს პრემიერ-მინისტრმა 1 აპრილს 2 მილიარდი ლარის ოდენობის სტიმულირების პაკეტის გამოყოფის შესახებ განაცხადა, რაც დაემატა 13 მარტს გამოცხადებულ 1 მილიარდი ლარის ოდენობის პაკეტს.

თავდაპირველი პაკეტი მოიცავდა ტურიზმის სექტორისთვის 2020 წლის ნოემბრამდე ქონებისა და საშემოსავლო გადასახადის შეჩერებას, მცირე და საშუალო სასტუმროების სუბსიდირებას, საკრედიტო საგარანტიო სქემის შექმნას, დღგ-ის ანაზღაურების პროცესის დაჩქარებას და კაპიტალური ხარჯების გაზრდას.

მთავრობა ასევე სუბსიდირებას გაუწევს ცხრა ძირითადი პროდუქტის იმპორტს, მათ შორის, ფქვილის, ბრინჯის, რძის ფხვნილის, ზეთის, და ამ პროდუქტების 50 მილიონი ლარის ღირებულების მარაგს შექმნის. გარდა ამისა, მთავრობა გარკვეული კატეგორიის მოქალაქეებს ელექტროენერგიისა და ბუნებრივი აირის საფასურს დაუფარავს.

ბოლო მონაცემებით, საქართველოში კორონავირუსის 306 დადასტურებული შემთხვევაა, მათ შორის გამოჯანმრთელებულია 69, ხოლო გარდაიცვალა 3 ადამიანი.

94
თემები:
საქართველოს ეკონომიკა (833)
დოლარები

საქართველოს ეროვნული ბანკი რეზერვებიდან დოლარების გაყიდვას განაგრძობს

41
(განახლებულია 21:58 25.11.2020)
ეროვნულმა ბანკმა აუქციონზე გამოიტანა 50 მილიონი დოლარი, თუმცა მოთხოვნილება ვალუტაზე ნაკლები იყო შეთავაზებაზე და მხოლოდ 46,5 მილიონი დოლარი გაიყიდა

თბილისი, 25 ნოემბერი - Sputnik. საქართველოს ეროვნულმა ბანკმა ჩაატარა მორიგი სავალუტო აუქციონი, რომელზეც ლარის კურსმა დოლარის მიმართ შეადგინა 3,3132 GEL/$1.

ეროვნულმა ბანკმა აუქციონზე გამოიტანა 50 მილიონი დოლარი, თუმცა მოთხოვნილება ვალუტაზე ჩამოუვარდებოდა შეთავაზებას და მხოლოდ 46,5 მილიონი დოლარი გაიყიდა.

სავალუტო ბაზრის სტაბილიზაციის მიზნით გაზაფხულიდან მოყოლებული ეროვნულმა ბანკმა უკვე 24 აუქციონი ჩაატარა, რომლებზეც ჯამში 823,4 მილიონი დოლარი გაყიდა. ლარის ანტირეკორდი 27 მარტს დაფიქსირდა, როდესაც ეროვნული ვალუტის კურსი დაეცა ნიშნულამდე 3,4842 GEL/$1.

26 ნოემბერს საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა ნიშნულზე 3.3138 GEL/$1.

როგორც ამას წინათ ეროვნულმა ბანკმა განაცხადა, ის გამოიყენებს მის ხელთ არსებულ ყველა ინსტრუმენტს ფასების სტაბილურობის უზრუნველსაყოფად, მათ შორის, სავალუტო ინტერვენციებსა და სააღრიცხვო განაკვეთებს.

სავალუტო აუქციონებთან ერთად ეროვნული ბანკი ზედმეტი რყევების შესამცირებლად ყოველდღიურად იყენებს ინტერვენციებს. კერძოდ, როდესაც გაცვლითი კურსის რყევა დღის განმავლობაში წინასწარ დადგენილ ნიშნულს ასცდება, ეროვნული ბანკი გარკვეულ თანხაზე უცხოური ვალუტით ვაჭრობაში მონაწილეობს.

გარდა ამისა, წელს ეროვნული ბანკი ინტერვენციისთვის იყენებს ვალუტას, რომელსაც ქვეყანა საერთაშორისო საფინანსო ინსტიტუტებისგან კრედიტებისა თუ გრანტების სახით კორონავირუსის პანდემიის შედეგების აღმოსაფხვრელად იღებს.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 1 ოქტომბრიდან ქართული სავალუტო ბაზარი Bmatch Bloomberg-ის სისტემაში ვაჭრობაზე გადავიდა.

41
თემები:
საქართველოს ეკონომიკა (833)
ქართული ღვინო

საქართველოდან ნიდერლანდებში მარნის ღვინის ნიმუშები გაგზავნეს

35
(განახლებულია 20:36 25.11.2020)
მცირე მარნებს პოტენციური იმპორტიორებისთვის ნიმუშების მიწოდებაში და დეგუსტაციების ორგანიზებაში ღვინის ეროვნული სააგენტო დაეხმარა.

თბილისი, 25 ნოემბერი – Sputnik. საქართველოდან ნიდერლანდებში 9 მცირე მარნის ღვინის 47 ნიმუში გაიგზავნა, იუწყება ღვინის ეროვნული სააგენტო.

მცირე მარნების მიერ წარმოებული ღვინის ტრანსპორტირება მათ მიერ მოძიებულ პოტენციურ იმპორტიორებთან ღვინის ეროვნულმა სააგენტომ COVID-19-ის პანდემიის შედეგად მიყენებული ზარალის შესამსუბუქებლად უზრუნველყო.

„აღნიშნული ინიციატივის ფარგლებში ჰოლანდიაში გაიგზავნა 9 მცირე მარნის 47 ღვინის ნიმუში, რომელთა პრეზენტაციაც მოხდა ქართული ღვინის იმპორტიორის, ქალბატონ მანა ოტმერის ორგანიზებით ჩატარებულ დეგუსტაციებზე ნოემბრის თვეში“, – აღნიშნულია ღვინის ეროვნული სააგენტოს გვერდზე.

უწყების ცნობით, ნიდერლანდებში ჯამში სამი პრეზენტაცია-დეგუსტაცია გაიმართა, რომელთაც 30-ზე მეტი წარმომადგენელი ესწრებოდა ევროპის ღვინის სექტორიდან.

აღსანიშნავია, რომ რთველი-2020-ის ფარგლებში კახეთსა და რაჭა-ლეჩხუმში 280 ათას ტონამდე ყურძენი გადამუშავდა, რაც ბოლო 30 წლის რეკორდული მაჩვენებელია. უწყების ცნობით, ღვინის საწარმოებში ყურძენი 25 ათასამდე მევენახე ფერმერმა ჩააბარა. მათი შემოსავალი 310 მლნ ლარზე მეტს შეადგენს. პანდემიით გამოწვეულ ვითარებაში მევენახეობა-მეღვინეობის დარგის მხარდასაჭერად სახელმწიფომ კახეთში 2020 წლის რთველის სუბსიდირება განახორციელა. რომლის პირობების შესაბამისად, მევენახე ფერმერებმა 1 კგ „რქაწითელისა“ და 1 კგ „კახური მწვანეს“ სანაცვლოდ მინიმუმ 80 თეთრი მიიღეს.

35
თემები:
ღვინის კულტურა და მეღვინეობა
სალომე ზურაბიშვილი

ზურაბიშვილმა გაეროს უამბო, რა კეთდება საქართველოში ოჯახურ ძალადობასთან ბრძოლის კუთხით

0
ოჯახში ძალადობა საქართველოში ერთ-ერთ მთავარ პრობლემად რჩება და ყველაზე ხშირი დანაშაულის ხუთეულში შედის

თბილისი, 25 ნოემბერი – Sputnik. ოჯახში ძალადობის პრევენცია და მასზე რეაგირება საქართველოსთვის პრიორიტეტად რჩება, განაცხადა საქართველოს პრეზიდენტმა სალომე ზურაბიშვილმა ქალთა მიმართ ძალადობის აღმოფხვრის საერთაშორისო დღისადმი მიძღვნილ გაეროს ოფიციალურ ონლაინ-ღონისძიებაზე.

ქალთა არასამთავრობო ორგანიზაციები ამ თარიღს 1981 წლიდან აღნიშნავენ. ამ დღეს 1960 წელს დომინიკას რესპუბლიკის ლიდერის, რაფაელ ტრუხილიოს ბრძანებით სასტიკად მოკლეს სამი და მირაბალები, რომლებიც რესპუბლიკის გამოჩენილი პოლიტიკური მოღვაწეები იყვნენ. 1999 წლის 17 დეკემბერს გაეროს გენერალურმა ასამბლეამ 25 ნოემბერი ქალთა მიმართ ძალადობის აღმოფხვრისთვის ბრძოლის საერთაშორისო დღედ გამოაცხადა.

„ოჯახში ძალადობის პრევენცია და რეაგირება საქართველოსთვის პრიორიტეტად რჩება. ჩვენ უზრუნველვყავით, რომ მიუხედავად COVID-19-ს მდგომაროებისა, არანაირი შეფერხება არ არის სახელმწიფოს მიერ მხარდაჭერილი სერვისების მიწოდებაში (თავშესაფრები, კრიზისის ცენტრები, ცხელი ხაზები); სახელმწიფომ ძლიერი მესიჯი გაუგზავნა ქალებსა და გოგონებს, რათა ძალადობის შემთხვევაში მათ მოიძიონ დახმარება და დაუკავშირდნენ სამართალდამცავებსა და სხვა მხარდამჭერ ორგანიზაციებს“, - განაცხადა ზურაბიშვილმა.

მან ასევე ისაუბრა ოჯახურ ტირანებზე ელექტრონული მეთვალყურეობაზე, რომელიც საქართველოში წელს შემოიღეს.

„შემაკავებელ ორდერთან ერთად, ეს მექანიზმი დამნაშავის რეალურ დროში მონიტორინგისა და მსხვერპლთან, მსხვერპლის სახლთან, სამსახურთან თუ სხვა სივრცეებში მიახლოების აკრძალვის საშუალებას იძლევა“, - აღნიშნა პრეზიდენტმა.

თავის გამოსვლაში ზურაბიშვილმა გამოხატა მადლიერება გენერალური მდივნის მიმართ განსაკუთრებული მოწოდებისთვის – „მშვიდობა შინ“ და აღნიშნა, რომ ამ საკითხში ყველა ქვეყნის თანამშრომლობა პრობლემის გადაჭრის ერთადერთი გზაა.

ოჯახში ძალადობა საქართველოში ერთ-ერთ მთავარ პრობლემად რჩება და ყველაზე ხშირი დანაშაულის ხუთეულში შედის. 2020 წლის ცხრა თვეში საქართველოში ოჯახური ძალადობის 4 138 შემთხვევა მოხდა. ძალადობის მსხვერპლთა ძირითადი ნაწილია 25-დან 44 წლამდე ასაკის ქალებია. წლის დაწყებიდან ოჯახში ძალადობას 19 ქალი ემსხვერპლა.

0
თემები:
ადამიანის უფლებები საქართველოში