ნათია თურნავა

საგანგებო მდგომარეობის პირობებში მომუშავე საწარმოებში ინსპექტირება იწყება

138
(განახლებულია 22:16 06.04.2020)
საწარმოები გაკონტროლდება ინტენსიურად და მოსალოდნელია, რომ ინსპექტორები დღის განმავლობაში 50-მდე ობიექტს შეამოწმებენ, აღნიშნა მინისტრმა.

თბილისი, 6 აპრილი - Sputnik. ყველა კომპანია, რომელსაც საგანგებო მდგომარეობის პერიოდში მუშაობის უფლება აქვს, შემოწმდება COVID-19-ის გავრცელების პირობებში უსაფრთხოების ახალი წესების დაცვაზე, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე.

21 აპრილიდან საქართველოში საგანგებო მდგომარეობა და კომენდანტის საათი მოქმედებს. დროებით დახურულია სავაჭრო ობიექტები, მათ შორის, აგრარული ბაზრები. მუშაობის უფლება აქვთ: აფთიაქებს, სურსათის მაღაზიებს, ზოომაღაზიებს, საწყობებს, ცხოველების ბაზრებს, სასუქების მაღაზიებს, ავტოგასამართ სადგურებს.

ობიექტებს ეკონომიკის სამინისტროს ტექნიკური ზედამხედველობის სამსახურის, ჯანდაცვის სამინისტროს შრომის ინსპექციის, ასევე მუნიციპალური ინსპექციების თანამშრომლები შეამოწმებენ.

„ვიწყებთ დღეიდან ამ შემოწმებებს, პერიოდულად გავაშუქებთ კიდევაც რომელი საწარმო როგორ ასრულებს. ასევე თუკი ჩვენ რამე გამოგვეპარება, თვითონ დასაქმებულები იქნებიან მთავარი ინდიკატორები და ცხელ ხაზზე მოგვახსენებენ, თუ რომელიმე საწარმო არღვევს რომელიმე გაიდლაინს, წესს და ჩვენ რა თქმა უნდა, სწრაფად მოვახდენთ რეაგირებას“, - აღნიშნა მინისტრმა.

მისი თქმით, მთავრობის ამოცანა არის ამ პროცესში არა დასჯა, არამედ ბიზნესის დახმარება, რომ რაც შეიძლება მალე გადაეწყონ ახალ, პოსტკორონასეულ ეტაპზე და იყვნენ სრულიად უსაფრთხო და შეძლონ თავისუფლად გააგრძელონ თავიანთი საქმიანობა.

„ვიწყებთ შემოწმებას იმ სისტემური საწარმოებისას, ვისაც მიეცათ უფლება ფუნქციონირების. ეს მათ აკისრებს დამატებით პასუხისმგებლობას. დავიწყებთ მსხვილი საწარმოებიდან შემოწმებას, რათა დავრწმუნდეთ, რომ ყველა მითითებული წესი არის დაცული და იქ საქმიანობა უსაფრთხოა“, – განაცხადა ნათია თურნავამ.

თურნავას განცხადებით, საწარმოთა კონტროლის პროცესი ინტენსიური იქნება და ინსპექტორები, სავარაუდოდ, დღეში 50-მდე ობიექტს შეამოწმებენ.

პარალელურად იწყება ასევე იმ კომპანიების შემოწმება, რომლებსაც დროებით შეუჩერდათ მუშაობის უფლება.

დღესდღეობით ქვეყანაში მუშაობას აგრძელებენ საცხობები, სასაკლაო და სხვა საკვები პროდუქტების საწარმოები, ცივი შენახვის კვების საწარმოები, ცხოველთა საკვების საწარმოები და საკვების დისტრიბუტორები, ვეტერინარული კლინიკები, პირუტყვის ფერმები, ლაბორატორიები.

პროდუქტის, საკვებისა და მედიკამენტების გარდა, აკრძალულია ყველა სხვა სახის პროდუქციის მიწოდება.

კვების ობიექტებში - კაფე-ბარებსა და რესტორნებში - კერძების შეძენა შესაძლებელია მხოლოდ გამოწერით.

ბოლო მონაცემებით, საქართველოში ინფიცირების 188 დადასტურებული შემთხვევაა. აქედან 39 გამოჯანმრთელდა, ორი გარდაიცვალა. კარანტინში იმყოფება 4735 ადამიანი, ექიმების მეთვალყურეობის ქვეშ - 386 ადამიანი.

138
თემები:
კორონავირუსმა საქართველომდეც მოაღწია: ბოლო ცნობები (849)
ვალუტის გაცვლის პუნქტი

ლარის კურსი 27 მაისს

80
(განახლებულია 08:28 27.05.2020)
წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

თბილისი, 27 მაისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1916 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

ლარის კურსი 27 მაისს
ლარის კურსი 27 მაისს
80
თემები:
ლარის კურსი დღეს
უფასო WiFI-ს ნიშანი

ქართულ სოფლებში მაღალსიჩქარიანი ინტერნეტის გაყვანა დაიწყება

81
(განახლებულია 00:25 27.05.2020)
პირველი, საპილოტე ეტაპი უახლოეს დღეებში დაიწყება, დანარჩენი ეტაპები, სავარაუდოდ, უახლოეს თვეებში ამოქმედდება, განაცხადა მინისტრმა

თბილისი, 26 მაისი – Sputnik. უახლოეს მომავალში საყოველთაო ინტერნეტიზაციის სახელმწიფო პროგრამა „ოუფენ ნეტის“ (OpenNet) საპილოტე ნაწილი დაიწყება, განუცხადა ჟურნალისტებს საქართველოს ეკონომიკისა და მდგრადი განვითარების მინისტრმა ნათია თურნავამ.

აღნიშნული პროექტის მთავარ ამოცანას წარმოადგენს სოფლების და დაბების ინტერნეტით უზრუნველყოფა, რადგან დიდი ქალაქებისთვის მაღალსიჩქარიანი ინტერნეტი მეტნაკლებად ხელმისაწვდომია. საუბარია 800 დასახლებულ პუნქტზე.

მინისტრის თქმით, მსოფლიო ბანკმა დაადასტურა მზადყოფნა, რომ დააფინანსებს აღნიშნულ პროექტს ქვეყნის მთავრობასთან ერთად.

თურნავას თქმით, აღნიშნული პროექტის შემდგომი დაჩქარების გეგმა მსოფლიო ბანკთან ერთად კორონავირუსის პანდემიის დაწყებამდე მომზადდა.

„პროექტი დაყოფილია ორ ეტაპად. პირველი, საპილოტე ეტაპი დაიწყება უახლოეს დღეებში და შემდგომი დანარჩენი ეტაპი უკვე მსოფლიო ბანკთან შეთანხმების კვალობაზე, სავარაუდოდ უახლოეს თვეებში“, - განაცხადა თურნავამ.

თურნავას თქმით, კორონავირუსის პანდემიის ეპოქაში უფრო მეტი აქტუალობა შეიძინა პირადმა თუ სამსახურთან ან განათლებასთან დაკავშირებულმა ონლაინ ურთიერთობებმა. სწორედ ამიტომ გადაწყდა პროექტის განხორციელების პროცესის დაჩქარება.

„საპილოტე ნაწილი დაიწყება, უკვე დასრულდა ტენდერი და გვყავს გამარჯვებული კომპანია, მშენებლობა დაიწყება და მერე, შემდგომი პროექტიც მიყვება, ძალიან მალე დასრულდება“, - განაცხადა მინისტრმა.

მინისტრის თქმით, მნიშვნელოვანია დამონტაჟდეს ოპტიკურ-ბოჭკოვანი ინფრასტრუქტურა, ოპტიკურ-ბოჭკოვანი კაბელი და შესაბამისი აპარატურა იმისთვის, რომ მოხდეს იმ სოფლების ინტერნეტიზაცია, რომლებიც დღესდღეობით ვერ სარგებლობს ინტერნეტით ან სადაც დაბალი ხარისხის ინტერნეტია.

ხევსურეთი online! – სოფელ როშკაში ინტერნეტი ჩაირთო >>

კომუნიკაციების ეროვნული კომისიის მონაცემებით, საქართველოში ინტერნეტის ქსელში სულ 901,8 ათასი აბონენტია რეგისტრირებული, მათ შორის არის როგორც ფიზიკური, ისე იურიდიული პირები. აბონენტების უმრავლესობა დაფიქსირებულია თბილისში, ბათუმსა და რუსთავში, ამასთან, მთიან რეგიონებში არის სოფლები, რომლებშიც დღემდე არ არის ინტერნეტი. ყველაზე მძიმე სიტუაცია მთიან აჭარაში - შუახევში, ქედასა და ხულოში, ასევე თიანეთის და სვანეთის მუნიციპალიტეტებში.

81
თემები:
თანამედროვე ტექნოლოგიები
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78487
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78487
თემები:
COVID-19 საქართველოში