ბიტკოინის ლოგოტიპიანი სასუვენირო მონეტა

როგორ აისახა კორონავირუსის პანდემია კრიპტოვალუტის ბაზარზე და რა ელის ბიტკოინს

426
(განახლებულია 19:17 06.04.2020)
ახალი კორონავირუსის პანდემიამ პრობლემები მსოფლიო ეკონომიკის ბევრ სფეროს შეუქმნა და გამონაკლისი ამ მხრივ არც კრიპტოვალუტის ბაზარი აღმოჩნდა.

შესაბამისად შემცირდა იმ ადამიანების შემოსავალიც, რომელთა საქმიანობაც კრიპტოვალუტის მოპოვებასთან/მაინინგთან და ვაჭრობასთან იყო დაკავშირებული, მათ შორის – საქართველოშიც.

მსოფლიოს ყველაზე პოპულარული კრიპტოვალუტა – ბიტკოინი BTC ბოლო ერთ თვეში აშშ დოლარის მიმართ 41%-ით გაუფასურდა, რაც მსოფლიოში კორონავირუსის პანდემიის შედეგად შექმნილი სიტუაციით იყო განპირობებული, განუცხადა არასამთავრობო ორგანიზაცია Bitcoin Embassy Georgia-ს დამფუძნებელმა ალექსანდრე სუდაძემ „Sputnik-საქართველოს“.

ალექსანდრე სუდაძე
ალექსანდრე სუდაძე
„ბოლო ერთი თვეა, პიონერი და დომინანტი კრიპტოვალუტა Bitcoin-ის ფასმა USD-ს მიმართ 41%-იანი ვარდნა განიცადა, რაც ახალი წლის მერე არ მომხდარა, თუმცა თითქმის ყველა ანალიტიკოსი ვარაუდობდა, რომ უკვე დაიწყო ამ ვირტუალური ფულის აღმავლობის პერიოდი“, – აღნიშნა ალექსანდრე სუდაძემ.

თუმცა, მისი თქმით, ბევრი სხვა ფასიანი ქაღალდებისა თუ აქციების ფასებთან შედარებით ბიტკოინი უკვე სტაბილურად მიიწევს ზევით. საერთაშორისო ბირჟებზე ამჟამად 1 ბიტკოინის ფასი დაახლოებით 6 500 აშშ დოლარია.

ის, რომ კორონავირუსის პანდემიის შედეგად შექმნილ ვითარებაში მსოფლიოში კრიპტოვალუტებზე მოთხოვნა შემცირდებოდა, მოსალოდნელი იყო, რადგან მკვეთრი ვარდნა ყველა საფონდო თუ სასაქონლო ბირჟამ განიცადა.

„ეს მოვლენა გამოწვეულია უფრო ხელოვნური პანიკით, ვიდრე რეალური მოთხოვნის შემცირებით. წინა კვირაში აქციებზე ფასები წუთებში ეცემოდა 10-20%-ით. ანალოგური სიტუაციაა კრიპტოვალუტის ბაზარზეც. აქ ვაჭრობის მოცულობა ბოლო ერთ თვეში დაახლოებით 25%-ით არის შემცირებული“, – აღნიშნა ალექსანდრე სუდაძემ.  

ბიტკოინის ფასმა რეკორდულ მაჩვენებელს – 20 000 აშშ დოლარს 2017 წლის დეკემბერში მიაღწია. ზუსტად ერთი წლის თავზე კი მისი ღირებულება უკვე 5000 დოლარი იყო. შემდეგ ამ ვირტუალურ ფულზე მოთხოვნამ ზრდა ისევ დაიწყო და 2019 წლის ბოლოსთვის 1 ბიტკოინი დაახლოებით 7 400 დოლარი ღირდა.

„ძალიან საინტერესოა ბიტკოინის ფასზე დაკვირვება ყოველ 4 წელიწადში ერთხელ. მაგალითად, 2016 წლის მაისის ბოლოს იგი 12-ჯერ უფრო იაფი ღირდა, ვიდრე დღეს, ანუ სადღაც $540-ის ფარგლებში“, – აღნიშნა სუდაძემ.

ბიტკოინის წარმოება ნებისმიერ მსურველს შეუძლია, რომელსაც შესაბამისი სიმძლავრის კომპიუტერული მოწყობილობები (მაინერები) და სპეციალური პროგრამული უზრუნველყოფა გააჩნია. მაინინგის პროცესში კომპიუტერები კრიპტოგრაფიული ალგორითმის გამოთვლით და ტრანზაქციების ვალიდურობის დადასტურებაში მონაწილეობით მოიპოვებენ „მონეტებს".

„კრიპტოვალუტა, ამ შემთხვევაში – ბიტკოინი დეცენტრალიზებულ სისტემაში არსებული ფინანსური ერთეულია, რაც იმას ნიშნავს, რომ ის არავის საკუთრება არაა და ვერც ვერავინ მიისაკუთრებს. აქედან გამომდინარე, მასზე ფასწარმოქმნა ხდება თავისუფალი ბაზრის წესებით, მოთხოვნა/მიწოდების კანონებით“, – აღნიშნა ალექსანდრე სუდაძემ.

ბიტკოინზე მოთხოვნის შესახებ საუბრისას აუცილებლად გასათვალისწინებელია ერთ-ერთი მთავარი ფაქტორიც, რასაც შეზღუდული ემისია ჰქვია და რაც იმას ნიშნავს, რომ დღეში მაინერების მიერ იწარმოება მხოლოდ 1800 ბიტკოინი BTC, ისიც მაისის ბოლომდე. შემდეგ მოხდება მოპოვების განახევრება ე.წ. Halving და დღე-ღამეში მოხდება მხოლოდ 900 Bitcoin-ის მოპოვება, ეს კი მისი ფასის ზრდის მთავარი ფაქტორია, რადგან ბაზარზე მოთხოვნა გადააჭარბებს მიწოდებას.

ეს ფაქტორი თავიდანვე იყო ჩადებული მაინინგის ალგორითმში და 2008 წლიდან ე.წ. Halving უკვე მესამედ ხდება, ყოველ 4 წელიწადში ერთხელ, ამიტომაც ბოლო ბიტკოინის გამოთვლის პერიოდი იქნება 2139 წლის ბოლოს.

ბიტკოინის ფასზე საუბრისას პირველ რიგში გასათვალისწინებელია ამ კრიპტოვალუტის ორი მთავარი შემადგენელი – როგორც გადახდის საშუალება და როგორც სპეკულაციური ინსტრუმენტი.  

ბიტკოინი გადახდის ოფიციალურ საშუალებას მხოლოდ იაპონიაში წარმოადგენს. თუმცა ამ ვირტუალური ფულით ანგარიშსწორება არცთუ იშვიათად სხვა ქვეყნებშიც ხდება. ეს არის ერთგვარი ბარტერი, ისევე, როგორც, მაგალითად, ოქროს ან სხვა არამატერიალური აქტივის შემთხვევაში. 

„ბიტკოინი, როგორც ანგარიშსწორების საშუალება, სულ უფრო პოპულარული ხდება, მით უმეტეს მაშინ, როდესაც ფიატური/სახელმწიფო ვალუტები მკვეთრ ვარდნას განიცდის და უფრო ნაკლებადაა შესაძლებელი მათი გამოყენება უცხო ქვეყნებში“, – აღნიშნა სუდაძემ.

მეორე ფაქტორი არის სპეკულაციური ინსტრუმენტი, ე.წ. „ტრეიდერემა“, რაც ბირჟებზე და სხვადასხვა გაცვლით პლატფორმებზე ყიდვა-გაყიდვის შედეგად მოგების მიღებას გულისხმობს.  

„ეს ინსტრუმენტი კაცობრიობის ისტორიის ბოლო საუკუნის მანძილზე ძალიან დაიხვეწა და XXI საუკუნის დასაწყისში სპეკულაციის ყველაზე ტრენდულ მიმართულებას წარმოადგენს. თუმცა ამ სფეროში კრიპტოვალუტა სულ რამდენიმე პროცენტით არის წარმოდგენილი, მაგრამ მაინც ძალიან მკვეთრი ზრდა შეიმჩნევა ბოლო 2-3 წლის მანძილზე“, – თქვა ალექსანდრე სუდაძემ.

გარდა ამისა, ძალიან მნიშვნელოვანია აღინიშნოს ე.წ. OTC (Over The Counter) გარიგებებიც, სადაც ვაჭრობა ხორციელდება პირდაპირ გარიგებაში მონაწილე ორ მხარეს შორის.

„ეს არის არა საბირჟო, არამედ კერძო გადაცვლა – Bitcoin to Cash, რაც შეიძლება იმაზე მეტი იყოს მოცულობით, ვიდრე დიდ ბირჟებზე ივაჭრება ყოველდღე და ხშირად საკმაოდ დიდი თანხებითაცაა, დოლარის ეკვივალენტში რამდენიმე ასეულ მილიონს   უტოლდება“, – აღნიშნა სუდაძემ

ასევე ძალიან საყურადღებოა არბიტრაჟული ვაჭრობაც, რაც ერთი და იმავე წყვილის, მაგალითად, BTC/USD სხვადასხვა ბირჟებზე ერთდროულ შედარებას და სხვაობის მოგებად მიღებას გულისხმობს.  

„მარტივად რომ ვთქვათ, თუ, პირობითად, ბირჟა A-ზე ბიტკოინი იყიდება $5000-ად, ხოლო ბირჟა B-ზე – $5200-ად, ვინც მოასწრებს, ის იყიდის A-ბირჟაზე, გადარიცხავს B-ბირჟაზე და იქ გაყიდის $5200-ად, შესაბამისად, $200 მოგება დარჩება. თუ გავითვალისწინებთ, რომ ბირჟების რაოდენობა 200-ზე მეტია და ყოველთვე მატულობს, ზოგ შემთხევაში სულაც არაა ურიგო საქმე. თუმცა ამასაც აქვს თავისი პრობლემები და რისკები. უნდა ითქვას, რომ ზუსტად ამ ტიპის ვაჭრობის წყალობით ბირჟები ინარჩუნებენ ბიტკოინზე შედარებით ერთნაირ ფასს და მათ შორის სხვაობა იშვიათად შეადგენს 5%-ზე მეტს“, – აღნიშნა ალექსანდრე სუდაძემ.

კრიპოტოვალუტის ფასზე მოქმედებს ასევე მაინერების მიერ 1 ბიტკოინის წარმოებაზე დახარჯული ფინანსური მაჩვენებელიც, რაც ძირითადად მოხმარებული ელექტროენერგიის ღირებულების და აპარატურის შესყიდვაზე დანახარჯების ჯამის ტოლფასია. ეს მაჩვენებელი, ანუ 1 ბიტკოინის წარმოების თვითღირებულება ქვეყნების მიხედვით განსხვავდება და $3800-დან $5500-მდე მერყეობს, თუმცა ეს რიცხვი სულაც არ ნიშნავს ფასს. ფასი შეიძლება რამდენჯერმე მეტიც იყოს ამ ვირტუალური ფულის თვითღირებულებაზე.

მართალია, ბიტკოინის ფასმა ბოლო დროს აშშ დოლარის მიმართ ვარდნა განიცადა, მაგრამ ალექსანდრე სუდაძეს სამომავლოდ მაინც პოზიტიური მოლოდინები აქვს.

„ჩემი პროგნოზით, სექტემბრის თვეში უკვე მოსალოდნელია, რომ 1 ბიკტოინის ფასმა 9 500 აშშ დოლარი შეადგინოს. წლის ბოლომდე კი შესაძლოა მისი ღირებულება სამჯერ აღემატებოდეს დღევანდელ ფასს – 6 500 დოლარს. თუმცა მაისამდე ფასის მკვეთრი ზრდა არაა მოსალოდნელი. მაისის ბოლოს კი საინტერესო მოვლენები მოხდება ფინანსურ სამყაროში და ახალ რეალობებთან და გამოწვევებთან მოგვიწევს გამკლავება“, – განაცხადა ალექსანდრე სუდაძემ.

ნატა პატარაია

 

426
რთველი

რთველი 2020: მევენახეებმა 191 ათასი ტონა ყურძენი ჩააბარეს

63
(განახლებულია 16:30 27.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 27 სექტემბერი — Sputnik. საქართველოში „რთველი 2020“-ის ფარგლებში ამ დროისათვის დაახლოებით 191 ათასი ტონა ყურძენია გადამუშავებული, იუწყება ღვინის ეროვნული სააგენტო

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60-ზე მეტი ღვინის საწარმოა ჩართული.

დღეის მდგომარეობით ყურძენი ღვინის საწარმოებს 20 ათასამდე მევენახემ ჩააბარა. ამ დროისათვის მევენახეებმა ყურძნის რეალიზაციით 195 მლნ ლარი მიიღეს.

27 სექტემბრის მონაცემებით, კახეთის რეგიონში გადამუშავებულია 137 ათასი ტონა რქაწითელი, 45 ათასი ტონა საფერავი, 3,3 ათასი ტონა კახური მწვანე და დანარჩენი სხვადასხვა ჯიშის ყურძენია.

მოსავლის დაბინავება კახეთის ყველა მუნიციპალიტეტში მიმდინარეობს.

ყურძნის დღეღამური გადამუშავების მაჩვენებელი კვლავ 10 ათას ტონას აღემატება, რაც ნიშნავს, რომ კახეთში რთველი პიკურ პერიოდშია. 163-მა ღვინის კომპანიამ უკვე გადაამუშავა ყურძენი, აცხადებენ ღვინის სააგენტოში.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

საქართველოდან თხილის ექსპორტი კვლავ იზრდება >>

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

63
თემები:
ღვინის კულტურა და მეღვინეობა

ლარის კურსმა პიკს მიაღწია: რა ელოდება საქართველოს ეროვნულ ვალუტას? - ფოტო

113
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
  • ქართული ლარი ახალ ანტირეკორდებს ამყარებს
  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
  • თუმცა რა იქნება შემდეგ?
  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
ბოლო დღეებში ქართული ვალუტის კურსი მკვეთრად დაეცა მსოფლიოს სხვადასხვა ვალუტებთან მიმართებაში. რა ელოდება ქართულ ლარს? სანამ ექსპერტები პროგნოზებს აკეთებენ, რიგითი მოქალაქეები დოლარს ყიდულობენ

იხილეთ Sputnik-საქართველოს ფოტოლენტაში, რა ხდებოდა პარასკევს საღამოს ალექსანდრე ყაზბეგის გამზირზე, სადაც ვალუტის გამცვლელი პუნქტები მრავლადაა.

ბევრს მიაჩნია, რომ აქ ყველაზე ხელსაყრელი კურსი, მაგრამ არც ქალაქის სხვადასხვა უბნებშია ნაკლები. თუმცა იქამდე მიღწევა ასევე პრობლემას წარმოადგენს. ყაზბეგის გამზირზე მოხვედრა კი გაცილებით ადვილია, რადგან აქ ერთ-ერთი მთავარი სატრანსპორტო ძარღვი გადის.

113
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
    © Sputnik / Alexander Imedashvili

    ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი

  • ქართული ლარი ახალ ანტირეკორდებს ამყარებს
    © Sputnik / Alexander Imedashvili

    ქართული ლარი ახალ ანტირეკორდებს ამყარებს

  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
    © Sputnik / Alexander Imedashvili

    მიუხედავად ეროვნული ბანკის მხრიდან სიტუაციის დასტაბილურების მცდელობებისა

  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
    © Sputnik / Alexander Imedashvili

    სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ

  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
    © Sputnik / Alexander Imedashvili

    საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო

  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
    © Sputnik / Alexander Imedashvili

    საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს

  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
    © Sputnik / Alexander Imedashvili

    თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას

  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
    © Sputnik / Alexander Imedashvili

    სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ

  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
    © Sputnik / Alexander Imedashvili

    ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა

  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
    © Sputnik / Alexander Imedashvili

    როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება

  • თუმცა რა იქნება შემდეგ?
    © Sputnik / Alexander Imedashvili

    თუმცა რა იქნება შემდეგ?

  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
    © Sputnik / Alexander Imedashvili

    სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა

სამხედრო ტექნიკა ბაქოში

აზერბაიჯანში სამხედრო მდგომარეობა და კომენდანტის საათი ცხადდება

0
ბაქოში, სუმგაითში, განჯაში, ევლახში, მინგეჩაურში, ნაფთალანში, ასევე ქვეყნის სხვა რაიონებში 21:00 საათიდან 06:00 საათამდე კომენდანტის საათი იმოქმედებს.

თბილისი, 27 სექტემბერი  — Sputnik. აზერბაიჯანის პრეზიდენტმა ილჰამ ალიევმა სამხედრო მდგომარეობის გამოცხადების შესახებ განკარგულებას მოაწერა ხელი, იუწყება Sputnik-აზერბაიჯანი.

სიტუაცია მთიან ყარაბაღში 27 სექტემბრის დილას მკვეთრად გამწვავდა - ბაქო და ერევანი ერთმანეთს აგრესიაში ადანაშაულებენ. ბაქო და ერევანი ერთმანეთს სიტუაციის გამწვავებაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

აზერბაიჯანის მილი მეჯლისმა დღევანდელ სხდომაზე აზერბაიჯანის პრეზიდენტის განკარგულება ქვეყნის გარკვეულ ქალაქებსა და რაიონებში „სამხედრო მდგომარეობის შემოღების შესახებ“ დაამტკიცა.

როგორც აზერბაიჯანის პრეზიდენტის თანაშემწემ, პრეზიდენტის ადმინისტრაციის საგარეო პოლიტიკის საკითხების განყოფილების ხელმძღვანელმა ჰიკმეტ გაჯიევმა განაცხადა, სამხედრო მდგომარეობა ძალაში 28 სექტემბერს 00:00 საათზე ამოქმედდება.

ბაქოში, სუმგაითში, განჯაში, ევლახში, მინგეჩაურში, ნაფთალანში, ასევე ქვეყნის სხვა რაიონებში 21:00 საათიდან 06:00 საათამდე კომენდანტის საათი იმოქმედებს. პირადობის დამადასტურებელი დოკუმენტებისა და სპეციალური ნებართვის გარეშე სახლიდან გასვლა აიკრძალება.

დღეს სამხედრო მდგომარეობის შემოღების შესახებ განაცხადეს სომხეთშიც და ამავდროულად საყოველთაო მობილიზაცია გამოაცხადეს.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

0
თემები:
მთიან ყარაბაღში სიტუაცია გამწვავდა