გიორგი გახარია

პრემიერის თვალით დანახული ანტიკრიზისული გეგმა

113
(განახლებულია 13:54 02.04.2020)
ჩვენ ვალდებული ვართ, დავეხმაროთ ჩვენს სოციალურ ჯგუფებს, რომლებსაც ეს სჭირდებათ და დავიცვათ მოქალაქეების ჯანმრთელობა, განაცხადა პრემიერმა.

თბილისი, 2 აპრილი – Sputnik. მთავრობის ამოცანაა – ეკონომიკის მცირე შესაძლებლობების პირობებში მაქსიმალურად უზრუნველყოს დახმარება, განაცხადა საქართველოს პრემიერ-მინისტრმა გიორგი გახარიამ.

კორონავირუსის გავრცელების გამო სერიოზული ზარალი ნახა ეკონომიკის ისეთმა სფეროებმა, როგორიცაა ტურიზმი, დასვენებისა და გართობის სფეროები, ასევე ტრანსპორტი და ვაჭრობის ნაწილი. ამასთან, ამ სფეროებში დასაქმებული ადამიანებიდან ბევრი უმუშევარი დარჩა.

გახარია: კორონავირუსთან ბრძოლა - ეს არის ომი უხილავ მტერთან>>

„ყველას უნდა გვესმოდეს, რომ ჩვენი ეკონომიკის შესაძლებლობები შეზღუდულია. უაღრესად დიდი პასუხისმგებლობაა დღეს გუნდსა და ხელისუფლებაზე, რომელიც მდგომარეობს იმაში, რომ ჩვენი მწირი შესაძლებლობები გამოყენებულ იქნას მაქსიმალურად რაციონალურად და სამართლიანად. ჩვენი ამოცანაა, რომ ის რესურსი, რომელსაც ქართული ეკონომიკა გენერირებს, მსგავს კრიზისულ მდგომარეობებში ჩვენი მოქალაქეების, ეკონომიკისა და ბიზნესის დასახმარებლად, მაქსიმალურად რაციონალურად გამოვიყენოთ“, – განაცხადა გახარიამ ტელეკომპანია Imedi-ს ეთერში.

ტურიზმის სექტორის დახმარება ჯერ არასაკმარისია

მთავრობის მეთაურის განცხადებით, ამ დროისთვის უცნობია, როდის დამთავრდება კრიზისი და ამისთვის გუნდს, როგორც ნებისმიერ პასუხისმგებლიან ხელისუფლებას, აქვს გეგმა – ვის და როგორ დაეხმაროს არსებული რესურსებით და როგორ მოემზადონ მოვლენების ყველაზე ცუდი სცენარით განვითარებისთვის.

პრემიერმა აღნიშნა, რომ, მიუხედავად ტურისტული სექტორის დასახმარებლად მთავრობის მიერ გატარებული ზომებისა, აშკარაა, რომ ეს საკმარისი არაა.

მისი თქმით, დღეს უკვე გასაგებია, რომ რასაც აქამდე ვხარჯავდით, არაა საკმარისი და ასეთი დახმარებით ეს სექტორი სამ თვეში ვერ აღდგება.

სწორედ ამიტომ გადაწყდა მოქალაქეების კომუნალური გადასახადებისგან გათავისუფლება.

„მსგავსი ნაბიჯი არის სოციალური მხარდაჭერის ყველაზე სამართლიანი სტრუქტურა. მესმის, რომ იდეალური არაფერი არ არსებობს, ხარვეზები ყველა შემთხვევაში არის, თუმცა, ახლაც კი გვაქვს მოლაპარაკებები, რომ უფრო უზრუნველყოფილმა ადამიანებმა უარი თქვან ამ შეღავათებზე უფრო გაჭირვებულების სასარგებლოდ“, – განაცხადა გახარიამ.

ამას გარდა, მან აღნიშნა, რომ ვინც უკვე გადაიხადა მარტის თვის გაზისა და ელექტრენერგიის საფასური, ეს არ დაიკარგება და მათ ანგარიშზე აისახება.

პრემიერის განცხადებით, ხელისუფლებას მოუწევს მუშაობა იმასთან დაკავშირებით, რომ დაადგინოს, ვინ დარჩა უმუშევარი კრიზისის პერიოდში, თუმცა დახმარება მხოლოდ საბოლოო სიების შედგენის შემდეგ იქნება.

გახარია: მოსახლეობის ნაწილს სამი თვის კომუნალური გადასახადები სრულად დაუფინანსდება>>

„ჩვენ ვმუშაობთ და ასეთი დახმარება იქნება მაშინვე, როდესაც ასეთი შესაძლებლობა ექნება ქართულ ეკონომიკას და შესაბამისი მონაცემები გვექნება, როგორც კი ზუსტად დავადგენთ ბიუჯეტს, წყაროებს, დაზარალებული ადამიანების სიებს, ვნახავთ საშემოსავლო გადასახადებში რა შემცირებებია და კონკრეტულად ვინ მიიღო პირდაპირი ზარალი, ვინ დაკარგა შემოსავალი“, – განაცხადა გახარიამ.

თანხების წყაროები

პრემიერმა განაცხადა, რომ ხელისუფლება ვალდებულია დაეხმაროს სოციალურ ჯგუფებს, რომლებსაც ეს სჭირდებათ და დაიცვას მოქალაქეების ჯანმრთელობა, მაგრამ ეს სერიოზულ თანხებთან არის დაკავშირებული.

„სახელმწიფო ბიუჯეტი, რომელიც დაგეგმილი იყო წლის დასაწყისში დაახლოებით 14 მილიარდი ლარის დონეზე, შემოსავლების ნაწილს ვგულისხმობ, დასულია დაახლოებით 11 მილიარდზე“, – განაცხადა გახარიამ.

მისი თქმით, ახლა ბიუჯეტში სერიოზული ეკონომია მიმდინარეობს.

„არ ვსაუბრობ მიმდინარე ხარჯებზე, რომლის კონტროლიც უმკაცრეს რეჟიმშია გადასული და მიმდინარე ხარჯებში სახელმწიფო წლის ბოლომდე მოახდენს რამდენიმე ასეული მილიონის ეკონომიას. მიმდინარე ხარჯების გარდა, რამდენიმე ისეთი ინფრასტრუქტურული პროექტი და საბიუჯეტო ხარჯებია, რომლებიც, სამწუხაროდ, ამ წლის ბოლომდე აზრს დაკარგავს. ისეთები, როგორიც არის, მაგალითად, Check in Georgia, რომელიც ორიენტირებული იყო ტურიზმის განვითარებაზე. რამდენიმე ინფრასტრუქტურული პროექტი, სისტემურების გარდა, რომლებიც ძირითადად ტურიზმის მოზიდვის ხასიათს ატარებდა“, – განაცხადა პრემიერმა.

გახარიამ აღნიშნა, რომ საჭირო იქნება ხარჯების გადახედვა როგორც თბილისში, ისე ინფრასტრუქტურის სამინისტროს მიმართულებით. ასევე, ეკონომიკის სამინისტროს ჰქონდა გეგმები სხვადასხვა ოლიმპიადის, სპორტული და კულტურული ღონისძიებების მიმართულებებით, მაგრამ მთავრობას დღეს სხვა ამოცანები აქვს.

პრემიერმა აღნიშნა, რომ მთავრობა აქტიურ მოლაპარაკებებს აწარმოებს საერთაშორისო პარტნიორებთან და აქ დიდი რესურსების მოზიდვის შესაძლებლობაა.

„საიდან შეიქმნა ეს თანხა – პირველ რიგში, ეს არის ის ეკონომიები, რომელიც აბსოლუტურად გასაგები და ობიექტურია... გარდა ამისა, ჩვენ გვაქვს ძალზე მჭიდრო და აქტიური კომუნიკაცია ჩვენს საერთაშორისო პარტნიორებთან, რათა მოვიზიდოთ დამატებითი რესურსები და აქაც საკმაოდ ეფექტურად ვმოქმედებთ. უახლოეს პერიოდში გვექნება კონკრეტული შედეგები“, – განაცხადა პრემიერმა.

ამ დროისთვის საქართველოში კორონავირუსით ინფიცირებულია 117 ადამიანი, აქედან გამოჯანმრთელდა 23, კარანტინის რეჟიმში იმყოფება 5437 პირი, ხოლო სტაციონარებში მეთვალყურეობის ქვეშ 260 პაციენტია.

113
თემები:
კორონავირუსმა საქართველომდეც მოაღწია: ბოლო ცნობები (849)
ბეტონის ნაკეთობათა ქარხანა

„უარესი იქნება“ - ნათია თურნავა მშპ-ს კატასტროფული ვარდნის შესახებ საუბრობს

20
მოსალოდნელი 5%-იანი ეკონომიკური ზრდის ნაცვლად საქართველოში საშუალოდ 5%-იანი ვარდნა დაფიქსირდა - კორონავირუსის პანდემიის ფონზე თითქმის ყველა დარგი დაზარალდა

თბილისი, 30 მაისი – Sputnik. საქართველოს ეკონომიკის მინისტრმა ნათია თურნავამ განაცხადა, რომ ქვეყანას ეკონომიკური განვითარების კუთხით მძიმე პერიოდი ელის.

თურნავა: საქართველოში საუკეთესო ბიზნეს გარემოა შექმნილი >>

კორონავირუსის პანდემიის ფონზე 2020 წლის აპრილში მშპ-ის მოცულობამ, გასული წლის ანალოგიურ პერიოდთან შედარებით, 16,6%-ით დაიკლო. სერიოზული კლება აპრილში დაფიქსირდა ქვეყნის ეკონომიკის პრაქტიკულად ყველა სფეროში, ზრდა კი – მხოლოდ სამთომოპოვებით მრეწველობაში.

„აპრილის თვეში 16 პროცენტიანი, უფრო მეტი – 16.6 პროცენტიანი ვარდნა მოსალოდნელი იყო. ამ დროს იყო ზუსტად საგანგებო ვითარება, როდესაც ეკონომიკური საქმიანობა შეზღუდული იყო და ეს გაკეთდა შეგნებულად, რათა დაგვეცვა ჩვენი მოსახლეობა ეპიდემიის გავრცელებისგან. თუმცა არ დაგიმალავთ, მაისიც ძალიან მძიმე იქნება და ივნისიც მძიმე იქნება“, - განაცხადა თურნავამ.

მისი თქმით, ეკონომიკური ზრდის ვარდნა წლის ბოლომდე გაგრძელდება, მაგრამ საქართველო ყველაფერს გააკეთებს იმისათვის, რომ 2021 წლისთვის სიტუაცია გამოსწორდეს. ამასთან ეკონომიკის მინისტრმა გამოთქვა ვარაუდი, რომ მშპ -5%-მდე დაეცემა.

„მთლიანად წელიწადი არ იქნება სახარბიელო, რადგან მოსალოდნელი 5 პროცენტიანი ზრდის ნაცვლად, მივიღებთ საშუალოდ 5 პროცენტიან ვარდნას“, - განაცხადა თურნავამ.

კორონავირუსი ეკონომიკის წინააღმდეგ

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. საქართველოში 21 მარტს გამოცხადებული საგანგებო მდგომარეობა 23 მაისამდე გაგრძელდა. ამჟამად შეზღუდვები ეტაპობრივად იხსნება.

საქართველოს ეკონომიკა პანდემიისა და გლობალური კრიზისის ფონზე მძიმე მდგომარეობაში აღმოჩნდა. საერთაშორისო ორგანიზაციები წელს უარყოფითი ეკონომიკური ბალანსის პროგნოზს აკეთებენ, თუმცა აქვე აღნიშნავენ, რომ 2021 წელს საქართველო ცხოვრების ჩვეულ რიტმს დაუბრუნდება. ამასთან, საერთაშორისო ორგანიზაციების მონაცემებით, საქართველოს ეკონომიკა საშუალოდ –4%-მდე შემცირდება.

ყველაზე პესიმისტური, როგორც საქართველოში მიაჩნიათ, არის ევროპის რეკონსტრუქციისა და განვითარების ბანკის პროგნოზი, რომლის თანახმად, საქართველოში 2020 წელს მშპ 5,5%-ით შემცირდება, 2021 წელს კი ეკონომიკა 5,5%-ით გაიზრდება.

საერთაშორისო სავალუტო ფონდი (სსფ) ვარაუდობს, რომ საქართველოს ეკონომიკის ვარდნა 2020 წელს 4%-ს მიაღწევს, ინფლაცია კი 4,6% იქნება.

თუმცა, ამასთან, სსფ-ის პროგნოზი 2021 წლისთვის საკმაოდ ოპტიმისტურია. ფონდის შეფასებით, უკვე 2021 წელს საქართველოს ეკონომიკა 3%-ით მოიმატებს, ინფლაცია კი 3,7%-მდე შემცირდება.

საქართველო პირველი ქვეყანა გახდა, რომელიც სსფ-სგან კრიზისის პერიოდში დახმარებას მიიღებს. სსფ დათანხმდა პროგრამა „გაფართოებული დაფინანსების მექანიზმის“ გაგრძელებას, რაც ნიშნავს საქართველოსთვის 447 მლნ დოლარის გამოყოფას წლის ბოლომდე.

გარდა ამისა, ზოგიერთი საერთაშორისო დონორი საქართველოს 2020 წლის ბოლომდე ჯამში 1,5 მილიარდ აშშ დოლარს გამოუყოფს.

20
თემები:
საქართველოს ეკონომიკა
ნათია თურნავა

თურნავა: საქართველოში საუკეთესო ბიზნეს გარემოა შექმნილი

28
(განახლებულია 19:13 30.05.2020)
სამინისტროს ცნობით, კომპანია სამომავლოდ როგორც წყლის ელექტროგამაცხელებლების წარმოების ზრდას, ისე ახალი მასშტაბური პროექტების დაწყებას გეგმავს

თბილისი, 30 მაისი - Sputnik. შპს „ატლანტიკ საქართველოს" გაფართოების პროცესი ადასტურებს, რომ საქართველოში საუკეთესო ბიზნეს გარემოა შექმნილი, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

ეკონომიკის მინისტრი ქუთაისში არსებულ თავისუფალ ინდუსტრიულ ზონას ესტუმრა. თურნავამ იმერეთის მხარეში სახელმწიფო რწმუნებულთან, ზვიად შალამბერიძესთან ერთად კომპანია „ატლანტიკ საქართველოში“ მიმდინარე პროცესი დაათვალიერა და მისი სამომავლო გეგმებს გაეცნო.

„ატლანტიკ საქართველო“, რომელიც ქუთაისის თავისუფალ ინდუსტრიულ ზონაში 2017 წლიდან ფუნქციონირებს, ფრანგული საერთაშორისო ჯგუფის Groupe Atlantic-ის შვილობილი კომპანიაა.

Groupe Atlantic მსოფლიოს 73 ქვეყანაში საქმიანობს, საქართველოში ის მთლიანად საექსპორტო ნაწარმს - წყლის ელექტროგამაცხელებლებს აწარმოებს. ინვესტირებულმა კაპიტალმა 2017 წელს 47,1 მლნ ლარი, ხოლო 2018-ში - 26,2 მლნ ლარი შეადგინა. კომპანიას საქართველოში 140-მდე ადამიანი ჰყავს დასაქმებული, გაფართოების შემდეგ კი დასაქმებულთა რიცხვი კიდევ უფრო გაიზრდება.

„მნიშვნელოვანია, რომ გლობალური კრიზისის მიუხედავად, კომპანია გაფართოებას გეგმავს და თუ დღეს ისინი 140-მდე ადამიანს ასაქმებენ, რამდენიმე თვეში, გაფართოების შემდეგ ჩვენს 200-ზე მეტ მოქალაქეს დაასაქმებენ - მათ ძალიან კარგი, მიმზიდველი პირობები და ხელფასები აქვთ. ჩვენი სამინისტრო პროგრამა „აწარმოე საქართველოში“ საშუალებით ვეხმარებით მათ, რომ ყველა ტექნიკური პრობლემა და საკითხი, რაც არსებობს, რაც შეიძლება სწრაფად გადაწყვიტონ და მალე მოხდეს საწარმოს გაფართოება“, - განაცხადა ეკონომიკის მინისტრმა.

სამინისტროს ცნობით, კომპანია სამომავლოდ  როგორც წყლის ელექტროგამაცხელებლების წარმოების ზრდას, ისე ახალი მასშტაბური პროექტების დაწყებას გეგმავს: სტეატიტის (გამაცხელებელი ელემენტი) წარმოებას, კონვექტორის (რადიატორი) დამზადებასა და კომპანია Bosch-თან თანამშრომლობას. აღნიშნული პროექტების განხორციელების მიზნით კომპანია დამატებით ინვესტირებას განახორციელებს, თანამშრომელთა რიცხვი კი 50 ახალი კადრით გაიზრდება.

 

28
თემები:
საქართველოს ეკონომიკა
პოლიციის ლენტი

სისხლიანი გარჩევა თბილისში: პოლიციამ ორი პირი დააკავა

0
თბილისში ქუჩური გარჩევის დროს ბოროტმოქმედებმა ცივი იარაღი და ხელკეტები გამოიყენეს. ეჭვმიტანილები დააკავეს

თბილისი, 30 მაისი - Sputnik. პოლიციის თანამშრომლებმა თბილისში ჯგუფურად ჩადენილი ორი ან მეტი პირის მიმართ ჯანმრთელობის განზრახ მძიმე დაზიანების ბრალდებით ორი პირი დააკავეს, ნათქვამია შსს-ს მიერ გავრცელებულ განცხადებაში.

გამოძიებამ დაადგინა, რომ წერეთლის გამზირზე პარასკევს საღამოს ბრალდებულებმა ცივი იარაღით დაჭრეს ერთი პირი, ხოლო მეორეს ბლაგვი საგნით სხეულზე დაზიანება მიაყენეს.

დაშავებულების გადარჩენა მოხერხდა: ერთი კლინიკაში გადაიყვანეს, მეორეს დახმარება ადგილზე აღმოუჩინეს.

სამართალდამცველებმა იმ ავტომობილის ჩხრეკისას, რომლითაც ბრალდებულები გადაადგილდებოდნენ, დანაშაულის ჩადენის იარაღები - ორი ხელკეტი ნივთმტკიცებად ამოიღეს.

მომხდარ ფაქტზე გამოძიება სსკ-ის 117-მუხლის მე-5 ნაწილის "ე" ქვეპუნქტით და მე-7 ნაწილის "ა" ქვეპუნქტით მიმდინარეობს, რაც ჯგუფურად ჩადენილ ორი ან მეტი პირის მიმართ ჯანმრთელობის განზრახ მძიმე დაზიანებას გულისხმობს. ბრალდებულებს 9-დან 13 წლამდე ვადით პატიმრობა ემუქრება.

გრძელდება ოპერატიულ-სამძებრო და საგამოძიებო მოქმედებები ინციდენტში მონაწილე სხვა პირების დადგენა-დაკავების მიზნით.

0
თემები:
კრიმინალი საქართველოში