სატვირთო ავტომობილების რიგი

უზბეკური სატვირთო ავტომობილები საქართველოდან თურქეთში დაუბრკოლებლად გადადიან

118
(განახლებულია 18:01 01.04.2020)
საქართველო–თურქეთის საზღვარზე ტრაილერების რიგი აღარ არის, საკითხი გადაწყვეტილია, ისინი დაბრკოლების გარეშე გადადიან „სარფის“ საკონტროლო–გამშვები პუნქტით

თბილისი, 1 აპრილი – Sputnik. ბამბით დატვირთული უზბეკური სატვირთო ავტომობილები დაბრკოლების გარეშე გადიან „სარფის“ საკონტროლო–გამშვებ პუნქტს (საქართველო–თურქეთის საზღვარი), განუცხადეს „Sputnik–საქართველოს“ უზბეკეთის საკონსულოში საქართველოსა და აზერბაიჯანში (რეზიდენცია ბაქოში).

ფაშინიანი: სომხეთი და რუსეთი საქართველოს ტვირთის ტრანზიტზე შეუთანხმდნენ>>

უფრო ადრე საინფორმაციო სააგენტო Фергана.ру იტყობინებოდა, რომ საქართველო–თურქეთის საზღვარზე დაახლოებით 150 უზბეკური სატვირთო ავტომობილია გაჩერებული, რომლებსაც, კარანტინის გამო, თურქეთის ტერიტორიაზე არ უშვებენ.

„ნამდვილად ასე იყო, თუმცა, ქართულ მხარესთან კოორდინაციით შევძელით სიტუაციის მოგვარება. დღეს სატვირთოები ჩვეულ რეჟიმში გადაადგილდებიან“, – განაცხადეს საკონსულოში.

საქართველომ 14 მარტიდან 20 აპრილამდე აზერბაიჯანთან და სომხეთთან სახმელეთო საზღვრები დაკეტა.

მუშაობა 15 მარტიდან შეაჩერა ასევე საკონტროლო–გამშვებმა პუნქტმა „სარფი“.

16 მარტიდან ასევე დროებით შეჩერდა მოქალაქეების გადაადგილება საქართველოსა და რუსეთს შორის. ეს გადაწყვეტილება არ ეხება საქართველოსა და რუსეთის იმ მოქალაქეებს, რომლებსაც სამშობლოში უნდათ დაბრუნება, ასევე არ ეხება სატვირთო გადაზიდვებს.

საქართველომ უცხოელებისთვის, გარდა განსაკუთრებული შემთხვევებისა, საზღვრები 18 მარტიდან ჩაკეტა.

საქართველოს საბაჟო პუნქტები კორონავირუსის გამო მუშაობის ახალ რეჟიმზე გადავიდნენ>>

ტვირთების გადაზიდვა ქვეყნის ყველა საკონტროლო–გამშვები პუნქტით 24–საათიან რეჟიმში მიმდინარეობს, ხოლო საქართველოში დაბრუნების მსურველი მოქალაქეებისთვის კი მოქმედებს გრაფიკი. მათ თითოეულ საზღვარზე 10:00–დან 18:00 საათამდე მხოლოდ ერთი გამშვები პუნქტით შეუძლიათ სარგებლობა.

118
თემები:
ტრანსპორტი საქართველოში (355)
თბილისი

სააგენტო „აწარმოე საქართველოში“ ივენთ კომპანიების განაცხადების მიღებას იწყებს

13
(განახლებულია 11:50 04.12.2020)
ივენთ კომპანიები სესხის პროცენტის სუბსიდიების პროგრამაში ადრეც იყვნენ ჩართული,  ახლა სახელმწიფო მათი ლიზინგის პროცენტის სუბსიდირებასაც მოახდენს, ვინაიდან ამ კომპანიებს გარკვეული ინვენტარი აქვთ ლიზინგით შეძენილი

თბილისი, 3 დეკემბერი – Sputnik. სააგენტო „აწარმოე საქართველოში“ პროგრამის „ღონისძიებების ორგანიზატორთა მიერ კომერციული ბანკისგან/ლიზინგის გამცემისგან მიღებული სესხის/სალიზინგო პროექტის სუბსიდირების მექანიზმი“ ფარგლებში 4 დეკემბრიდან განაცხადების მეორე ნაკადის მიღებას იწყებს, ნათქვამია უწყების მიერ გავრცელებულ ინფორმაციაში.

რას ჰპირდება სახელმწიფო ბიზნესს პანდემიის გამო დაწესებული შეზღუდვების სანაცვლოდ>>

კორონავირუსის პანდემიამ და ამის გამო დაწესებულმა შეზღუდვებმა საქართველოში სერიოზული პრობლემები შეუქმნა ბიზნესს. მთავრობა სხვადასხვა პროგრამის მეშვეობით ამ პრობლემების შემსუბუქებას ცდილობს. ამჯერად ხელისუფლება ბიზნესს საბანკო ვალდებულებების მომსახურების მიმართულებით ეხმარება.

„პროგრამის მიზანია კორონავირუსის პანდემიით გამოწვეული ეკონომიკური სირთულეებიდან გამომდინარე ნებისმიერი ტიპის ღონისძიებების ორგანიზების სფეროში მოქმედი იმ მეწარმე სუბიექტების მიერ კომერციულ ბანკში/ლიზინგის გამცემთან აღებული/შეთანხმებული სესხების/სალიზინგო პროექტის სუბსიდირება, რომელთაც შექმნილი ვითარებიდან გამომდინარე შეეზღუდათ ოპერირების შესაძლებლობა და, შესაბამისად, შეუმცირდათ ოპერირებიდან მიღებული შემოსავალი“, - აღნიშნულია სააგენტოს მიერ გავრცელებულ ინფორმაციაში.

უწყების ცნობით, სააგენტო „აწარმოე საქართველოში“ განახორციელებს 2020 წლის 1 მარტის მდგომარეობით, მეწარმე სუბიექტის სესხის/ლიზინგის საგნის ძირის ნაშთზე მომდევნო 12 თვის განმავლობაში დარიცხული საპროცენტო სარგებლის ჯამური ოდენობის სუბსიდირებას, რომელიც დაითვლება ამ სესხზე 1 მარტის მდგომარეობით არსებული საპროცენტო განაკვეთის გამოყენებით.

თანადაფინანსების თანხის გამოყენება შესაძლებელია როგორც აღნიშნული სესხის/ლიზინგის საგნის 2020 წლის 1 მარტამდე წარმოშობილი ვალდებულებების, ასევე 2020 წლის 1 მარტის შემდგომ გადასახდელი ვალდებულების დასაფარად.

კომერციული ბანკის/ლიზინგის გამცემის მიერ მეწარმე სუბიექტზე სესხი/ლიზინგის საგანი გაცემული უნდა იყოს 2020 წლის 1 მარტამდე პერიოდში.

პროგრამაში ჩართვის მსურველი, მიმართვის წარდგენის მომენტისათვის უნდა იყოს რეგისტრირებული ფიზიკური ან იურიდიული პირი და საქმიანობის პროფილის დამდგენი დოკუმენტების შესაბამისად ირკვეოდეს, რომ იგი ახორციელებს ღონისძიებების /შეკრებების /გამოფენების /კინოთეატრებში, კინო კლუბებში, ღია ცის ქვეშ ან სხვა სადემონსტრაციო ადგილებში კინოფილმების ან ვიდეოფილმების დემონსტრირების/შეხვედრების/წვეულებების ორგანიზებას; აღნიშნული ღონისძიებების ჩატარების ადგილებში პერსონალის მართვითა და მიწოდებით, ასევე საკვების მიწოდების სერვისით ან ამ სერვისის გარეშე.

კომერციულ ბანკთან/ლიზინგის გამცემთან კი  გაფორმებული უნდა ჰქონდეს სესხის/ლიზინგის ხელშეკრულება და საბანკო/სალიზინგო მიმართვის წარდგენის მომენტისათვის არ უნდა გააჩნდეს სახელმწიფოს მიმართ ვადაგადაცილებული საგადასახადო დავალიანება ან/და არ უნდა იყოს რეგისტრირებული მოვალეთა რეესტრში.

საკოორდინაციო საბჭოს გადაწყვეტილებით, ქვეყანაში 28 ნოემბრიდან სხვადასხვა შეზღუდვა ამოქმედდა, მათ შორის, იზღუდება მუნიციპალური ტრანსპორტის მუშაობა; სავაჭრო ობიექტების (გარდა სურსათის, ცხოველების საკვების, აფთიაქების, ვეტაფთიაქების, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობა, ღია და დახურული ბაზრობების მუშაობა (გარდა აგრარული ბაზრებისა), სასწავლო დაწესებულებები მთლიანად დისტანციურ რეჟიმზე გადადიან.

„აწარმოე საქართველოში“ – საქართველოს ხელისუფლების ერთ-ერთი ყველაზე წარმატებული პროექტია, რომელიც მიზნად ისახავს ქვეყანაში ადგილობრივი წარმოების განვითარებას. სააგენტო აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ.

13
თემები:
საქართველოს ეკონომიკა
თბილისი

პირველად ისტორიაში: კონკურენტუნარიანობის ინდექსში საქართველო 40 საუკეთესო ქვეყანას შორისაა

13
(განახლებულია 10:57 04.12.2020)
საქართველო ამ  რეიტინგში 37 -ე ადგილზეა. ამ მაჩვენებლით ქვეყანა რეიტინგის შვიდწლიანი გაუმჯობესების მიხედვით მსოფლიოში პირველ ადგილზეა. 2013 წლამდე  საქართველო მსოფლიოში ერთ-ერთ ჩამორჩენილ ქვეყნად მიიჩნეოდა  – იყო 95-ე ადგილზე

თბილისი, 4 დეკემბერი - Sputnik. საქართველომ გლობალური მდგრადი კონკურენტუნარიანობის ინდექსის მიხედვით ქულათა ისტორიული მაქსიმუმი აიღო და 40 საუკეთესო ქვეყანას შორის აღმოჩნდა, იუწყება საქართველოს ეკონომიკისა და მდგრადი განვითარების სამინისტრო.

გლობალური მდგრადი კონკურენტუნარიანობის 2020 წლის ინდექსი (GSC index 2020) ტრანსეროვნულმა ორგანიზაციამ SolAbility გამოაქვეყნა. ანგარიში მსოფლიოს 180 ეკონომიკის მდგრად კონკურენტუნარიანობას აფასებს.

GSC index 2020-ის რეიტინგში საქართველო 37-ე ადგილზე გავიდა,  შეფასების ქულა წინა წელთან შედარებით გაიუმჯობესა და 51.2 ქულით საუკეთესო ისტორიული შედეგი დააფიქსირა.

საქართველო რეიტინგში უსწრებს ისეთ მოწინავე ეკონომიკებს, როგორიცაა  ჩინეთი, სინგაპური, ავსტრალია, ისრაელი, საბერძნეთი, მალტა, ჩილე, კვიპროსი და ა.შ.

რეიტინგში საქართველო ყველა მეზობელ ქვეყანას უსწრებს, პოსტსაბჭოთა სივრცეში კი მხოლოდ ბალტიის ქვეყნებს ჩამორჩება.

2012 წელთან შედარებით საქართველო სარეიტინგო პოზიციის გაუმჯობესების მიხედვით მსოფლიოში პირველ ადგილზეა. GSC index 2013-ის მიხედვით, რომელიც 2013 წლამდე პერიოდს ასახავს, საქართველო მსოფლიოში ერთ-ერთი ჩამორჩენილი ქვეყანა იყო, განთავსებული 95-ე ადგილზე პაპუა ახალ გვინეასა (94-ე) და ნეპალს (96-ე) შორის, დღეისთვის კი სარეიტინგო პოზიცია 58 ადგილით აქვს გაუმჯობესებული.

მდგრადი კონკურენტუნარიანობის ინდექსი აერთიანებს 5 აგრეგატში გაერთიანებულ 127 ინდიკატორს და ეფუძნება გაეროს, მსოფლიო ბანკის, სავალუტო ფონდის, OECD-ის და მსოფლიოს სხვადასხვა კვლევითი ცენტრების პროფილურ გამოკვლევებს.

უწყების ინფორმაცით, შეფასების ხუთი აგრეგატიდან ყველაზე მაღალი შედეგი საქართველომ მთავრობის ეფექტიანობის მიმართულებით აჩვენა.  კერძოდ, მთავრობის ეფექტიანობის ინდექსის მიხედვით საქართველომ ახალი ისტორული მაქსიმუმი – 59.3 ქულა მოიპოვა,  მსოფლიოს 30 საუკეთესო ქვეყანას შორის 29-ე პოზიციაზე დასახელდა  და გაუსწრო ისეთ მოწინავე ქვეყნებს, როგორიცაა ესპანეთი, იტალია, სინგაპური საფრანგეთი, საბერძნეთი, სამხრეთ კორეა, ნორვეგია, უნგრეთი, კვიპროსი, იაპონია, შვედეთი, აშშ, კანადა, ავსტრალია და ა.შ. 

13
თბილისი

როგორი ამინდი იქნება თბილისში კვირას, 6 დეკემბერს

0
(განახლებულია 11:51 04.12.2020)
დედაქალაქში მოღრუბლული ამინდი და მცირე ნალექია მოსალოდნელი. ჰაერის ტემპერატურა პლუს შვიდ გრადუსს მიაღწევს

 

 

თბილისი, 4 დეკემბერი – Sputnik. სინოპტიკოსები კვირას, 6 დეკემბერს თბილისში ღრუბლიან ამინდს პროგნოზირებენ. მოსალოდნელია სუსტი წვიმა.

ჰაერის მინიმალური ტემპერატურა დაფიქსირდება ღამით – პლუს 5 გრადუსი, ხოლო დღისით ჰაერი 7 გრადუსამდე გათბება.

მზე 08:12 საათზე ამოვა და 17:30 საათზე ჩავა.

0
თემები:
ამინდის ზუსტი პროგნოზი თბილისში