გაზქურა

როდის გააუქმებენ საქართველოში კომუნალურ გადასახადებს

684
(განახლებულია 16:24 28.03.2020)
კორონავირუსის აფეთქების შემდეგ საქართველოში მოსახლეობის დიდი ნაწილი უმუშევარი დარჩა, თუმცა ხელისუფლებას კომუნალური გადასახადების შეღავათებთან დაკავშირებით გადაწყვეტილება ჯერ არ მიუღია

თბილისი, 28 მარტი - Sputnik. საქართველოს ენერგეტიკისა და წყალმომარაგების მარეგულირებელი ეროვნული კომისია და მთავრობის წარმომადგენლები კომუნალურ გადასახადებზე შეღავათების დაწესების საკითხს განიხილავენ.

დავითაშვილი: ფქვილის წარმოების პროცესში შეფერხება არ არსებობს, მარაგები საკმარისია >>

კორონავირუსის აფეთქების და საგანგებო მდგომარეობის შემოღების შემდეგ საქართველოში მოსახლეობის დიდი ნაწილი უმუშევარი დარჩა, ტურისტული ობიექტები, რესტორნები და ბუტიკები დაკეტილი და შემოსავლის გარეშეა დარჩენილი.

სანამ კომისია და მთავრობა სიტუაციიდან გამოსავალს ეძებენ, სამეგრელო-ზემო სვანეთის რეგიონში გადაუხდელობის გამო 100 აბონენტს ბუნებრივი აირი გაუთიშეს, აქედან 50 - კომერციული ობიექტია, წერს გაზეთი „რეზონანსი“.

ქვეყნის სხვა რეგიონებისა და დედაქალაქის მცხოვრებლები სოციალურ ქსელებში გაზისა და ელექტროენერგიის გათიშვის მრავალრიცხოვანი ფაქტების შესახებ წერენ, თუმცა ზუსტი სტატისტიკა ჯერ კიდევ უცნობია. ადამიანები სოციალურ ქსელებში ასევე წერენ, რომ მთავრობამ პირველ რიგში უნდა იზრუნოს კომუნალური გადასახადების გადავადებაზე, და არა საბანკო შეღავათებზე.

„სამწუხაროდ, როდესაც გამოიცა საგანგებო მდგომარეობის შესახებ ბრძანება, იქ საუბარი არ ყოფილა საშეღავათო პერიოდზე, ამიტომ ვინც არ იხდის გადასახადს, მას, ძველებურად უთიშავენ ელექტროენერგიას, გაზსა თუ წყალს”, - განუცხადა „რეზონანსს“ ენერგოომბუდსმენმა სალომე ვარდიაშვილმა.

ენერგოომბუდსმენის თქმით, მას არ აქვს დეტალური ინფორმაცია კომუნალურ გადასახადებზე შეღავათების შემოღებაზე მოლაპარაკებების შესახებ, რადგან იგი ამ პროცესში ჩართული არ არის, მაგრამ თვლის, რომ შეღავათების დაწესება აუცილებელია, განსაკუთრებით სოციალურად დაუცველი ჯგუფებისთვის.

„ყაზტრანსგაზ თბილისის“ ყოფილი ხელმძღვანელი, ეკონომისტი სოსო სიმონიშვილი საკითხის გადაჭრის გზებს სთავაზობს.

„ჩვენ უნდა გადავხედოთ რა სახის რესურსები აქვთ კომპანიებს. როდესაც ასეთი არაორდინარული ვითარებაა, მათაც უნდა დათმონ. ახლა ქვეყანასა და მოსახლეობას იმდენად უჭირს, რომ მათ სხვა გზა არ აქვთ. ალბათ, მთავრობა ბიუჯეტიდან სუბსიდირებას მოახდენს, მაგრამ კომპანიებმა სოციალური პასუხისმგებლობა უნდა გამოიჩინონ და ნაწილობრივ უარი თქვან მოგებაზე. სანაცვლოდ, სახელმწიფოს შეუძლია ამ პერიოდისთვის ისინი გადასახადებისგან გაათავისუფლოს”, - განაცხადა სიმონიშვილმა.

სიმონიშვილის თქმით, თუ ქვეყანაში ეპიდსიტუაცია არ გაუმჯობესდება, ვერანაირ ხარჯებს ბიუჯეტი ვერ გაუძლებს, რადგან საგანგებო მდგომარეობის პირობებში ეკონომიკა გაჩერებულია.

კორონავირუსის პანდემიასთან დაკავშირებით საქართველომ 18 მარტიდან უცხოელებისთვის საზღვრები დაკეტა, განსაკუთრებული შემთხვევების გარდა. 21 აპრილამდე ქვეყანაში საგანგებო მდგომარეობა გამოცხადდა, მარნეულისა და ბოლნისის მუნიციპალიტეტებში მკაცრი კარანტინი დაწესდა.

684
თემები:
კორონავირუსმა საქართველომდეც მოაღწია: ბოლო ცნობები (852)
აშშ-ის დოლარები

ფულადი გზავნილები: რამდენი გადმოირიცხა საქართველოში 2020 წელს

386
(განახლებულია 12:53 16.01.2021)
2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა –საერთო მოცულობის 19,3%.

თბილისი, 16 იანვარი – Sputnik. საქართველოს კომერციულ ბანკებში 2020 წელს ელექტრონული სისტემებით ფულადი გზავნილების მოცულობა 2019 წელთან შედარებით 8,8%-ით გაიზარდა და 1 866 მლნ აშშ დოლარი შეადგინა, ნათქვამია საქართველოს ეროვნული ბანკის განცხადებაში

ყველაზე მეტი ვალუტა რუსეთიდან შემოვიდა. 2020 წელს რუსეთიდან ფულადი გზავნილების მოცულობამ 364 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 19,3%. თუმცა, ეს მაჩვენებელი 15,1%-ით ნაკლებია 2019 წელთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

2020 წლის დეკემბერში ფულადი გზავნილები 15,9%-ით გაიზარდა და 199,7 მლნ დოლარი შეადგინა.

ყველაზე მეტი მოცულობის ვალუტა შემოვიდა რუსეთიდან. 2020 წლის დეკემბერში რუსეთიდან ფულადი გზავნილების მოცულობამ 40,7 მლნ დოლარზე მეტი შეადგინა – ელექტრონული სისტემების მეშვეობით საქართველოს კომერციულ ბანკებში ფულადი გზავნილების საერთო მოცულობის 20,4%. თუმცა, ეს მაჩვენებელი 7,1%-ით ნაკლებია 2019 წლის ანალოგიურ პერიოდთან შედარებით.

ლიდერი ქვეყნების ხუთეულში ასევე შედიან იტალია, საბერძნეთი, აშშ და ისრაელი.

დეკემბერში ლიდერთა ქვეყნებს შორის მეექვსე ადგილი დაიბრუნა თურქეთმა და გაუსწრო უკრაინას, რომელმაც მაც 2020 წლის აგვისტოში აჯობა.

ზრდის ტემპები აჩქარდა

ფულადი გზავნილების ზრდის ტენდენცია გრძელდება, თუმცა მისი ტემპები კვლავ დაბალია. ივნისში 17,8%-იანი მატების შემდეგ ივლისში წლიურმა ზრდამ 22,1% შეადგინა, აგვისტოში – 25,8%, სექტემბერში – 28,7%, ოქტომბერში ზრდის ტემპმა იკლო და 18,6% შეადგინა, ნოემბერში -12,5%, ხოლო დეკემბერში კვლავ აჩქარდა და 15,9% შეადგინა.

ფულადი გზავნილების გარკვეული ნაწილი, დაახლოებით 8%, ქვეყანაში პანდემიამდე შემოდიოდა არასაბანკო არხებით – ვიზიტორების მეშვეობით. საერთაშორისო მოგზაურობის შეზღუდვის გამო ფულადი გზავნილების ეს ნაწილი საბანკო სექტორში გადავიდა და, შედეგად, ფულადი გზავნილების აღნიშნულ ზრდაშიც შეიტანა წვლილი, განაცხადა ადრე საქართველოს ეროვნული ბანკის პრეზიდენტმა კობა გვენეტაძემ.

„საერთაშორისო პროგნოზირებისა და კვლევების ცენტრის“ ვიცე-პრეზიდენტმა ნიკა შენგელიამ საქართველოში ფულადი გზავნილების მოცულობის ზრდის ორი მიზეზი დაასახელა.

„პირველი მდგომარეობს იმაში, რომ პანდემიისა და ეკონომიკური საქმიანობის შეზღუდვებიდან გამომდინარე, ხალხი უფრო გაღარიბდა, არ მუშაობს ტრანსპორტი, დაკეტილია სავაჭრო ცენტრები, გარდა სასურსათო და ფარმაცევტული ობიექტებისა. და უცხოეთში მყოფი ჩვენი თანამოქალაქეები უფრო მეტ თანხას გზავნიან. დავუშვათ, თუ 200 დოლარს რიცხავდნენ, ახლა 300 დოლარს რიცხავენ“, – განაცხადა შენგელიამ „Sputnik-საქართველოსთან“ ინტერვიუში.

საქართველოს ეკონომიკის ვარდნის ტემპები გაიზარდა

მისი აზრით, მეორე მიზეზი მდგომარეობს იმაში, რომ სამშენებლო ბიზნესის დახმარების მიზნით დეკემბრის ჩათვლით მთავრობამ იპოთეკური სესხების 4%-ით სუბსიდირების გადაწყვეტილება მიიღო.

„ყველა, ვისაც ახლა საშუალება აქვს, ცდილობს ამ შეთავაზებით ისარგებლოს და ამიტომაც გაიზარდა საქართველოში უცხოეთიდან ტრანზაქციები. თუ 2021 წელს მთავრობა იპოთეკური სესხების სუბსიდირებას გააგრძელებს და ადამიანები ბინებს შეიძენენ, პირველ კვარტალში გადმორიცხვების მოცულობა ისევ გაიზრდება“, – განაცხადა შენგელიამ.

მან აღნიშნა, რომ დეკემბრის ჩათვლით პროგრამა ძალაშია. ამიტომ უცხოეთში მომუშავე ადამიანები ჩქარობენ ისარგებლონ ნაკლები პროცენტის გადახდის შესაძლებლობით და აქტიურად ყიდულობენ ბინებს, რადგან ადრე მათ იპოთეკურ კრედიტზე 13-14%-ის გადახდა უწევდათ.

რამდენი ვალუტა გაიგზავნა საქართველოდან

2020 წლის დეკემბერში საქართველოდან საზღვარგარეთ დაახლოებით 24,7 მლნ დოლარზე მეტი გადაირიცხა, რაც 2019 წლის იმავე პერიოდის მაჩვენებელზე 3,4%-ით ნაკლებია.

2020 წელს საქართველოდან საზღვარგარეთ დაახლოებით 246,9 მლნ დოლარი გადაირიცხა, რაც 4%-ით მეტია 2019 წელთან შედარებით.

386
თემები:
საქართველოს ეკონომიკა
ვალუტის გადამცვლელი პუნქტი

ლარის კურსი 16 იანვარს

1806
(განახლებულია 12:53 16.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 16 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2987 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

ლარის კურსი 16 იანვარს
ლარის კურსი 16 იანვარს
1806
თემები:
ლარის კურსი დღეს
ქართველი სუმოისტი ლევან გორგაძე (ტოჩინოშინი)

ქართველმა სუმოისტმა იანვრის ჰაცუ ბაშოზე ზედიზედ მესამე მარცხი განიცადა

0
იმ შემთხვევაში, თუ ტოჩინოშინი კიდევ სამ შერკინებას წააგებს, ის მსოფლიოს უძლიერესი სუმოისტების რეიტინგში რამდენიმე პოზიციას დაკარგავს

თბილისი, 16 იანვარი - Sputnik. ქართველი სუმოისტი ლევან გორგაძე, იგივე ტოჩინოშინი, იანვრის ჰაცუ ბაშოზე ტოკიოში ზედიზედ მესამედ დამარცხდა.

ტოჩინოშინი, რომელიც აღმოსავლეთის მეოთხე მაეგაშირას რანგში ასპარეზობს, მეშვიდე საშეჯიბრო დღეს ოძეკი ტაკაკეისიოსთან დამარცხდა.

ქართველი სუმოისტისთვის ეს ტურნირზე უკვე მეხუთე წაგებაა, ორი შერკინება ტოჩინოშინის გამარჯვებით დასრულდა. იმ შემთხვევაში, თუ ტოჩინოშინი კიდევ სამ შეხვედრას წააგებს, ის მსოფლიოს უძლიერესი სუმოისტების რეიტინგში რამდენიმე პოზიციას დაკარგავს.

ქართველი სპორტსმენის მომდევნო მეტოქე სეკივაკე ტაკანოსიო გახდება. მომდევნო დაპირისპირება სუმოისტებს შორის რიგით მეოთხე იქნება. ამ მომენტისთვის ტაკანოსიო იგებს ანგარიშით 2:1.

ჰაცუ ბაშო 24 იანვარს დასრულდება.

0