ლარის კურსი

კარანტინში დაპატიმრებული ფული, ლარის კურსი და ქართული ეკონომიკა

237
(განახლებულია 20:46 19.03.2020)
კორონავირუსის გავრცელების პრევენციის მიზნით ეროვნულმა ბანკმა ლარის ბანკნოტებსა და მონეტებთან მიმართებაში საკარანტინო ზომების განხორციელება დაიწყო.

1 აპრილამდე მიმოქცევიდან ეროვნულ ბანკში შემოსული ლარის ფულის ნიშნები საკასო ცენტრში განთავსდება და ცალკე, სპეციალურად გამოყოფილ ადგილზე 14 დღის განმავლობაში შეინახება.

ფულის კარანტინში გაგზავნა ინფექციის გავრცელებას ხელს დიდად ვერ შეუშლის, რადგან სანამ კუპიურები საბოლოოდ შევა საცავში, იგი საკმაოდ ბევრჯერ მოინაცვლებს ადრესატს, ანუ ხელს, ამიტომ ეს გადაწყვეტილება კორონავირუსის გავრცელების პრევენციის თვალსაზრისით დიდი ვერაფერი გამოსავალია, მიაჩნია ეკონომიკის დოქტორს ნიკა შენგელიას.

ნიკა შენგელია
ნიკა შენგელია

ეკონომისტის აზრით, ლარის ორკვირიანი კარანტინის ნამდვილი მიზანი ბაზარზე ეროვნული ვალუტის მასის შემცირებაა.

„ეროვნული ბანკის მიერ კორონავირუსის გავრცელების პრევენციის მიზნით ორკვირიან კარანტინში გაშვებული ლარის კუპიურები ბაზარზე ნაღდი ფულის დეფიციტს შექმნის, ეს კი გაზრდის მასზე მოთხოვნას და ხელს შეუშლის ლარის დევალვაციას“, – აღნიშნა ნიკა შენგელიამ „Sputnik–საქართველოსთან“ საუბრისას.

ეკონომისტის თქმით, მართალია, ლარზე მოთხოვნის გაზრდამ, ერთი მხრივ, შეიძლება დადებითი შედეგი მოიტანოს ეროვნული ვალუტის გამყარების კუთხით, მაგრამ, მეორე მხრივ, არ არის გამორიცხული, რომ ნაღდი ფულის დეფიციტმა რეგიონებში  გარკვეული პრობლემები შექმნას, რადგან თუ საქართველოს დიდ ქალაქებში პლასტიკური ბარათები მოსახლების დასაქმებულ ნაწილს მაინც აქვს, სოფლებში და პატარა დასახლებულ პუნქტებში ანგარისწორების ძირითადი საშუალება ნაღდი ფულია.

„მართალია, ჯერ არ ვიცით, რა რაოდენობის თანხა მოიყრის თავს საკარანტინო სივრცეში, მაგრამ ცხადია, რომ თვითონ ეს ფაქტი შეამცირებს ფულის მასას ეკონომიკაში, რაც, რა თქმა უნდა, რეფინანსირების ისედაც მაღალი 9%-იანი საპროცენტო განაკვეთის პირობებში, რეალური ეკონომიკის სექტორისთვის სერიოზული დარტყმა იქნება“, – ამბობს ნიკა შენგელია.

ეკონომისტი ფიქრობს, რომ ეროვნულ ბანკს შეეძლო ამოღებული ბანკნოტები ახლით შეეცვალა, რათა ორკვირიან კარანტინს ნაღდ ფულზე მოთხოვნასა და მიწოდებას შორის დისბალანსი არ გამოეწვია ბაზარზე.

„როგორც სისხლს ადამიანის ორგანოების ფუნქციონირებისათვის აქვს მნიშვნელობა და მისი რაოდენობა უნდა იყოს ნორმის ფარგლებში, ასევეა ფული ეკონომიკისთვის. ის უნდა იყოს იმ რაოდენობით, რაც საჭიროა ეკონომიკის სასიცოცხლო ციკლისათვის. მისი ნაკლებობა ეკონომიკას დააზიანებს ან საერთოდ გააჩერებს. იმ შემთხვევაში, როდესაც ეროვნული ბანკი კარანტინში გაგზავნილი ფულადი მასის ახლით ჩანაცვლებაზე არაფერს ამბობს, ეს იმას ნიშნავს, რომ მან ჩვენს ეკონომიკას ჯერ 9%-იანი საპროცენტო განაკვეთით წაართვა სისხლი და ახლა ნაღდი ფულადი მასის შემცირებით უკვე საერთოდ გაწირა განადგურებისათვის“, – მიაჩნია ექსპერტს.

ნიკა შენგელია მიიჩნევს, რომ ეროვნული ბანკის მცდელობა, ფულისთვის ორკვირიანი კარანტინის დაწესებით იმოქმედოს ლარის კურსის გაუფასურების შეჩერებაზე, საბოლოო ჯამში სასურველ შედეგს ვერ მოიტანს.

საქართველოს ეროვნულმა ბანკმა 18 მარტისთვის ლარის კურსი აშშ დოლარის მიმართ 3,0807 GEL/$1 ნიშნულზე დაადგინა, რაც ქართული ვალუტისთვის ახალი ისტორიული მინიმუმია.

ლარის კურსმა დოლარის მიმართ დაცემა 9 მარტიდან დაიწყო, როდესაც კორონავირუსის პანდემიასთან დაკავშირებულ გაურკვევლობას მსოფლიო ბაზარზე ნავთობზე ფასის მკვეთრი დაცემა დაემატა. კვირის დასაწყისიდან ლარის კურსი 7,9%-ით გაუფასურდა.

გაცვლითი კურსის წინა მინიმალური ნიშნული 2019 წლის სექტემბერში დაფიქსირდა, როდესაც კურსი იყო 2,9808 GEL/$1.

ლარის ვარდნის შეკავების მიზნით ეროვნულმა ბანკმა გასულ პარასკევს სავალუტო აუქციონი ჩაატარა, რომელზეც 20 მლნ დოლარი გაყიდა, ბანკი 19 მარტს სავალუტო აუქციონზე კიდევ 40 მილიონ აშშ დოლარის გაყიდვას გეგმავს. 

ამას გარდა, 18 მარტს საქართველოს ეროვნული ბანკის მონეტარული პოლიტიკის კომიტეტმა უცვლელი დატოვა რეფინანსირების განაკვეთიც და ის ისევ 9.0 პროცენტს შეადგენს.

„იმ პირობებში, როდესაც აპირებ აუქციონზე 40 მილიონის გამოტანას და დღე-დღეზე ელოდები დახმარებას სავალუტო ფონდიდან, საპროცენტო განაკვეთის 9%-ზე შენარჩუნება რეალური ეკონომიკის სტიმულირებისა და განვითარებისათვის 0%-იანი შედეგის მომტანია. შესაძლებელი იყო მისი დაწევა თუნდაც 8%-მდე, რადგანაც ლარის კურსთან მიმართებაში ეს მაინც დიდად არაფერს შეცვლის“, – მიაჩნია ნიკა შენგელიას.

რაც შეეხება საქართველოში კორონავირუსით ინფიცირებულთა რაოდენობას, 19 მარტის მონაცემებით, მათმა რაოდენობამ 40-ს მიაღწია. 

ვირუსის მასობრივი გავრცელების თავიდან ასაცილებლად შეიქმნა უწყებათშორისი საკოორდინაციო საბჭო, რომელიც ოპერატიულად აფასებს სიტუაციას და ახალ შეზღუდვებსა და რეკომენდაციებს შეიმუშავებს. სამინისტროები და უწყებები 24-საათიან საგანგებო მუშაობის რეჟიმზე გადავიდნენ. რეკომენდაცია გაიცა დახურულ სივრცეში ყველა მასობრივი ღონისძიებების გაუქმების შესახებ. ყველა სასწავლო დაწესებულებაში სასწავლო პროცესი 1 აპრილამდე გადაიდო.

ეროვნულმა ბანკმა მოუწოდა საქართველოს მოსახლეობას, ბანკნოტებისა და მონეტების გამოყენების შემდეგ, კვების პროდუქტებთან შეხების წინ გულდასმით დაიბანონ ხელები და, შეძლებისდაგვარად, გამოიყენონ უნაღდო ანგარიშსწორება, უკონტაქტო და მობილური გადახდები, დისტანციური საბანკო მომსახურება.

 

ნატა პატარაია

237

რთველს კორონავირუსის არ ეშინია: კახეთში ყურძნის დიდი მოსავალი მიიღეს ფოტო

51
(განახლებულია 19:47 30.09.2020)
  • ახლა მთელ კახეთში შეუსვენებლად შრომობენ
  • უკვე 210 ათასი ტონა ყურძენი მოიკრიფა
  • უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს
  • თუმცა, ჩასაბარებელი ფასები წელს შემცირდა, მაგრამ სხვა გზა არ არის
  • როგორც ღვინის ქარხნებში აცხადებენ, ფასებს მსოფლიო ბაზარი განაგებს
  • მუშაობა პარალელურად უწყვეტად მიმდინარეობს
  • წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა
  • სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან
  • ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს
  • ჩაბარებული ყურძნის ფასმა წელს 65 მილიონ დოლარს გადააჭარბა
  • რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში
  • რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა
  • აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან
  • რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო
  • მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები
  • რთველი - ეს ყოველთვის ნამდვილი დღესასწაული და ახალი იმედების წყაროა
წელს კახეთში რთველი აგვისტოს ბოლოს დაიწყო. იხილეთ „Spunik-საქართველოს“ ფოტოკადრები, როგორ მიმდინარეობდა ყურძნის მოსავლის აღება.

რთველი არა მხოლოდ ყურძნის მოსავლის აღება, არამედ მეღვინეობის ნამდვილი დღესასწაულიცაა. ამ დღეს ყველა ელოდება და წინასწარ ემზადება. მძიმე სამუშაო დღე კი საღამოს მთავრდება სუფრით და პოზიტიური განწყობითა და ემოციებით.

მართალია, წელს ყურძენს საწარმოები უფრო დაბალ ფასად იბარებდნენ, რამაც ფერმერებსა და მიწათმოქმედებზე უარყოფითად იმოქმედა, მაგრამ, როგორც მეღვინეები აცხადებენ, მათ ბრალი არაფერში მიუძღვით – ფასების ვარდნაზე მსოფლიო ბაზარი მოქმედებს. რა შეიძლება გაკეთდეს? ადრინდელივით ბევრი შრომა და იმედი, რომ ყველაფერი უკეთ იქნება.

წელს კორონავირუსის პანდემიის გამო ფერმერების მხარდასაჭერად საქართველოს მთავრობამ ყურძნის ორი ჯიშის – „რქაწითელისა“ და „კახური მწვანეს“ სუბსიდირება მოახდინა.

 

51
  • ახლა მთელ კახეთში შეუსვენებლად შრომობენ
    © Sputnik / STRINGER

    ახლა მთელ კახეთში შეუსვენებლად შრომობენ

  • უკვე 210 ათასი ტონა ყურძენი მოიკრიფა
    © Sputnik / STRINGER

    უკვე 210 ათასი ტონა ყურძენი მოიკრიფა

  • უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს
    © Sputnik / STRINGER

    უკვე 20 ათასზე მეტმა ფერმერმა უკვე ჩააბარა ყურძნის მოსავალი საწარმოებს

  • თუმცა, ჩასაბარებელი ფასები წელს შემცირდა, მაგრამ სხვა გზა არ არის
    © Sputnik / Alex Shlamov

    თუმცა, ჩასაბარებელი ფასები წელს შემცირდა, მაგრამ სხვა გზა არ არის

  • როგორც ღვინის ქარხნებში აცხადებენ, ფასებს მსოფლიო ბაზარი განაგებს
    © Sputnik / STRINGER

    როგორც ღვინის ქარხნებში აცხადებენ, ფასებს მსოფლიო ბაზარი განაგებს

  • მუშაობა პარალელურად უწყვეტად მიმდინარეობს
    © Sputnik / STRINGER

    მუშაობა პარალელურად უწყვეტად მიმდინარეობს

  • წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა
    © Sputnik / STRINGER

    წელს კორონავირუსის პანდემიის გამო, ფერმერ-მეღვინეების მხარდაჭერის მიზნით, საქართველოს მთავრობამ რქაწითელისა და კახური მწვანეს სუბსიდირება გადაწყვიტა

  • სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან
    © Sputnik / STRINGER

    სუბსიდიებს ღებულობენ ღვინის კომპანიები, რომლებიც ყიდულობენ და ამუშავებენ მინიმუმ ათას ტონა ყურძენს ამ ჯიშებიდან

  • ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს
    © Sputnik / STRINGER

    ყურძნის ჩაბარებისა და გადამუშავების პროცესში 60-ზე მეტი ღვინის საწარმო მონაწილეობს

  • ჩაბარებული ყურძნის ფასმა წელს 65 მილიონ დოლარს გადააჭარბა
    © Sputnik / STRINGER

    ჩაბარებული ყურძნის ფასმა წელს 65 მილიონ დოლარს გადააჭარბა

  • რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში
    © Sputnik / STRINGER

    რთველი - ეს ყურძნის მოსავლის აღების უძველესი ტრადიცია და დღესასწაულია საქართველოში

  • რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა
    © Sputnik / STRINGER

    რთველის ტრადიციები უძველესი დროიდან იღებს სათავეს. მაშინ დღესასწაული შუა შემოდგომაზე იმართებოდა

  • აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან
    © Sputnik / STRINGER

    აღმოსავლეთ საქართველოში რთველი შემოდგომის დადგომასთან ერთად იწყება, სექტემბერში, ხოლო დასავლეთში - ოქტომბრიდან

  • რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო
    © Sputnik / STRINGER

    რაც უფრო ცხელი და მშრალია ზაფხული, მით უფრო ადრე იწყება მოსავლის მოკრება. მაგალითად, 2010 წლის ცხელი ზაფხულის შემდეგ რთველი ორი კვირით ადრე დაიწყო

  • მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები
    © Sputnik / STRINGER

    მძიმე სამუშაო დღის შემდეგ ფერმერები ვაზის ჩრდილში ისვენებენ. ხშირად, მათ დასახმარებლად მოდიან ნათესავები და ახლობლები

  • რთველი - ეს ყოველთვის ნამდვილი დღესასწაული და ახალი იმედების წყაროა
    © Sputnik / STRINGER

    რთველი - ეს ყოველთვის ნამდვილი დღესასწაული და ახალი იმედების წყაროა

მამუკა ხაზარაძე

პარტიამ „ლელო საქართველოსთვის“ ლარის გადარჩენის გეგმა წარმოადგინა

39
(განახლებულია 14:09 30.09.2020)
მამუკა ხაზარაძის შეთავაზებაა ფიზიკური და იურიდიული პირების სესხების რესტრუქტურიზაცია და ლარის კურსისთვის „დერეფნის განსაზღვრა“.

თბილისი, 30 სექტემბერი — Sputnik. ბანკირ მამუკა ხაზარაძის პარტიამ „ლელო საქართველოსთვის“ ქვეყნისა და ლარის „შველა“ გადაწყვიტა და შესაბამისი გეგმა შეიმუშავა

საქართველოში ამ ეტაპზე დოლარის მიმართ ეროვნული ვალუტის კურსი ეცემა, რაც მოსახლეობის სერიოზულ უკმაყოფილებას იწვევს. ეროვნულ ბანკში ლარის ამ მდგომარეობას ეკონომიკური კრიზისითა და არჩევნების გამო ბაზარზე ნეგატიური მოლოდინებით ხსნიან.

პარტიის ლიდერმა მამუკა ხაზარაძემ მოიფიქრა, თუ როგორ დაეხმაროს მოსახლეობას, ვისაც სესხი დოლარში აქვს აღებული და ლარის მერყევი კურსის გამო ზარალდება.

„წლის დასაწყისში ფიზიკურ პირებს 3,8 მლრდ დოლარის მოცულობის კრედიტი ჰქონდათ, დღეს კი მერყევი კურსის გამო 600 მილიონი დაკარგეს – ეს კოლოსალური თანხაა. ეს ის თანხაა, რომლის გამოყენებაც ადამიანებმა საკუთარი შვილებისა და ოჯახებისთვის ვერ მოახერხეს“, – განაცხადა ხაზარაძემ.

Fitch: საქართველოს ეკონომიკა იმაზე ნაკლებად დაეცემა, ვიდრე ამას ხელისუფლება ვარაუდობს>>>

გამოსავალის სახით ხაზარაძის შეთავაზებაა ფიზიკური და იურიდიული პირების სესხების რესტრუქტურიზაცია.

„ეკონომიკური კრიზისის შედეგად დაზარალებულ მოსახლეობას ჩვენ ეს ტვირთი უნდა მოვხსნათ“, – აღნიშნა მან.

გარდა ამისა, პარტიის ლიდერმა ლარის „შველის“ საკუთარი სქემა წარმოადგინა.

„ლელო” ლარის „დერეფნის განსაზღვრის“ მექანიზმის შემოღებას გთავაზობთ. ჩვენ შეგვიძლია გავაჩეროთ და დავასტაბილუროთ ლარი და ამის გაკეთება უახლოეს მომავალშია შესაძლებელი“, – განაცხადა ხაზარაძემ.

თუმცა, ხაზარაძეს არ განუმარტავს, თუ როგორ იმოქმედებს დერეფნის განსაზღვრის პრინციპი.

ეროვნული ბანკის პროგნოზით, ლარის კურსი არჩევნების შემდეგ დასტაბილურდება. რაც შეეხება ფასებს, ინფლაციის დონე უკვე კლებისკენაა და მომავალ წელს მიზნობრივ მაჩვენებელს – 3%-ს მიაღწევს, შემდეგ კი ამ ნიშნულსაც ჩამოსცდება.

39
Су-25-ის  ნამსხვრევები მთიან ყარაბაღში

ესკალაცია ყარაბაღში: ფეიკების საინფორმაციო ომი და მათი უარყოფა

0
(განახლებულია 21:51 30.09.2020)
კონტრპროპაგანდა ომში ტრადიციულად გამოიყენება მოწინააღმდეგის დემორალიზაციისთვის — მტრის დანაკარგების გადაჭარბებითა და საკუთარი წარმატებების ჰიპერტროფირებული წარმოსახვის მეთოდით.

და მაინც, მიმდინარე შეიარაღებული კონფლიქტი აზერბაიჯანსა და სომხეთს შორის მთიანი ყარაბაღისთვის, უპრეცედენტო რაოდენობის შეტყობინებით გამოირჩევა — ერთი მხარის თითოეულ ცნობას მაშინვე მოსდევს მეორე მხარის უარყოფა. ეს საერთაშორისო დამკვირვებლებს ვითარებისანალიზს ურთულებს და ბაქოსა და ერევნის ნებისმიერი ოფიციალური განცხადების მიმართ უნდობლობას იწვევს.

საეჭვო ციფრები, ფაქტები, ბუნდოვანი ეპიზოდები საბრძოლო მოქმედებების დღეებში უზარმაზარი რაოდენობით დაგროვდა. მაგალითად, სომხეთის თავდაცვის სამინისტროს ინფორმაციით, მათ 49 აზერბაიჯანული დრონი ჩამოაგდეს, მაგრამ გამოაქვეყნეს ფოტო, რომელზეც მხოლოდ ერთი უპილოტო აპარატის ნამსხვრევებია აღბეჭდილი.

თავის მხრივ, აზერბაიჯანის თავდაცვის სამინისტრომ გამოაცხადა, რომ 18 სომხური დრონი, 80 ტანკი და პირადი შემადგენლობის მტელი პოლკი (დაახლოებით ორი ათასი კაცი) გაანადგურა.

სამხედრო–პოლიტიკური ტურბულენტობის გასული ათწლეულის განმავლობაში არაღიარებული მთიანი ყარაბაღის რესპუ ბლიკის ზონაში სომხეთმა და აზერბაიჯანმა საბრძოლო ვითარებაში სულ დაახლოებით 20 უპილოტო საფრენი აპარატი დაკარგეს. სომხური პოლკის სწრაფად განადგურებას კი, რომლის პოზიციაც ფრონტზე არერთ კილომეტრს იკავებს, მასობრივი განადგურების იარაღი სჭირდება. სომხეთის თავდაცვის სამინისტროც იუწყებოდა 790 აზერბაიჯანელი სამხედრო მოსამსახურის განადგურების თაობაზე.  ეს რომ რეალური დანაკარგები იყოს, ასეთი ტემპებით ორი არმია არ იქნებოდა ზამთრამდე საკმარისი. შეგახსენებთ, რომ სხვადასხვა შეფასებებით, აზერბაიჯანელებს მობილიზაციამდე 65–დან 126 ათასამდე „ხიშტი“ ჰყავდათ, ხოლო სომხეთისა და მთიანი ყარაბაღის ჯარებში — 65 ათასამდე მოქმედი სამხედრო იყო.

გამანადგურებელი F-16 მოიერიშე Су-25–ის წინააღმდეგ

სომხეთის თავდაცვის სამინისტრომ განაცხადა, რომ 29 სექტემბერს თურქეთის სამხედრო ძალების გამანადგურებელი F-16 ჰაერში აზრბაიჯანის აეროდრომ გიანჯიდან აფრინდა და სომხური მოიერიშე Су-25 ჩამოაგდო ვარდენისის რაიონში. დაიღუპა მფრინავი, მაიორი ვალერი დანელინი. გამოქვეყნდა თვითმფრინავის ნამსხვრევების ფოტო, რომლის მიხედვითაც ძნელია კატასტროფის მიზეზების დადგენა. სომხეთის სამხედრო უწყება პირობას დებს, რომ ბრძოლებში თურქული ძალების ჩართულობის უფრო სრულ მტკიცებულებებს წარმოადგენს. აზერბაიჯანმა და თურქეთმა კი უკვე უარყვეს ინფორმაცია ავიაშეტევის შესახებ. ბაქოში აღნიშნეს, რომ საერთოდ არ იყენებენ საბრძოლო ავიაციას.

აზერბაიჯანის პრეზიდენტის თანაშემწის მონაცემებით, ორი სომხური Су-25 მთას შეეჯახა და იმიტომ აფეთქდა. ასეთი რამ ადრეს მომხდარა ცუსი ხედვადობის პირობებში — როგორც სომხეთში, ისე სხვა ქვეყნებშიც. თვითმფრინავი შეიძლებოდა ტექნიკური ცვეთის გამოც ჩამოვარდნილიყო და სომხური ჰაერსაწინააღმდეგო სისტემების შემთხვევითი ცეცხლის გამოც. ხოლო თუ სომხური Су-25 მოწინააღმდეგემ ჩამოაგდო, მაშინ როგორ განსაზღვრეს სომხეთის თავდაცვის სამინისტროს სპეციალისტებმა თურქული F-16–ის კურსი და რატომ არ მიიტანეს საპასუხო დარტყმა, თუნდაც გიანჯის აეროდრომზე? ეს ყველაფერი ძალიან არამწყობრად გამოიყურება ჯერჯერობით.

30 სექტემბერს ჟურნალისტებთან შეხვედრაზე სომხეთის პრემიერ–მინისტრმა ნიკოლ ფაშინიანმა თავი აარიდა პირდაპირ პასუხს აზერბაიჯანის წინააღმდეგ Су-30СМ–სა და „ისკანდერის“ გამოყენების შესაძლებლობის თაობაზე.

რუსეთი და მსოფლიოს ქვეყნების უმეტესობა მოუწოდებენ ბაქოსა და ერევანს, დაუყოვნებლივ შეწყვიტომ ცეცხლი. რუსეთის პრეზიდენტმა ვლადიმირ პუტინმა 29 სექტემბერს ფაშინიანთან საუბრისას სერიოზული შეშფოთება გამოთქვა კონფლიქტის ზონაში საბრძოლო მოქმედებების გამო და ყურადღება გაამახვილა დეესკალაციის აუცილებლობაზე. აზერბაიჯანელ კოლეგასთან საუბარს კი პუტინი აუცილებლობის შემთხვევაში გამართავს.

0
თემები:
მთიან ყარაბაღში ვითარება გამწვავდა – შეიარაღებული შეტაკება 2020