თუშეთის ეროვნული პარკი

მაღალმთიანი დასახლების სტატუსის მინიჭების კრიტერიუმები იცვლება

135
(განახლებულია 13:27 09.03.2020)
ახალი კრიტერიუმების დამტკიცების შემდეგ მაღალმთიანის სტატუსს კიდევ 58 სოფელს მიანიჭებენ ხუთ რეგიონში, ხოლო მაღალმთიანი დასახლების მცხოვრების სტატუსს 25 ათასზე მეტი ადამიანი მიიღებს.

თბილისი, 9 მარტი — Sputnik. საქართველოს მთავრობის ინიციატივით მომზადდა ცვლილებები „მაღალმთიანი რეგიონების განვითარების შესახებ" კანონში, რის მიხედვითაც იცვლება მაღალმთიანი დასახლების სტატუსისა და ასეთი დასახლების მუდმივი მცხოვრების სტატუსის მინიჭების კრიტერიუმები, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში.

ამჟამად მაღალმთიანად მიიჩნევა დასახლება, რომელიც ზღვის დონიდან 1,5 ათას მეტრ სიმაღლეზე და უფრო ზემოთ მდებარეობს. გამონაკლის შემთხვევებში, რელიეფის, ბუნებრივი და დემოგრაფიული პირობების გათვალისწინებით, ეს სტატუსი შეიძლება მიენიჭოს დასახლებას, რომელიც ზღვის დონიდან 800 მეტრზე მეტ სიმაღლეზე მდებარეობს.

შესწორების თანახმად, მაღალმთიანი დასახლების სტატუსი მიენიჭება ოკუპაციის გამყოფ ხაზთან მდებარე სოფლებს, რომლებიც ზღვის დონიდან 800 მეტრზე და მეტ სიმაღლეზე მდებარეობენ, იმ დასახლებებს, რომლებიც შედიან იმ მუნიციპალიტეტებში, რომელთა დასახლებების 80%-ს მაღალმთიანის სტატუსი აქვს. ამ მუნიციპალიტეტების ადმინისტრაციული ცენტრები სტატუსს მიიღებენ იმ შემთხვევაში, თუ ისინი ზღვის დონიდან 1 ათას მეტრზე და უფრო ზემოთ არიან განლაგებული.

„მაღალმთიანი დასახლების სტატუსი მიენიჭება გამყოფ ხაზთან მდებარე 19 სოფელს, ასევე თიანეთის, დმანისის, ასპინძისა და დუშეთის მუნიციპალიტეტების 39 დასახლებას და ერთ ადმინისტრაციულ ცენტრს", – აღნიშნულია განცხადებაში.

ასევე იცვლება მუდმივი მცხოვრების სტატუსის მიღების კრიტერიუმები იმ დასახლებებში, რომლებიც 2 ათასი მეტრის ან მეტ სიმაღლეზე მდებარეობენ ზღვის დონიდან. სტატუსის მისაღებად, ნაცვლად ამ დასახლებაში ცხრათვიანი ფაქტობრივი ცხოვრების პირობისა, ახლა უკვე საკმარისი იქნება ექვსთვიანი პერიოდი.

მთიანი დასახლებების განვითარება პრიორიტეტულია

საქართველოს მთავრობა აქტიურად მუშაობს მაღალმთიანი რეგიონების განვითარების მიმართულებით, რათა ეს დასახლებები უფრო მიმზიდველი იყოს ცხოვრებისთვის და არ მოხდეს ამ ადგილების დაცარიელება.

ხელისუფლებამ მაღალმთიანი რეგიონების განვითარების სტრატეგია შეიმუშავა>>

ხელისუფლებამ კანონი „მაღალმთიანი რეგიონების განვითარების შესახებ" ხუთი წლის წინ მიიღო. რეგიონების დახმარებისთვის შეიქმნა მთის განვითარების ეროვნული საბჭო და მაღალმთიანი დასახლებების განვითარების ფონდი. მისმა ბიუჯეტმა 2016-2019 წლებში 86 მლნ ლარი შეადგინა.

საქართველოში მაღალმთიანი დასახლების სტატუსი მინიჭებული აქვს ქვეყნის 1 737 დასახლებას, ხოლო მთაში მუდმივად მცხოვრების სტატუსით სარგებლობს 250 ათასამდე მოქალაქე. ისინი სარგებლობენ განსაკუთრებული შეღავათებით, მათ შორის, დანამატიანი პენსიებით, სოციალური დახმარებით, შეღავათიანი ტარიფებითა და სხვა პროგრამებით.

2016 წლიდან დღემდე ახალშობილისთვის დახმარების სახით გაიცა თითქმის 27 მილიონი ლარი; 97 მილიონი ლარამდე ოდენობის დანამატი სახელმწიფო პენსიაზე მიიღეს პენსიონერებმა; გაიცა სოციალური პაკეტის დანამატი 12.1 მილიონი ლარის ოდენობით; 14 მილიონ ლარზე მეტი გაიცა სამედიცინო პერსონალზე; 90 ათასზე მეტმა ბენეფიციარმა ისარგებლა 24.1 მილიონი ლარის შეღავათით ელექტროენერგიაზე; 48.3 მილიონი ლარი გაიცა მასწავლებლებისთვის, ხოლო 687 000 ლარი – მწვრთნელებისათვის. საგადასახადო შეღავათებით სარგებლობს უკვე 401 საწარმო, აღნიშნულია უწყების განცხადებაში.

საქართველოში მთის ფაკულტეტი შეიქმნება>>

კანონის მიღებიდან დღემდე მაღალმთიანი დასახლებების ფონდიდან სხვადასხვა ინფრასტრუქტურულ პროექტსა და სახელმწიფო შემწეობაზე 310 მლნ ლარი დაიხარჯა.

135
თემები:
სოციალური სფერო საქართველოში (164)
თვითმფრინავი

აღდგება თუ არა ავიამიმოსვლა საქართველოსა და პოლონეთს შორის მიმდინარეობს მოლაპარაკებები

81
(განახლებულია 20:14 05.06.2020)
საქართველოს ეკონომიკის მინისტრისა და პოლონეთის ელჩის შეხვედრისას განხილვის მთავარი საკითხები ავიამიმოსვლის აღდგენა და უსაფრთხო ტურიზმის სფეროში თანამშრომლობა იყო.

თბილისი, 5 ივნისი – Sputnik. საქართველოს ეკონომიკისა და მდგრადი განვითარების მინისტრმა ნათია თურნავამ საქართველოში პოლონეთის ელჩთან მარიუს მაშკიევიჩთან ავიამიმოსვლის აღდგენისა და ტურიზმის სფეროში თანამშრომლობის შესაძლებლობები განიხილა.

რომელი ქვეყნიდან ჩამოვლენ საქართველოში პირველი ტურისტები - შეთანხმება მიღწეულია>>

როგორც ეკონომიკის სამინისტროს განცხადებაშია აღნიშნული, თურნავამ შეხვედრისას განაცხადა, რომ საქართველო, რომელიც წარმატებით უმკლავდება პანდემიასთან დაკავშირებულ პრობლემებს, უსაფრთხო დერეფნის ფარგლებში დაინტერესებულია პირდაპირი საჰაერო მიმოსვლისა და ტურიზმის სფეროში თანამშრომლობის აღდგენით პოლონეთთან.

მინისტრმა აღნიშნა, რომ ბოლო წლებში საქართველოში არსებითად გაიზარდა პოლონელი ტურისტების ნაკადი, რაშიც დიდი როლი შეასრულა პირდაპირი ავიარეისების არსებობამ პოლონეთის რამდენიმე ქალაქთან.

თურნავამ იმედი გამოთქვა, რომ პოლონეთი იმ ქვეყნების სიაში იქნება, საიდანაც საქართველო შეძლებს მოგზაურების მიღებას და მათთვის უსაფრთხო ტურისტული მომსახურების გაწევას.

პოლონეთის ელჩმა, თავის მხრივ, ყურადღება გაამახვილა საქართველოს მთავრობის წარმატებულ ქმედებებზე COVID-19-თან ბრძოლაში და აღნიშნა, რომ ეს ყველაფერი საქართველოს წარმოადგენს, როგორც უსაფრთხო მიმართულების ქვეყანას.

საქართველოსა და გერმანიას შორის ავიამიმოსვლა აღდგება? – მხარეები თანხმდებიან>>

მხარეებმა იმედი გამოთქვეს, რომ ქვეყნებს შორის წარმატებით გაგრძელდება თანამშრომლობა და მალე აღდგება ავიამიმოსვლა, ნათქვამია ეკონომიკის სამინისტროს განცხადებაში.

საქართველომ საჰაერო მიმოსვლა ყველა მიმართულებით 21 მარტს შეწყვიტა. კორონავირუსთან წარმატებული ბრძოლის წყალობით ქვეყნის ხელისუფლებამ მიიღო გადაწყვეტილება, რომ 15 ივნისიდან აღადგინოს შიდა ტურიზმი, ხოლო 1 ივლისიდან გახნას საზღვრები უცხოელი ტურისტებისთვის. ეს ნიშნავს, რომ ამ დროისთვის აღდგება პანდემიის გამო შეწყვეტილი სახმელეთო, სარკინიგზო და ავიამიმოსვლა.

წინასწარი ინფორმაციით, პირველი ქვეყანა, საიდანაც საქართველო ტურისტებს მიიღებს, ისრაელი იქნება. საქართველო მოლაპარაკებებს აწარმოებს ბალტიის ქვეყნებთან, ჩეხეთთან, ავსტრიასთან და მეზობელ ქვეყნებთან.

ამ დროისთვის საქართველოში ფრენების განახლების სურვილი 20-ზე მეტმა ავიაკომპანიამ გამოთქვა.

81
თემები:
COVID-19 საქართველოში
თბილისის ერთ-ერთ ჰიპერმარკეტთან

კორონავირუსის მეორე ტალღა როგორ მოვემზადოთ

1430
(განახლებულია 16:26 05.06.2020)
ემუქრება თუ არა საქართველოს ახალი კორონავირუსის მეორე ტალღა, დაზუსტებით ვერავინ ამბობს. თუმცა COVID-19-ის მეორე ტალღა უკვე დაიწყო მსოფლიოს ზოგიერთ ქვეყანაში, სადაც ხელისუფლებებმა ისევ შემოიღეს დაავადების გავრცელების შესაჩერებელი შეზღუდვები.

მსოფლიოში ვერავინ აკეთებს ზუსტ პროგნოზს – COVID-19-ის პანდემია რა პერიოდით გაგრძელდება, როდის იქნება ვაქცინა; ხშირად მხოლოდ მეორე კი არა, მესამე ტალღაზეც საუბრობენ. ჯანმოს წარმომადგენლების განმარტებით კი, ჯერჯერობით პანდემიის პირველი ტალღის დასრულებაზეც ნაადრევია ლაპარაკი და მსოფლიო ამ დროისათვის კორონავირუსი SARS-CoV-2-ის პანდემიის შუაში იმყოფება.

რა ნიშნავს მეორე ტალღა

ალბათ, ბევრს აინტერესებს, რას ნიშნავს მეორე ტალღა მაშინ, როცა კორონავირუსი არსად გამქრალა და ჯერ კიდევ პანდემიის შუაში ვართ.

ინფექციის მაჩვენებელი ზოგ ქვეყანაში შემცირდა, თუმცა შემდეგ მან კვლავ დაიწყო აღმასვლა. როგორც ჯანმოს წარმომადგენლებმა განმარტეს, თუ ქვეყანაში დაავადების პირველი ტალღის მრუდი დაბლა დაიწევს და შემდეგ კვლავ დაიწყება შემთხვევების მატება, სწორედ ეს მიუთითებს მეორე ტალღაზე.

როდის იქნება საქართველოში კორონავირუსის მეორე ტალღა

მიუხედავად იმისა, რომ საქართველომ მოახერხა კორონავირუსის პანდემიის შეკავება და პრევენციის მიზნით დაწესებული შეზღუდვებიც ეტაპობრივად უკვე იხსნება, ხელისუფლების წარმომადგენლები თუ ჯანდაცვის სპეციალისტები მუდმივად გვაფრთხილებენ მეორე ტალღის საშიშროების შესახებ.

პრემიერ-მინისტრმა გიორგი გახარიამაც არაერთხელ აღნიშნა, რომ პანდემიასთან ბრძოლა არ დასრულებულა და საქართველო ინფექციის გავრცელების ახალი ტალღისთვის მზად უნდა იყოს.

როგორც სპეციალისტები ვარაუდობენ, საქართველოში მეორე ტალღას შემოდგომაზე უნდა ველოდოთ, სწორედ მაშინ, როცა ზედა სასუნთქი გზების ინფექციების გავრცელება იწყება. თუმცა არ გამორიცხავენ იმასაც, რომ კორონავირუსის მეორე ტალღა ახალი წლისთვის დაიწყოს.

რატომ მაშინ? ექსპერტების და ეპიდემიოლოგების განცხადებით, კორონავირუსმა შეიძლება მიიღოს სეზონური ხასიათი. ეს იმას ნიშნავს, რომ რესპირაციული დაავადებები მინიმუმამდე ჩამოდის ზაფხულის პერიოდში. ყველაზე მეტად მათი ტალღა კი იწყება შემოდგომის პირველი ნახევრიდან და გაზაფხულამდე გრძელდება. ამიტომ, დიდი ალბათობით, შესაძლებელია, რომ მეორე ტალღა ამას უკავშირდებოდეს.

თუმცა, ეს ყველაფერი მხოლოდ ვარაუდებია და უნდა დაველოდოთ, რა მოხდება სინამდვილეში.

როგორ მოვემზადოთ

იმის მიუხედავად, რომ არავინ იცის, შემოგვიტევს თუ არა მეორე ტალღა, ხოლო მუდმივად მასზე ფიქრი ნამდვილად სტრესულია, ექსპერტები მოსახლეობას რეკომენდაციებს აძლევენ, თუ როგორ მოემზადონ მის დასახვედრად როგორც მენტალურად, ასევე პრაქტიკულად.

ისევე, როგორც კორონავირუსის პირველი ტალღის დროს, მთავარ რეკომენდაციებად რჩება ხელების რეგულარული დაბანა, სოციალური დისტანციის დაცვა, პირბადის გამოყენება და ა.შ.

ექსპერტები ასევე გვირჩევენ, რომ მეორე ტალღისთვის წინასწარ შევემზადოთ ფსიქოლოგიურადაც. რას ნიშნავს ეს? დაგეგმოთ მომავალი და ყოველდღიური რუტინა ხანგრძლივ პერიოდზე გავწეროთ. წინასწარ მოვიძიოთ, თუ როგორ ვივარჯიშოთ, რა წავიკითხოთ, შევადგინოთ იმ ფილმების სია, რომელთა სანახავად ბოლო რამდენიმე წელია ვერ მოვიცალეთ.

რა მოვიმარაგოთ?

კორონავირუსის პანდემიის პერიოდში ბევრმა ქვეყანამ შეიმუშავა აუცილებელი ნივთებისა და საკვების სია, რაც სასურველია, გაუთვალისწინებელი შემთხვევისთვის მოვიმარაგოთ.

მოკლედ, თუ მზად ხართ და გადაწყვიტეთ საკვებისა და სხვა აუცილებელი ნივთების მომარაგება, ჩვენ ვეცდებით გაგიადვილოთ მათი შერჩევა.

აუცილებელი ნივთები

- ანტიბაქტერიული სველი ხელსახოცები

- საპონი და სარეცხი საშუალებები

- საფენები

- სადენზინფექციო საშუალებები

- შხაპ-გელები და შამპუნები

- ტუალეტის ქაღალდი, ხელსახოცები

- კბილის პასტა და პირის ღრუს მოვლის სხვა საშუალებები

- ელემენტები

- აუცილებელი მედიკამენტები

რაც შეეხება საკვებს, ერთ ადამიანს ნახევარი წლის განმავლობაში ესაჭიროება დაახლოებით 75 კგ მარცვლეული, 25 კგ ფქვილი, 5 ლიტრი ზეთი და ცხიმები, 10 კგ შაქარი, 2.5 კგ მარილი; ხოლო რა რაოდენობით ხორცს, თევზს, ხილსა და ბოსტნეულს დაამატებთ, ეს თქვენ გემოვნებასა და ბიუჯეტზეა დამოკიდებული.

საშუალოდ:

1 კგ ქათმის ფილე = ორ სადილს

1 კგ ძროხის ხორცი = ორ სადილს

300 გ ღორის შაშხი = 10 სენდვიჩს

1 თინუსის კონსერვი (160 გ) = ერთ სადილს

1 სარდინის კონსერვი (160 გ) = ერთ სადილს

ორაგულის ორი ფილე = ორ სადილს

8 საშუალო ზომის კვერცხი = 4 საუზმე კვერცხით

350 გ ყველი = 12 სენდვიჩი

250 გ კარაქი = 50 ნაჭერ კარაქიან პურს

ოთხი წევრისგან შემდგარი ოჯახისთვის ექვსი თვის სამყოფი მშრალი საკვების სია დაახლოებით ასე გამოიყურება:

- მაკარონი - 40 კგ

- ლობიო - 30 კგ

- ბრინჯი - 30 კგ

- წიწიბურა - 30 კგ

- შვრია - 15 კგ

- სხვადასხვა სახის ბულიონის კუბიკები - 20-30 ცალი

- ორცხობილა - დაახლოებით 15 კგ

- მარილი – 5 კგ

- შაქარი – 20 კგ

- საწებლები (ტყემალი, კეტჩუპი, მაიონეზი, მდოგვი და ა.შ.)

- შოკოლადი და ტკბილეული – გემოვნებით

- რძის ფხვნილი – 10 კგ

- ფქვილი - 20 კგ

კონსერვები:

- ხორცი (“გავიადინა/ტუშონკა”) – 20 ქილა

- ბარდა – 10 ქილა;

- სიმინდი – 10 ქილა;

- სოკო – 15 ქილა;

- კიტრი/პიკული – 10 ქილა;

- ტომატი – 20 ქილა;

- ჯემები და მურაბები – 10 ქილა;

სხვა:

- ზეთი - 10 ლ

- ყავა/ჩაი/კაკაო - სურვილისამებრ

- ხილი/ბოსტნეული - რადგანაც ეს პროდუქტები მალფუჭებადია, შეგიძლიათ ყოველკვირეულად განაახლოთ მისი მარაგი, ან გაყინოთ.        

თუ გყავთ შინაური ცხოველები, არ დაგავიწყდეთ მათი საკვების მარაგების შევსება

რა თქმა უნდა, ზემოთ განხილული მონაცემები ზოგადია და დამოკიდებულია თითოეულ ინდივიდუალურ ოჯახზე, საკვების მომარაგება დამოკიდებულია თქვენ გემოვნებასა და ბიუჯეტზე, ხოლო ეს სტატია და აქ მოცემული რჩევები დაგეხმარებათ უკეთ დაგეგმვაში.

1430
სავსე მთვარე

მთვარის კალენდარი: 6 ივნისი რისი გაკეთება შეიძლება და რისი არა

0
(განახლებულია 20:37 05.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივნისი, შაბათი. ამ დღეს სატურნი მართავს. კლებადი მთვარე მშვილდოსნის ნიშანშია.

სავსემთვარეობის შემდეგ, როდესაც ხდება სასიცოცხლო და ფსიქოლოგიური ენერგიის დაგროვება, იწყება ამ ენერგიის თანდათანობითი შემცირება.

მოსალოდნელია მდგომარეობის, იდეებისა და განწყობის ხშირ–ხშირი ცვლა. ეს ეხება როგორც საქმიან სფეროს, ისე პირად ურთიერთობებს. კარგი დღეა კვირის განმავლობაშ დაგროვებული ამოცანების გადასაჭრელად, გეგმების შესადგენად.

თმის შეჭრა, შეღებვა: მშვილდოსანი, მორიელის მსგავსად, არაერთმნიშვნელოვან გავლენას ახდენს თმის ვარცხნილობის შეცვლაზე. მაგალითად, თუ თმის შეჭრა გინდათ და ვარცხნილობის დიდხანს შენარჩუნება, მაშინ, სჯობს, ეს სხვა დროისთვის გადადოთ – თმა მალე გაიზრდება და ვერ დაიმორჩილებთ. თმის შეჭრისთვის კარგი დღეა, თუ თმის ზრდის პროცესის შენელება გსურთ. გაითვალისწინეთ – თუ მაინც გადაწყვეტთ თმის შეჭრას, უპირატესობა სწორ, დავარცხნილ სტილს მიანიჭეთ და არა ხვეულ თმას. ასევე, შეიძლება არ გაამართლოს მოლოდინებმა თმის შეღებვასთან დაკავშირებით – თმა მალე გაფერმკრთალდება.

მთვარის დაბნელება 5 ივნისს: მასშტაბური მოვლენა, რომლითაც დაბნელებების დერეფანი იხსნება>>

მებაღეობა: მშვილდოსანი მთვარის კალენდარში ნაკლებად ნაყოფიერი ნიშანია, მაგრამ ამ დღეს ბაღში სხვადასხვა სამუშაოების შესრულება შეიძლება, მათ შორის, სასუქის მიცემა, გასხვლა, მცოცავი მცენარეების დარგვა და სხვ. მებაღეობის შესახებ ივნისში დეტალურად იხილეთ აქ.

0