ISUZU-ს მარკის ავტობუსები

საქართველოს დიდ ქალაქებში ახალი თანამედროვე ავტობუსები იმოძრავებენ

106
(განახლებულია 20:07 06.03.2020)
17-მილიონიან პროექტს ევროპის რეკონსტრუქციისა და განვითარების ბანკი აფინანსებს. მის ფარგლებში საქართველოს ექვსი მუნიციპალიტეტისთვის 175 თანამედროვე ავტობუსს შეისყიდიან.

თბილისი, 6 მარტი — Sputnik. რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ურბანისტული ტრანსპორტის განვითარების პროგრამის ფარგლებში საქართველოს ექვსი მუნიციპალიტეტისთვის 175 ავტობუსის შეძენას გეგმავს, ნათქვამია სამინისტროს განცხადებაში.

პროექტის თანახმად, ახალ თანამედროვე ავტობუსებს შეიძენენ ქუთაისის, გორის, თელავის, ზუგდიდის, რუსთავისა და ფოთისთვის.

პროექტის ღირებულებაა 17 მილიონი ევრო. მას ევროპის რეკონსტრუქციისა და განვითარების ბანკი (EBRD) აფინანსებს.

მუნიციპალური განვითარების ფონდმა ავტობუსების შესყიდვაზე ტენდერი ორ ლოტად გამოაცხადა. პირველი ლოტით გათვალისწინებულია 117 ერთეული 8,5-მეტრიანი ავტობუსის, ხოლო მეორე ლოტით – 58 ერთეული 10-მეტრიანი ავტობუსის შეძენა.

პროექტის ფარგლებში ავტობუსები გადაეცემა: გორს – 30, ზუგდიდს – 25, რუსთავს – 40, ქუთაისს – 60, თელავსა და ფოთს – 10-10.

კახა კალაძე: დედაქალაქში საზოგადოებრივი ტრანსპორტი ყველაზე სწრაფი და კომფორტული უნდა იყოს>>

ამას გარდა, EBRD-ს დაფინანსებით, მომსახურების ხარისხისა და უსაფრთხოების ზომების გაუმჯობესების მიზნით ბაკურიანისთვის მუნიციპალური განვითარების ფონდი ისეთ სპეციალურ ტექნიკას შეიძენს, როგორიცაა თოვლის სატკეპნი მანქანები სათხილამურო ტრასებისთვის, ექსკავატორ-დამტვირთველები, თვითმცლელები, ავტობუსები, ნაგავშემკრები მანქანა და სხვ.

ამ ეტაპზე წარმოებს სატენდერო პროცედურები.

106
თემები:
ტრანსპორტი საქართველოში (404)
vel

ძველ თბილისში კერძო ინვესტიციით მაღალი კლასის სასტუმრო შენდება

44
არსებული ინფორმაციით, მშენებლობისთვის 30 მლნ აშშ დოლარი დაიხარჯება და სასტუმროში 100 ნომერი იქნება განთავსებული

თბილისი,  7 მარტი – Sputnik. საქართველოს მთავრობის მხარდაჭერით, ძველ თბილისში კერძო ინვესტიციით მაღალი კლასის სასტუმრო აშენდება, იუწყება ტელეკომპანია „იმედი“.

გავრცელებული ინფორმაციით, საქართველოში მოქმედმა საინვესტიციო კომპანია MCI PROJECT-სა და საერთაშორისო სასტუმროების ქსელ Wyndham-ს შორის გაფორმდა ხელშეკრულება, რომლის თანახმადაც, კომპანია MCI PROJECT გახდა უმაღლესი კლასის სასტუმრო ბრენდის REGISTRY COLLECTION-ის ოფიციალური წარმომადგენელი და ექსკლუზიური მფლობელი.

აღნიშნული სტატუსის მიღება კომპანიის მენეჯმენტმა საქართველო-ისრაელის ბიზნესპალატის შუამდგომლობით, ორწლიანი დეტალური და პროფესიონალური მოლაპარაკების შედეგად მოახერხა, ვინაიდან ბრენდი არაერთი მკაცრი კრიტერიუმის დაკმაყოფილებას მოითხოვს. მათ შორისაა ინვესტიციის მოცულობა და მართვა.

Wyndham-ის პროგნოზით, მომავალი 10 წლის განმავლობაში საქართველოში სამი უნიკალური სასტუმროს მშენებლობა იგეგმება და MCI PROJECT სამივეს ექსკლუზიური მფლობელი იქნება.

44
მიწის დამუშავება

დევნილებს სასოფლო-სამეურნეო ტექნიკა გადაეცათ

59
პროგრამის მიზანს წარმოადგენს მოწყვლადი დევნილების თვითდასაქმების/დასაქმების ხელშეწყობა მათი ეკონომიკური მდგომარეობის გაუმჯობესებაზე ორიენტირებული ინიციატივების მხარდაჭერის გზით.

თბილისი, 6 მარტი – Sputnik. სასოფლო-სამეურნეო საქმიანობის ხელშეწყობის მიზნით 27 დევნილს ხელის ტრაქტორი გადაეცა. ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს.

დევნილებს ტექნიკა „დევნილთა ინიციატივების მხარდაჭერის პროგრამის“ ფარგლებში გადაეცათ. პროგრამის მიზანს იძულებით გადაადგილებულ პირთა სოციალურ-ეკონომიკური მდგომარეობის გაუმჯობესება და მათთვის შემოსავლის წყაროს გაჩენა წარმოადგენს.

უწყების ინფორმაციით, ბოლო ერთი წლის განმავლობაში, დევნილთა სააგენტომ, საარსებო წყაროებით უზრუნველყოფის პროგრამების ფარგლებში, 400-ზე მეტი იძულებით გადაადგილებული პირი დააფინანსა.

„დევნილთა ინიციატივების მხარდაჭერის საგრანტო პროგრამა“ გათვლილია მოწყვლად დევნილებზე, რომლებიც არიან სოციალურად დაუცველი ოჯახების მონაცემთა ერთიან ბაზაში რეგისტრირებული და მათი ოჯახის სარეიტინგო ქულა 65.001-100.001-ს ფარგლებში მერყეობს.

დევნილები მხარდაჭერას გრანტის სახით ორი მიმართულებით:

1. სასოფლო-სამეურნეო ინიციატივები;

2. თვითდასაქმებაზე ორიენტირებული არასასოფლო-სამეურნეო ინიციატივები.

მხარდაჭერა გულისხმობს ტექნიკა/დანადგარების შეძენას არაუმეტეს 2 500 ლარის ფარგლებში. ამასთანავე, შესაძლებელია ერთი განმცხადებლის მიერ მოთხოვნილი იქნეს არაუმეტეს 3 ნივთი. თითო ნივთის ღირებულება უნდა იყოს არანაკლებ 150 ლარი.

მხარდაჭერა შესაძლებელია როგორც საქმიანობის დამწყებთათვის, ასევე უკვე არსებულის გაძლიერების მიზნით.

59
საპატრულო პოლიცია

თელავში 27 წლის  მამაკაცმა ოჯახის სამი წევრი მოკლა

0
(განახლებულია 18:49 07.03.2021)
მომხდარის შესახებ დამატებითი ინფორმაცია ამ დროისთვის უცნობია. გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით მიმდინარეობს

თბილისი, 7 მარტი - Sputnik. კახეთში საშინელი ტრაგედია მოხდა - თელავში, გოშაძის ქუჩაზე 27 წლის მამაკაცმა ცეცხლსასროლი იარაღით მშობლები და ბებია მოკლა და მიიმალა, იუწყება ტელეკომპანია „რუსთავი2“.

შემთხვევა ცოტა ხნის წინ მოხდა. ადგილზე პოლიციაა მობილიზებული.

შსს-ს ინფორმაციით, დანაშაულის ჩამდენი პირის დაკავების მიზნით საგამოძიებო და ოპერატიული ღონისძიებები ინტენსიურ რეჟიმში ტარდება.

ტრაგედიის მიზეზები ჯერჯერობით უცნობია.

მომხდარ ფაქტზე გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით (სსკ-ის 11 პრიმა-109-ე მუხლი) მიმდინარეობს.

 

0