გოგონა სეულის მეტროში

რას დაკარგავს საქართველო და მსოფლიო კორონავირუსის შედეგად

470
(განახლებულია 20:32 26.02.2020)
საქართველოს ეკონომიკისა და მდგრადი განვითარების მინისტრის განცხადებით, საქართველო ჩინეთთან და ირანთან ფრენების შეწყვეტის გამო მილიონებს კარგავს.

ჩინეთთან და ირანთან ავიამიმოსვლის შეჩერება საქართველოში ტურისტების ნაკადის შემცირებას გამოიწვევს, რაც, თავის მხრივ, ნეგატიურად პირველ რიგში სასტუმროების ბიზნესზე და კვების ობიექტების შემოსავლებზე აისახება, მიაჩნია საბროკერო და აქტივების მართვის კომპანია „ველსის“ ანალიტიკოსს, ეკონომიკის მეცნიერებათა დოქტორს ნიკა შენგელიას.

ნიკა შენგელია
ნიკა შენგელია

საქართველოს ეკონომიკისა და მდგრადი განვითარების მინისტრის განცხადებით, ჩინეთთან და ირანთან პირდაპირი ფრენების შეზღუდვით ქვეყანა თვეში, სულ მცირე, 30 მილიონის ზარალს განიცდის.

„რაც შეეხება ჩინეთთან ვაჭრობას, აქ მოსალოდნელია იმპორტის შემცირება და ეს მიმდინარე წლის პირველი კვარტლის სტატისტიკურ მონაცემებშიც გამოჩნდება. აღსანიშნავია ისიც, რომ  ჩინეთში უახლოეს ერთ თვეში საწარმოები არ გაიხსნება და რომც გაიხსნას, იქიდან ტვირთების ზღვით საქართველომდე მოტანას, სულ მცირე, თვე-ნახევარი დასჭირდება”, – განაცხადა ნიკა შენგელიამ „Sputnik–საქართველოსთან“ საუბრისას.

ნიკა შენგელიას თქმით, კორონავირუსი სერიოზულ ზიანს მსოფლიო ეკონომიკასაც აყენებს. 

„კორონავირუსმა შეარყია მსოფლიო გადაზიდვების ბიზნესი. საზღვაო გადაზიდვები შემცირებულია ყველა სეგმენტზე – საკონტეინერო ხაზებისათვისაც და ნავთობმზიდი ტანკერებისთვისაც, შემცირებულია ტრანზიტის ტარიფებიც. წინა კვირაში დაფიქსირდა ისეთი ტვირთების გადაზიდვების მოცულობების შემცირებაც, როგორიცაა, მაგალითად, ქვანახშირი, ხორბალი, შვრია“, – აღნიშნა ნიკა შენგელიამ.

ანალიტიკოსის თქმით, სიტუაცია არასახარბიელოა საჰაერო ავიაგადაზიდვების სფეროშიც. ბოლო მონაცემებით, გაუქმებულია 70 ათასზე მეტი რეისი და ჯავშანი მოხსნილია 1,3 მლნ-ზე მეტ ბილეთზე.

ნიკა შენგელიას ინფორმაციით, კორონავირუსის გავლენა მსოფლიო საფონდო ბაზრებზეც იგრძნობა. ბოლო ერთი კვირის განმავლობაში ინდექსი S&P 500 5,20%-ით დაეცა, დოუ ჯონსის ინდექსი – 3,5%-ით და ნაზდაკის ინდექსი – 3,7%-ით.

„კომპანია Apple-მა, რომლის გაყიდვების მოცულობამ შარშან 63 მილიარდ დოლარს მიაღწია, უკვე გააკეთა განცხადება, რომ გაუჭირდება დაუბრუნდეს გაყიდვების იმ მოცულობას, რაც ჰქონდა თუნდაც სამი კვირის წინ და ეს გამოწვეულია ჩინეთში წარმოებისა და ამ ბაზარზე მათ პროდუქციაზე მოთხოვნის შემცირებით. ამას იმიტომ ვამბობ, რომ თუ Apple-ს ექმნება პრობლემები, მაშინ ადვილი წარმოსადგენია, რა მოუვა სხვა ათასობით მცირე კომპანიას”, – განაცხადა ანალიტიკოსმა.

აღსანიშნავია ისიც, რომ ჩინეთში უკვე ექვსმა ძლიერმა კომპანიამ გამოაცხადა თავი გაკოტრებულად, მათ, როგორც ემიტენტებმა, დეფოლტი გამოაცხადეს ობლიგაციების დაფარვაზე, რომელთა ღირებულების საერთო მოცულობა 10 მილიარდ დოლარამდეა.

ნიკა შენგელიას თქმით, კორონავირუსის გავრცელებით ზიანი არა მხოლოდ გადაზიდვებსა და საფონდო ბაზრებს ადგება.

„თუ გავითვალისწინებთ იმ ფაქტს, რომ ბოლო სამი წლის განმავლობაში აშშ-ის ბაზარზე უძრავი ქონების შესყიდვაში სწორად ჩინელები ლიდერობდნენ და უძრავ ქონებაზე ფასები და მოთხოვნა იყო შენარჩუნებული, დიდი ალბათობით, აშშ-ის უძრავი ქონების ბაზარზე მოსალოდნელია ფასების ვარდნა 2020 წლიდან“, – აღნიშნა ანალიტიკოსმა.   

ნიკა შენგელიას მიაჩნია, რომ ჩინეთმა კორონავირუსი უახლოეს მომავალში თუ არ დაამარცხა, მსოფლიო შესაძლოა ეკონომიკურ კრიზისამდეც კი მივიდეს.

2019 წლის 31 დეკემბერს ჩინეთის ხელისუფლებამ ჯანდაცვის მსოფლიო ორგანიზაციას ქალაქ უჰანში უცნობი პნევმონიის აფეთქების შესახებ შეატყობინა. სპეციალისტებმა დაადგინეს, რომ დაავადების გამომწვევი ახალი ტიპის კორონავირუსი იყო. ჯანდაცვის მსოფლიო ორგანიზაციამ საერთაშორისო მნიშვნელობის საგანგებო სიტუაცია გამოაცხადა და დაავადებას ოფიციალური სახელწოდება დაუდგინა – COVID-2019.

ამ დროისათვის არსებული ინფორმაციით, ახალი ტიპის კორონავირუსით გამოწვეული პნევმონიით, რომელსაც ოფიციალურად ეწოდა COVID 2019, მსოფლიოს მასშტაბით სულ აღირიცხა 81 005 ადამიანის ინფიცირება. აქედან მატერიკულ ჩინეთზე 78 064 შემთხვევა მოდის. გამოჯანმრთელდა და საავადმყოფოდან გაეწერა სულ 30 109 პაციენტი, ხოლო გარდაცვლილთა რაოდენობამ 2 762 კაცს მიაღწია.

ნატა პატარაია

470
რთველი

რთველი 2020: მევენახეებმა 191 ათასი ტონა ყურძენი ჩააბარეს

68
(განახლებულია 16:30 27.09.2020)
საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

თბილისი, 27 სექტემბერი — Sputnik. საქართველოში „რთველი 2020“-ის ფარგლებში ამ დროისათვის დაახლოებით 191 ათასი ტონა ყურძენია გადამუშავებული, იუწყება ღვინის ეროვნული სააგენტო

კახეთში ყურძნის მოსავლის აღების სეზონი 22 აგვისტოს დაიწყო. გადამუშავების პროცესში 60-ზე მეტი ღვინის საწარმოა ჩართული.

დღეის მდგომარეობით ყურძენი ღვინის საწარმოებს 20 ათასამდე მევენახემ ჩააბარა. ამ დროისათვის მევენახეებმა ყურძნის რეალიზაციით 195 მლნ ლარი მიიღეს.

27 სექტემბრის მონაცემებით, კახეთის რეგიონში გადამუშავებულია 137 ათასი ტონა რქაწითელი, 45 ათასი ტონა საფერავი, 3,3 ათასი ტონა კახური მწვანე და დანარჩენი სხვადასხვა ჯიშის ყურძენია.

მოსავლის დაბინავება კახეთის ყველა მუნიციპალიტეტში მიმდინარეობს.

ყურძნის დღეღამური გადამუშავების მაჩვენებელი კვლავ 10 ათას ტონას აღემატება, რაც ნიშნავს, რომ კახეთში რთველი პიკურ პერიოდშია. 163-მა ღვინის კომპანიამ უკვე გადაამუშავა ყურძენი, აცხადებენ ღვინის სააგენტოში.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

საქართველოდან თხილის ექსპორტი კვლავ იზრდება >>

სუბსიდიას მიიღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

68
თემები:
ღვინის კულტურა და მეღვინეობა

ლარის კურსმა პიკს მიაღწია: რა ელოდება საქართველოს ეროვნულ ვალუტას? - ფოტო

116
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
  • ქართული ლარი ახალ ანტირეკორდებს ამყარებს
  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
  • თუმცა რა იქნება შემდეგ?
  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
ბოლო დღეებში ქართული ვალუტის კურსი მკვეთრად დაეცა მსოფლიოს სხვადასხვა ვალუტებთან მიმართებაში. რა ელოდება ქართულ ლარს? სანამ ექსპერტები პროგნოზებს აკეთებენ, რიგითი მოქალაქეები დოლარს ყიდულობენ

იხილეთ Sputnik-საქართველოს ფოტოლენტაში, რა ხდებოდა პარასკევს საღამოს ალექსანდრე ყაზბეგის გამზირზე, სადაც ვალუტის გამცვლელი პუნქტები მრავლადაა.

ბევრს მიაჩნია, რომ აქ ყველაზე ხელსაყრელი კურსი, მაგრამ არც ქალაქის სხვადასხვა უბნებშია ნაკლები. თუმცა იქამდე მიღწევა ასევე პრობლემას წარმოადგენს. ყაზბეგის გამზირზე მოხვედრა კი გაცილებით ადვილია, რადგან აქ ერთ-ერთი მთავარი სატრანსპორტო ძარღვი გადის.

116
  • ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი
    © Sputnik / Alexander Imedashvili

    ბოლო დღეებში საზოგადოება შიშით აკვირდება, როგორ ეცემა ქართული ვალუტის ფასი

  • ქართული ლარი ახალ ანტირეკორდებს ამყარებს
    © Sputnik / Alexander Imedashvili

    ქართული ლარი ახალ ანტირეკორდებს ამყარებს

  • მიუხედავად ეროვნული ბანკის მხრიდან სიტუაციის დასტაბილურების მცდელობებისა
    © Sputnik / Alexander Imedashvili

    მიუხედავად ეროვნული ბანკის მხრიდან სიტუაციის დასტაბილურების მცდელობებისა

  • სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ
    © Sputnik / Alexander Imedashvili

    სანამ ექსპერტები მსჯელობენ, თუ რა გახდა ლარის გაუფასურების მიზეზი და ეძებენ კრიზისიდან გამოსავალს, რიგითი მოქალაქეები დოლარს ყიდულობენ

  • საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო
    © Sputnik / Alexander Imedashvili

    საქართველოში კვლავ ალაპარაკდნენ ფასების ზრდაზე ეროვნული ვალუტის კურსის ვარდნის გამო

  • საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს
    © Sputnik / Alexander Imedashvili

    საზოგადოების ნაწილი ამჯობინებს უფრო სტაბილური ვალუტის ქონას, ამიტომ ისინი ყიდულობენ დოლარს და ევროს

  • თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას
    © Sputnik / Alexander Imedashvili

    თუმცა ევრო საქართველოში არც ისე პოპულარულია, მოსახლეობა დოლარს ანიჭებს უპირატესობას

  • სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ
    © Sputnik / Alexander Imedashvili

    სავალუტო ჯიხურებში ლარის ნებისმიერ ვალუტაზე გაცვლა შეიძლება, თუმცა პუნქტებს ძირითადად დოლარი და ევრო აქვთ

  • ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა
    © Sputnik / Alexander Imedashvili

    ქალაქის ცენტრში ზოგიერთ ბანკომატში, როგორც ამბობენ, წინა დღეს დოლარი გათავდა - ალბათ ბევრმა გადაწყვიტა ანგარიშიდან თანხების გამოტანა

  • როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება
    © Sputnik / Alexander Imedashvili

    როგორი იქნება კურსი უახლოეს დღეებში? ექსპერტების უმეტესობა იმედოვნებს, რომ არჩევნებამდე მთავრობა ზომებს მიიღებს და ლარი დასტაბილურდება

  • თუმცა რა იქნება შემდეგ?
    © Sputnik / Alexander Imedashvili

    თუმცა რა იქნება შემდეგ?

  • სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა
    © Sputnik / Alexander Imedashvili

    სპეციალისტების აზრით,ქართული ვალუტის პოზიციაზე უარყოფით გავლენას ახდენს კორონავირუსის გავრცელების ზრდადი დინამიკა

თენგიზ ცერცვაძე

400-ზე შეიძლება ავიდეს: თენგიზ ცერცვაძე საქართველოში არსებულ ეპიდსიტუაციაზე საუბრობს

0
საქართველოს კლინიკური სექტორი იმუშავებს იმდენად ეფექტურად, რომ ჩვენ შევძლებთ ყველა ან მაქსიმალური რაოდენობის პაციენტების განკურნებას, განაცხადა ექიმმა.

თბილისი, 27 სექტემბერი – Sputnik. უახლოეს დღეებში მოსალოდნელია კორონავირუსით ინფიცირების შემთხვევათა მატება, არ არის გამორიცხული, დღე-ღამური მაჩვენებელი 300-400-მდე გაიზარდოს, თუმცა მოგვიანებით დაიკლებს, განაცხადა თბილისის ინფექციური საავადმყოფოს დირექტორმა, საქართველოში COVID-19-ის კლინიკური კონტროლის ჯგუფის თავმჯდომარემ თენგიზ ცერცვაძემ.

საქართველოში კორონავირუსით ინფიცირების შემთხვევების რაოდენობამ 5 ათასს გადააჭარბა და 5 254 შეადგინა. პანდემიის დაწყებიდან გამოჯანმრთელდა 1 906 პაციენტი, გარდაიცვალა - 28.

ცერცვაძის თქმით, საქართველოში კორონავირუსით სიკვდილიანობის დაბალი დონეა, რაც იმის ნიშანია, რომ სახელმწიფო პანდემიას უმკლავდება.

„ჩვენ შემთხვევის მატების იმიტომ გვეშინია, რომ მას არ მოჰყვეს ლეტალობის ზრდა. საქართველოში გარდაცვალების ერთეული შემთხვევებია მხოლოდ, მაშინ როცა სხვა ქვეყნებში ათეული, ასეული და ათასეულია. საქართველო კვლავ ინარჩუნებს ევროპის 49 ქვეყნასა და ჩრდილოეთ ამერიკის ქვეყნებს შორის იმ ქვეყნის სტატუსს, რომელსაც ჰყავს ყველაზე ნაკლები გარდაცვლილი. ერთ მილიონ მოსახლეზე სულ გვყავს შვიდი გარდაცვლილი, რაც ყველაზე დაბალი მაჩვენებელია. ეს არის მთავარი კრებითი მაჩვენებელი იმისი, როგორ უმკლავდება ქვეყანა და სახელმწიფო კოვიდპანდემიას“, - განუცხადა ცერცვაძემ ჟურნალისტებს.

თბილისის ინფექციური საავადმყოფოს დირექტორი დარწმუნებულია, რომ როგორი ზრდაც არ უნდა იყოს, კლინიკური სექტორი მაქსიმალური ეფექტურობით იმუშავებს.

„რაც არ უნდა ზრდა იყოს, ჩვენი კლინიკური სექტორი იმუშავებს იმდენად ეფექტურად, რომ შევძლებთ გამოვაჯანმრთელოთ ყველა ან მაქსიმალური რაოდენობა ავადმყოფების, ან გარდაცვალების შემთხვევები იყოს ერთეული“, – განაცხადა თენგიზ ცერცვაძემ.

მან ასევე უპასუხა თავის ოპონენტებს, რომლებიც მიიჩნევენ, რომ საქართველოს კლინიკური სექტორი პაციენტების დიდ ნაკადს ვერ გაუმკლავდება. ცერცვაძე მიიჩნევს, რომ საქართველოს კლინიკური სექტორი ძლიერი აღმოჩნდა და გამოწვევებს გაუძლებს.

ქუთაისში გინეკოლოგები სამშობიაროს კოვიდ-ცენტრად გადაკეთებას აპროტესტებენ >>

სექტემბრის დასაწყისიდან საქართველოში კორონავირუსით ინფიცირების მკვეთრი ზრდა ფიქსირდება. თუ ადრე დღე-ღამური მატება 30-40 შემთხვევას არ აღემატებოდა, გუშინ ინფიცირებულთა რიცხვმა მიაღწია ახალ ანტირეკორდს - 296 ადამიანს. ინფიცირებულთა რაოდენობით ლიდერია კვლავ აჭარა, სადაც ეპიდემიოლოგები ყოველდღიურად 100-ზე მეტ შემთხვევას აფიქსირებენ. დღეს იქაც ანტირეკორდი დაფიქსირდა - 193 შემთხვევა.

COVID-19-ით ლეტალური შემთხვევების რაოდენობა საქართველოში 28-მდე გაიზარდა.

0
თემები:
COVID-19 საქართველოში