კარიერი

საქართველოს ხელისუფლებას აუქციონზე სასარგებლო წიაღისეულის 100 ობიექტი გააქვს

53
(განახლებულია 15:33 12.02.2020)
ინიციატივის ფარგლებში საქართველოს სხვადასხვა რეგიონში შეირჩა და აუქციონზე გავიდა 100 საბადო, რომლებიც კომერციული თვალსაზრისით მიმზიდველია.

თბილისი, 12 თებერვალი — Sputnik. საქართველოს ეკონომიკისა და მდგრადი განვითარების სამინისტრო აფართოებს პროექტს „100 საინვესტიციო შეთავაზება ბიზნესს" და ამატებს ახალ კომპონენტს – აუქციონს სასარგებლო წიაღისეულის მოპოვების ლიცენზიაზე. ამის შესახებ ინიციატივის პრეზენტაციაზე ეკონომიკის მინისტრმა ნათია თურნავამ განაცხადა.

სახელმწიფო 100 ობიექტის გაყიდვას შეუდგა>>

პროექტი „100 საინვესტიციო შეთავაზება ბიზნესს" საქართველოში 2019 წლის შემოდგომიდან ხორციელდება. ის ითვალისწინებს 100 პარალელური აუქციონის ერთდროულად ჩატარებას და სახელმწიფო საკუთრების გამარტივებული პროცედურით პრივატიზაციას. ობიექტების ჩამონათვალშია უძრავი ქონება – სამრეწველო ობიექტები, სასაწყობე და ფერმერული მეურნეობები, სამედიცინო დაწესებულებები, სპორტული ინფრასტრუქტურა, სასტუმროები და სხვ. ეს გადაწყვეტილება ხელისუფლებამ მიიღო იმ მიზნით, რომ ბიზნესმა უფრო ეფექტური ოპერირება შეძლოს. პროგრამის ფარგლებში კერძო სექტორმა საკუთრებაში უკვე 50 სახელმწიფო ობიექტი მიიღო.

„საქართველოს პრემიერ-მინისტრის დავალებით ჩვენ გავაფართოეთ ეს პროგრამა და დღეს ვაანონსებთ მის ახალ კომპონენტს, რომელიც უკვე შეეხება წიაღისეულის ათვისებას. ვთავაზობთ ბიზნესს 100 პარალელურ ელექტრონულ აუქციონს", – განაცხადა თურნავამ.

პროგრამის ფარგლებში სხვადასხვა რეგიონში შეირჩა და აუქციონზე გავიდა 100 საბადო, რომლებიც კომერციულად მიმზიდველია. ხელისუფლება პირობას დებს, რომ პრივატიზაცია მაქსიმალურად გამჭვირვალე იქნება და ყველა დაინტერესებულ პირს ელექტრონულ ვაჭრობაში მონაწილეობის მიღების თანასწორი შესაძლებლობა ექნება.

„ეს შეეხება ისეთ წიაღისეულს, რომელსაც აქვს საექსპორტო ან იმპორტის ჩანაცვლების პოტენციალი. მათ შორის, ეს არის სხვადასხვა ლითონი, სამთო-ქიმიური ნედლეული, საშენი მასალები, პოლიმეტალები, მიწისქვეშა წყლები. ეს რესურსი არის სწორედ ის რესურსი, რომელიც სჭირდება ჩვენი ეკონომიკის ზრდას", – აღნიშნა თურნავამ.

თურნავას განცხადებით, ყველა ობიექტის საწყისი ჯამური ღირებულებაა 82 მლნ ლარი, თუმცა მოსალოდნელი ინვესტიციები 120 მილიონ ლარს აჭარბებს. მთავარი პირობა ბიზნესისთვის – მოპოვების გარდა, ნედლეულის საქართველოში გადამუშავებაზე ზრუნვაა.

ინიციატივის წყალობით დასაქმდება 1,8 ათასი ადამიანი.

„გვსურს, რომ საქართველოს წიაღისეული, ჩვენი ეროვნული სიმდიდრე არა მხოლოდ მოპოვებული იყოს საქართველოში, არამედ მისი გადამუშავებაც მოხდეს საქართველოში ყველგან, სადაც ეს შესაძლებელია. გვსურს, რომ ქართული მარმარილო გადამუშავდეს აქ და მოხმარდეს ახალი საშენი მასალის წარმოებას, ჩვენი ბაზალტი გადამუშავდეს აქ და მისგან ხელოვნური ბოჭკოები იწარმოებოდეს საქართველოში", – განაცხადა თურნავამ.

ახალი ინიციატივის პრეზენტაცია მარნეულში, ბაზალტის კარიერზე ჩატარდა. ღონისძიებაში მონაწილეობდნენ საქართველოს მთავრობისა და ბიზნეს-წრეების წარმომადგენლები.

ეს საბადო ერთ-ერთია იმ 100 საინტერესო ობიექტიდან, რომლებიც შეთავაზებული იქნება ინვესტორებისთვის. იმედი გვაქვს, რომ ძალიან მალე აქ სულ ცოტა 2 მლნ ლარის ინვესტიციები ჩაიდება, აშენდება ბაზალტის გადამამუშავებელი ახალი საწარმო და მინიმუმ 20 ადგილობრივი მცხოვრები დასაქმდება, განაცხადა მინისტრმა.

ვინ იყიდის „რიყის დოქებს"? – ყველაზე ექსტრავაგანტური კომპოზიცია აუქციონზე გაიტანეს>>

საქართველო სასარგებლო წიაღისეულით მდიდარი ქვეყანაა. ქვეყანაში მოიპოვებენ ოქროს, ქვანახშირს, მანგანუმის მადანს, პოლიმეტალებსა და ინერტულ მასალებს.

53
თემები:
საქართველოს ეკონომიკა (687)
ქართული ღვინო

პოპულარული ღვინოები რუსეთში ლიდერთა შორისაა ქართული ღვინო

63
(განახლებულია 15:08 10.08.2020)
საქართველო ლიდერია იმ ქვეყნებს შორის, რომლებიც რუსეთს სუფრის ღვინოებს აწვდიან. ამ სახეობის ქართულ ღვინოებზე ბაზრის 24% მოდის.

თბილისი, 10 აგვისტო – Sputnik. საქართველო იმ ლიდერ ქვეყნებს შორისაა, რომლებიც რუსეთში ღვინის მიწოდების მხრივ ყველაზე პოპულარულია, აღნიშნულია „როსკაჩესტვოს“ (Роскачество, რუსეთის ხარისხის მონიტორინგის სისტემა) კვლევის შედეგებში.

კერძოდ, საქართველო იტალიისა და ესპანეთის შემდეგ მესამე ადგილზეა რუსეთის მოქალაქეებისთვის ყველაზე პოპულარულ ღვინის მიმწოდებელ ქვეყნებს შორის. მან გაუსწრო საფრანგეთს, ჩილესა და გერმანიას.

საქართველო ლიდერია სუფრის ღვინოების მიმწოდებელ ქვეყნებს შორის – მასზე ამ სახეობის ღვინოების ბაზრის 24% მოდის.

რუსეთში შეტანილი ღვინის ღირებულების კუთხით ლიდერობს საფრანგეთი (4 დოლარზე მეტი 1 ლიტრ ღვინოში), მეორე ადგილზეა საქართველო (3,19). ყველაზე იაფად ღვინო რუსეთში მოლდოვას შეაქვს (1,7).

რაც შეეხება გეოგრაფიული ინდიკატორებით დაცულ ღვინოებს, ხუთეულში პირველ ადგილზეა ესპანეთი, მეორე და მესამე ადგილებზე – საქართველო („ქინძმარაულის“ მარკის ღვინოები), მეოთხეზე – იტალია და მეხუთეზე – კვლავ ესპანეთი.

„ქართული ღვინის მაღალი რეპუტაციისთვის": ღვინის ხარისხს ახალი პარამეტრებით შეამოწმებენ>>

საქართველოს ღვინის ეროვნული სააგენტოს მონაცემებით, საქართველოდან 2019 წელს მსოფლიოს 53 ქვეყანაში 94 მილიონამდე ბოთლი (0,75 ლიტრი) ღვინო გაიტანეს, რაც 20918 წელთან შედარებით 9%-ით მეტია. ყველაზე მეტი ღვინო – 58,4 მლნ ბოთლი გაიტანეს რუსეთში.

63
თემები:
ღვინის კულტურა და მეღვინეობა
ვალუტის გაცვლის პუნქტი

ლარის კურსი 10 აგვისტოს

324
(განახლებულია 09:30 10.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

თბილისი, 10 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3, 0758 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

ლარის კურსი 10 აგვისტოს
ლარის კურსი 10 აგვისტოს
324
თემები:
ლარის კურსი დღეს
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0