ღვინის გამოფენა Expo GEORGIA-ში

ღვინის კონტროლი: საექსპორტო პროდუქცია ხარისხზე შეამოწმეს

27
(განახლებულია 15:12 10.02.2020)
ღვინის სააგენტოს მიერ ჩატარებული დეგუსტაციის დროს კომისიამ წარმოდგენილი 637 ნიმუშიდან უარყოფითად მხოლოდ 32 შეაფასა.

თბილისი, 10 თებერვალი — Sputnik. ქართული ღვინისა და ალკოჰოლური სასმელების ხარისხის კონტროლის მიზნით საქართველოს ღვინის ეროვნულმა სააგენტომ 2020 წლის იანვარში ალკოჰოლური პროდუქციის მწარმოებელ კომპანიებში 18 შემოწმება განახორციელა, ნათქვამია უწყების განცხადებაში.

„როსპოტრებნადზორმა" 2019 წლის ივნისში განაცხადა, რომ გააძლიერებს რუსეთში საქართველოდან შესული ალკოჰოლური პროდუქციის კონტროლს. უწყების მონაცემებით, 2014 წლიდან 2018 წლის ჩათვლით საქართველოდან რუსეთში შესული პროდუქციის რაოდენობა, რომელიც არ შეესაბამება სავალდებულო მოთხოვნებს, 2,9-ჯერ გაიზარდა და 2018 წელს 203 ათასი ლიტრი შეადგინა.

„ინსპექტირებისას აღებული 55 საექსპორტო ნიმუში გადაიგზავნა აკრედიტებულ ლაბორატორიებში. ლაბორატორიული გამოცდით დადგინდა, რომ ერთ შემთხვევაში ნიმუში არ შეესაბამებოდა სერტიფიცირებისთვის წარმოდგენილ ნიმუშს, რის გამოც კომპანიას უარი ეთქვა სერტიფიკატის მიღებაზე", – ნათქვამია ღვინის სააგენტოს პრეს-სამსახურის განცხადებაში.

უწყების ცნობით, სააგენტოს სადეგუსტაციო კომისიამ ჩაატარა 19 დეგუსტაცია. წარმოდგენილი 637 ნიმუშიდან კომისიამ უარყოფითად 32 შეაფასა.

„ყურძნისეული წარმოშობის ალკოჰოლიანი სასმელების ხარისხის კონტროლი ღვინის ეროვნული სააგენტოს საქმიანობის ერთ-ერთი მთავარი მიმართულებაა", – აღნიშნავენ სააგენტოში.

ქართული საჩუქარი იაპონიის თავდაცვის მინისტრს: ტარო კონო ფოტოს აქვეყნებს>>

ღვინის ექსპორტი

საქართველოდან 2019 წელს ექსპორტირებული იყო რეკორდული რაოდენობის ღვინო – გასულ წელს მსოფლიოს 53 ქვეყანაში გაიტანეს 94 მილიონამდე ბოთლი (0,75 ლ) ღვინო, რაც 2018 წელთან შედარებით 9%-ით მეტია.

ყველაზე მეტი ღვინო გადის რუსეთში. ლიდერი ქვეყნების ხუთეულში ასევე შედიან უკრაინა, ჩინეთი, პოლონეთი და ყაზახეთი.

ქართულ ღვინოზე მოთხოვნა იზრდება როგორც ტრადიციულ ბაზრებზე, ისე ევროპაში, აზიასა და აშშ-ში.

საზღვარგარეთ ყველაზე პოპულარული ქართული ღვინოა ნახევრად ტკბილი „ქინძმარაული". 2019 წელს საქართველოდან 17,4 მილიონზე მეტი ბოთლი „ქინძმარაული" გავიდა. პოპულარული ღვინოების ხუთეულშია ასევე „მუკუზანი", „წინანდალი", „ახაშენი" და „ხვანჭკარა".

27
თემები:
ღვინის კულტურა და მეღვინეობა (75)
საქართველოს ფინანსთა სამინისტრო

გადაუდებელი ფინანსური დახმარება გერმანიისგან: საქართველო 180 მლნ ევროს მიიღებს

64
(განახლებულია 20:59 07.08.2020)
ფინანსთა სამინისტროს ინფორმაციით, აღნიშნული დაფინანსება  პანდემიით გამოწვეული შედეგების აღმოფხვრას მოხმარდება

თბილისი, 7 აგვისტო - Sputnik. გერმანიის ფედერაციული  რესპუბლიკა საქართველოს 180 მლნ ევროს ოდენობით მხარდაჭერას უცხადებს, ნათქვამია საქართველოს ფინანსთა სამინისტროს მიერ გავრცელებულ განცხადებაში.

უწყებია ცნობით, გერმანიამ  საქართველოსთვის გადაუდებელი ფინანსური დახმარების აღმოსაჩენად ახალი პროგრამა „საქართველოს ეკონომიკის კონკურენტუნარიანობისა და კრიზისის მიმართ მდგრადობის გაძლიერება“ შეიმუშავა.

ხელშეკრულებას ხელი  ფინანსთა მინისტრმა, ივანე მაჭავარიანმა და რეკონსტრუქციის საკრედიტო ბანკის (KfW) რეგიონული ოფისის დირექტორმა სამხრეთ კავკასიაში კლაუს ვეიგელმა მოაწერეს.

„აღნიშნული დაფინანსება წარმოადგენს საბიუჯეტო მხარდაჭერას, რომელიც მიიმართება სახელმწიფო ბიუჯეტში და მოხმარდება პანდემიით გამოწვეული შედეგების აღმოფხვრას“ -აღნიშულია განცხადებაში.

უწყების ცნობით kFW-სთან ხელმოწერილი ხელშეკრულება ნაწილია იმ ფინანსური მხარდაჭერისა, რომელიც საქართველოს მთავრობამ პარტნიორი საერთაშორისო დონორი ორგანიზაციებისგან COVID-19-ის პანდემიასთან ბრძოლისა და ქვეყნის ეკონომიკის შემდგომი რეაბილიტაციისთვის მოიზიდა.

რა დახმარებით ისარგებლა ქართულმა ბიზნესმა: ეკონომიკის მინისტრის ანგარიში>>

დღეს ხელი მოეწერა  კიდევ ერთ შეთანხმებას, რომლის მიხედვითაც გერმანიის მხარდაჭერით, საქართველოს ოთხ მუნიციპალიტეტში: ბაღდათში, ვანში, სამტრედიასა და ყაზბეგში ახალი კომუნალური ინფრასტრუქტურის მშენებლობა-რეაბილიტაციისთვის 130 მლნ ევრო დაიხარჯება.

64
თემები:
საქართველოს ეკონომიკა
სამგზავრო თვითმფრინავი

დაინიშნა ჩარტერული რეისი ვარშავა–თბილისი–ვარშავა

48
(განახლებულია 19:06 07.08.2020)
ავირეისს პოლონური კომპანია LOT Polish Airlines შეასრულებს. ავიაკომპანიას ჩარტერული რეისის განხორციელების ნებართვა 7 აგვისტოს მისცეს.

თბილისი, 7 აგვისტო – Sputnik. ვისაც სურვილი აქვს ჩამოვიდეს საქართველოში ან ვარშავაში გაფრინდეს, შეუძლია ისარგებლოს ჩარტერული რეისით ვარშავა–თბილისი–ვარშავა, რომელსაც პოლონური ავიაკომპანია LOT Polish Airlines 14–15 აგვისტოს შეასრულებს. ინფორმაციას ამის თაობაზე საქართველოს ეკონომიკის სამინისტროს სამოქალაქო ავიაციის სააგენტო ავრცელებს.

ჩარტერული რეისის შესასრულებლად აუცილებელი ნებართვა ავიაკომპანიას საქართველოს სამოქალაქო ავიაციის სააგენტომ 7 აგვისტოს მისცა.

14 აგვისტოს თვითმფრინავი ვარშავიდან თბილისში ჩამოფრინდება, ხოლო 15 აგვისტოს შეასრულებს თბილისი–ვარშავის რეისს.

კორონავირუსის პანდემიასთან დაკავშირებით საქართველომ უცხოელებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა.

ივლისის ბოლოს საქართველომ საჰაერო სივრცე გაუხსნა ხუთ ქვეყანას, რომელთა მოქალაქეებს ქვეყანაში უპირობო შემოსვლის უფლება აქვთ. ესენია გერმანია, საფრანგეთი, ლატვია, ლიეტუვა და ესტონეთი.

2 აგვისტოდან რეგულარული ფრენები განახლდა მიუნხენის მიმართულებით. გერმანული ავიაკომპანია Lufthansa პირველი ავიაკომპანიაა, რომელმაც ოთხთვიანი შესვენების შემდეგ საქართველოში რეგულარული ავიარეისები აღადგინა. 5 აგვისტოდან რეგულარული საჰაერო მიმოსვლა აღდგა თბილისსა და რიგას შორის, რომელსაც AirBaltic ასრულებს, ხოლო 8 აგვისტოს თბილისსა და პარიზს შორის ფრენებს დაიწყებს Air France.

თვითმფრინავით მესტიასა და ამბროლაურში: შიდა ფრენები განახლდა>>

ვიზიტორებმა საქართველოში ჩამოფრენისთვის საზღვარზე უნდა შეავსონ სპეციალური ელექტრონული ანკეტა, სადაც უნდა მიუთითონ ბოლო 14 დღის განმავლობაში თავიანთი მოგზაურობის ისტორია, ასევე სად აპირებენ კონკრეტულად საქართველოში გაჩერებას და უნდა დატოვონ საკონტაქტო მონაცემები.

საქართველო ამ ეტაპზე ქვეყანაში შემოსვლის უფლებას აძლევს კიდევ 13 ქვეყნის მოქალაქეებსა და რეზიდენტებს. ესენია ესპანეთი, ლუქსემბურგი, ნიდერლანდები, პოლონეთი, პორტუგალია, რუმინეთი, საბერძნეთი, შვედეთი, ხორვატია, იტალია, სლოვაკეთი, ისლანდია და კვიპროსი. მათთვის აუცილებელია 14-დღიანი კარანტინის გავლა და თან – საკუთარი ხარჯით.

რაც შეეხება სამშობლოში დაბრუნებულ საქართველოს მოქალაქეებს, მათთვისაც ძალაშია 14-დღიანი კარანტინი, მაგრამ ხარჯებს ამ შემთხვევაში სახელმწიფო დაფარავს.

ქვეყნების ჩამონათვალი, რომლებისთვისაც საქართველო თავის საზღვრებს ხსნის, ყოველ ორ კვირაში ერთხელ გადაიხედება.

მიუნხენი-თბილისი: Lufthansa რეგულარულ ავიარეისებს აღადგენს>>

სახმელეთო საზღვრები, განსაკუთრებული შემთხვევების გარდა, დღემდე დაკეტილია.

48
თემები:
საქართველოს ეკონომიკა
მთვარე

მთვარის კალენდარი: 8 აგვისტო რისი გაკეთება შეიძლება და რისი არა

0
(განახლებულია 10:09 06.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

8 აგვისტო, შაბათი. ამ დღეს სატურნი მართავს. კლებადი მთვარე ვერძის ნიშანშია.

მომატებულია იმპულსურობა, ამიტომ სჯობს, გადადოთ მნიშვნელოვანი შეხვედრები და მოლაპარაკებები.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. ამ დღეს დაწყებული სასიყვარულო რომანი მგზნებარე და დასამახსოვრებელი იქნება, მაგრამ, დიდი ალბათობით – ხანმოკლე.

ამ დღეს არ ღირს ფულის სესხება ან ვალის აღება. ნეიტრალური დღეა მუშაობისთვის.

რეკომენდებულია სიტყვების სიფრთხილით შერჩევა, ასე ფრთხილი მოქმედება, რადგან ადვილად შეიძლება კონფლიქტური ვითარების პროვოცირება, დღის მშვიდად გატარება, მაგრამ მარტოობაში – არა, ყველა შემოსული ინფორმაციის დაკვირვებით შემოწმება, სერიოზული საქმეების გადადება, მიმდინარე საკითხების განხილვა, კოლეგებთან ურთიერთობებში ნეიტრალიტეტის დაცვა.

არარეკომენდებულია ბიზნეს–საქმიანობა, შეხვედრების დანიშვნა, კონტრაქტებზე ხელმოწერა, ფულთან დაკავშირებული საკითხების მოგვარება, ფულით ტრაბახი, სიახლეების არაფრად ჩაგდება, ახალი სამსახურის დაწყება, დაუფიქრებლად მოქმედება, წინადადებების მიღება, უცნობებთან კონტაქტი და ახალი ნაცნობობა.

შეიძლება სამოგზაუროდ წასვლა, მაგრამ სიფრთხილეა საჭირო უცნობ ადამიანებთან, დოკუმენტებთან და ფულთან დაკავშირებით.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0