ტურისტები თბილისის ქუჩებში

საქართველოს მორიგი რეკორდი: ქვეყანაში ტურისტების რაოდენობა იზრდება

70
სამთო-სათხილამურო კურორტებზე თოვლთან და წყალმომარაგებასთან დაკავშირებული პრობლემების მიუხედავად, ტურისტების რაოდენობამ ქვეყანაში რეკორდულ მაჩვენებელს მიაღწია

თბილისი, 4 თებერვალი -  Sputnik. 2020 წლის იანვარში საქართველოს საერთაშორისო ვიზიტორთა და ტურისტთა რეკორდული რაოდენობა ეწვია, ნათქვამია ტურიზმის ეროვნული ადმინისტრაციის მასალებში.

უთოვლობამ ქვეყნის სამთო სათხილამურო კურორტებს ბევრი პრობლემა შეუქმნა. გარდა ამისა, გუდაურსა და ბაკურიანში ახალი წლის წინ წყალმომარაგების პრობლემა შეიქმნა. როგორც საქართველოს გაერთიანებული წყალმომარაგების კომპანიაში განმარტეს, პრობლემა უკავშირდებოდა უთოვლობას კურორტებზე - დაშრა რეზერვუარები, რომლებიც თოვლით ივსებოდა.

„ზამთარი მოგვპარეს“ - ეკოლოგმა განმარტა, რატომ არ თოვს საქართველოში >>

2020 წლის იანვარში საქართველოში 633 ათასი საერთაშორისო მოგზაური იმყოფებოდა. საერთაშორისო მოგზაურთა ვიზიტების რაოდენობა კი 523,6 ათასს მიაღწია. ტურისტული ვიზიტების რაოდენობამ 363,6 ათასი შეადგინა.

„იანვრის თვის შედეგები განსაკუთრებით მნიშვნელოვანია, რადგან ეს არის პირდაპირ უკუკავშირი იმ აქტივობებთან, რომელიც ტურიზმის ეროვნულმა ადმინისტრაციამ გაატარა 2019 წელს  მარკეტინგული აქტივობების თუ სხვა კუთხით საერთაშორისო არეალზე. აქედან გამომდინარე ჩვენ ერთობლივი ძალებით მივიღეთ ის შედეგი, რომელიც არის რეკორდული და ჩვენი ქვეყნის ტურიზმის განვითარებისთვის უმნიშვნელოვანესი“, - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

იანვარში ყველაზე მეტი საერთაშორისო ვიზიტორი დაფიქსირდა აზერბაიჯანიდან, სომხეთიდან და რუსეთიდან.

ქვეყნების ხუთეული 2020 წლის იანვარში საერთაშორისო ვიზიტების რაოდენობის მიხედვით

ქვეყანა      ტურისტების რაოდენობა ცვლილება - %
აზერბაიჯანი   124 534  34,9
სომხეთი  91 580 17,5
რუსეთი   86 884 1,1
თურქეთი         75 012 16,6
უკრაინა   12 799 22,4

იანვარში ქვეყანას ეწვია ქართული დიასპორის 50,2 ათასი წარმომადგენელი, რაც 13,4%-ით მეტია, ვიდრე 2019 წლის ანალოგიურ პერიოდში.

2020 წლის იანვარში განსაკუთრებული ზრდა დაფიქსირდა ისრაელიდან (+57,3%), საუდის არაბეთიდან (+49,8%), ყაზახეთიდან (+44,8%), კუვეიტიდან (+44,6%).

Google საქართველოს ტურისტების მოზიდვაში დაეხმარება >>

ყველაზე მეტი უცხოელი საქართველოში სახმელეთო და საჰაერო ტრანსპორტით ჩამოდის.

ტრანსპორტის სახეობები, რომლითაც უცხოელები საქართველოში ჩამოდიან

ტრანსპორტის სახეობა ვიზიტების რაოდენობა ცვლილება წელიწადში, % წილი ვიზიტების საერთო რიცხვიდან, %
სახმელეთო      402 870 29,5 76,9
საჰაერო    111 058 - 731 21,2
რკინიგზა          6 618 70,4 1,3
საზღვაო   3 143 25,2 0,6

სასაზღვრო პუნქტებს შორის, რომლებსაც კვეთენ საერთაშორისო ვიზიტორები, ლიდერობს სარფი, ყაზბეგი და წითელი ხიდი.

საკონტროლო-გამშვები პუნქტები საქართველოს საზღვრებზე - პირველი ხუთეული

საკონტროლო-გამშვები პუნქტი ვიზიტების რიცხვი ცვლილება წელიწადში, %    წილი ვიზიტების საერთო რიცხვიდან, %
წითელი ხიდი 106 467 29,6 20,3
ყაზბეგი   85 498 65,6 16,3
სარფი       83 045 16,9 15,9
თბილისის აეროპორტი 80 760 -19,7 15,4
სადახლო          69 912 9,8 13,3
ტურიზმის ეროვნული ადმინისტრაციის წინასწარი მონაცემებით, 2019 წელს საქართველოში უცხოური ტურიზმით მიღებულმა შემოსავალმა 3,3 მილიარდი დოლარი შეადგინა. ეს გასული წლის მაჩვენებელთან შედარებით 47 მილიონი დოლარით მეტია (ზრდა 1,4%).

საქართველოში ახალი ტურისტული ადგილების განვითარება იგეგმება >>

საქართველოში ტურიზმის სფერო წლიდან წლამდე ვითარდება, რაც სტატისტიკურ მონაცემებზე აისახება. ყოველწლიურად ქვეყანაში იხსნება ახალი სასტუმროები, კვების ობიექტებში ხარისხის შემოწმება მიმდინარეობს, ხორციელდება მომსახურე პერსონალის და გიდების გადამზადება.

70
თემები:
ტურიზმი საქართველოში (232)
გიორგი გახარია

დაიწყე ახალი პროექტი და მიიღე მთავრობის საბანკო–საკრედიტო გარანტია: მთავრობის ინიციატივა

55
(განახლებულია 13:30 04.06.2020)
საქართველოს მთავრობა მიკროგრანტებისა და მცირე მეწარმეობის დახმარების პროგრამების ბიუჯეტს 40 მილიონამდე ზრდის, მინიმალური საგრანტო თანხა 20–დან 30 ათასამდე იქნება

 

თბილისი, 4 ივნისი - Sputnik.  ადგილობრივი კომპანიები ახალი პროექტების განხორციელების შემთხვევაში სახელმწიფოსგან 90%–ის საბანკო–საკრედიტო გარანტიას მიიღებენ, განაცხადა საქართველოს პრემიერ–მინისტრმა გიორგი გახარიამ მთავრობის სხდომაზე. 

 

ხოლო იმ კომპანიებს, რომლებსაც უკვე აქვთ აღებული სესხი არსებულ პროექტებში, სახელმწიფო მხარში დაუდგება 30%-ის გარანტიით.

პრემიერის სიტყვებით, ეს ამ კომპანიების მდგრადობის შენარჩუნებისა და მხარდაჭერის ყველაზე ეფექტური შესაძლებლობაა.

 „დღეს ჩვენ რამდენიმე საკითხი გამოგვაქვს – პირველ რიგში, ეს ეხება საკრედიტო–საგარანტიო სქემის მექანიზმის შეცვლას, საკანონმდებლო ცვლილებებს. ეს ერთ–ერთი ღონისძიებაა, რომლითაც ჩვენ ადგილობრივ კომპანიებს ვეხმარებით“, – განაცხადა გახარიამ.

მთავრობა ბიზნესს საკრედიტო-საგარანტიო სქემის ფარგლებში არსებული კრედიტების რესტრუქტურიზაციაში დაეხმარება.

ანტიკრიზისული გეგმის ფარგლებში, პროგრამა „აწარმოე საქართველოში“ უკეთ მოერგება ახალ მოთხოვნებს, ხელისუფლება გაზრდის დაკრედიტების მოცულობას, პროცენტი კი საბაზრო ვითარების გათვალისწინებით დაკორექტირდება.

კერძოდ, პრემიერის სიტყვებით, კრედიტების გარანტირების სქემის მოცულობა არანაკლებ 300 მილიონი ლარი იქნება, აუცილებლობის შემთხვევაში კი დაფინანსება გაიზრდება. 

საკრედიტო-საგარანტიო მექანიზმი წარმოადგენს საგარანტიო ფონდს, რომელიც კომერციული ბანკებისთვის მცირე და საშუალო ბიზნესის მიერ აღებული კრედიტების დაბრუნების გარანტად გამოდის. უფრო მარტივად - როდესაც ბიზნესი კრედიტს იღებს, მთავრობა ხდება მისი თავმდები და თუ კონკრეტული ბიზნესი არ გაამართლებს და ბანკიდან აღებული სესხი ისე დაიხარჯება, რომ მოგებას არ მოიტანს, მთავრობის მიერ შექმნილი ფონდი სესხს ბიუჯეტის ფულით დაფარავს.

მიკროგრანტებისა და მცირე საწარმოების დახმარების პროგრამის ბიუჯეტი 40 მლნ ლარამდე გაიზრდება, მინიმალური საგრანტო თანხა კი 20–დან 30 ათას ლარამდე იქნება, განაცხადა მან.

მთავრობის მეთაურის თქმით, ეს არის იმ მოქალაქეების პირდაპირი დახმარება, რომლებიც მზად არიან, დაიწყონ ახალი ბიზნესი, აიღონ გარკვეული რისკი თავიანთ თავზე და წარმატების შემთხვევაში დაასაქმონ სხვებიც.

 „ეს არის უკიდურესად მნიშვნელოვანი და ყველას უნდა გვესმოდეს, რომ ამ ღონისძიების გატარებას აქვს არა მარტო სოციალური, არამედ მნიშვნელოვანი ეკონომიკური დატვირთვა“, – განაცხადა გიორგი გახარიამ.

მთავრობის მეთაურის თქმით, მოქალაქეებს აღნიშნულ პროგრამებთან დაკავშირებით ინფორმაციის მიღება და სარგებლობის შესაძლებლობა უახლოეს ერთ თვეში, საზოგადოებრივი ცენტრებისა და იუსტიციის სახლების მეშვეობით ექნებათ. ყველა პროგრამა, რომელსაც სახელმწიფო ახორციელებს ბიზნესის, ადგილობრივი წარმოებისა და მცირე მეწარმეების მხარდასაჭერად,  იუსტიციის სამინისტროს 100 ადგილობრივ სივრცეში იქნება განთავსებული. პროგრამის დეტალების გასაცნობად ფერმერებსა და მეწარმეებს თბილისში ჩამოსვლა არ მოუწევთ. ყველა პროგრამა ხელმისაწვდომი იქნება მათ რაიონებში, აღნიშნა გახარიამ.

55
თემები:
საქართველოს ეკონომიკა
ქარის ელექტროსადგური

რატომ შემცირდა ელექტროენერგიის მოხმარება პანდემიის დროს: მინისტრის განმარტება

66
(განახლებულია 13:06 04.06.2020)
ელექტროენერგიის მოხმარების შემცირება, რაც COVID-19-ის პანდემიამ გამოიწვია, სავარაუდოდ, მეორე კვარტალშიც გაგრძელდება, ეკონომიკის სამინისტრო 2020 წელს საერთო მოხმარების 0,8%-ით შემცირებას პროგნოზირებს.

თბილისი, 4 ივნისი – Sputnik. კორონავირუსის პანდემიის პერიოდში ეკონომიკური აქტიურობის შენელების გამო საქართველოში ელექტროენერგიის მოხმარება შემცირდა, განუცხადა ჟურნალისტებს ეკონომიკისა და მდგრადი განვითარების მინისტრმა ნათია თურნავამ.

საქართველოში ბოლო 20 წლის განმავლობაში ელექტროენერგიის მოხმარება იზრდებოდა, მაგრამ კორონავირუსთან დაკავშირებული ვითარება ქვეყანაში და მსოფლიოში ამ დარგზეც აისახა.

„კორონავირუსის დროს გლობალურმა პანდემიამ და, მათ შორის, საქართველოში ეკონომიკურმა კრიზისმა, ასევე ბიზნეს-პროცესების შენელებამ და, გარკვეულწილად, საერთოდ შეჩერებამ, რადგან საგანგებო ვითარებაში ვიმყოფებოდით, გარდაუვლად გამოიწვია ისიც, რომ ამ პერიოდში ელექტროენერგიაზე მოთხოვნა შემცირდა“, – განაცხადა თურნავამ.

მინისტრის თქმით, ეკონომიკური კრიზისის პერიოდში მთავრობა მოხმარებული ელექტროენერგიის საფასურის გადახდაში მოქალაქეების გარკვეულ კატეგორიას დაეხმარა.

„ჩვენ დაუყოვნებლივ მოვახდინეთ სამი თვის ელექტროენერგიის გადასახადის სუბსიდირება მოსახლეობისთვის, რამაც მდგრადი გახადა მოსახლეობის გადახდისუნარიანობა ამ რთულ პერიოდში და ირიბად დაეხმარა, მათ შორის, ენერგეტიკულ კომპანიებს... რა თქმა უნდა, ეს არ არის საკმარისი, რომ შარშანდელ დონეზე გვქონდეს მოთხოვნა ელექტროენერგიაზე“, – აღნიშნა თურნავამ.

საქართველოში ორ წელიწადში ორ ახალ ქარის ელექტროსადგურს ააშენებენ>>

საქართველოს ელექტროენერგეტიკული ბაზრის ოპერატორის (ESCO) მონაცემებით, 2019 წელს საქართველოში მოხმარებულია 13,4 მლრდ კვტ/სთ ელექტროენერგია, ხოლო გამომუშავებულია 11,9 მლრდ კვტ/სთ. გამომუშავებული ელეტროენერგიის დიდი წილი ჰიდროსადგურებზე მოდის – 8,9 მლრდ კვტ/სთ, თბოსადგურებმა გამოიმუშავეს 2,4 მლრდ კვტ/სთ, ხოლო ქარის სადგურმა „ქართლი“ – 84,7 მლნ კვტ/სთ.

მოსალოდნელია, რომ ელექტროენერგიის მოხმარების შემცირება, რაც COVID-19-ის პანდემიამ გამოიწვია, 2020 წლის მეორე კვარტალშიც გაგრძელდება, ეკონომიკის სამინისტრო წელს საერთო მოხმარების 0,8%-ით, ანუ 12,7 მლრდ კვტ/სთ-მდე შემცირებას პროგნოზირებს.

66
თემები:
COVID-19 საქართველოში
თეა წულუკიანი

თეა წულუკიანი: გიორგი გახარია 31 ოქტომბერს ჩვენ გუნდს გამარჯვებამდე მიიყვანს

0
(განახლებულია 15:36 04.06.2020)
საქართველოს იუსტიციის მინისტრი თეა წულუკიანი პრემიერ-მინისტრის, გიორგი გახარიას თანამდებობიდან წასვლის შესახებ გავრცელებულ ინფორმაციაზე ისაუბრა.

 

თეა წულუკიანი: გიორგი გახარია 31 ოქტომბერს ჩვენ გუნდს გამარჯვებამდე მიიყვანს
„გუშინ გავრცელდა ყალბი ინფორმაცია, თითქოს საქართველოს პრემიერ-მინისტრი გიორგი გახარია მიდის თანამდებობიდან. ეს არის ე.წ. ფეიკ ნიუსი. არავინ არსად არ მიდის. ბატონი გიორგი გახარია არის საქართველოს პრემიერ-მინისტრი, რომელიც მიიყვანს ჩვენ გუნდს საბოლოო გამარჯვებამდე, რომელიც 31 ოქტომბერს შედგება. ეს იქნება გუნდი, რომელიც არა მხოლოდ პანდემიას დაამარცხებს, არამედ სახელისუფლებო გუნდი, რომელიც ისევ დაამარცხებს დემოკრატიული და გამჭვირვალე არჩევნებით იმ პრობლემას, რომელსაც ქვია ფეიკ ნიუსების შემქმნელი ოპოზიცია და მათი მედიასაშუალებები“, - განაცხადა თეა წულუკიანმა.

თეა წულუკიანის განმარტებთ, უწყების არც ერთი ჩინოვნიკი თანამდებობის დატოვებას არ აპირებს.

0