„გარდაბნის თბოელექტროსადგური 2“

საიდან მიიღებს გაზს გარდაბნის ახალი თბოელექტროსადგური

90
საქართველო აზერბაიჯანიდან საკმარისი რაოდენობის ბუნებრივ აირს ახალი მილსადენების - TANAP და TAP-ის ამოქმედების შედეგად მიიღებს

თბილისი, 19 იანვარი — Sputnik. 230 მეგავატის სიმძლავრის „გარდაბნის თბოელექტროსადგური 2“ საქართველოში ელექტროენერგიის მთლიან მოთხოვნას დაფარავს, თუ ბუნებრივი აირის მოწოდების საკითხი გადაწყდება, მიაჩნიათ ენერგეტიკოსებს.

თბოელექტროსადგური „გარდაბანი 2“ ჩინურმა კომპანია China Tianchen Engineering Corporation (CTEC) საქართველოს გაზისა და ნავთობის კორპორაციის (GOGC) დაფინანსებით ააშენა. ინვესტიციების ოდენობამ 180 მილიონი დოლარი შეადგინა. ახალი თბოელექტროსადგური თითქმის ორჯერ ნაკლებ გაზს მოიხმარს, ის უფრო ეკონომიურია, ვიდრე საქართველოში არსებული ბუნებრივ გაზზე მომუშავე ძველი ენერგობლოკები.

შავი ზღვის შელფზე ნავთობის და გაზის მოძიებისთვის ტენდერი გამოცხადდა >>

ექსპერტების თქმით, ახალი თბოელექტროსადგური მომარაგდება აზერბაიჯანული გაზით, რომელსაც საქართველო ტრანზიტის შედეგად იღებს.

„მხოლოდ „გარდაბანი 2“ წელიწადში 1,3 – 1,5 მილიარდ კილოვატ/საათის გამომუშავებას შეძლებს, რაც იმპორტის პრობლემას მთლიანად მოხსნის, თუკი გაზის მიწოდების საკითხი გადაწყდება. რაც შეეხება გაზს - 2020 წელს დაახლოებით 20-30%-ით უნდა გაიზარდოს საქართველოს ტერიტორიის გავლით თურქეთში გატანილი გაზის მოცულობა, რადგან TANAP-ი უკვე სრულად ამოქმედდა, და ჩვენ გვექნება ოპციური გაზის ისეთი მოცულობა, რომელიც „გარდაბანი1“-ის და „გარდაბანი2“-ის მომარაგებას ეყოფა, და ჩვენ შევძლებთ მივაღწიოთ იმას, რომ თბოელექტროსადგური საბაზისო ელექტროენერგიას გამოიმუშავებს“, - განაცხადა ენერგეტიკოსმა გია არაბიძემ ტელეარხ TV Pirveli-ის ეთერში.

ნავთობისა და გაზის კორპორაციის დირექტორმა გიორგი ბახტაძემ აღნიშნა, რომ თბოელექტროსადგურისა და მთელი საქართველოს გაზით უზრუნველსაყოფად 2024 წლისთვის ქვეყანაში გაზსაცავი აშენდება.

„ჩვენ ვგეგმავდით გაზსაცავის აშენებას 2021 წელს, მაგრამ გაზსაცავის პროექტი ძალიან რთულია და სერიოზულ ტექნიკურ სამუშაოებს მოითხოვს. ჩვენ დეტალურად შევისწავლეთ ეს პროექტი, გავაკეთეთ ტექნიკურ-ეკონომიკური დასაბუთება, რასაც ბევრი დრო დასჭირდა. ახლა უკვე პირველ კვარტალში გაირკვევა გამარჯვებული კომპანია და 2020 წლის მეორე ნახევარში გაზსაცავის მშენებლობა დაიწყება“, - განაცხადა ბახტაძემ.

ახალი პროექტი ენერგეტიკის სფეროში საქართველოს 62 მილიონი დოლარი დაუჯდება >>

თბოელექტროსადგური აღჭურვილია კომპანია „ჯენერალ ელექტრონიქსის" (GE-Power) გაზისა და ორთქლის თანამედროვე ტიპის ტურბინებით, ასევე გენერატორებით. ეს კომპანია ამ მოწყობილობების წარმოების მხრივ ლიდერია მთელ მსოფლიოში და ხარისხის მაღალი სტანდარტითა და ენერგოეფექტურობით გამოირჩევა.

თბოელექტროსადგურის მშენებლობა 2018 წლის თებერვალში დაიწყო და 2019 წლის დეკემბერში დასრულდა.

90
თემები:
საქართველოს ენერგეტიკა (91)
სავალუტო ჯიხური

ლარის კურსი 6 აგვისტოს

75
(განახლებულია 09:24 06.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა.

თბილისი, 6 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3, 0739 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0001 ლარით გაუფასურდა. 

ლარის კურსი 6 აგვისტოს



75
თემები:
ლარის კურსი დღეს
თბილისი

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა

218
(განახლებულია 20:31 05.08.2020)
მთავრობა გამონაკლისის წესით დაუშვებს ყველა ქვეყნის იმ მოქალაქის მიერ საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

თბილისი, 5 აგვისტო - Sputnik. ერთთვიანი სატესტო რეჟიმის შემდეგ  ბიზნეს-ვიზიტორების პლატფორმა საქართველოში სრულფასოვნად და წარმატებით ამოქმედდა, განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის უწყებათაშორისი საკოორდინაციო საბჭოს შემდეგ გამართულ ბრიფინგზე. 

საქართველოში საქმიანი ვიზიტის განსახორციელებლად უცხოეთის ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითან ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში  კორონავირუსზე PCR–ტესტი უნდა გაიკეთონ ან საკუთარი ხარჯებით სავალედბულო 14–დღიანი კარანტინი გაიარონ. ეს არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

„დღეს ჩვენ საკმაოდ შთამბეჭდავი სტატისტიკა გვაქვს – სხვადასხვა ქვეყნიდან 2,7 ათასამდე  განაცხადია შემოსული, როგორც რეგიონის, ისე ევროპის ბევრი ქვეყნიდან, საიდანაც ბიზნეს–ვიზიტორს მოკლევადიანი, საქმიანი ვიზიტით სურს საქართველოში ჩამოსვლა. და თქვენ იცით, რომ  მოცემულ შემთხვევაში მათ უფლება აქვთ, კარანტინის გარეშე, გარკვეული პერიოდულობით, საკუთარი ხარჯებით ჩაიტარონ PCR–ტესტი“, – განაცხადა თურნავამ.

მისი თქმით, ეს არის უსაფრთხო საქართველოს მოსახლეობისთვის და გარდა ამისა, ქვეყანას ბიზნეს–პროცესების გაცოცხლებისა და ინვესტორთან ურთიერთობის შენარჩუნების შესაძლებლობას მისცემს.

თურნავამ გნაცხადა, რომ რამდენიმე დღის შემდეგ ახალი პლატფორმის კიდევ ერთი პრეზენტაცია ჩატარდება, რომლის წყალობითაც საქართველოში ხანგრძლივი ვადით ჩამოსვლას შეძლებენ  უცხოელი ვიზიტორები, რომლებსაც საქართველოდან დისტანციური მუშაობის სურვილი ექნება.  

„ამ მიმართულებით ძალიან მაღალი ინტერესი არსებობს, მათ შორის სხვადასხვა საერთაშორისო საფინანსო ინსტიტუტიდან და მათგან, ვინც მუშაობის დისტანციურ რეჟიმში გადავიდა. ასე რომ სწორედ საქართველო გახდება ის ადგილი, საიდანაც ისინი შეძლებენ თავიანთ კორპორაციებში მუშაობას, მაგრამ იცხოვრებენ საქართველოში“, – აღნიშნა ნათია თურნავამ.

პროექტის თაახმად, მთავრობა პროექტის თანახმად, მთავრობა გამონაკლისის წესით დაუშვებს ყველა ქვეყნის მოქალაქის საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

საქართველოში გრძელვადიანი პერიოდით ყოფნის მსურველებისთვის შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა სამივე კატეგორიის მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

ე.წ. გრძელვადიანი ვიზიტორები 14-დღიან კარანტინს კომერციული ტარიფით, საკუთარი ხარჯით გაივლიან, ასევე განიხილება ექვსთვიანი სამოგზაურო დაზღვევის არსებობა.

218
თემები:
საქართველოს ეკონომიკა
მთავრობის სხდომა

საქართველოს მთავრობაში ახალი მინისტრია

0
(განახლებულია 12:06 06.08.2020)
ახვლედიანმა ახალ პოსტზე ქეთვან ციხელაშვილი შეცვალა, რომელიც 22 მაისიდან არის საქართველოს მუდმივი წარმომადგენელი ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში.

თბილისი, 6 აგვისტო  — Sputnik.  შერიგებისა და სამოქალაქო თანასწორობის საკითხებში სახელმწიფო მინისტრის თანამდებობა თეა ახვლედიანმა დაიკავა, რომელიც მანამდე ჯანდაცვის მინისტრის მოადგილე იყო, განაცხადა ხუთშაბათს გამართულ მთავრობის სხდომაზე პრემიერმა გახარიამ.

ახვლედიანმა ახალ პოსტზე ქეთვან ციხელაშვილი შეცვალა, რომელიც 22 მაისიდან არის საქართველოს მუდმივი წარმომადგენელი ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში. 

 „მინდა, პირველ რიგში მას მივულოცო ეს დიდი და საპასუხისმგებლო თანამდებობა. ის ყოველთვის იყო ჩვენი გუნდის წევრი, მაგრამ უკვე იჯდება ამ მრგვალ მაგიდასთან... მას აქვს დიდი და სერიოზული გამოცდილება ჩვენი დიპლომატიური გუნდის წარმომადგენლობაში როგორც ევროპის, ისე კონფლიქტების მიმართულებით“, – განაცხადა გახარიამ.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე  2016 წლის ივლისში დაინიშნა.  მთელი ამ დროის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებისა და დახმარებების წვდომის, ასევე საქართველოში ეროვნული უმცირესობების ინტეგრაციის საკითხებით.

ახლა აღნიშნული საკითხებით თეა ახვლედიანი დაკავდება.



0
თემები:
საქართველოს მთავრობა