თურნავა: ახლო აღმოსავლეთში შექმნილი ვითარების გამო საქართველო ეკონომიკურ რისკებს სწავლობს

გამოწერა
საქართველოს ეკონომიკის მინისტრის აზრით, აშშ-სა და ირანს შორის კონფლიქტი საქართველოს ეკონომიკაზე ძლიერად არ აისახება.

თბილისი, 9 იანვარი — Sputnik. საქართველოს მთავრობა ყურადღებით აკვირდება და აანალიზებს ახლო აღმოსავლეთში მიმდინარე პროცესებს, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ ხუთშაბათს მთავრობის სხდომის შემდეგ გამართულ პრესკონფერენციაზე.

გიორგი გახარია - Sputnik საქართველო
გახარია: ახლო აღმოსავლეთში ვითარების მშვიდობიან დარეგულირებას ალტერნატივა არ გააჩნია

აშშ-სა და ირანს შორის ურთიერთობები მას შემდეგ დაიძაბა, რაც 3 იანვრის ღამეს შეერთებულმა შტატებმა სარაკეტო იერიში მიიტანა ბაღდადის აეროპორტთან არსებულ ტერიტორიაზე, რომლის შედეგადაც დაიღუპა ისლამური რევოლუციის გუშაგთა კორპუსის სპეცქვედანაყოფის მეთაური, ირანელი გენერალი ქასემ სულეიმანი. ირანმა საპასუხოდ სარაკეტო დარტყმა განახორციელა ერაყში მდებარე ორ ბაზაზე, სადაც აშშ-ის არმიის სამხედრო კონტინგენტი იმყოფებოდა. ვაშინგტონის მონაცემებით, ამ დროს არც ერთი ამერიკელი არ დაშავებულა. ტრამპმა განაცხადა, რომ აშშ-ს არ სურს საკუთარი სამხედრო ძალა გამოიყენოს და მხოლოდ ახალი სანქციების შემოღებით შემოიფარგლება.

„ვაკეთებთ მიმდინარე პროცესების ანალიზს, მათ შორის ეკონომიკური კუთხითაც ვაკეთებთ შესაძლო საფრთხეების გაანალიზებას, რადგან ჩვენთვის ძალიან მნიშვნელოვანია რეგიონში მშვიდობა. იმედს გამოვთქვამთ, რომ მთლიანობაში საერთაშორისო თანამეგობრობაც მშვიდობიან გამოსავალს იპოვის და პროცესები დეესკალაციისკენ წავა", – განაცხადა ნათია თურნავამ.

თურნავას სიტყვებით, აშშ-სა და ირანს შორის კონფლიქტი საქართველოს ეკონომიკაზე ძლიერად არ აისახება.

„ამ ეტაპზე ეკონომიკური კუთხით ჯერჯერობით რაიმე სერიოზული ზეგავლენის ფაქტს ჩვენ ვერ ვხედავთ, თუმცა ვაგრძელებთ მონიტორინგს, ანალიზს. ამ კუთხით ძალიან დიდი ყურადღებით ვართ", – განაცხადა თურნავამ.

საქართველოსა და ირანს შორის დიპლომატიური ურთიერთობები 1992 წლის 15 მაისს დამყარდა. იმ დროიდან ქვეყნებს შორის ორმხრივი ურთიერთობები აქტიურად ვითარდება პოლიტიკის, სავაჭრო-ეკონომიკურ, საინვესტიციო, სოფლის მეურნეობის, კულტურის, განათლებისა და ტურიზმის სფეროებში.

 QATAR Airlines  - Sputnik საქართველო
საერთაშორისო ავიაკომპანიების ნაწილმა საქართველოს საჰაერო სივრცის გამოყენება დაიწყო

სტატისტიკის ეროვნული სამსახურის "საქსტატის" ოფიციალური მონაცემებით, საქართველოსა და ირანს შორის ტვირთბრუნვა 2018 წელს 38,7%-ით გაიზარდა და 251,9 მლნ ლარი შეადგინა. ტურიზმის ეროვნული ადმინისტრაციის მონაცემებით, 2018 წელს ირანიდან საქართველოში ტურისტული ვიზიტების რაოდენობამ 291,1 ათასი შეადგინა. 2019 წლის 11 თვის განმავლობაში აღნიშნულმა მაჩვენებელმა 132,8 ათასი შეადგინა.

რაც შეეხება ერაყს, ქვეყნებს შორის დიპლომატიური ურთიერთობები 2007 წლის 18 სექტემბერს დამყარდა. ქვეყნებს შორის თანამშრომლობა ვითარდება როგორც ორმხრივ, ისე მრავალმხრივ ფორმატებში. თანამშრომლობა ვითარდება ეკონომიკის, განათლებისა და ტურიზმის სფეროებში.

ტურიზმის ეროვნული ადმინისტრაციის მონაცემებით, ერაყიდან საქართველოში ვიზიტორების რაოდენობამ 2018 წელს 2,1 ათასი, 2019 წლის 11 თვეში კი 1,6 ათასი შეადგინა. ქვეყნებს შორის სავაჭრო ბრუნვა 2018 წელს, 2017 წელთან შედარებით, 35%-ით შემცირდა და 22,5 მლნ დოლარი შეადგინა.

ყველა ახალი ამბავი
0