გაზქურა

გაძვირდება თუ არა საქართველოში ბუნებრივი აირი

111
(განახლებულია 10:04 15.12.2019)
ენერგეტიკისა და წყალმომარაგების მარეგულირებელი ეროვნული კომისია გაზის ტარიფის შეცვლას ჯერჯერობით არ აპირებს

თბილისი, 15 დეკემბერი — Sputnik. ამ ეტაპზე საქართველოში ბუნებრივი აირის სამომხმარებლო ტარიფი არ გაიზრდება, განუცხადა ჟურნალისტებს საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) თავმჯდომარე დავით ნარმანიამ.

გაზის დეტექტორების დამონტაჟება, შესაძლოა, სავალდებულო გახდეს >>

სემეკ-მა ბუნებრივი აირის სექტორში მოქმედი კომპანიებისთვის გეგმიური ტარიფების დადგენის შესახებ გადაწყვეტილება 1 იანვრამდე უნდა მიიღოს.

„ამ ეტაპზე, ბუნებრივი აირის სამომხმარებლო ტარიფის ზრდა მოსალოდნელი არ არის, ქვეყანაში არსებობს სავალუტო კურსთა შორის სხვაობის დაბალანსების მექანიზმი, რომლის გამოყენებასაც საქართველოს ენერგეტიკისა და წყალმომარაგების მარეგულირებელი ეროვნული კომისია მთავრობასთან ერთად აპირებს, რათა კურსის რყევის შემთხვევაშიც ამან გაზის ტარიფებზე გავლენა არ მოახდინოს“, - განაცხადა ნარმანიამ.

ექვს თვეში ლარი დოლარის მიმართ დაახლოებით 10%-ით გაუფასურდა. ლარის კურსის გამყარების მიზნით, ეროვნულ ბანკს მონეტარული პოლიტიკის გამკაცრება და სავალუტო რეზერვების ნაწილის გაყიდვა მოუწია.

„გასულ წელს, როდესაც ერთწლიანი ტარიფი დადგინდა, ლარის კურსი 2.66 იყო. თუმცა, ბოლო პერიოდში, თუ ბოლო რამდენიმე დღეს არ ჩავთვლით, სცენარი პესიმისტური იყო – ახალა შედარებით ოპტიმისტურია“, - აღნიშნა ნარმანიამ.

2019 წლის 1 იანვრიდან „თბილისი ენერჯის“ (ყოფილი „ყაზტრანსგაზ-თბილისის“) აბონენტები ერთ კუბურ მეტრ გაზში იხდიან 46,139 თეთრს, Socar-ის აბონენტები - 49,5 თეთრს, „საქორგაზის“ – 50,02 თეთრს.

111
თემები:
საქართველოს ენერგეტიკა (97)
იუსტიციის სახლი

საქართველოში ეკონომიკის ვარდნა მინიმალური ხდება

8
(განახლებულია 10:02 31.10.2020)
აღნიშნულ პერიოდში ზრდა დაფიქსრდა სამთო–მომპოვებელ მრეწველობაში, გადამამუშავებელ მრეწველობაში, ვაჭრობასა და ფინანსურ საქმიანობაში

საქართველოს ეკონომიკის ვარდნის ტემპები, რაც კორონავირუსის პანდემიამ გამოიწვია, მცირდება – სექტემბერში, გასული წლის ამავე თვესთან შედარებით, მშპ 0,7%–ით შემცირდა, იუწყება საქართველოს სტატისტიკის ეროვნული სამსახური „საქსტატი“.

შედარებისთვის: ვარდნის მაჩვენებელი აგვისტოში იყო 5,3%, ივლისში – 5,5, ივნისში – 7,7%, მაისში – 13,5%, ხოლო აპრილში – 16,6%.

ამავე დროს შემცირების ტენდენცია სექტემბერში ეკონომიკის ბევრ სფეროში დაფიქსირდა. ზრდა აღნიშნულ პერიოდში იყო სამთო–სამრეწველო, გადამამუშავებელ მრეწველობაში, ვაჭრობასა და ფინანსურ საქმიანობაში.

ეკონომიკის ვარდნამ ცხრა თვეში, გასული წლის ანალოგიურ პერიოდთან შედარებით, 5% შეადგინა.

გასულ წელს საქართველოს ეკონომიკა 5,2%–ით გაიზარდა, რაც პროგნოზირებულ 4,5%–ზე მაღალია იყო.

ეკონომიკის აღდგენის პროცესი ფაქტია

საქართველოს პრემიერი გიორგი გახარია მიიჩნევს, რომ მშპ–ის შემცირება 0,7%–ით სექტემბერში პირდაპირ მიუთითებს ქვეყნის ეკონომიკის სწრაფი აღდგენის სერიოზულ პოტენციალზე, რაც უკვე ფაქტია.

„სისტემური „ლოკდაუნი“ ქვეყნის მასშტაბით არ იქნება, იქნება წერტილოვანი, დროებითი კონკრეტული მიზნების მისაღწევად. თუმცა, ეს ყველაფერი დამოკიდებულია, თუ რამდენად ეფექტურად დავიცავთ ჩვენ კონკრეტულ წესებს, პირბადეებს, დისტანციას და ა.შ. ასე რომ, ესეც მეორე ტალღაზე ჩვენი საერთო გამარჯვება უნდა იყოს“, – განაცხადა გახარიამ.

პრემიერის თქმით, ის, რომ სექტემბერში უარყოფითი ეკონომიკური ზრდა ქვეყანაში მინიმუმამდე დავიდა, პირველი ტალღის დროს ერთობლივი მუშაობის შედეგია.

„ამ მოცემულობაზე დაყრდნობით, საერთაშორისო საფინანსო ორგანიზაციები, ჩვენი პარტნიორები, საერთაშორისო სავალუტო ფონდი, ერთმნიშვნელოვნად აფიქსირებენ, რომ საქართველო არის ქვეყანა, რომელსაც აქვს ყველაზე რეალური შანსი, ეკონომიკური აღდგენის ეტაპზე რეგიონში და ფართოდ რეგიონში იყოს ლიდერი. ჩვენ ყველაფერი უნდა გავაკეთოთ იმისთვის, რომ ეს წარმატება შევინარჩუნოთ“, – განაცხადა გახარიამ.

რამდენით დაეცემა ეკონომიკა წლის ბოლომდე?

EBRD–ის პროგნოზით, მშპ საქართველოში 2020 წელს 5%–ით დაეცემა, ხოლო 2021 წელს ეკონომიკა 3,5%–ით გაიზრდება.

საერთაშორისო სარეიტინგო სააგენტო Fitch Ratings საქართველოს ეკონომიკის შემცირებას 2020 წელს 4,8%–ით პროგნოზირებს, ხოლო 2021 წელს მშპ–ის ზრდა ქვეყანაში 4,5%–ის დონეზეა მოსალოდნელი.

საერთაშორისო სარეიტინგო სააგენტო სააგენტო S&P Global Ratings–ის ექსპერტები მიიჩნევენ, რომ საქართველოს ეკონომიკა 2020 წელს 6%–ით შემცირდება. ამასთან, რეალური მშპ 2019 წლის დონეს მხოლოდ 2022 წლისთვის დაუბრუნდება, მიიჩნევენ სააგენტოში.

საერთაშორისო სავალუტო ფონდი (სსფ) მიიჩნევს, რომ საქართველოს ეკონომიკა 2020 წელს 5%–ით შემცირდება, ხოლო 2021 წელს ფონდი ხუთპროცენტიან ეკონომიკურ ზრდას პროგნოზირებს.

მთავრობაში მიიჩნევენ, რომ სსფ–ის პროგნოზი საქართველოს მთავრობის მოსაზრებას ემთხვევა – 2021 წლის სახელმწიფო ბიუჯეტის პროექტი მომავალ წელს 5–პროცენტიან ეკონომიკურ ზრდაზეა გათვლილი.

საერთაშორისო სავალუტო ფონდის პროგნოზით, საქართველოს ეკონომიკა მომავალ ხუთ წელიწადში, საშუალოდ 5,5%–ით გაიზრდება წელიწადში, რაც ყველაზე მაღალი მაჩვენებელია როგორც რეფგიონში, ისე ევროპაში.

რა გახდება ეკონომიკის ზრდის მიზეზი 2021 წელს

ეკონომიკის ზრდის ძირითადი ფაქტორი 2021 წელს ადგილობრივი მოთხოვნა იქნება, აცხადებს საქართველოს ეროვნული ბანკი.

რა იქნება საქართველოს ეკონომიკის ზრდის მიზეზი 2021 წელს>>

„წინასწარი ინდიკატორებით, ერთობლივი მოთხოვნა კვლავ სუსტია. არსებული შეფასებით, ეკონომიკური აქტივობა აგვისტოში წლიურად 5.3 პროცენტით შემცირდა“, – ნათქვამია ეროვნული ბანკის განცხადებაში.

დოკუმენტში აღნიშნულია, რომ ამ მაჩვენებლის გაუმჯობესებას ძირითადად, წინა თვეებთან შედარებით, ადგილობრივი მოთხოვნის გაჯანსაღება განაპირობებს, რაც ფისკალურ სტიმულს და საკრედიტო აქტივობისა და გზავნილების მოსალოდნელზე კარგ დინამიკას უკავშირდება.

8
თემები:
საქართველოს ეკონომიკა
ვალუტის გაცვლის პუნქტი

ლარის კურსი 31 ოქტომბერს

21
(განახლებულია 18:23 30.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

თბილისი, 31 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2327 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0011 ლარით გამყარდა.

ლარის კურსი 31 ოქტომბერს
ლარის კურსი 31 ოქტომბერს
21
თემები:
ლარის კურსი დღეს
შსს–ს შენობა

შსს: ნებისმიერ სამართალდარღვევაზე მოვახდენთ ძალიან სწრაფ და მკაცრ რეაგირებას

0
მინისტრის მოადგილის განცხადებით, ამ დრომდე არჩევნები მშვიდ გარემოში მიმდინარეობს და რამე სერიოზულ დარღვევას ადგილი არ ჰქონია. 

თბილისი, 31 ოქტომბერი – Sputnik. შინაგან საქმეთა მინისტრის მოადგილე ნინო ცაციაშვილმა სპეციალური ბრიფინგი გამართა.

დღეს საქართველოში საპარლამენტო არჩევნები მიმდინარეობს. დაპირებისამებრ, შსს საზოგადოებას პერიოდულად მიაწვდის ინფორმაციას არჩევნების მიმდინარეობისას გამოვლენილი მართლწესრიგის შესაძლო დარღვევის და შესაბამისი რეაგირების შესახებ.

ცაციაშვილის ინფორმაციით, ამ დრომდე არჩევნები მშვიდ გარემოში მიმდინარეობს და რამე სერიოზულ დარღვევას ადგილი არ ჰქონია. 

„რეგიონებში შექმნილია პრევენციული ჯგუფები, რომლებიც უზრუნველყოფენ იმას, რომ ნებისმიერ ლოკაციაზე, სადაც იქნება ინცინდენტი თუ სამართალდარღვევა, მოახდინონ ძალიან დროული რეაგირება. ამ დროის მდგომაროებით იყო მცირე ინცინდენტები, მაგრამ რაიმე მნიშვნელოვანი დარღვევა არ დაფიქსირებულა“, – განაცხადა ცაციაშვილმა.

ცაციაშვილის ინფორმაციით, შსს არ დაუშვებს, რომ საარჩევნო პროცესი ძალადობრივი სცენარით განვითარდეს.

„ჩვენი მიზანია თითოეული მოქალაქისთვის შევქმნათ უსაფრთხო გარემო, რათა შეძლონ თავისუფალი არჩევანის გამოვლენა. ამიტომ, ნებისმიერ სამართალდარღვევაზე, რომელიც ამ მიზნით იქნება განხორციელებული, მოვახდენთ ძალიან სწრაფ და მკაცრ რეაგირებას“, განაცხადა მინისტრის მოადგილემ.

არჩევნები 2020: დაფიქსირდა პირველი დარღვევები>>

დღეს საქართველოში საპარლამენტო არჩევნებზე მოქალაქეები საკანონმდებლო ორგანოს 150 დეპუტატს აირჩევენ.

0
თემები:
საქართველოს საპარლამენტო არჩევნები 2020