თბილისი

ხელისუფლებამ აუცქიონზე 6 სახელმწიფო ობიექტი გაყიდა

133
(განახლებულია 13:31 06.12.2019)
ინფორმაცია საპრივატიზაციო ქონების შესახებ სახელმწიფო ქონების ეროვნული სააგენტოს ვებ-გვერდზეა განთავსებული, სადაც ნებისმიერ მსურველს შეუძლია გაეცნოს სხვადასხვა საინვესტიციო წინადადებას.

თბილისი, 6 დეკემბერი — Sputnik. სახელმწიფო პროექტის „100 საინვესტიციო წინადადება ბიზნესს“ ფარგლებში, რომელიც გასულ კვირაში დაიწყო, მთავრობამ უკვე გაყიდა 8 მლნ ლარზე მეტი თანხის უძრავი ქონება, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ.

ეკონომიკისა და მდგრადი განვითარების სამინისტროს პროექტი „100 საინვესტიციო წინადადება ბიზნესს“ ითვალისწინებს ერთდროულად 100 პარალელური აუქციონის ჩატარებას და გამარტივებული პროცედურებით სახელმწიფო ქონების პრივატიზაციას.

„აუქციონისადმი საკმაოდ მაღალი ინტერესია, ამას ამტკიცებს ციფრები, პირველი არასრული კვირის შედეგები. აუქციონის ვებ-გვერდს 15 ათასი ნახვა აქვს, გაყიდულია 6 ობიექტი, რომელთა სასტარტო ღირებულება 6,4 მლნ ლარი იყო. თუმცა, მაღალი კონკურენციისა და ვაჭრობის შედეგად უძრავი ქონება 8,09 მლნ ლარად გაიყიდა“, – განაცხადა თურნავამ. 

მისი სიტყვებით, აუქციონის გზით ობიექტების შესყიდვის მიზნით უკვე დარეგისტრირებულია 100-ზე მეტი პრეტენდენტი.

თურნავამ დასძინა, რომ მზადდება ახალი, საკმაოდ საინტერესო ობიექტების სია, რომლებიც უკვე გაყიდულ ობიექტებს ჩაანაცვლებენ.

აუქციონზე გასაყიდად გამოტანილი ქონების საერთო საწყისი ფასი 150 მლნ ლარია. პროექტის განხორციელების შედეგად უნდა შეიქმნას 2,5 ათასი ახალი სამუშაო ადგილი. ინვესტიციის მოსალოდნელი ბრუნვა დაახლოებით 200 მლნ ლარს შეადგენს.

ინფორმაცია საპრივატიზაციო ქონების შესახებ სახელმწიფო ქონების ეროვნული სააგენტოს ვებ-გვერდზეა განთავსებული, სადაც  ნებისმიერ მსურველს შესაძლებლობა აქვს გაეცნოს სხვადასხვა საინვესტიციო წინადადებას და მიიღოს მონაწილეობა ელექტრონულ აუქციონში.

სიაში შესულია თბილისსა და ქვეყნის სხვადასხვა რეგიონში არსებული უძრავი ქონება, რომელიც სახელმწიფოს კუთვნილებაა. მათ შორისაა სამრეწველო ობიექტები, სამედიცინო დაწესებულებები, სპორტული ინფრასტრქუტურა, სასტუმროები და ა.შ.

133
თემები:
საქართველოს ეკონომიკა (750)
ვაშლი

საქართველოდან ვაშლის ექსპორტი წელს თითქმის 5-ჯერ გაიზარდა

30
(განახლებულია 12:42 26.09.2020)
წელს საქართველოდან ვაშლის ექსპორტის უდიდესი ნაწილი - 94% - რუსეთის ფედერაციაშიაზე მოდის. უმნიშვნელო რაოდენობით ვაშლი გადის ყაზახეთში, სომხეთში და სხვა ქვეყნებში

თბილისი, 20 სექტემბერი - Sputnik. 24 სექტემბრის მონაცემებით, საქართველოდან 1054 ტონა ვაშლია ექსპორტირებული, ინფორმაციას გარემოს დაცვისა და სოფლის მეურნეობის სამინისტრო ავრცელებს.

სახელმწიფო პროგრამის „დანერგე მომავალი“ ფარგლებში გაშენებულ ბაღებში მოსავლის აღება მიმდინარეობს.

ვაშლის ექსპორტი წინა წლის ანალოგიურ პერიოდს 832 ტონით აღემატება. ხოლო, ექსპორტირებული ვაშლით მიღებული შემოსავალი 321 ათასი აშშ დოლარით აღემატება წინა წლის ანალოგიურ მაჩვენებელს.

ქართული ვაშლის ექსპორტის მაჩვენებელი ქვეყნების მიხედვით ასეთია: რუსეთის ფედერაცია (990.5 ტონა - რაც მთლიანი იმპორტის თითქმის 94%-ს შეადგენს), ყაზახეთის რესპუბლიკა (59.9 ტონა), სომხეთის რესპუბლიკა (3.6 ტონა), დანარჩენი ქვეყნები (0,10 ტონა).

ინტენსიური და ნახევრად ინტენსიური ვაშლის ბაღები, საქართველოს მასშტაბით, სახელმწიფო პროგრამის „დანერგე მომავალი“ ფარგლებში, 1 128 ჰექტარზე გაშენდა. სახელმწიფოს თანადაფინანსებამ კი, 9 მლნ ლარზე მეტი შეადგინა.

პროგრამას „დანერგე მომავალი“ სოფლის განვითარების სააგენტო 2015 წლიდან ახორციელებს. სოფლის განვითარების სააგენტოს პროგრამები გათვლილია გრძელვადიან განვითარებაზე და მათი მიზანია ისეთი გარემოს შექმნა, რომელიც ხელს შეუწყობს მაღალხარისხიანი პროდუქციის წარმოების სტაბილურ ზრდას და სურსათის უვნებლობის საერთაშორისო სტანდარტების დანერგვას.

30
თემები:
საქართველოს სოფლის მეურნეობა
თხილის წარმოება საქართველოში

საქართველოდან თხილის ექსპორტი კვლავ იზრდება

21
(განახლებულია 10:55 26.09.2020)
კორონავირუსის პანდემიით გამოწვეული სირთულეების მიუხედავად, მიმდინარეობს უცხოურ ბაზრებზე ქართული თხილის ორგანიზებული მიწოდება

თბილისი, 26 სექტემბერი — Sputnik. საქართველოდან ამ დროისთვის უკვე 4 436 ტონა თხილია ექსპორტირებული, რაც 74%-ით აღემატება წინა წლის ანალოგიური პერიოდის მაჩვენებელს, იუწყება საქართველოს გარემოს დაცვისა და სოფლის მეურნეობის სამინისტრო.

„კორონავირუსის პანდემიით შექმნილი ვითარების მიუხედავად, ექსპორტიორებთან და თხილის მწარმოებელთა ასოციაციებთან აქტიური მუშაობის შედეგად, საექსპორტო ბაზრებზე ხარისხიანი პროდუქციის მიწოდება ორგანიზებულად მიმდინარეობს“, - აცხადებენ სამინისტროში.

video : Sputnik / Anna Anastasiadi, Vladimir Umikashvili
“ოქროს მოსავალი“ - საქართველოში თხილის ტრიუმფალური კრეფა დაიწყო

უწყების ინფორმაციით, ქართული თხილის ექსპორტი ძირითადად ევროპის ქვეყნებში ხორციელდება.

კერძოდ, გერმანიაში (1392,9 ტონა), იტალიაში (808,8 ტონა), ჩეხეთში (280,3 ტონა), ესპანეთში (165 ტონა), პოლონეთში (192 ტონა), საფრანგეთში (125 ტონა), ლიეტუვაში (143.7 ტონა), საბერძნეთში (34,7 ტონა), ავსტრიაში (22 ტონა), ესტონეთში (22 ტონა) და ლატვიაში (21 ტონა).

ქართული თხილი ექსპორტზე გადის ასევე შემდეგ ქვეყნებში: სომხეთი (255,8 ტონა), რუსეთი (268.0 ტონა), უკრაინა (83,7 ტონა), ბელარუსი (102.5 ტონა), ბრაზილია (74,0 ტონა), მექსიკა (53,0 ტონა) და დიდი ბრიტანეთი (22 ტონა).

უწყების ინფორმაციით, წელს თხილის დაბინავების პროცესში ჩართულია 30-ზე მეტი საწარმო.

21
თემები:
საქართველოს სოფლის მეურნეობა
Ан-26-ის ავიაკატასტროფა ხარკოვთან

ავიაკატასტროფა უკრაინაში: გარდაცვლილების რიცხვი გაიზარდა

0
(განახლებულია 17:43 26.09.2020)
Ан-26-ის მარკის თვითმფრინავი 43 წლის იყო, თუმცა 2020 წელს ის რემონტზე გადაიყვანეს. გამომძიებლებმა სისხლის სამართლის საქმე ფრენების და მათი მომზადების წესების დარღვევის მუხლით აღძრეს

თბილისი, 26 სექტემბერი — Sputnik. ხარკოვის ოლქში Ан-26-ის მარკის თვითმფრინავის ჩამოვარდნის შედეგად გარდაცვლილთა რიცხვი გაიზარდა - საავადმყოფოში ერთ-ერთი გადარჩენილი გარდაიცვალა, ნათქვამია უკრაინის საგანგებო სიტუაციების სახელმწიფო სამსახურის განცხადებაში.

უწყების მონაცემებით, სულ გარდაიცვალა 26 ადამიანი, ერთი კი საავადმყოფოში მძიმე მდგომარეობაში რჩება.

„ხარკოვის ოლქში ავიაკატასტროფის ადგილას ნაპოვნია 25 გარდაცვლილის ცხედარი. ერთი ადამიანი საავადმყოფოში გარდაიცვალა და ერთი ადამიანი ტრავმირებულია და საავადმყოფოში რჩება“, - ნათქვამია უწყების Telegram-არხზე.

Ан-26 გუშინ საღამოს ქალაქ ჩუგუევთან ახლოს ჩამოვარდა. ეს იყო სასწავლო ფრენა: მის ბორტზე იმყოფებოდა 27 ადამიანი - ეკიპაჟის 7 წევრი და 20 კურსანტი. ერთი კურსანტი ფრენაზე არ დაუშვეს.

Ан-26-ის მარკის თვითმფრინავი 43 წლის იყო, თუმცა 2020 წელს ის რემონტზე გადაიყვანეს.

გამომძიებლებმა სისხლის სამართლის საქმე ფრენების და მათი მომზადების წესების დარღვევის მუხლით აღძრეს. განიხილება კატასტროფის ოთხი ვერსია: ტექნიკური გაუმართაობა, ეკიპაჟის შეცდომა, ფრენებზე პასუხისმგებელ პირთა მიერ მოვალეობების არასათანადო შესრულება, თვითმფრინავის ტექმომსახურებასთან დაკავშირებული პრობლემები.

0
თემები:
მსოფლიო დღეს