Ветряная электростанция

რას მოუტანს საქართველოს ენერგეტიკას პირველი ბირჟა

211
(განახლებულია 15:11 05.12.2019)
საქართველოს ეკონომიკისა და მდგრადი განვითარების სამინისტროს ცნობით, პირველად საქართველოში ენერგეტიკული ბირჟა დაფუძნდა.

„საერთაშორისო პროგნოზებისა და კვლევების ცენტრის“ ვიცე-პრეზიდენტი ნიკა შენგელია ამბობს, რომ ასეთი ბირჟები სხვა ქვეყნებშიც არსებობს, საქართველოს შემთხვევაში კი მთავარია – რა კუთხით გამოიჩენს ახლად დაფუძნებული ენერგეტიკული ბირჟა აქტივობას, რადგან საუბარია იმპორტშემცველი პროდუქციით ვაჭრობაზე. ჩვენთან ენერგეტიკა ის დარგია, სადაც დღეს ელექტროენერგიის დაახლოებით 30 პროცენტი სხვა ქვეყნებიდან შემოდის.  

„სავარაუდოდ, ბირჟა ინვესტორებს შესთავაზებს მცირე ჰესების პროექტებს, და თუ დამატებით კიდევ ჩაიდება უცხოური ინვესტიციები ამ სექტორში, შესაძლოა რამდენიმე წელიწადში ელექტროენერგიის ექსპორტიორებიც გავხდეთ“, – აღნიშნა ნიკა შენგელიამ „Sputnik–საქართველოსთან“ საუბრისას.

ნიკა შენგელიას თქმით, ბირჟა – არის ადგილი, სადაც მომხმარებელი და მწარმოებელი ერთმანეთს ხვდებიან, ამიტომ აქ ვაჭრობისთვის ელექტროენერგიის ფასების ფორმირების გამჭირველობაა აუცილებელი.

„მნიშვნელოვანია, რომ გამჭვირვალე და საჯარო იყოს ინფორმაცია – ვინ შევიდა ბირჟაზე, რა ფასით, ვინ შეიძინა პროდუქტი და რა მოცულობით. ასევე საჭიროა გამოირიცხოს სპეკულაციური მომენტები და ნეპოტიზმი, მიუხედავად იმისა, რომ ბირჟაზე ყველა ოპერაცია ელექტრონულად განხორციელდება“, – მიაჩნია ნიკა შენგელიას.

მისივე თქმით, არაა გამორიცხული, რომ ამ სავაჭრო პლატფორმაზე წარმოდგენილი იქნება როგორც ქართველი მწარმოებლები, ასევე უცხოელებიც. სრულიად შესაძლებელია იყოს შემოთავაზება როგორც რუსეთიდან, ასევე აზერბაიჯანიდან, თურქეთიდან და  სომხეთიდან.

ეკონომისტის აზრით, ამ დარგში ინვესტიციების განხორციელება საპენსიო ფონდის მხრიდანაც არ იქნება ურიგო.

„საპენსიო ფონდში არის აკუმულირებული ნახევარ მილიარდ ლარამდე და თუ ისინი ჩადებენ ამ თანხებს ენერგეტიკის სფეროში, გამოვა, რომ ჩვენივე მოქალაქეების მიერ იქნება ინვესტირებული, რაც კარგი იქნება თავად ქვეყნისათვისაც და, მით უმეტეს, საპენსიო ფონდისთვისაც. ფონდი მიიღებს გარკვეულ მოგებას, რაც მომავალში პენსიების სახით დაუბრუნდება მოქალაქეებს“, – განაცხადა ნიკა შენგელიამ.

ეკონომისტი დარწმუნებულია, რომ რაც მეტი ინვესტიცია ჩაიდება ამ დარგში, მით უფრო მეტი ვალუტა შემოვა და გაიზრდება დასაქმებულთა რაოდენობაც.

„ენერგეტიკისა და გარემოს ეროვნული ასოციაციის“ მონაცემებით, ამ ეტაპზე საქართველოში ფუნქციონირებს 95 ელექტროსადგური (ჰიდროელექტროსადგური, თბოელექტროსადგური და ქარის ელექტროსადგური), რომელთა ჯამური სიმძლავრე არის 4230 მგვტ. ამ 95 ელექტროსადგურიდან 5 არის თბოსადგური, 1 ქარის ელექტროსადგური და 89 ჰიდროელექტროსადგური.

საქართველოს ეკონომიკისა და მდგრადი განვითარების სამინისტროს ინფორმაციით, ენერგეტიკული ბირჟის ძირითად საქმიანობას ორმხრივი ხელშეკრულებების გაფორმება, ერთი დღით ადრე და შემდგომში დღიური ორგანიზებული ბაზრების ფორმირებისა და ბაზრის ოპერატორად ჩამოყალიბებისთვის საჭირო ღონისძიებების მომზადება, ორგანიზება და კოორდინაცია წარმოადგენს. 

უწყების ცნობით, ენერგეტიკული ბირჟა წარმოადგენს ნეიტრალურ, ობიექტურ და გამჭვირვალე ორგანიზაციას, რომელიც სათანადო ლიცენზიების მოპოვებისთანავე უზრუნველყოფს ელექტროენერგიის შესაბამისი ორგანიზებული ბაზრების ოპერატორის ფუნქციების განხორციელებას. ერთი დღით ადრე და შემდგომში დღიური ბაზრების დანერგვასა და ოპერირებას ბირჟა უზრუნველყოფს საკონსულტაციო კომპანია Nord Pool Consulting-ის პროგრამული მომსახურების მეშვეობით.

„საქართველოს ენერგეტიკული ბირჟა“ საქართველოს ეკონომიკისა და მდგრადი განვითარების სამინისტროს დავალებითა და კოორდინაციით, „საქართველოს სახელმწიფო ელექტროსისტემისა“ და „ელექტროენერგეტიკული სისტემის კომერციული ოპერატორის“ 50/50%-იანი წილობრივი მონაწილეობით დაფუძნდა. 

ელექტროენერგიის ბაზარი 2021 წლიდან ამოქმედდება და ერთი დღით ადრე საათობრივი ბაზრისა და საბალანსო მექანიზმის დანერგვას ითვალისწინებს.

ნატა პატარაია

211
ფოთის პორტი

ფოთის პორტი გაფართოვდება: ინვესტორებმა შეთანხმება უკვე გააფორმეს

26
(განახლებულია 11:26 24.10.2020)
APM Terminals Poti მოახდენს ინვესტირებას 400 მეტრის სიგრძის ნავმისადგომის მშენებლობაში და 13.5 მეტრამდე ფსკერის დაღრმავებაში, ხოლო კორპორაცია განახორციელებს ინვესტიციას მშრალი და ნაყარი ტვირთებისთვის განკუთვნილ ახალ ინფრასტრუქტურაში

თბილისი, 24 ოქტომბერი – Sputnik. კომპანიამ APM Terminals Poti და „ფოთის ახალი ტერმინალების კორპორაციამ“ (PNTC) ხელი მოაწერეს შეთანხმებას ფოთის საზღვაო ნავსადგურის ჩრდილოეთით მშრალი და ნაყარი ტვირთების ახალი ტერმინალის ერთობლივად განვითარებაზე, ნათქვამია კომპანიის განცხადებაში.

აღნიშნული დოკუმენტის თანახმად, APM Terminals Poti მოახდენს ინვესტირებას 400 მეტრის სიგრძის ნავმისადგომის მშენებლობაში და 13.5 მეტრამდე ფსკერდაღრმავებითი სამუშაოებში, ხოლო კორპორაცია განახორციელებს ინვესტიციას მშრალი და ნაყარი ტვირთებისთვის განკუთვნილ ახალ ინფრასტრუქტურაში, რომელიც მოიცავს მასშტაბური საოპერაციო ზონის მოწყობას და სარკინიგზო ხაზთან კავშირის უზრუნველყოფას ფოთში.

ინვესტიციების განხორციელება შესაბამისი სამშენებლო ნებართვების მიღებაზეა დამოკიდებული.

ფოთის პორტის გაფართოება

ფოთის პორტის მფლობელმა კომპანია APM Terminals Poti-მ მიწათსარგებლობის ნებართვა მიიღო, რაც ღრმაწყლოვანი ნავსადგურის მშენებლობის ნებართვის მოპოვების სამსაფეხურიანი პროცედურის საწყის ეტაპს წარმოადგენს.

კომპანიას ფოთის ნავსადგურის გაფართოება სურს, რათა საქართველოს გააჩნდეს თანამედროვე ლოგისტიკური კარიბჭე, რომელიც Panamax-ის ტიპის გემებს მოემსახურება.

APM Terminals Poti პროექტის განხორციელებას 24-30 თვეში გეგმავს. ის ორი ფაზისგან შედგება.

პირველი ფაზა 1,7 ათასი მეტრი სიგრძის მოლის მშენებლობასა და ასევე 400 მ სიგრძისა და 13,5 მ სიღრმის მრავალფუნქციური ნავმისადგომის მოწყობას ითვალისწინებს. ეს პორტს 9 ათას TEU–მდე წყალტევადობის ხომალდების მიღების  და დამატებით 150 ათას TEU-მდე მოცულობის ტვირთების გადამუშავების საშუალებას მისცემს.

მეორე ფაზა 300 მეტრიანი საკონტეინერო ნავმისადგომის მშენებლობას მოიაზრებს, სადაც სამი ამწე იქნება განთავსებული და რაც წლიურ ტვირგამტარობას 1 მლნ TEU–მდე გაზრდის.

ფოთის პორტი ღრმაწყლოვანი ანაკლიის აშენებამდე გახდება >>

კომპანია მშრალი ტვირთების ოპერირებას გეგმავს. ეს იქნება რკინის ჯართი მთელი რეგიონიდან, სასუქი, ასევე მარცვლეული აზერბაიჯანიდან, თურქმენეთიდან და ყაზახეთიდან.

26
თემები:
საქართველოს ეკონომიკა
ვალუტის გაცვლის პუნქტი

ლარის კურსი 24 ოქტომბერს

36
(განახლებულია 09:12 24.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

თბილისი, 24 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2202 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

ლარის კურსი 24 ოქტომბერს
ლარის კურსი 24 ოქტომბერს
36
თემები:
ლარის კურსი დღეს
რაგბი. საქართველო-შოტლანდია

საქართველოს მორაგბეთა ნაკრებმა შოტლანდიასთან ტესტ-მატჩი წააგო

0
შოტლანდიასთან ეს წაგება საქართველოსთვის ყველაზე სერიოზული გახდა, აქამდე გუნდებს ოთხი მატჩი ჰქონდათ გამართული და ოთხივეჯერ შოტლანდიელებმა მოიგეს

თბილისი, 24 ოქტომბერი – Sputnik. საქართველოს მორაგბეთა ეროვნულმა ნაკრებმა შოტლანდიის გუნდთან ტესტ-მატჩში ედინბურგში ანგარიშით 7:48 წააგო.

მასპინძლებმა რვა წარმატებული ლელო დადეს და ოთხი გარდასახვა შეასრულეს. ქართველი მორაგბეების ანგარიშზეა მხოლოდ ერთი ლელო, რომლის ავტორი აკაკი ტაბუცაძე გახდა. გარდასახვა თედო აბჟანდაძის ანგარიშზეა.

შოტლანდიელებმა შეხვედრა ძალიან აქტიურად დაიწყეს და პირველივე შეტევა ლელოთი დაასრულეს. პირველი ტაიმის შუა პერიოდამდე ქართველები თავს კარგად იცავდნენ, მაგრამ როგორც კი შოტლანდიელები ტემპს მოუმატებდნენ, საქართველოს ნაკრები ფრაგმენტებად იშლებოდა. შედეგად თამაშის პირველი ნახევარი ანგარიშით 17:0 დასრულდა.

შესვენების შემდეგ შოტლანდიელებმა დაცვაში შეცდომა დაუშვეს და ლევან მაისაშვილის შეგირდებმა ანგარიშის გახსნა შეძლეს. ბურთი მეტოქის ჩათვლის ზონაში ტაბუცაძემ გაიტანა, გარდასახვაში ზუსტი აბჟანდაძე გამოდგა. სამწუხაროდ, ეს „ბორჯღალოსნების“ შესრულებით ერთადერთი წარმატებული მომენტი იყო.

 

Тест-матч между сборными Грузии и Шотландии по регби
რაგბი. საქართველო-შოტლანდია

ამ შეცდომის შემდეგ შოტლანდიელები სრულად დაეუფლნენ ინიციატივას და დარჩენილ დროში კიდევ ხუთი ლელო დადეს და სამი გარდასახვა განახორციელეს. ცხადი იყო, რომ გუნდები მზადყოფნის სხვადასხვა ფუნქციურ დონეზე არიან.

შოტლანდიასთან ეს მარცხი საქართველოსთვის ყველაზე სერიოზული აღმოჩნდა. ამ მატჩამდე გუნდებს ოთხი შეხვედრა აქვთ გამართული და ოთხივეჯერ გამარჯვება შოტლანდიელებს ერგოთ - 15:6, 43:16, 44:10, 36:9.

0
თემები:
სპორტის ამბები