პორტის მშენებლობა ანაკლიაში

დრო იწურება: გამოინახება თუ არა თანხა ანაკლიის პორტის ასაშენებლად

109
საქართველოში „საუკუნის პროექტის“ – ანაკლიის ღრმაწყლოვანი პორტის ირგვლივ ვითარება იძაბება: ხელისუფლება აცხადებს, რომ თანხის მოსაძიებლად დრო იწურება

თბილისი, 4 დეკემბერი – Sputnik. საქართველოს ხელისუფლება „ანაკლიის განვითარების კონსორციუმს“ ფინანსური გარიგების დახურვის ვადას არ გაუხანგრძლივებს. ამის შესახებ ოთხშაბათს ვიცეპრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

კონსორციუმმა 2019 წლის ბოლომდე უნდა წარადგინოს შეთანხმება 120 მილიონი დოლარის ოდენობით კაპიტალის შევსების ვალდებულების შესახებ, ასევე დოკუმენტის პროექტი კრედიტორებისგან დაფინანსების მიღების შესახებ. ფინანსური გარიგება ითვალისწინებს 400 მილიონი დოლარის მიღებას საერთაშორისო ფინანსური ინსტიტუტებისგან – EBRD, EIB, OPIC და NDB, მაგრამ ისინი გარკვეული პირობების შესრულებას ითხოვენ, რომლებსაც სახელმწიფო არ ეთანხმება. ფინანსური გარიგების დახურვა უკვე ექვსჯერ გადაიდო.

„რაც შეეხება ხელშეკრულების შესაძლო შეწყვეტას, ამ თემასთან დაკავშირებით არაერთხელ გავაკეთე კომენტარი, ფაქტობრივად, უკვე ორი წლით მოხდა გადავადება ამ პროცესის და ამ პროცესის უსასრულოდ გადავადება შესაძლებელი არ არის“ ,- განაცხადა მაია ცქიტიშვილმა,

დრო ცოტაა – იმედი არ არის

ცქიტიშვილმა არ გამორიცხა, რომ კონსორციუმი ვერ ჩაეტევა დროში და ინვესტორთან კონტრაქტი ჩაიშლება.

„როგორც ჯერჯერობით ვხედავთ, სამწუხაროდ, იმ ინფორმაციაზე დაყრდნობით, რაც გვაქვს, ამ ვადების შესრულება კონსორციუმის მიერ ალბათ ვერ მოხერხდება. შესაბამისად, 31 დეკემბერს ჩვენ გვექნება საშუალება, უკვე ფაქტობრივი ინფორმაციის საფუძველზე ვიმსჯელოთ შემდგომ გადაწყვეტილებებთან დაკავშირებით“, – აღნიშნა ცქიტიშვილმა.

როგორც ამას წინათ კონსორციუმის ხელმძღვანელმა ლევან ახვლედიანმა განაცხადა, კონსორციუმისთვის აბსოლუტურად არაადეკვატურია ვადა წლის ბოლომდე და ზოგადად ვადებზე საუბარი არაკონსტრუქციულია.

ახვლედიანმა კონსორციუმის მოთხოვნები დაასახელა. პირველი – არის სახელმწიფოს მხრიდან პორტის ინვესტორების მხარდაჭერა, მეორე – ტვირთების გარანტიების უზრუნველყოფა და მესამე – ამერიკული კომპანია SSA Marine–ის მოთხოვნა იმისა, რომ ხელისუფლება არ მიიღებს მონაწილეობას საქართველოში სხვა ღრმაწყლოვანი პორტის მშენებლობის პროექტში.

ამასთან, კონსორციუმის ხელმძღვანელმა აღნიშნა, რომ თუ მთავრობა გარიგებას ჩაშლის, კონსორციუმი საერთაშორისო საარბიტრაჟო სასამართლოს მიმართავს.

არ არის პორტი – არ არის გზა

ცქიტიშვილმა აღნიშნა, რომ საქართველო შეაჩერებს მონაწილეობას ანაკლიის პორტის მშენებლობაში, თუ კონსორციუმი ვადებში ვერ ჩაეტევა.

„რაც შეეხება გზას და რკინიგზას, პროექტირება მიმდინარეობს. საპროექტო ორგანიზაციამ საპროექტო დოკუმენტაცია წარმოადგინა, რომელზეც ჩვენ საკმაოდ ბევრი შენიშვნა გვქონდა. ამ შენიშვნების გადამუშავება მოხდა და ჩვენ დასრულებული პროექტის წარმოდგენას ველოდებით. თუ ეს უშუალოდ ამ ვადაში მოხერხდება, ჩვენ შემდგომში იმაზე ვიფიქრებთ, რომ ტენდერიც გამოვაცხადოთ. ეს ყველაფერი უნდა იყოს დაკავშირებული მათ შორის ანაკლიის პორტის მშენებლობის ნაწილში პროგრესთან, რადგან არავითარი აზრი არ აქვს, გქონდეს გზა მაშინ, როდესაც არ გაქვს ფუნქციონირებადი პორტი“, – აღნიშნა ცქიტიშვილმა.

სახელმწიფომ თავის თავზე აიღო ანაკლიის პორტთან მისასვლელი საავტომობილო გზისა და რკინიგზის აშენების ვალდებულება და უკვე შეისყიდა მიწები ადგილობრივი მოსახლეობისგან.

სტრატეგიული მნიშვნელობის პროექტი

ანაკლიაში ღრმაწყლოვანი პორტის აგების გადაწყვეტილება საქართველოს ხელისუფლებამ ქვეყნის სატრანზიტო პოტენციალის გაზრდისა და აღმოსავლეთისა და დასავლეთის დამაკავშირებელ პროექტთან – „ახალ აბრეშუმის გზასთან“ მიერთების მიზნით მიიღო.

„ანაკლიის პორტის განვითარების კონსორციუმი“ დააფუძნეს „თი ბი სი ჰოლდინგმა“ და კომპანიამ Conti International LLC, რომლებმაც ჩამოაყალიბეს კომპანია Anaklia Holding JSC. მოგვიანებით მათ შეუერთდნენ ამერიკული კომაპანია SSA Marine, British Wondernet Expres (ცენტრალური აზია) და G-Star Ltd. (ბულგარეთი). თუმცა Conti International LLC–მ აგვისტოში განაცხადა, რომ კონსორციუმიდან გასვლას აპირებდა და კონსორციუმი მთავარი ინვესტორის გარეშე დარჩა.

ახალი პორტის მშენებლობა 2017 წლის დეკემბერში დაიწყო, 2018 წლის ივლისში კი დაიწყო მუშაობა ფსკერის 16 მეტრამდე ჩასაღრმავებლად. თუმცა მუშაობა ამაზე შეჩერდა.

მშენებლობის პირველი ფაზა ითვალისწინებს პორტის აშენებას სატვირთო ხომალდებისთვის, ტერმინალს კონტეინერებისთვის, ტალღის მჭრელსა და ადგილს ინტერმოდალური სარკინიგზო გადაზიდვებისთვის. ის 2020 წლის ბოლოსთვის უნდა დასრულებულიყო.

პორტის განვითარება იგეგმება ცხრა ფაზად. ცხრავე ფაზის სარეალიზაციოდ საჭიროა 50 წელზე მეტი. შედეგად პორტი, კონსორციუმის პროგნოზით, ყოველწლიურად 100 მილიონი ტონა ტვირთის მიღებას შეძლებს.

პროექტის საერთო ღირებულება 2,5 მილიარდი დოლარია.

109
თემები:
საქართველოს ეკონომიკა (696)
პირველი არხის შენობა

აუქციონი არ შედგა: პირველი არხის შენობის გაყიდვა არჩევნების დასრულებამდე გადაიფიქრეს

67
საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა – პროექტის საორიენტაციო ღირებულევა 46,8 მლნ ლარია

თბილისი, 15 აგვისტო  — Sputnik. აუქციონის მესამედ ჩავარდნის შემდეგ საზოგადოებრივმა მაუწყებელმა შენობის საპარლამენტო არჩევნებამდე გაყიდვა გადადო, ნათქვამია პირველი არხის განცხადებაში.

კოსტავას ქუჩაზე მდებარე საზოგადოებრივი მაუწყებლის ახლანდელი შენობა ავარიულ მდგომარეობაშია. სამეურვეო საბჭომ ჯერ კიდევ 2017 წელს მიმართა ეკონომიკის სამინისტროს, რომელმაც მშენებლობისთვის მიწის ნაკვეთის გამოყოფისა და შენობის გაყიდვის გადაწყვეტილება მიიღო.  

თავიდან შენობის 40 მლნ დოლარად გაყიდვა იგეგმებოდა, თუმცა, 16 ივნისს გამართულ აუქციონზე შენობის შეძენის მსურველი არ გამოჩნდა.

ამის შემდეგ შენობა აუქციონზე კიდევ ორჯერ გაიტანეს – 36 და 32,4 მლნ დოლარად, თუმცა, მცდელობა კვლავ წარუმატებელი აღმოჩნდა.

საზოგადოებრივ მაუწყებელში აუქციონის ჩავარდნა კორონავირუსის პანდემიის გამო შექმნილი ეკონომიკური კრიზისით ახსნეს და  საპარლამენტო არჩევნების დამთავრებამდე შენობის გაყიდვა გადაავადეს.

საქართველოში არჩევნები 31 ოქტომბერს არის დაგეგმილი, რომლის შედეგებიც სამ–ოთხ კვირაი იქნება ცნობილი.

ამასთან, საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა. სამშენებლო ნებართვა თბილისის მერიის არქიტექტურულმა სამსახურმა უკვე გასცა. საზოგადოებრივი მაუწყებლის ახალი შენობა ვაკე-საბურთალოს რაიონში, პოლიტკოვსკაიას ქუჩაზე აშენდება, პროექტის სავარაუდო ღირებულება 46,8 მილიონ ლარს შეადგენს. მშენებლობისთვის გამოყოფილია ორი ჰექტარი ფართობის მიწის ნაკვეთი.

67
თემები:
საქართველოს ეკონომიკა (696)
ვალუტის გადამცვლელი პუნქტი

ლარის კურსი 15 აგვისტოს

96
(განახლებულია 09:10 15.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა.

თბილისი, 15 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0738 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა. 

ლარის კურსი 15 აგვისტოს
96
თემები:
ლარის კურსი დღეს
ვლადიმირ პუტინი

არა დესტრუქციულ ძალებს: რაზე ისაუბრეს პუტინმა და ლუკაშენკომ

0
(განახლებულია 19:32 15.08.2020)
ბელარუსის ლიდერმა აღუწერა პუტინს რეალური ვითარება, რომელიც რესპუბლიკაში არჩევნების შემდეგ შეიქმნა. პრეზიდენტებმა ერთხმად გამოთქვეს რწმენა იმისა, რომ შექმნილი პრობლემები მალე მოგვარდება

თბილისი, 15 აგვისტო – Sputnik. დაუშვებელია, რომ მძიმე სიტუაციით ბელარუსში ისარგებლონ „დესტრუქციულმა ძალებმა“ - ამ დასკვნამდე მივიდნენ სატელეფონო საუბრის დროს რუსეთის და ბელარუსის პრეზიდენტები ვლადიმირ პუტინი და ალექსანდრ ლუკაშენკო.

საუბრის დეტალები, რომელიც მინსკის ინიციატივით შედგა, კრემლის პრესსამსახურმა გაასაჯაროვა.

ბელარუსის ლიდერმა ასევე აღუწერა პუტინს ვითარება ქვეყანაში, რომელიც არჩევნების შემდეგ შეიქმნა. საუბრის ბოლოს პრეზიდენტებმა ერთხმად გამოთქვეს რწმენა იმისა, რომ შექმნილი პრობლემები მალე მოგვარდება

„მთავარია, რომ ამ პრობლემებით არ ისარგებლონ დესტრუქციულმა ძალებმა, რომლებიც მიისწრაფვიან იმისკენ, რომ საკავშირო სახელმწიფოს ფარგლებში ორი ქვეყნის ურთიერთმომგებიანი თანამშრომლობა დააზიანონ“, - ნათქვამია განცხადებაში.

აღინიშნა, რომ პუტინმა და ლუკაშენკომ პოზიტიურად შეაფასეს ასევე ორი ქვეყნის „მჭიდრო თანამშრომლობა“ რუსეთში 32 მოქალაქის დაბრუნების კუთხით. მოქალაქეები ბელარუსში ივლისის ბოლოს დააკავეს.

სახელმწიფოს მეთაურებმა დაადასტურეს „სამოკავშირეო ურთიერთობების განმტკიცებისკენ მიმართული განწყობა, რაც სრულად პასუხობს რუსეთის და ბელარუსის მოძმე ერების ძირეულ ინტერესებს“, დაასკვნეს კრემლში.

აქციები საპრეზიდენტო არჩევნების შემდეგ

საპრეზიდენტო არჩევნები ბელორუსში 9 აგვისტოს გაიმართა. ცენტრალური საარჩევნო კომისიის წინასწარი მონაცემებით, ამომრჩეველთა 80.1%-მა ხმა მისცა ალექსანდრ ლუკაშენკოს, 10.12%-მა კი სვეტლანა ტიხანოვსკაიას.

ოპოზიციამ ეს შედეგები არ აღიარა, ხოლო თავად ტიხანოვსკაია ლიეტუვაში გაემგზავრა. საარჩევნო უბნების დახურვის შემდეგ რესპუბლიკაში მასშტაბური არასანქცირებული საპროტესტო აქციები დაიწყო. ძალოვანები სასტიკად შლიან ამ აქციებს, რა დროსაც იყენებენ ცრემლსადენ გაზს, წყლის ჭავლს, რეზინის ტყვიებს.

ოფიციალური მონაცემებით, დაკავებულია დაახლოებით 7 ათასი ადამიანი.

ბელარუსის შსს-ს მონაცემებით, არეულობების შედეგად დაშავდა ასობით ადამიანი, მათ შორის ძალოვანი უწყებების ასზე მეტი თანამშრომელი.

არის მსხვერპლიც: ერთ-ერთი მომიტინგე მაშინ დაიღუპა, როდესაც მილიციის თანამშრომლების მისამართით თვითნაკეთ ასაფეთქებელ მოწყობილობას ესროდა.

0
თემები:
მსოფლიო დღეს