სოციალური კეთილდღეობის მიმართულებით რეფორმების მხარდასაჭერად საქართველო საფრანგეთისგან 35 მლნ ევროს მიიღებს

საქართველო საფრანგეთისგან რეფორმების მხარდასაჭერად 35 მილიონ ევროს მიიღებს

41
(განახლებულია 18:32 29.11.2019)
საფრანგეთის განვითარების სააგენტო საქართველოსთან სოციალურ სფეროში სამწლიანი პროგრამის ფარგლებში თანამშრომლობს.

თბილისი, 29 ნოემბერი — Sputnik. სოციალური კეთილდღეობის მიმართულებით რეფორმების მხარდასაჭერად საქართველო საფრანგეთისგან 35 მლნ ევროს მიიღებს, იუწყება საქართველოს ფინანსთა სამინისტრო.

შესაბამის შეთანხმებას საქართველოსა და საფრანგეთის განვითარების სააგენტოს (AFD) შორის დღეს ფინანსთა მინისტრმა ივანე მაჭავარიანმა, საქართველოში საფრანგეთის ელჩმა დიეგო კოლასმა და საფრანგეთის განვითარების სააგენტოს სამხრეთ კავკასიის რეგიონული ოფისის ხელმძღვანელმა გაელე ასაიაგმა მოაწერეს ხელი.

საფრანგეთის განვითარების სააგენტო საქართველოსთან სოციალურ სფეროში სამწლიანი (2018-2020) პროგრამის ფარგლებში თანამშრომლობს, რომელიც მოიცავს რამდენიმე მიმართულებას: სოციალური მხარდაჭერისა და სოლიდარობის სისტემის განვითარება, მათ შორის, შეზღუდული შესაძლებლობის მქონე პირთათვის ადეკვატური მომსახურების გაწევა, ხელმისაწვდომი და ხარისხიანი ჯანდაცვის სისტემის უზრუნველყოფა, იძულებით გადაადგილებულ პირთათვის გამოყოფილი რესურსების ოპტიმიზაცია, რომელიც გულისხმობს ავარიული შენობის დახურვას, საჭიროების მქონე ოჯახის შესაბამის საცხოვრებელში განთავსებას და სხვა მნიშვნელოვანი ღონისძიებების განხორციელებას.

41
თემები:
საქართველოს ეკონომიკა (688)
აღმოსავლეთ და დასავლეთ საქართელოს დამაკავშირებელი ცენტრალური ტრასა

როდის გაიხსნება ხაშურის შემოვლითი გზა

64
(განახლებულია 20:08 12.08.2020)
გზის მშენებლობა 31 ივლისს უნდა დასრულებულიყო, თუმცა კორონავირუსის პანდემიის გამო კონტრაქტორს დასრულების ვადად მიმდინარე წლის ოქტომბერი განესაზღვრა.

თბილისი, 12 აგვისტო — Sputnik. ხაშურის შემოვლითი გზის მშენებლობა დასრულების ეტაპზეა, ნათქვამია საქართველოს რეგიონული განვითარებისა და ინფრასტრუქტურის სამინისტროს მიერ გავრცელებულ განცხადებაში.

აგვისტოს მეორე ნახევარში ხაშურს ოთხზოლიანი ასფალტ-ბეტონის მაგისტრალური შემოვლითი გზა ექნება.

„ხაშურის შემოვლითი გზის მშენებლობა, ხელშეკრულების შესაბამისად, 31 ივლისს უნდა დასრულებულიყო, თუმცა კორონავირუსის პანდემიის გამო შექმნილი გარემოების გათვალისწინებით კონტრაქტორს დასრულების ვადად მიმდინარე წლის ოქტომბერი განესაზღვრა“, – ნათქვამია განცხადებაში.

აღმოსავლეთიდან დასავლეთისკენ მიმავალი ავტოტრანსპორტის კომფორტული და უსაფრთხო გადაადგილებისთვის ხაშურის შემოვლითი გზის მნიშვნელობის გათვალისწინებით, აგვისტოს ბოლოს ამ გზის 13 კმ-იანი მონაკვეთიდან 11.5 კმ-ზე გაიხსნება ოთხზოლიანი გზა, ხოლო დარჩენილი 1.5 კმ დროებით იქნება ორზოლიანი. დარჩენილ 1.5 კმ გზაზე დამატებითი ორ ზოლის მშენებლობა ოქტომბერში დასრულდება და ხაშურის შემოვლითი გზის 13-ვე კილომეტრი ოთხზოლიანი იქნება.

ხაშურის შემოვლითი გზა აგარა-ზემო ოსიაურის ბოლო მონაკვეთზე იწყება და სურამში მოწყობილ ახალ კვანძთან შეუერთდება არსებულ გზას. ამ მონაკვეთზე აშენდა 420-მეტრიანი ხიდი, რომელსაც საქართველოში ყველაზე მაღალი ბურჯები აქვს.

ხაშურის შემოვლითი გზა ზემო ოსიაური–ჩუმათელეთის გზის ნაწილია და ორივე მონაკვეთის დასრულების შემდეგ გზა რიკოთის საუღელტეხილო გვირაბამდე მივა. ამ გზით გვერდს ავუვლით ხაშურს, სურამს და ჩუმათელეთს. პროექტის ფარგლებში საერთო ჯამში აშენდება ოთხზოლიანი ასფალტ-ბეტონის გზა, 21 ხიდი, 5 გვირაბი, რკინა-ბეტონის მიწისქვეშა გასასვლელები, წყალგამტარი მილები და სადრენაჟე სისტემები. 

რაც შეეხება ზემო ოსიაური–ჩუმათელეთის გზის მეორე მონაკვეთის – 6.4 კმ-იანი გზის მშენებლობას, ამჟამად მიმდინარეობს სატენდერო წინადადებების შერჩევა-შეფასების პროცესი.

ზემო ოსიაური–ჩუმათელეთის მონაკვეთი ქვეყნის მთავარი სატრანზიტო ავტომაგისტრალის შემადგენელი ნაწილია და ამ მონაკვეთის ექსპლუატაციაში შესვლით გაიზრდება ჩქაროსნული გზის გამტარუნარიანობა, ავტოტრანსპორტის მოძრაობის უსაფრთხოების დონე და შემცირდება მგზავრობის დრო, აცხადებენ სამინისტროში.

64
თემები:
ტრანსპორტი საქართველოში
პრემიერი გიორგი გახარია

გიორგი გახარია: საქმიანი ვიზიტები ქვეყანაში უკიდურესად მნიშვნელოვანია

85
(განახლებულია 16:12 12.08.2020)
საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი ქვეყანაში ჩამოსვლას გეგმავენ.

თბილისი, 12 აგვისტო – Sputnik. ბიზნეს–ვიზიტორების მიმართულება უკიდურესად მნიშვნელოვანია იმისთვის, რათა ქვეყანაში ეკონომიკა არ „გაცივდეს“ და ეკონომიკური აქტივობები ნელ-ნელა გაძლიერდეს, განაცხადა საქართველოს პრემიერ-მინისტრმა გიორგი გახარიამ უწყებათშორის საკოორდინაციო საბჭოზე.

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა>>

პრემიერის განცხადებით, ამ პერიოდის განმავლობაში ბიზნეს–ვიზიტორების რაოდენობა 4000 ადამიანს ასცდა. ეს არ ნიშნავს, რომ ყველა ეს ადამიანი ამჟამად საქართველოში იმყოფება, მაგრამ მათი ვიზიტები ძალზე მნიშვნელოვანია ქვეყნის ეკონომიკისთვის. 

„იმისთვის, რომ ეკონომიკა არ გაცივდეს და ეკონომიკური აქტივობები ნელ-ნელა გავაძლიეროთ, ამისთვის ბიზნეს–ვიზიტორების მიმართულება არის უკიდურესად მნიშვნელოვანი“, – განაცხადა გიორგი გახარიამ.

მისი თქმით, ამ ადამიანების ჯანმრთელობაზე ზრუნვაც საქართველოს მთავრობის პირდაპირი ვალდებულებაა და შტაბმა, შესაბამისად, ამ მიმართულებას ყურადღება უნდა მიაქციოს.

ტესტირება, კარანტინი, მოგზაურობის ისტორია - რა უნდა ვიცოდეთ საქართველოს საზღვრის კვეთისას>>

„ჩვენ გვაქვს რისკის შემცველი კიდევ რამდენიმე მიმართულება. მოგეხსენებათ, რომ ნაცვალგების პრინციპიდან გამომდინარე, რამდენიმე ქვეყანას ჩვენ საზღვრები გავუხსენით. დღევანდელი მონაცემებით, ამ მიმართულებით ქვეყანაში უკვე შემოსულია 1520 განაცხადი და ამ მომენტისთვის ქვეყანაში 751 ტურისტი იმყოფება“, – აღნიშნა გახარიამ.

საქართველოში ერთთვიანი სატესტო რეჟიმის შემდეგ ბიზნეს–ვიზიტორების პლატფორმა სრულფასოვნად ამოქმედდა.

საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში კორონავირუსზე PCR–ტესტი უნდა გაიკეთონ ან სავალდებულო 14-დღიანი კარანტინი გაიარონ საკუთარი ხარჯებით. ეს პირობა არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

მალე საქართველოში ხანგრძლივი ვადით ჩამოსვლას შეძლებენ ის უცხოელი ვიზიტორებიც, რომლებსაც საქართველოდან დისტანციური მუშაობის სურვილი ექნებათ.

საქართველოში გრძელვადიანი პერიოდით ყოფნის მსურველებისთვის უკვე შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

85
თემები:
საქართველოს ეკონომიკა (688)
თბილისის ცენტრი

რა აღელვებს ქართველ ხალხს და ვისი სჯერა არჩევნების წინ - გამოკითხვა

0
ერთ წელიწადში საქართველოს მოსახლეობაში გაიზარდა იმათი რაოდენობა, ვინც ფიქრობს, რომ ქვეყანა სწორი გზით ვითარდება

საქართველოს მოსახლეობას აწუხებს სიღარიბე, უმუშევრობა, ინფლაცია და კორონავირუსი. არჩევნებზე კი ადამიანებისთვის მთავარია - პარტიის პროგრამა, რომელიც ორიენტირებული იქნება ქვეყნის ეკონომიკური პრობლემების მოგვარებაზე. ასეთია აშშ-ის საერთაშორისო რესპუბლიკური ინსტიტუტის (IRI) გამოკითხვის შედეგები. კვლევა საქართველოში საპარლამენტო არჩევნებამდე ოთხი თვით ადრე ჩატარდა.

გამოკითხვის ფარგლებში ქვეყნის მოქალაქეებს უსვამდნენ კითხვებს იმის დასადგენად, თუ რას ელის მოსახლეობა და ვის ენდობა.

გამოკითხულთა 53% მიიჩნევს, რომ ქვეყანა არასწორი გზით ვითარდება. აღსანიშნავია, რომ გასულ წელს ასე გამოკითხულთა 66% ფიქრობდა.

ამასთან, წინა წლის ივნისის მაჩვენებელთან შედარებით, 23%-დან 38%-მდე გაიზარდა იმ მოქალაქეთა რიცხვი, რომლებიც მიიჩნევენ, რომ ქვეყანა სწორი გზით ვითარდება. 

ქვეყნის მთავარი პრობლემები და კორონავირუსი

გამოკითხვამ აჩვენა, რომ ქვეყნის მოსახლეობას ყველაზე მეტად ეკონომიკური პრობლემები აღელვებს. ასე მაგალითად, 46% მთავარ პრობლემად უმუშევრობას მიიჩნევს, 17% - ფასების ზრდას, 10% - სიღარიბეს, 4% - სხვა ეკონომიკურ პრობლემებს.

მსოფლიოს უმთავრესი საფიქრალი კი - კორონავირუსი - ქვეყნის მთავარ პრობლემად გამოკითხულთა მხოლოდ 4%-ს მიაჩნია.

ამასთან, იმავე გამოკითხვის მიხედვით, 79% კმაყოფილია მთავრობის მუშაობით კორონავირუსთან ბრძოლის მიმართულებით.

მეტიც, 25%-მა კორონავირუსთან ბრძოლა საქართველოს მთავრობის მთავარ მიღწევად დაასახელა. მეორე ადგილზე აღმოჩნდა ჯანდაცვის რეფორმა (7%), მესამეზე - სიტყვის თავისუფლება (3%).

94%-ის აზრით, ყველაზე წარმატებული უწყება პანდემიასთან ბრძოლაში იყო დაავადებათა კონტროლისა და საზოგადოებრივი ჯანმრთელობის ეროვნული ცენტრი. 91%-ისთვის ეფექტურია ჯანდაცვის სამინისტრო, 81%-ისთვის - მთავრობა და 74%-ისთვის - საქართველოს საპატრიარქო. მხოლოდ 57%-ის აზრით არის ეფექტური ქვეყნის პარლამენტის საქმიანობა.

გამოკითხულთა 56% კმაყოფილია მთავრობის მუშაობით კორონავირუსის ეკონომიკურ შედეგებთან გამკლავების თვალსაზრისით, ამდენივე კმაყოფილია მისი სოციალური პროგრამებით.

67% აღნიშნავს, რომ მათი ეკონომიკური მდგომარეობა კორონავირუსის გამო გაუარესდა.

პერსონებისა და სახელმწიფო ინსტიტუტების მიმართ ნდობა საქართველოში

IRI-ს სპეციალისტებმა დაადგინეს, რომ საქართველოში ყველაზე მეტად კმაყოფილი არიან ჯარის (89%), საპატრიარქოს (85%) და მასმედიის (71%) საქმიანობით.

იუსტიციის სახლმა და პოლიციამ, რომლებიც ადრე ყოველთვის ლიდერთა შორის იყვნენ, 65 და 62 პროცენტით მეოთხე და მეხუთე ადგილებზე გადაინაცვლეს. მომდევნო ადგილებს 59%-ით პრემიერ-მინისტრი და 50%-ით ადგილობრივი ხელისუფლება იკავებენ.

ყველაზე ნეგატიურად რესპონდენტები აფასებენ პროფკავშირების, გუბერნატორებისა და სასამართლოების საქმიანობას.

რაც შეეხება პიროვნებებს, ყველაზე მეტი სიმპათიით სარგებლობენ სრულიად საქართველოს კათოლიკოს-პატრიარქი ილია მეორე, დაავადებათა კონტროლის ეროვნული ცენტრის ხელმძღვანელი ამირან გამყრელიძე, პრემიერ-მინისტრი გიორგი გახარია, თბილისის მერი კახა კალაძე და ოპოზიციური პარტია „ევროპული საქართველოს“ ლიდერი დავით ბაქრაძე.

ყველაზე ნეგატიური შეფასება დაიმსახურეს პარტია „გირჩის“ ლიდერმა ზურაბ ჯაფარიძემ, ბანკირებმა ბადრი ჯაფარიძემ და მამუკა ხაზარაძემ, დეპუტატმა ეკა ბესელიამ და „ერთიანი საქართველოს“ ლიდერმა ნინო ბურჯანაძემ.

წინასაარჩევნო საქმეები

IRI-ს გამოკითხვამ, პირველ რიგში, აჩვენა, რომ გამოკითხულთა უმეტესობას ნეიტრალური დამოკიდებულება აქვს პოლიტიკური პარტიებისადმი და მათთვის უფრო მნიშვნელოვანია პარტიის ან კანდიდატის პროგრამა. 

როდესაც რესპონდენტებს პარტიებისადმი ნდობის თაობაზე დაუსვეს კითხვა, 64%-მა აღნიშნა, რომ მათი დამოკიდებულება არის ნეიტრალური, 21%-მა - რომ არ ენდობა, ნდობა კი 11%-მა გამოხატა. დანარჩენებმა პასუხისგან თავი შეიკავეს.

64%-მა განაცხადა, რომ საქართველოში არის პარტია, რომელიც მათ ინტერესებს გამოხატავს, მაშინ როცა 30% ასეთ პარტიას ვერ ხედავს.

42%-ისთვის არჩევანის გაკეთებისას მთავარია პარტია და მისი პროგრამა, 18%-ისთვის - პარტია, 21%-ისთვის მისი კანდიდატები და 13%-ისთვის - დაპირებები.

ამავდროულად 62%-მა განაცხადა, რომ პარტიის პროგრამაში მათთვის მნიშვნელოვანია ეკონომიკური პოლიტიკა, 48%-მა - ასევე, ჯანდაცვა და სოციალური პოლიტიკა.

საგარეო პოლიტიკა მნიშვნელოვანია მხოლოდ 15%-ისთვის, განათლება და სამართლებრივი პოლიტიკა აღელვებს 12%-ს.

პარტიების რეიტინგი

„ქართული ოცნება - დემოკრატიული საქართველო“ 33%
„ერთიანი ნაციონალური მოძრაობა“ 16%
„ევროპული საქართველო - მოძრაობა თავისუფლებისთვის" 5%
„ახალი საქართველო - სტრატეგია აღმაშენებელი" 3%
„საქართველოს პატრიოტთა ალიანსი"  3%
„საქართველოს ლეიბორისტული პარტია" 2%
„მოქალაქე" ალეკო ელისაშვილი 2%
„ლელო საქართველოსთვის" 2%
„ერთიანი საქართველო - დემოკრატიული მოძრაობა" 1%
„გამარჯვებული საქართველო" 1%

კვლევა 4 ივნისიდან 2 ივლისის ჩათვლით პირდაპირი გამოკითხვის გზით ჩატარდა. მასში მონაწილეობა მიიღო 1,5 ათასმა სრულწლოვანმა რესპონდენტმა. გამოკითხვის ცდომილება შეადგენს +/-2,5%-ს.

0
თემები:
საქართველოს პოლიტიკური ცხოვრება