ნავთობის მოპოვება

საქართველოში ნავთობის მოპოვებაზე საერთაშორისო ტენდერი გამოცხადდა

75
(განახლებულია 13:46 29.11.2019)
საქართველო წელიწადში საშუალოდ დაახლოებით 1,2 მილიონ ტონა ნავთობპროდუქტებსა და დაახლოებით 2,5 მილიარდ კუბომეტრ გაზს მოიხმარს.

თბილისი, 29 ნოემბერი — Sputnik. გამოცხადდა საერთაშორისო ღია ტენდერი საგარეჯოსა და გარდაბნის რაიონებში XIH სალიცენზიო ბლოკზე ნავთობისა და გაზის მოპოვებაზე.

ნავთობისა და გაზის ეროვნული სააგენტოს ინფორმაციით, საუბარია 194,5 კვადრატული კილომეტრი ფართობის ტერიტორიაზე. გადაწყვეტილების მიღების ბოლო ვადაა 2020 წლის 2 მარტი, რის შემდეგაც განაცხადები საჯარო გახდება.

პირველი არხის მონაცემებით, აღნიშნულ ლიცენზირებულ ბლოკზე კომპანია „ელენილტო" მუშაობდა, რომელიც ისრაელის ინვესტიციებზეა დაფუძნებული. მასთან ხელშეკრულება 2013 წლის 8 თებერვალს გაფორმდა, თუმცა ვალდებულებების შეუსრულებლობის გამო ხელშეკრულება გაუქმდა.

ამჟამად საქართველოში ნავთობის მოპოვებაზე ქვეყნის სხვადასხვა ტერიტორიაზე 23 შეთანხმებაა გაფორმებული. ხოლო ლიცენზია ნავთობის გადამუშავებაზე სამ კომპანიაზეა გაცემული.

საქართველოში 2018 წელს მოპოვებული იყო 30 ათას ტონაზე მეტი ნავთობი და 16,5 მილიონი კუბომეტრი გაზი.

ჩინური კომპანია საქართველოში ნავთობის მოძიებით დაკავდება>>

საქართველო წელიწადში საშუალოდ დაახლოებით 1,2 მილიონ ტონა ნავთობპროდუქტებსა და დაახლოებით 2,5 მილიარდ კუბომეტრ გაზს მოიხმარს. ნახშირწყალბადები საქართველოში ძირითადად შემოდის რუსეთიდან, აზერბაიჯანიდან, რუმინეთიდან და ბულგარეთიდან.

75
თემები:
საქართველოს ეკონომიკა (696)
პირველი არხის შენობა

აუქციონი არ შედგა: პირველი არხის შენობის გაყიდვა არჩევნების დასრულებამდე გადაიფიქრეს

67
საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა – პროექტის საორიენტაციო ღირებულევა 46,8 მლნ ლარია

თბილისი, 15 აგვისტო  — Sputnik. აუქციონის მესამედ ჩავარდნის შემდეგ საზოგადოებრივმა მაუწყებელმა შენობის საპარლამენტო არჩევნებამდე გაყიდვა გადადო, ნათქვამია პირველი არხის განცხადებაში.

კოსტავას ქუჩაზე მდებარე საზოგადოებრივი მაუწყებლის ახლანდელი შენობა ავარიულ მდგომარეობაშია. სამეურვეო საბჭომ ჯერ კიდევ 2017 წელს მიმართა ეკონომიკის სამინისტროს, რომელმაც მშენებლობისთვის მიწის ნაკვეთის გამოყოფისა და შენობის გაყიდვის გადაწყვეტილება მიიღო.  

თავიდან შენობის 40 მლნ დოლარად გაყიდვა იგეგმებოდა, თუმცა, 16 ივნისს გამართულ აუქციონზე შენობის შეძენის მსურველი არ გამოჩნდა.

ამის შემდეგ შენობა აუქციონზე კიდევ ორჯერ გაიტანეს – 36 და 32,4 მლნ დოლარად, თუმცა, მცდელობა კვლავ წარუმატებელი აღმოჩნდა.

საზოგადოებრივ მაუწყებელში აუქციონის ჩავარდნა კორონავირუსის პანდემიის გამო შექმნილი ეკონომიკური კრიზისით ახსნეს და  საპარლამენტო არჩევნების დამთავრებამდე შენობის გაყიდვა გადაავადეს.

საქართველოში არჩევნები 31 ოქტომბერს არის დაგეგმილი, რომლის შედეგებიც სამ–ოთხ კვირაი იქნება ცნობილი.

ამასთან, საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა. სამშენებლო ნებართვა თბილისის მერიის არქიტექტურულმა სამსახურმა უკვე გასცა. საზოგადოებრივი მაუწყებლის ახალი შენობა ვაკე-საბურთალოს რაიონში, პოლიტკოვსკაიას ქუჩაზე აშენდება, პროექტის სავარაუდო ღირებულება 46,8 მილიონ ლარს შეადგენს. მშენებლობისთვის გამოყოფილია ორი ჰექტარი ფართობის მიწის ნაკვეთი.

67
თემები:
საქართველოს ეკონომიკა (696)
ვალუტის გადამცვლელი პუნქტი

ლარის კურსი 15 აგვისტოს

97
(განახლებულია 09:10 15.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა.

თბილისი, 15 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0738 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა. 

ლარის კურსი 15 აგვისტოს
97
თემები:
ლარის კურსი დღეს
მეტროს სადგური „სახელმწიფო უნივერსიტეტი“

მეტროსადგურ „ტექნიკურ უნივერსიტეტში“ დაკვამლიანებაა

0
თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია

თბილისი,15 აგვისტო - Sputnik. მეტროსადგურ „ტექნიკურ უნივერსიტეტში“ დაკვამლიანების გამო მოძრაობა დროებით შეფერხებულია, იუწყება პირველი არხი.

საბურთალოს ხაზი 18:53 საათზე დროებით დაიკეტა, მეტროს პირველი ხაზი ამ დროისთვის შეფერხების გარეშე მუშაობს.

გავრცელებული ინფორმაციით,  დაკვალიანება ვესტიბიულის ტექნიკურ ოთახში მოკლე ჩართვამ გამოიწვია.

„დაშავებული არავინაა, მგზავრები ამოვიყვანეთ, მოძრაობა დროებით შეჩერებულია. ადგილზე იმყოფებიან მეხანძრე-მაშველები და მიმდინარეობს პერიმეტრის გადამოწმება“, – აცხადებენ  საგანგებო სიტუაციების მართვის სამსახურში.

თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია.

ადგილზე სასწრაფო და სახანძრო სამაშველო ბრიგადები არიან მობილიზებული.

0
თემები:
შემთხვევები საქართველოში