ნათია თურნავა

მსოფლიოს მეტი ქართველი მეზღვაური სჭირდება: თურნავამ ლონდონში შეხვედრები გამართა

62
(განახლებულია 21:06 25.11.2019)
მსოფლიოში ქართველ მეზღვაურებზე დიდ მოთხოვნასთან დაკავშირებით ხელისუფლება ბათუმის საზღვაო აკადემიის გაფართოებას და ფოთში მისი ფილიალის გახსნას გეგმავს.

თბილისი, 25 ნოემბერი – Sputnik. ქართველი მეზღვაურების უცხოეთში დასაქმება საქართველოს მთავრობის პრიორიტეტია, განაცხადა ეკონომიკისა და მდგრადი განვითარების მინისტრმა ნათია თურნავამ.

ეკონომიკის მინისტრმა ეს განცხადება გააკეთა ბერძნულ დელეგაციასთან შეხვედრის შემდეგ საერთაშორისო საზღვაო ორგანიზაციის ასამბლეის ფარგლებში, რომელიც ლონდონში იმართება, იტყობინება უწყების პრეს-სამსახური.

თურნავას თქმით, მეზღვაურის პროფესიაზე უცხოეთში ერთ-ერთი ყველაზე მაღალი მოთხოვნაა და ათასობით ქართველი მეზღვაური სხვადასხვა ქვეყნის დროშებით მცურავ გემებზე მსახურობს. მინისტრმა განაცხადა, რომ უცხოეთში ქართველ მეზღვაურებზე განსაკუთრებული მოთხოვნა არსებობს.

„ასამბლეის ფარგლებში ათამდე სხვადასხვა ქვეყნის ტრანსპორტის მინისტრებს ვხვდები, რომლებიც პასუხისმგებელნი არიან თავიანთ ქვეყნებში საზღვაო ინდუსტრიაზე. ყველა შეხვედრაზე საუბარი მაქვს, თუ როგორც შევუწყოთ ხელი ქართველი მეზღვაურების დასაქმებას მსოფლიოს მასშტაბით“, – განაცხადა ნათია თურნავამ.

ასამბლეის ფარგლებში ბრაზილიის საზღვაო  ადმინისტრაციასთან გაფორმდება მემორანდუმი, რაც ქართველ მეზღვაურებს ამ ქვეყნის დროშით მცურავ 800 გემზე სამსახურის შესაძლებლობას მისცემს.

საზღვაო აკადემიის კურსანტებმა ბათუმში მსვლელობა მოაწყვეს >>

„ვხვდებით და ვაღრმავებთ ურთიერთობას გერმანიის საზღვაო ასოციაციასთან. გერმანული დროშით მცურავ სამი ათასზე მეტ გემზე მსახურობენ ჩვენი მეზღვაურები, თუმცა გვინდა კიდევ უფრო მეტი მეზღვაური დასაქმდეს“, – განაცხადა ნათია თურნავამ.

ამასთან ერთად, პრემიერ-მინისტრის გადაწყვეტილებით, უახლოეს დროში დაიწყება ბათუმის საზღვაო აკადემიის გაფართოება და ფოთში მისი ფილიალის გახსნის პროექტის განხორციელება.

62
თემები:
საქართველოს ეკონომიკა (696)
პირველი არხის შენობა

აუქციონი არ შედგა: პირველი არხის შენობის გაყიდვა არჩევნების დასრულებამდე გადაიფიქრეს

67
საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა – პროექტის საორიენტაციო ღირებულევა 46,8 მლნ ლარია

თბილისი, 15 აგვისტო  — Sputnik. აუქციონის მესამედ ჩავარდნის შემდეგ საზოგადოებრივმა მაუწყებელმა შენობის საპარლამენტო არჩევნებამდე გაყიდვა გადადო, ნათქვამია პირველი არხის განცხადებაში.

კოსტავას ქუჩაზე მდებარე საზოგადოებრივი მაუწყებლის ახლანდელი შენობა ავარიულ მდგომარეობაშია. სამეურვეო საბჭომ ჯერ კიდევ 2017 წელს მიმართა ეკონომიკის სამინისტროს, რომელმაც მშენებლობისთვის მიწის ნაკვეთის გამოყოფისა და შენობის გაყიდვის გადაწყვეტილება მიიღო.  

თავიდან შენობის 40 მლნ დოლარად გაყიდვა იგეგმებოდა, თუმცა, 16 ივნისს გამართულ აუქციონზე შენობის შეძენის მსურველი არ გამოჩნდა.

ამის შემდეგ შენობა აუქციონზე კიდევ ორჯერ გაიტანეს – 36 და 32,4 მლნ დოლარად, თუმცა, მცდელობა კვლავ წარუმატებელი აღმოჩნდა.

საზოგადოებრივ მაუწყებელში აუქციონის ჩავარდნა კორონავირუსის პანდემიის გამო შექმნილი ეკონომიკური კრიზისით ახსნეს და  საპარლამენტო არჩევნების დამთავრებამდე შენობის გაყიდვა გადაავადეს.

საქართველოში არჩევნები 31 ოქტომბერს არის დაგეგმილი, რომლის შედეგებიც სამ–ოთხ კვირაი იქნება ცნობილი.

ამასთან, საზოგადოებრივმა მაუწყებელმა ახალი შენობის მშენებლობასთან დაკავშირებით ტენდერი უკვე გამოაცხადა. სამშენებლო ნებართვა თბილისის მერიის არქიტექტურულმა სამსახურმა უკვე გასცა. საზოგადოებრივი მაუწყებლის ახალი შენობა ვაკე-საბურთალოს რაიონში, პოლიტკოვსკაიას ქუჩაზე აშენდება, პროექტის სავარაუდო ღირებულება 46,8 მილიონ ლარს შეადგენს. მშენებლობისთვის გამოყოფილია ორი ჰექტარი ფართობის მიწის ნაკვეთი.

67
თემები:
საქართველოს ეკონომიკა (696)
ვალუტის გადამცვლელი პუნქტი

ლარის კურსი 15 აგვისტოს

97
(განახლებულია 09:10 15.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა.

თბილისი, 15 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0738 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,001 ლარით გაუფასურდა. 

ლარის კურსი 15 აგვისტოს
97
თემები:
ლარის კურსი დღეს
ვლადიმირ პუტინი

არა დესტრუქციულ ძალებს: რაზე ისაუბრეს პუტინმა და ლუკაშენკომ

0
(განახლებულია 19:32 15.08.2020)
ბელარუსის ლიდერმა აღუწერა პუტინს რეალური ვითარება, რომელიც რესპუბლიკაში არჩევნების შემდეგ შეიქმნა. პრეზიდენტებმა ერთხმად გამოთქვეს რწმენა იმისა, რომ შექმნილი პრობლემები მალე მოგვარდება

თბილისი, 15 აგვისტო – Sputnik. დაუშვებელია, რომ მძიმე სიტუაციით ბელარუსში ისარგებლონ „დესტრუქციულმა ძალებმა“ - ამ დასკვნამდე მივიდნენ სატელეფონო საუბრის დროს რუსეთის და ბელარუსის პრეზიდენტები ვლადიმირ პუტინი და ალექსანდრ ლუკაშენკო.

საუბრის დეტალები, რომელიც მინსკის ინიციატივით შედგა, კრემლის პრესსამსახურმა გაასაჯაროვა.

ბელარუსის ლიდერმა ასევე აღუწერა პუტინს ვითარება ქვეყანაში, რომელიც არჩევნების შემდეგ შეიქმნა. საუბრის ბოლოს პრეზიდენტებმა ერთხმად გამოთქვეს რწმენა იმისა, რომ შექმნილი პრობლემები მალე მოგვარდება

„მთავარია, რომ ამ პრობლემებით არ ისარგებლონ დესტრუქციულმა ძალებმა, რომლებიც მიისწრაფვიან იმისკენ, რომ საკავშირო სახელმწიფოს ფარგლებში ორი ქვეყნის ურთიერთმომგებიანი თანამშრომლობა დააზიანონ“, - ნათქვამია განცხადებაში.

აღინიშნა, რომ პუტინმა და ლუკაშენკომ პოზიტიურად შეაფასეს ასევე ორი ქვეყნის „მჭიდრო თანამშრომლობა“ რუსეთში 32 მოქალაქის დაბრუნების კუთხით. მოქალაქეები ბელარუსში ივლისის ბოლოს დააკავეს.

სახელმწიფოს მეთაურებმა დაადასტურეს „სამოკავშირეო ურთიერთობების განმტკიცებისკენ მიმართული განწყობა, რაც სრულად პასუხობს რუსეთის და ბელარუსის მოძმე ერების ძირეულ ინტერესებს“, დაასკვნეს კრემლში.

აქციები საპრეზიდენტო არჩევნების შემდეგ

საპრეზიდენტო არჩევნები ბელორუსში 9 აგვისტოს გაიმართა. ცენტრალური საარჩევნო კომისიის წინასწარი მონაცემებით, ამომრჩეველთა 80.1%-მა ხმა მისცა ალექსანდრ ლუკაშენკოს, 10.12%-მა კი სვეტლანა ტიხანოვსკაიას.

ოპოზიციამ ეს შედეგები არ აღიარა, ხოლო თავად ტიხანოვსკაია ლიეტუვაში გაემგზავრა. საარჩევნო უბნების დახურვის შემდეგ რესპუბლიკაში მასშტაბური არასანქცირებული საპროტესტო აქციები დაიწყო. ძალოვანები სასტიკად შლიან ამ აქციებს, რა დროსაც იყენებენ ცრემლსადენ გაზს, წყლის ჭავლს, რეზინის ტყვიებს.

ოფიციალური მონაცემებით, დაკავებულია დაახლოებით 7 ათასი ადამიანი.

ბელარუსის შსს-ს მონაცემებით, არეულობების შედეგად დაშავდა ასობით ადამიანი, მათ შორის ძალოვანი უწყებების ასზე მეტი თანამშრომელი.

არის მსხვერპლიც: ერთ-ერთი მომიტინგე მაშინ დაიღუპა, როდესაც მილიციის თანამშრომლების მისამართით თვითნაკეთ ასაფეთქებელ მოწყობილობას ესროდა.

0
თემები:
მსოფლიო დღეს