ძროხა

საქართველოში მსხვილფეხა რქოსანი პირუტყვის ექსპორტის წესები გამკაცრდება

111
(განახლებულია 14:12 22.11.2019)
სოფლის მეურნეობის სამინისტროში მიიჩნევენ, რომ მსხვილფეხა რქოსანი პირუტყვის ექსპორტია ძირითადი მიზეზი იმისა, რომ ქვეყანაში რძე და ხორცი გაძვირდა.

თბილისი, 22 ნოემბერი — Sputnik. გარემოს დაცვისა და სოფლის მეურნეობის სამინისტრო მსხვილფეხა რქოსანი პირუტყვის ექსპორტის შეზღუდვას გეგმავს.

უწყებამ უკვე მოამზადა შესაბამისი პროექტი, რომელიც ექსპორტზე გასაყვანად მსხვილფეხა ახალგაზრდა პირუტყვის წონის 140 კილოგრამიდან მინიმუმ 200 კილომდე გაზრდას გულისხმობს. სოფლის მეურნეობის სამინისტრო პროექტს განსახილველად წლის ბოლოსთვის წარმოადგენს.

„ჩვენ უკვე მრავალი თვეა ვამბობთ, რომ საქართველოში ხორცის დეფიციტია. სასაკლაოები ჩივიან, რომ მათ სულ უფრო და უფრო უჭირთ პირუტყვის შოვნა დასაკლავად და ეს არის სწორედ მისი გამოძახილი სტატისტიკაში. რამდენიმე ფაქტორია, რამაც ეს გამოიწვია. უპირველეს ყოვლისა, ეს არის ექსპორტის მაჩვენებელი, როდესაც უკანასკნელი 3-4 წლის განმავლობაში ქვეყნიდან დაახლოებით 500 ათასი რქოსანი პირუტყვი გაიყვანეს საზღვარგარეთ გასაყიდად. ბუნებრივია, სწორედ ამან შეამცირა საქართველოში მსხვილფეხა რქოსანი პირუტყვის რაოდენობა", – განაცხადა სოფლის მეურნეობის მინისტრის მოადგილემ გიორგი ხანიშვილმა პირველი არხის ეთერში.

ხორცისა და ხორცპროდუქტების, ასევე რძისა და რძის ნაწარმის გაძვირების ერთ-ერთ მიზეზად ხანიშვილი სწორედ მსხვილფეხა რქოსანი პირუტყვის ექსპორტს ასახელებს. მისი თქმით, საქართველოს მეცხოველეობის განვითარების კუთხით საკმაოდ დიდი პოტენციალი აქვს და საჭიროა გაიზარდოს უფრო მაღალპროდუქტიული უცხოური ჯიშის პირუტყვის გამრავლება, ასევე ფერმერული მეურნეობების განვითარება.

სექტემბრის ორი „რეკორდი“, ანუ რატომ ძვირდება ცხოვრება?>>

ხანიშვილმა აღნიშნა, რომ 2012 წელს საქართველოში მაღალპროდუქტიული მსხვილფეხა რქოსანი პირუტყვი დაახლოებით 1 ათასი სული იყო, ახლა კი ეს რიცხვი 5 ათასამდე გაიზარდა.

„თუ ადგილობრივი ჯიშის საქონელი სამ, ოთხ ან ხუთ ლიტრ რძეს იწველება, გაცილებით მეტს იძლევა სხვა ჯიშის პირუტყვი. ამიტომ, ბუნებრივია, ოჯახებს უკვე ურჩევნიათ სამი და ოთხი სულის ნაცვლად შეინახონ ერთი სული საქონელი და მიიღონ იგივე სარგებელი", – აღნიშნა ხანიშვილმა.

საქართველო ინდივიდუალური შიდა მეურნეობებიდან თანდათანობით უნდა გადავიდეს მსხვილ პროდუქტიულ ფერმებზე, რაც უზრუნველყოფს ხარისხობრივ, საფასო და სხვა სტაბილური ელემენტების გაჩენას და ბაზარზე შესაბამისი პროდუქციის მიწოდებას, მიიჩნევს ხანიშვილი.

მინისტრის მოადგილე დარწმუნებულია, რომ ეს სეგმენტი 2-3 წელიწადში დაიძლევა და ქართველი მეცხოველეები ბაზარს მაღალხარისხიან რძეს და ხორცს ადეკვატურ ფასებში მიაწვდიან.

მეცხოველეობის სტატისტიკა საქართველოში

საქართველოს სტატისტიკის ეროვნული სამსახურის „საქსტატის" მონაცემების თანახმად, მესამე კვარტლის ბოლოს მსხვილფეხა რქოსანი პირუტყვის რაოდენობამ 902,1 ათასი შეადგინა, რაც გასული წლის ანალოგიურ მაჩვენებელზე 2,1%-ით ნაკლებია.

წვრილფეხა რქოსანი პირუტყვის რაოდენობა ერთ წელიწადში 7,3%-ით შემცირდა და 2019 წლის 30 სექტემბრისთვის 813,6 ათასი სული შეადგინა. ღორების რაოდენობამ ამავე პერიოდისთვის 225,4 ათასი სული (-8,8%) შეადგინა, ფრინველის – 9,1 მილიონი ფრთა (-3,7%).

როგორ შევარჩიოთ ხორცი>>

ხორცის წარმოება მესამე კვარტალში, წლიური მაჩვენებლით, 3,3%-ით შემცირდა – 14,5 ათას ტონამდე, რძის – 4,8%-ით 160,3 მილიონ ლიტრამდე, კვერცხის – 5,1%-ით 146,2 მილიონ ცალამდე.

111
თემები:
საქართველოს სოფლის მეურნეობა (135)
ვალუტის გაცვლის პუნქტი

ლარის კურსი 19 სექტემბერს

98
(განახლებულია 09:13 19.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

თბილისი, 19 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2140 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0254 ლარით გაუფასურდა.

ლარის კურსი 19 სექტემბერს
ლარის კურსი 19 სექტემბერს
98
თემები:
ლარის კურსი დღეს
აშშ დოლარი და ქართული ლარი

ფულადი გადარიცხვები: რამდენი ფული შემოვიდა აგვისტოში საქართველოში

102
(განახლებულია 21:24 18.09.2020)
თურქეთს, რომელიც ბევრი წლის განმავლობაში უცვლელად შედიოდა საქართველოში ფულადი გადარიცხვების მხრივ ლიდერთა ექვსეულში, აგვისტოში უკრაინამ გადაუსწრო

თბილისი, 18 სექტემბერი ― Sputnik. საქართველოს კომერციულ ბანკებში ელექტრონული სისტემებით ფულადი გზავნილები 2020 წლის აგვისტოში 25,8%-ით გაიზარდა, ნათქვამია საქართველოს ეროვნული ბანკის საიტზე

საანგარიშო პერიოდში ქვეყანაში შემოსული ფულადი გზავნილების ნაკადების მოცულობამ 184.2 მლნ აშშ დოლარი (566.2 მლნ ლარი) შეადგინა, რაც 25.8%-ით (37.8 მლნ აშშ დოლარით) მეტია 2019 წლის აგვისტოს ანალოგიურ მაჩვენებელზე.

უცხოეთიდან საქართველოში ფულადი გზავნილების 95.1% იმ 19 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ აგვისტოში 1 მლნ აშშ დოლარს გადააჭარბა. იმავე 19 ქვეყანაზე გასული წლის აგვისტოში მთელი ფულადი გზავნილების 93.4% მოდიოდა.

ყველაზე მეტი თანხა ელექტრონული სისტემებით გადმოირიცხა რუსეთიდან ― 35 მლნ დოლარი, რაც ფულადი გადარიცხვების მთლიანი მოცულობის 19%-ს შეადგენს.

ლიდერი ქვეყნების ექვსეულში შედიან: იტალია, საბერძნეთი, აშშ, ისრაელი და უკრაინა.

თურქეთს, რომელიც ბევრი წლის განმავლობაში უცვლელად შედიოდა საქართველოში ფულადი გადარიცხვების მხრივ ლიდერთა ექვსეულში, აგვისტოში უკრაინამ გადაუსწრო, საიდანაც საანგარიშო პერიოდში საქართველოს კომერციულ ბანკებში ელექტრონული სისტემებით დაახლოებით 11 მლნ დოლარი ― საერთო მოცულობის 6% გადმოირიცხა.

 


102
თემები:
საქართველოს ეკონომიკა
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0