ბენზინგასამართი სადგური თბილისში

ნავთობპროდუქტების იმპორტი საქართველოში: დიზელის შემოტანა ოქტომბერში გაიზარდა

75
(განახლებულია 14:09 21.11.2019)
ბენზინის იმპორტი 10 თვეში, გასული წლის ამავე პერიოდთან შედარებით, 1%-ით გაიზარდა, ხოლო დიზელის საწვავის იმპორტი 5,2%-ით დაეცა.

თბილისი, 21 ნოემბერი — Sputnik. ნავთობპროდუქტების იმპორტმა საქართველოში 2019 წლის იანვარ-ოქტომბრის პერიოდში 890,9 ათასი ტონა შეადგინა, რაც 2018 წლის ამავე პერიოდთან შედარებით 2,1%-ით ნაკლებია, ნათქვამია საქართველოს ნავთობპროდუქტების იმპორტიორთა კავშირის განცხადებაში.

საწვავის ყველაზე დიდი მომწოდებელი კვლავ რუსეთია, მას მოსდევენ რუმინეთი, აზერბაიჯანი, თურქმენეთი, ბულგარეთი, საბერძნეთი, თურქეთი და ა.შ.

ბენზინის იმპორტმა 2019 წლის იანვარ-ოქტომბერში შეადგინა 456,3 ათასი ტონა, ხოლო დიზელის საწვავის – 434,6 ათასი ტონა.

ბენზინის იმპორტი წლის დასაწყისიდან, გასული წლის ამავე პერიოდთან შედარებით, 1%-ით გაიზარდა, ხოლო დიზელის საწვავის იმპორტი 5,2%-ით დაეცა, აცხადებენ ნავთობპროდუქტების იმპორტიორთა კავშირში.

დიზელის იმპორტი ოქტომბერში გაიზარდა

ბოლო ორ თვეში დიზელის საწვავის დიდი მოცულობის იმპორტი განხორციელდა, რამაც მნიშვნელოვნად გააუმჯობესა ამ წლის სტატისტიკა ამ პროდუქტზე, აღნიშნავენ იმპორტიორთა კავშირში.

„კერძოდ, მიმდინარე წლის ოქტომბრის თვეში განხორციელდა 58,6 ათასი ტონა დიზელის საწვავის იმპორტი, რაც სექტემბრის თვის მაჩვენებელთან შედარებით თითქმის 10 ათასი ტონით მეტია. მომავალ თვეებში გამოჩნდება ზუსტად, თუ რითია განპირობებული იმპორტის ზრდა. კერძოდ, მოხდა აღურიცხავი პროდუქციის შემცირება, თუ ხდება აღნიშნული პროდუქციის გარკვეული მარაგების შექმნა", – ნათქვამია განცხადებაში.

გულზე მიხაკი... ანუ როცა ფასებს ვუმზერ...>>

მთლიანობაში, 2019 წლის დასაწყისიდან საწვავის იმპორტის შემცირების მიზეზად მიიჩნევენ დიზელის საწვავის შემოტანის შემცირებას, რაც ძირითადად უკავშირდება საწვავის ამ სახეობის მოცულობის რეექსპორტის შემცირებას საქართველოდან თურქეთში, ასევე საქართველოში ჰიბრიდული ტიპის ავტომობილების იმპორტის ზრდას.

ნავთობპროდუქტების იმპორტიორთა კავშირის მონაცემებით, დღეისათვის საქართველოში ჰიბრიდული ტიპის 80 ათასამდე სატრანსპორტო საშუალება გადაადგილდება.

საწვავის იმპორტის შემცირების კიდევ ერთი მიზეზია დაურეგისტრირებელი დიზელის საწვავის ნაკადის ზრდა აზერბაიჯანიდან, ლაგოდეხისა და წითელი ხიდის გავლის, ირანის ისლამური რესპუბლიკიდან, ასევე ლარსის საკონტროლო-გამშვები პუნქტიდან, როდესაც ხორციელდება ხორბლის იმპორტი ავტომობილებით რუსეთიდან საქართველოში, განაცხადეს იმპორტიორთა კავშირში უფრო ადრე.

„რეალურად ყველა ის ფაქტორი, რომელიც დიზელის საწვავის მოხმარებას განსაზღვრავს (ავტოპარკი, ინფრასტრუქტურული სამუშაოები, სასოფლო-სამეურნეო სამუშაოები, გადაზიდვები), მაღალ მაჩვენებელზეა და, შესაბამისად, მიმდინარე წელს უნდა დაფიქსირდეს დიზელის საწვავის იმპორტისა და მოხმარების მაღალი მაჩვენებელი", – ნათქვამია განცხადებაში.

საწვავის ფასები

2019 წლის დასაწყისიდან ბენზინის იმპორტის 66% მოდის რეგულარის მარკის (А-91) საწვავზე, 32,1% – პრემიუმზე (А-95) და 8,9% – სუპერზე (А-98).

გაიზრდება თუ არა ფასები ბენზინზე>>

ამჟამად ბრენდირებული ავტოგასამართი სადგურების ქსელში საშუალო ფასები შეადგენს ერთ ლიტრზე: ბენზინი სუპერი – 2,68-2,78 ლარი, პრემიუმი – 2,59-2,69 ლარი, რეგულარი – 2,45-2,59 ლარი, ევრო დიზელი — 2,66-2,75, დიზელი — 2,63-2,69 ლარი. მიმდინარე კურსი 1 აშშ დოლარი – 2,97 ლარი.

75
თემები:
საქართველოს ეკონომიკა (750)
ვალუტის გადამცვლელი კურსი

ლარის კურსი 24 სექტემბერს

120
(განახლებულია 23:45 23.09.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0242 ლარით გაუფასურდა.

თბილისი, 24 სექტემბერი  — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2641 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0104 ლარით გაუფასურდა. 

ლარის კურის 24 სექტემბერს
120
თემები:
ლარის კურსი დღეს
ლარის სხვადასხვა ნომინალის კუპიურები

რატომ ყიდის ეროვნული ბანკი რეზერვებიდან დოლარს კობა გვენეტაძის განმარტება

331
(განახლებულია 20:41 23.09.2020)
ეროვნული ბანკის პრეზიდენტის პროგნოზით, პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კურსი მის წონასწორულ ნიშნულს დაუბრუნდება.

თბილისი, 23 სექტემბერი – Sputnik. ეროვნული ბანკის ინტერვენციების მიზანი ბაზარზე უცხოური ვალუტის მიწოდებაა, აცხადებს საქართველოს ეროვნული ბანკის პრეზიდენტი კობა გვენეტაძე.

ეროვნული ბანკი განაგრძობს ვალუტის გაყიდვას. დღეს გამართულ მორიგ აუქციონზე მან ლარის კურსის დასტაბილურების მიზნით კიდევ 40 მილიონი აშშ დოლარი გაყიდა.

პანდემია და არჩევნები საქართველოში: რა ხდება ლარის კურსთან დაკავშირებით>>

სავალუტო ბაზრის სტაბილიზებისთვის ეროვნულმა ბანკმა სავალუტო აუქციონებზე ნახევარ წელიწადში უკვე 400 მლნ დოლარზე მეტი გაყიდა.

„ბოლო დროს ხშირად ისმის განცხადებები: „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“. ეს არასწორია. მსურს განვმარტო, რომ ეროვნული ბანკის ინტერვენციების მიზანი ლარის გამყარება ან გაუფასურება არ გახლავთ. შეგახსენებთ, რომ საქართველოში მოქმედებს მცურავი გაცვლითი კურსის რეჟიმი... პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ამჟამინდელი ინტერვენციების მიზანი ბაზარზე უცხოური ვალუტის მიწოდებაა“, – დაწერა კობა გვენეტაძემ თავის Facebook-გვერდზე.

გვენეტაძის თქმით, მიუხედავად იმისა, რომ მცურავი კურსის პირობებში შეუძლებელია იმის თქმა, თუ სად არის ამა თუ იმ ვალუტის წონასწორული კურსი, დიდი ალბათობით, დღეს ლარი წონასწორულზე მეტად გაუფასურებულია. პანდემიასთან დაკავშირებული გაურკვევლობის აღმოფხვრისა და ტრადიციული წინასაარჩევნო აჟიოტაჟის გადავლის შემდეგ კი კურსი მის წონასწორულ ნიშნულს დაუბრუნდება.

„პანდემიის გავლენა საქართველოს ეკონომიკაზე ძირითადად ტურიზმიდან მიღებული შემოსავლების თითქმის განულებაში აისახა. ქვეყნის ეკონომიკურმა გუნდმა პანდემიის მიერ დაზიანებული ეკონომიკის დასახმარებლად დროის უმოკლეს პერიოდში უცხოური ვალუტით მოცულობითი დახმარება მოიზიდა, რომლის ნაწილიც, საერთაშორისო საფინანსო ინსტიტუტებთან შეთანხმებული პროგრამის ფარგლებში, ეროვნული ბანკის ინტერვენციების მეშვეობით მიმდინარე წელს და, სავარაუდოდ, მომავალი წლის პირველ ნახევარშიც ეკონომიკას ეტაპობრივად მიეწოდება“, – აღნიშნა გვენეტაძემ.

გვენეტაძის აზრით, ისეთი სულისკვეთების განცხადებები, როგორიცაა „ეროვნულმა ბანკმა 20 მილიონი დოლარი გაყიდა, მაგრამ ლარი მაინც ვერ გაამყარა“, ნებსით თუ უნებლიეთ, მოსახლეობას და ბიზნესს არასწორი გადაწყვეტილებებისკენ უბიძგებს და, საბოლოო ჯამში, მათ მხოლოდ აზარალებს.

„ამიტომ სასურველია გავიაზროთ, რომ როგორც მთელი მსოფლიო, ასევე საქართველო უპრეცედენტოდ რთულ პერიოდს გადის. ამ გამოწვევის წინააღმდეგ სწორი ნაბიჯების გადადგმით - რისი გამოცდილებაც ეროვნულ ბანკს აქვს - ამ კრიზისს მინიმალური დანახარჯებით გადავლახავთ“, – განაცხადა გვენეტაძემ.

პანდემია სერიოზულად აისახა ლარის კურსზე. ეროვნული ვალუტის კურსზე, რომელიც ანტირეკორდებს ამყარებს, ჯერ ნავთობის, ხოლო შემდეგ მსოფლიო ეკონომიკური კრიზისი აისახა.

40 მილიონი დოლარის გაყიდვის შემდეგ საშუალო შეწონილმა გაცვლითმა კურსმა 3.2641 შეადგინა.

331
თემები:
ლარის კურსის დაცემა
გმირთა მოედანი

თბილისის ცენტრში რამდენიმე დღით ტრანსპორტის მოძრაობა შეიზღუდება

26
(განახლებულია 12:43 24.09.2020)
შეზღუდვები საავტომობილო მოძრაობაზე თბილისის ცენტრში 25 სექტემბრის ღამიდან 28 სექტემბრის დილამდე იმოქმედებს

თბილისი, 24 სექტემბერი - Sputnik. თბილისში 26 მაისის მოედანზე ტრანსპორტის გადაადგილება დაგეგმილი ინფრასტრუქტურული სამუშაოების გამო სამი დღის განმავლობაში შეიზღუდება, ნათქვამია დედაქალაქის მერიის განცხადებაში.

კერძოდ, შეზღუდვები იმოქმედებს 25 სექტემბრის 23:00 საათიდან 28 სექტემბრის 08:00 საათამდე.

პავტომობილები პეკინის გამზირიდან შარტავას ქუჩაზე, 26 მაისის მოედნის ნაცვლად, გმირთა მოედნიდან მოხვდებიან.

თბილისის გარეუბანში ახალი რეკრეაციული სივრცე გაჩნდება>>

მოძრაობის მიმართულება არ იცვლება გმირთა მოედნიდან შარტავას ქუჩისკენ მოძრავი ავტომობილებისთვის.

ასევე შესაძლებელი იქნება 26 მაისის მოედანზე მოხვევა გმირთა მოედნის მიმართულებით.

26
თემები:
თბილისი დღეს