სუპერმარკეტის თარო

საკვები პროდუქტები შესაძლოა კიდევ უფრო გაძვირდეს

136
(განახლებულია 18:05 13.11.2019)
პურის, შაქრის, ყველის, ხორცის და ბოსტნეულის შესაძენად საქართველოს მოსახლეობა ყოველწლიურად სულ უფრო მეტ ფულს ხარჯავს, შემოსავალი კი გაწეული ხარჯის პროპორციულად არ იზრდება.

ოქტომბერში წლიური ინფლაციის დონემ უკვე 6,9  პროცენტი შეადგინა, მაშინ, როცა ინფლაციის მიზნობრივი მაჩვენებელი 3%-ია.

ინფლაცია ციფრებში

საქართველოს სტატისტიკის ეროვნული სამსახურის „საქსტატის“ მონაცემებით, 2019 წლის ოქტომბერში წლიური ინფლაციის დონემ 6.9 პროცენტი შეადგინა, თამბაქოს გარეშე ინფლაციის მაჩვენებელმა კი წინა წლის შესაბამის თვესთან შედარებით – 6.2 პროცენტი.

წინა წელთან შედარებით, ოქტომბერში მომხმარებელმა სურსათსა და უალკოჰოლო სასმელებში 13.5 პროცენტით მეტი გადაიხადა. 26.9 პროცენტით მეტი – ხილში და ყურძენში, 16 პროცენტით მეტი დახარჯა რძეზე, ყველზე და კვერცხზე, თევზეული გაძვირებულია 15.8 პროცენტით, ხოლო ხორცი და ხორცის პროდუქტები – 14.7 პროცენტით

შარშანდელთან შედარებით წელს 13.7 პროცენტით მეტია შაქრის, ჯემის და სხვა ტკბილეულის ღირებულებაც. ბოსტნეული და ბაღჩეული გაძვირდა 12.4 პროცენტით, პური და პურპროდუქტები – 11.0 პროცენტით

13.8 პროცენტითაა გაზრდილი ფასები ალკოჰოლურ სასმელებზე და თამბაქოზე. დასვენებასა და გართობაში მოსახლეობას 7.3 პროცენტით მეტი დაეხარჯა, ხოლო სატრანსპორტო მომსახურებაში – 1.7 პროცენტი. ასევე გაძვირებულია სასტუმროები, კაფეები და რესტორნები – 6.9 პროცენტით.

მთავრობას ეროვნული ბანკის იმედი აქვს

საქართველოს ფინანსთა მინისტრის ივანე მაჭავარიანის განცხადებით, გამოქვეყნებულ მონაცემებში არაფერია საგანგაშო.

„ჩვენ ამ ფაქტს ვაღიარებთ, თვალს ვუსწორებთ, რომ ლარის გაუფასურების კვალდაკვალ მოხდა ინფლაციური პროცესების გააქტიურება. ნიშნულები არ არის საგანგაშო, თუმცა ეროვნულმა ბანკმა უკვე მოახდინა რეაგირება. საკმაოდ მძლავრი და ეფექტური ნაბიჯები გადაიდგა. ჩემი აზრით, არანაირი საფუძველი არ გვაქვს არ დავიჯეროთ, რომ მომავალი წლის გაზაფხულიდან მოხდება ინფლაციის მიზნობრივ ნიშნულამდე დაყვანა და შემდეგ ის გააგრძელებს ქვემოთ სვლას. ამის ყველა წინაპირობა არის და ამას ხელს უწყობს ეროვნული ბანკისა და მთავრობის პოლიტიკა“, – აღნიშნა ივანე მაჭავარიანმა.

ეროვნულმა ბანკმა უკვე გაამკაცრა მონეტარული პოლიტიკა – 200 საბაზისო პუნქტით გაზარდა საპროცენტო განაკვეთი, რამაც, სებ-ის გათვლებით, უნდა მოახდინოს გავლენა ინფლაციაზე.

ეროვნული ბანკის პრეზიდენტის კობა გვენეტაძის განცხადებით, ეროვნული ბანკის მიერ გადადგმული ნაბიჯების შედეგად საშუალოვადიან პერიოდში ინფლაცია მის მიზნობრივ მაჩვენებელს დაუბრუნდება.

რას ფიქრობენ ექსპერტები

არასამთავრობო ორგანიზაცია „საერთაშორისო კვლევებისა და პროგნოზირების ცენტრის“ ვიცე-პრეზიდენტის ნიკა შენგელიას აზრით, ინფლაცია, რა თქმა უნდა, საგანგაშოა გამომდინარე იქიდან, რომ ხდება ფასების ზრდა, რაც თავის მხრივ მოსახლეობის ჯიბეს აყენებს დარტყმას.

„გამოქვეყნებული სტატისტიკა იმაზე მიუთითებს, რომ მოსახლეობას, მაგალითად, იმავე 100 ლარში უკვე უფრო ნაკლები პირველადი მოხმარების პროდუქტი მოუვა, ვიდრე თუნდაც ორი თვის წინ შეეძლო ეყიდა“, – აღნიშნა ნიკა შენგელიამ „Sputnik საქართველოსთან“ საუბრისას.

ეკონომისტის თქმით, შექმნილი სიტუაცია ძირითადად ლარის კურსმა და მოლოდინებმა განაპირობა, კერძოდ იმან, რომ მთავრობამ 2020 წლის ბიუჯეტი დოლარის მიმართ ლარის კურსის 2,9-იან ნიშნულზე გათვალა. ამას დაემატა ქვეყნის შიგნით წარმოებული სასოფლო-სამეურნეო პროდუქციის სიმცირე და თამბაქოზე ფასების ზრდა.

ეკონომისტის პროგნოზით, რადგან ბოლო პერიოდში შემოტანილ თამბაქოზეც მოხდა აქციზის გადასახადის ზრდა, ინფლაციის მაჩვენებელი არც მომდევნო თვეში დაიკლებს. პოზიტიური პროგნოზის გაკეთების საშუალებას არ იძლევა ეროვნული ვალუტაც.

„ჩვენი პროგნოზით, ლარის კურსი უახლოესი ერთი თვის განმავლობაში, სავარაუდოდ, ვერ გადაკვეთს 3-ნიშნულიან დონეს, მაგრამ ვერც იმას ვიტყვით, რომ 2,85 ნიშნულამდე ჩამოვა. ასე რომც მოხდეს, ლარის მერყეობის იმიჯის გათვალისწინებით, ფასების დაწევა იანვრის 20 რიცხვამდე არ მოხდება“, – აღნიშნა ნიკა შენგელიამ.

ეკონომისტის თქმით, აღსანიშნავია ისიც, რომ პროდუქტებზე ფასების ზრდამ კაფე-რესტორნებზეც იქონია გავლენა და ეს ტენდენცია ნოემბერ-დეკემბრის თვეში კვლავ თვალსაჩინო იქნება. შესაბამისად, საქართველოს მოსახლეობის დიდ ნაწილს მომავალი 2020 წლის შემობრძანება შარშანდელთან შედარებით უფრო ძვირი დაუჯდება.

„მარტისთვის კი გვექნება შემდეგი სურათი: ინფლაცია თებერვალთან შედარებით არ გაიზრდება ან ნაკლებად გაგვეზრდება, მაგრამ უკვე ეს გაზრდილი ფასები ძალაში დარჩება“, – თქვა ნიკა შენგელიამ.

საბანკო ასოციაციის პრეზიდენტის ალექსანდრე ძნელაძის აზრით, ეროვნული ბანკის მიერ გადადგმული ნაბიჯები ინფლაციური წნეხის მოხსნისკენ არის მიმართული და, ლოგიკიდან გამომდინარე, დადებითად უნდა იმოქმედოს.

„თუმცა, როგორ აისახება ეს წინასაახლწლო ფასებზე, ნამდვილად ძნელია დღეს ამაზე პროგნოზის გაკეთება“, – აღნიშნა ალექსანდრე ძნელაძემ.

ნატა პატარაია

 

136
მანდარინი

საქართველოდან მანდარინის ექსპორტი გაიზარდა

23
(განახლებულია 13:30 25.01.2021)
წელს ქართული მანდარინი ექსპორტზე 14 ქვეყანაში გაიტანეს. ექსპორტიორი ქვეყნების ხუთეული ასე გამოიყურება: რუსეთი, სომხეთი, უკრაინა, მოლდოვა, თურქმენეთი

თბილისი,  25 იანვარი – Sputnik. საქართველოდან ბოლო ხუთ თვეში 36.7 ათასი ტონა მანდარინის ექსპორტი განხორციელდა, რომლის ღირებულებამ 17.9 მლნ აშშ დოლარი შეადგინა, იუწყება საქართველოს გარემოს დაცვისა და სოფლის მეურნეობის სამინისტრო. 

უწყების ცნობით, 2020 წლის 1 აგვისტოდან მიმდინარე წლის 24 იანვრამდე ექსპორტის მოცულობა 6.5 ათასი ტონით (22%), ხოლო ექსპორტის ღირებულება 2.3 მლნ აშშ დოლარით (15%) აღემატება 2019-2020 წლების ანალოგიური პერიოდის მაჩვენებლებს.

მიმდინარე წელს წარმოებული მანდარინის ექსპორტი ძირითადად განხორციელდა რუსეთის ფედერაციაში (21.2 ათასი ტონა), სომხეთსა (8.0 ათასი ტონა) და უკრაინაში (5.3 ათასი ტონა). ქართული მანდარინი ასევე გავიდა მოლდოვაში, თურქმენეთში, ბელარუსში, ყაზახეთში, ლიეტუვაში, სლოვენიაში, ტაჯიკეთში, ყირგიზეთში, აზერბაიჯანში, აშშ-სა და გერმანიაში.

წელს მანდარინის მოსავლის საპროგნოზო მაჩვენებელი დაახლოებით 40 ათას ტონას შეადგენს.

 

23
თემები:
საქართველოს სოფლის მეურნეობა

ხმაურიანი კვირა: თბილისში აკრძალვები გააპროტესტეს - ფოტო

29
  • კვირას კორონავირუსის გამო დაწესებული შეზღუდვები ასობით ადამიანმა გააპროტესტა
  • აქცია მთავრობის ადმინისტრაციასთან გაიმართა
  • მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები
  • მათ დიდ ნაწილს ეკეთა პირბადე
  • აქციაზე წესრიგს პოლიცია უზრუნველყოფდა
  • აქციის მონაწილეთა ნაწილი თავიდან პარლამენტთან გამოხატავდა პროტესტს
  • ზამთრის სპორტის მოყვარულებმა აქციაზე შვილებიც მიიყვანეს
  • მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები
  • აქციაზე უამრავი ჟურნალისტი და ბლოგერი იმყოფებოდა
  • აქცია რამდენიმე საათს გაგრძელდა
  • თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა
  • ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს
კვირას მთელი დღის განმავლობაში საზოგადოების ნაწილი სამთავრობო შენობებთან ქვეყანაში მოქმედ შეზღუდვებს აპროტესტებდა. დაწვრილებით - იხილეთ Sputnik-საქართველოს ფოტოლენტაში

დასვენება, როგორც ჩანს, პერმანენტულად იქცა - საახალწლო ორკვირიანი „არდადეგები“ უსასრულოდ გრძელდება. მკაცრი შეზღუდვების დაწყებიდან ქვეყანაში შეჩერებულია ბაზრობების, მაღაზიების, რესტორნების, კაფეების, სპორტდარბაზებისა და სხვა ობიექტების მუშაობა. ასევე დაკეტილია სკოლები და საბავშვო ბაღები, არ მუშაობს საზოგადოებრივი ტრანსპორტი, მოქმედებს საკომენდანტო საათი. უამრავი ბიზნესი და ადამიანები მომსახურების სფეროში კარგავენ შემოსავლებს. ისინი, ვინც უკმაყოფილო არიან სიტუაციით, კვირას პროტესტის გამოსახატად ქუჩაში გამოვიდნენ.

29
  • კვირას კორონავირუსის გამო დაწესებული შეზღუდვები ასობით ადამიანმა გააპროტესტა
    © Sputnik / STRINGER

    კვირას კორონავირუსის გამო დაწესებული შეზღუდვები ასობით ადამიანმა გააპროტესტა

  • აქცია მთავრობის ადმინისტრაციასთან გაიმართა
    © Sputnik / STRINGER

    აქცია მთავრობის ადმინისტრაციასთან გაიმართა

  • მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები
    © Sputnik / STRINGER

    მასში მონაწილეობდნენ სამოქალაქო სექტორის, ოპოზიციის და სხვადასხვა სახის ბიზნესის წარომადგენლები

  • მათ დიდ ნაწილს ეკეთა პირბადე
    © Sputnik / STRINGER

    მათ დიდ ნაწილს ეკეთა პირბადე

  • აქციაზე წესრიგს პოლიცია უზრუნველყოფდა
    © Sputnik / STRINGER

    აქციაზე წესრიგს პოლიცია უზრუნველყოფდა

  • აქციის მონაწილეთა ნაწილი თავიდან პარლამენტთან გამოხატავდა პროტესტს
    © Sputnik / STRINGER

    აქციის მონაწილეთა ნაწილი თავიდან პარლამენტთან გამოხატავდა პროტესტს

  • ზამთრის სპორტის მოყვარულებმა აქციაზე შვილებიც მიიყვანეს
    © Sputnik / STRINGER

    ზამთრის სპორტის მოყვარულებმა აქციაზე შვილებიც მიიყვანეს

  • მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები
    © Sputnik / STRINGER

    მომიტინგეები რუპორებით და პრესის საშუალებით ცდილობდნენ მთავრობისათვის გაეგონებინათ საკუთარი მოთხოვნები

  • აქციაზე უამრავი ჟურნალისტი და ბლოგერი იმყოფებოდა
    © Sputnik / STRINGER

    აქციაზე უამრავი ჟურნალისტი და ბლოგერი იმყოფებოდა

  • აქცია რამდენიმე საათს გაგრძელდა
    © Sputnik / STRINGER

    აქცია რამდენიმე საათს გაგრძელდა

  • თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა
    © Sputnik / Vladimir Umikashvili

    თუმცა აქტივისტების ნაწილმა გადაწყვიტა მიტინგი კომენდანტის საათის დროს გაეგრძელებინა

  • ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს
    © Sputnik / Vladimir Umikashvili

    ცხრა საათის შემდეგ მათ ჟურნალისტების თანხლებით მსვლელობა გამართეს ცენტრალურ ქუჩებზე, სადაც მოითხოვდნენ კომენდანტის საათის გაუქმებას და აქტივისტი ირაკლი ფანგანის გათავისუფლებას, რომელიც ბათუმში აჭარის უმაღლესი საბჭოს დეპუტატისთვის ნაგვის ურნის სროლისთვის დააკავეს

გიორგი შერმადინი

ქართველი კალათბურთელი ესპანეთის ჩემპიონატის ყველა ფასეული მოთამაშე

0
(განახლებულია 14:17 25.01.2021)
ქართველი სპორტსმენი ესპანური საკალათბურთო კლუბების „ტენერიფესა“ და „მანრესას“ შეხვედრის ყველაზე შედეგიანი მოთამაშე აღმოჩნდა

თბილისი, 25 იანვარი – Sputnik. საქართველოს კალათბურთის ნაკრებისა და ესპანეთის „იბეროსტარ ტერენიფეს“ ცენტრი გიორგი შერმადინი ეროვნული პირველობის მატჩის MVP (Most valuable player – ყველაზე ფასეული მოთამაშე) გახდა.

ესპანეთის ჩემპიონატის 21–ე ტურში „ტერენიფემ“ „მანრესა“ 85:70 დაამარცხა. შერმადინი შეხვედრის ყველაზე შედეგიანი მოთამაშე გახდა 29 ქულით.

უნდა აღინიშნოს, რომ შერმადინი ერთადერთი მოათამაშეა ორივე კლუბის შემადგენლობაში, რომელმა 20–ზე მეტი ქულა მოაგროვა.

ესპანეთის ჩემპიონატში „ტენერიფეს“ 20 ჩატარებული მატჩის შემდეგ 32 ქულა აქვს და სატურნირო ცხრილში მესამე ადგილი უკავია.

0
თემები:
სპორტის ამბები