ქართული ღვინო

ქართული ღვინის ექსპორტი 11 პროცენტით გაიზარდა

57
(განახლებულია 13:38 06.11.2019)
მსოფლიოს 27 ქვეყანაში ექსპორტირებულია 521,7 ათასი ბოთლი ჭაჭა (ზრდა – 62%). ჭაჭის ექსპორტით მიღებული შემოსავალი 1,5 მლნ აშშ დოლარს აღწევს (ზრდა – 58%).

თბილისი, 6 ნოემბერი — Sputnik. ქართული ღვინის ექსპორტი გაიზარდა – 2019 წლის იანვრიდან ოქტომბრის ჩათვლით საქართველოდან მსოფლიოს 53 ქვეყანაში გავიდა დაახლოებით 75,6 მლნ ბოთლი ღვინო, რაც გასული წლის ანალოგიური პერიოდის მაჩვენებელზე 11%-ით მეტია, ნათქვამია ღვინის ეროვნული სააგენტოს განცხადებაში.

აშშ-ში ქართული ღვინის ფორუმს უმასპინძლეს>>

ექსპორტირებული ღვინის ღირებულება 195 მლნ აშშ დოლარს აღწევს, რაც 2018 წლის ანალოგიურ პერიოდთან შედარებით 20%-ით მეტია.

ყველაზე მეტი ქართული ღვინო რუსეთში გადის. ლიდერი ქვეყნების ხუთეულში ასევე შედიან უკრაინა, ჩინეთი, პოლონეთი და ყაზახეთი.

ათი თვის მონაცემებით, სხვადასხვა მოცულობის ღვინის ექსპორტი 302-მა კომპანიამ განახორციელა.

ღვინის გარდა მსოფლიოს 23 ქვეყანაში ექსპორტირებულია 23,8 მლნ ბოთლი (0,5 ლ) ბრენდი, რაც 52%-ით აღემატება 2018 წლის ანალოგიურ მაჩვენებელს. ბრენდის ექსპორტით მიღებულმა შემოსავალმა 50,8 მლნ აშშ დოლარი შეადგინა (ზრდა 58%).

მსოფლიოს 27 ქვეყანაში ექსპორტირებულია 521,7 ათასი ბოთლი (0,5 ლ) ჭაჭა, ექსპორტის ზრდამ 62% შეადგინა. ჭაჭის ექსპორტით მიღებული შემოსავალი 1,5 მლნ აშშ დოლარს აღწევს (ზრდა 58%).

საქართველოში რუსეთის სახელმწიფო სათათბიროს დეპუტატის სერგეი გავრილოვის ჩამოსვლასთან დაკავშირებით დაძაბული ვითარების საპასუხოდ რუსეთმა საქართველოსთან პირდაპირი ავიამიმოსვლა აკრძალა.

რაჭული ხვანჭკარა: ყველაზე ტკბილი ღვინო საქართველოს ულამაზესი მხარიდან - ვიდეო>>

რუსი დეპუტატები ასევე განიხილავდნენ რუსეთში რიგი ქართული პროდუქტების შეტანის აკრძალვასაც, თუმცა მოგვიანებით რუსეთის პრეზიდენტმა ვლადიმირ პუტინმა განაცხადა, რომ სანქციებს არ დააწესებდა.

57
თემები:
საქართველოს ეკონომიკა (799)
თორნიკე რიჟვაძე

აჭარის მთავრობის მეთაური CPMR-ის ვიცე-პრეზიდენტად აირჩიეს

25
(განახლებულია 17:07 30.10.2020)
საზღვაო რეგიონების კონფერენცია ევროპასა და მის საზღვრებს გარეთ 150 რეგიონს აერთიანებს და ძირითადად ფოკუსირებულია საზღვაო საქმიანობის განვითარებაზე.

თბილისი, 30 ოქტომბერი – Sputnik. აჭარის მთავრობის მეთაური თორნიკე რიჟვაძე ორგანიზაცია „პერიფერიული საზღვაო რეგიონების კონფერენციის“ (CPMR) ვიცე-პრეზიდენტად აირჩიეს, იუწყება აჭარის მთავრობის პრეს-სამსახური.

რიჟვაძე აღნიშნულ თანამდებობას ორი წლის ვადით დაიკავებს. მისი კანდიდატურა ასოციაციის პოლიტიკურმა ბიურომ დაამტკიცა.

აჭარის მთავრობის პრეს-სამსახურის ინფორმაციით, CPMR აერთიანებს დაახლოებით 200 მილიონ ადამიანს და მნიშვნელოვან როლს ასრულებს ევროპისა და მეზობელი რეგიონების განვითარებაში. ორგანიზაციის სათავო ოფისი ბრიუსელშია.

„ასოციაცია მუშაობს როგორც სამეცნიერო, ასევე სხვადასხვა დარგობრივი და ინოვაციური იდეების განვითარებისთვის და პროექტების შემუშავების მიმართულებით“, – ნათქვამია განცხადებაში.

ორგანიზაცია „პერიფერიული საზღვაო რეგიონების კონფერენცია“ 1973 წელს შეიქმნა. ის აერთიანებს 150 რეგიონს ევროპასა და მის ფარგლებს გარეთ. გაერთიანება მიმართულია სოციალურ, ეკონომიკურ და ტერიტორიულ ერთობაზე, საზღვაო პოლიტიკაზე, ლურჯი ეკონომიკის ზრდასა და ხელმისაწვდომობაზე.

ასოციაციის საქმიანობის ასევე მნიშვნელოვანი სფეროებია ევროპული მმართველობა, მწვანე ენერგეტიკა, კლიმატის ცვლილება და სტაბილური სამეზობლო განვითარება.

ფოთის პორტი გაფართოვდება: ინვესტორებმა შეთანხმება უკვე გააფორმეს>>

ამ ორგანიზაციასთან თანამშრომლობა საქართველოს საშუალებას აძლევს, ითანამშრომლოს ევროკავშირთან იმ პროექტებში, რომლებიც ხორციელდება საზღვაო, ეკონომიკის, ეკოლოგიისა და ტურიზმის სფეროებში.

CPMR ევროპული ინსტიტუტების პარტნიორია და რეგიონებს ეხმარება პროექტების შემუშავებაში და, აუცილებლობის შემთხვევაში, ევროკავშირის დაფინანსების მიღებაში.

25
ისტიციის სახლი, სადაც ეროვნული ბანკის ოფისია განლაგებული

რა იქნება საქართველოს ეკონომიკის ზრდის მიზეზი 2021 წელს

46
(განახლებულია 14:22 30.10.2020)
გლობალური ეკონომიკური აქტივობის აღდგენა უფრო ნელი ტემპით არის მოსალოდნელი, რაც გავლენას მოახდენს საგარეო მოთხოვნის შემცირებაზე, მიიჩნევს საქართველოს ეროვნული ბანკი.

თბილისი, 30 ოქტომბერი – Sputnik. 2021 წელს ეკონომიკური ზრდის მთავარი ფაქტორი ადგილობრივი მოთხოვნა იქნება – ასეთ პროგნოზს აკეთებს საქართველოს ეროვნული ბანკი.

„წინასწარი ინდიკატორებით, ერთობლივი მოთხოვნა კვლავ სუსტია. არსებული შეფასებით, ეკონომიკური აქტივობა აგვისტოში წლიურად 5.3 პროცენტით შემცირდა“, – ნათქვამია ეროვნული ბანკის განცხადებაში.

დოკუმენტში ნათქვამია, რომ წინა თვეებთან შედარებით აღნიშნული მაჩვენებლის გაუმჯობესებას ძირითადად ადგილობრივი მოთხოვნის გაჯანსაღება განაპირობებს, რაც ფისკალურ სტიმულს და საკრედიტო აქტივობისა და გზავნილების მოსალოდნელზე კარგ დინამიკას უკავშირდება.

„საერთაშორისო მოგზაურებიდან მიღებული შემოსავალი მინიმალურია და, წინასწარი მონაცემებით, სექტემბერში წლიურად 95 პროცენტით შემცირდა. ამავე დროს საქონლის ექსპორტზე მოთხოვნამ გაუმჯობესება განაგრძო და, იანვრის შემდეგ პირველად, სექტემბერში წლიურად 8.6 პროცენტით გაიზარდა. გრძელდება ფულადი გზავნილების მაღალი ზრდაც“, – აღნიშნავენ სებ-ში.

ინფლაცია კონტროლირებადია

ეროვნული ბანკი აღნიშნავს, რომ ბოლო თვეებში ინფლაციის დინამიკა რეგულატორის პროგნოზებს შეესაბამება.

„წლიური ინფლაცია შემცირებას განაგრძობს და მან სექტემბერში 3.8 პროცენტი შეადგინა. არსებული პროგნოზით, სხვა თანაბარ პირობებში, წლიური ინფლაციის შემცირების ტენდენცია გაგრძელდება და ის 2021 წელს მიზნობრივ ინფლაციასთან (3%) ახლოს იქნება“, – ნათქვამია განცხადებაში.

დოკუმენტში აღნიშნულია, რომ ინფლაციის შემცირების დინამიკას სუსტი ერთობლივი მოთხოვნა განაპირობებს და მოსალოდნელია, რომ აღნიშნული მდგომარეობა მომავალ პერიოდებშიც შენარჩუნდება. გარდა ამისა, საყურადღებოა ასევე საგარეო მოთხოვნის შემცირება.

„კორონავირუსის გააქტიურებისა და პანდემიის გახანგრძლივების მოლოდინების ფონზე, 2021 წელს, წინა პროგნოზებთან შედარებით, გლობალური ეკონომიკური აქტივობის აღდგენა უფრო ნელი ტემპით არის მოსალოდნელი, რაც საგარეო მოთხოვნაზე შემცირების მიმართულებით იმოქმედებს“, – ასეთ პროგნოზს დებენ ეროვნული ბანკის ანალიტიკოსები.

ეროვნულმა ბანკმა ფულად-საკრედიტო პოლიტიკის უცვლელად დატოვება გადაწყვიტა

საქართველოს ეროვნული ბანკის მონეტარული პოლიტიკის კომიტეტმა 28 ოქტომბერს რეფინანსირების განაკვეთის უცვლელად – 8%-ის დონეზე დატოვების გადაწყვეტილება მიიღო.

  • რეფინანსირების განაკვეთი – პროცენტის ოდენობაა წლიური გაანგარიშებით, რომელსაც საკრედიტო ორგანიზაციები ეროვნულ ბანკს მათთვის გამოყოფილი კრედიტებისთვის უხდიან. რეფინანსირების განაკვეთი ეროვნული ბანკის ფულად-საკრედიტო პოლიტიკის ძირითადი ინსტრუმენტია და საფინანსო სექტორში საბაზრო განაკვეთების ორიენტირად არის მიჩნეული.

„მონეტარული პოლიტიკის კომიტეტმა გადაწყვეტილების მიღებისას გაითვალისწინა გაურკვევლობა, რომელიც ვირუსის გავრცელების დაჩქარებასა და გეოპოლიტიკური რისკების ზრდასთან არის დაკავშირებული. არსებული შეფასებით, გამკაცრებული მონეტარული პოლიტიკიდან ეტაპობრივი გამოსვლა (ნორმალიზაცია) და მისი ტემპი ინფლაციის მოლოდინებსა და ეკონომიკური აქტივობის დინამიკაზე იქნება დამოკიდებული“, – აღნიშნავს ეროვნული ბანკი.

ეროვნულმა ბანკმა მონეტარული პოლიტიკის შერბილება მიმდინარე წლის აპრილიდან დაიწყო, რასაც გამკაცრების ხანგრძლივი პერიოდი უძღოდა. გამკაცრება 2019 წლის სექტემბრიდან დაიწყო ინფლაციური წნეხის შესამცირებლად, რომელიც გაცვლითი კურსის ვარდნით იყო გამოწვეული.

რეფინანსირების განაკვეთი გასული წლის სექტემბერ-დეკემბერში 6,5%-დან 9%-მდე გაიზარდა. კორონავირუსის გავრცელების საფრთხის გამო ქვეყანაში მარტიდან კომენდანტის საათი და კარანტინი დაწესდა. ეკონომიკური აქტიურობის წახალისების მიზნით ეროვნულმა ბანკმა აპრილიდან რეფინანსირების განაკვეთი სამ ეტაპად 8%-მდე შეამცირა.

რამდენი სესხია გაცემული საქართველოში

არასამთავრობო ორგანიზაცია „საზოგადოება და ბანკების“ მონაცემებით, 2020 წლის 1 ოქტომბრისთვის საქართველოში მთლიანობაში 6,7 მილიარდი ლარის 122,9 ათასი სესხია გაცემული. სესხების საერთო რაოდენობიდან მნიშვნელოვანი ნაწილის საპროცენტო განაკვეთი რეფინანსირების განაკვეთზეა მიბმული.

რატომ არის შეუძლებელი სესხებზე პროცენტების მკვეთრი დაწევა: გვენეტაძის განმარტება >>

არასამთავრობო ორგანიზაციის ინფორმაციით, 1 ოქტომბრისთვის ქვეყანაში 2,3 მილიარდი ლარის 49,8 ათასი იპოთეკური სესხია გაცემული. მათზე საშუალო საპროცენტო განაკვეთი 10,47%-ს შეადგენს.

რადგან ეროვნულმა ბანკმა რეფინანსირების განაკვეთი ძველ დონეზე დატოვა, შესაბამისად, უკვე აღებულ სესხებზე საპროცენტო განაკვეთიც არ შეიცვლება.

ეროვნული ბანკი ეკონომიკაში წონასწორობას უზრუნველყოფს

ექსპერტმა ეკონომიკურ საკითხებში აკაკი ცომაიამ ეროვნული ბანკის მონეტარული პოლიტიკა შეაფასა.

„პანდემიის ფონზე ძალიან რთულია დაადგინო, რამდენად ზუსტად აკეთებს დასკვნებს ცენტრალური ბანკი შექმნილ სიტუაციაში. პირველ რიგში შემიძლია ვთქვა, რომ ძალიან დიდია გაურკვევლობის ფაქტორი და ეკონომიკაში მუდმივი შოკები ხდება“, – განუცხადა ცომაიამ „Sputnik-საქართველოს“.

მისი თქმით, ამჟამად მცირდება მოთხოვნა, მაგრამ ამავე დროს მიწოდებაც მცირდება.

„მოთხოვნის შემცირება იწვევს ფასების შემცირებას სასურსათო პროდუქტებსა და მომსახურებებზე, ხოლო მიწოდების შემცირება, პირიქით, ხელს უწყობს ფასების ზრდას იმავე საქონელსა და მომსახურებაზე. ამ კონტექსტში გაურკვევლობის ფაქტორი დიდ როლს ასრულებს, ძნელია განისაზღვროს საპროცენტო განაკვეთების ის ოპტიმალური დონე, რომელიც ინფლაციურ-ტარგეტირებულ დონეს უზრუნველყოფს", – განაცხადა ცომაიამ.

ამასთან მან ხაზი გაუსვა, რომ განაკვეთის უცვლელად დატოვებით, შეიძლება ითქვას, ეროვნული ბანკი არ ცდება, რადგან ინფლაციის დონე თანდათან მცირდება.

46
თემები:
საქართველოს ეკონომიკა (799)

როგორ ტარდება საპარლამენტო არჩევნები პანდემიის პირობებში

0
საქართველოში საპარლამენტო არჩევნებმა სტარტი აიღო, კორონავირუსის პანდემიამ საარჩევნო უბნებზე კენჭისყრის წესებში რიგი ცვლილებები შეიტანა.
საპარლამენტო არჩევნები პანდემიის პირობებში
© Sputnik / Konstantin Ivanov

ვირუსის გავრცელების პრევენციის მიზნით, საქართველოს ცესკომ ეპიდემიოლოგებთან ერთად არჩევნების ჩატარებისთვის სპეციალური წესები შეიმუშვა. „Sputnik – საქართველოს“ ინფოგრაფიკაში გაიგებთ, რამდენად მზად არიან საარჩევნო უბნები და როგორ  უნდა მისცეთ ხმა.

მთელი ქვეყნის მასშტაბით 3 852 საარჩევნო უბანია გახსნილი. რაც შეეხება საკარანტინო სივრცესა და სამედიცინო დაწესებულებებში მყოფ ამომრჩეველს, მათთვის ცალკე შექმნილია 127 სპეციალური საარჩევნო უბანი. ასეთ საარჩევნო უბნებზე კენჭისყრას და შედეგების დათვლას ცალკე სპეციალური ჯგუფი განახორციელებს.

0
თემები:
საქართველოს საპარლამენტო არჩევნები 2020