შანხაი

საქართველო ჩინეთში საერთაშორისო იმპორტის გამოფენაზე წარდგება

55
ჩინეთის ქალაქ შანხაიში ჩინეთის მეორე საერთაშორისო იმპორტის გამოფენა 5 ნოემბერს გაიხსნება და 10 ნოემბერს დაიხურება

თბილისი, 4 ნოემბერი - Sputnik. საქართველოს დელეგაცია  ჩინეთში,  შანხაის საერთაშორისო იმპორტის გამოფენაში (China International Import Expo CIIE-2020) მიიღებს მონაწილეობას, იუწყება საქართველოს ეკონომიკისა და მდგრადი განვითარების სამინისტრო.

გამოფენაში 150 ქვეყნისა და რეგიონის 3000 მწარმოებელი კომპანია მიიღებს მონაწილეობას. გამოფენა ჩინეთის ეროვნულ საგამოფენო და საკონვენციო ცენტრში გაიმართება. გამოფენის პარალელურად ბიზნესფორუმი ჩატარდება, რომლის დროსაც ეროვნული დელეგაციების ხელმძღვანელებს შესაძლებლობა ექნებათ, მათი ქვეყნების საინვესტიციო შესაძლებლობებზე, განხორციელებულ და მიმდინარე რეფორმებზე ისაუბრონ.

საქართველოს დელეგაციას ეკონომიკისა და მდგრადი განვითარების მინისტრი ნათია თურნავა ხელმძღვანელობს.

ჩინეთში ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა მონაწილეობას მიიღებს გამოფენის პარალელურად მიმდინარე ბიზნეს ფორუმში, ასევე სიტყვით გამოვა პანელზე, რომელიც საერთაშორისო ვაჭრობასა და ლოგისტიკას შეეხება. გარდა ამისა, ნათია თურნავა საქართველოს ეროვნულ საგამოფენო პავილიონს დაათვალიერებს, აგრეთვე გამართავს შეხვედრებს ჩინეთის სამთავრობო და რეგიონალურ ლიდერებთან, აგრეთვე ბიზნესწრეების ხელმძღვანელ პირებთან.

საქართველოს დელეგაციის შემადგენლობაში შედიან სს „საქართველოს საპარტნიორო ფონდის“ აღმასრულებელი დირექტორი დავით საგანელიძე, ეკონომიკისა და მდგრადი განვითარების მინისტრის მოადგილე გენადი არველაძე, სსიპ „აწარმოე საქართველოში“ დირექტორი მიხეილ ხიდურელი, საქართველოს რკინიგზის გენერალური დირექტორი დავით ფერაძე, აგრეთვე 30-ზე მეტი ქართული კომპანია, რომელთა წარმოებული პროდუქცია საქართველოს ეროვნულ პავილიონზე განთავსდება.

ჩინეთის ქალაქ შანხაიში ჩინეთის მეორე საერთაშორისო იმპორტის გამოფენა 5 ნოემბერს გაიხსნება და 10 ნოემბერს დაიხურება.

საქართველო ჩინეთთან ბოლო წლების განმავლობაში აქტიურად ვაჭრობს. ჩინეთი საქართველოს ძირითადი სავაჭრო პარტნიორი ქვეყნების სამეულში შედის.

საქართველო არის რეგიონში პირველი ქვეყანა, რომელსაც თავისუფალი ვაჭრობის შესახებ შეთანხმებები ერთდროულად გაფორმებული აქვს ჩინეთთან და ევროკავშირთან, რაც ქართულ კომპანიებს, ისევე, როგორც საქართველოში ინვესტირებით დაინტერესებულ ბიზნესმენებს, მრავალრიცხოვან ბაზრებზე წვდომის შესაძლებლობას აძლევს.

55
თემები:
საქართველოს ეკონომიკა (598)
მაღაზია თბილისის ისტორიულ ცენტრში

როგორ გაიზარდა ფასები და შემცირდა ეკონომიკა - კორონაეკონომიკის შედეგები

31
(განახლებულია 22:07 04.06.2020)
ეკონომიკა ციფრებში... რაზე მეტყველებს ოფიციალური სტატისტიკა... რამდენით შემცირდა მთლიანი შიდა პროდუქტის მაჩვენებელი და როგორია ფასების დინამიკა?

სამსონ ხონელი

ეკონომიკა მცირდება, ფასები იზრდება, ეროვნული ვალუტა უფასურდება! ასეთია ის რეალობა, რომელიც ახალი კორონავირუსის, COVID-19-ის გავრცელებით შეიქმნა... არახალია, - ბრძანებს მკითხველი, თუმცა შესაძლოა მეტი კონკრეტიკით დაინტერესდეს, ჩამეძიოს, მაინც რამდენით? რა გაეწყობა, ვეცდები კითხვას მაქსიმალური სიზუსტით ვუპასუხო და საამისოდ სხვადასხვა სტრუქტირათა მონაცემებს მოვიშველიებ...

სტატისტიკის ეროვნული სამსახურის ინფორმაციით, მიმდინარე წლის აპრილში გასული წლის შესაბამის პერიოდთან შედარებით საქართველოს ეკონომიკა 16.6 პროცენტით შემცირდა, ხოლო პირველი ოთხი თვის საშუალო რეალური ზრდა -3.6 პროცენტია. საგულისხმოა, რომ შემცირება გამოვლინდა თითქმის ყველა სექტორში სამთომოპოვებითი მრეწველობის დარგის გარდა.

„შემცირება განსაკუთრებით დაეტყო მშენებლობის, ვაჭრობის, დამამუშავებელი მრეწველობის, ტრანსპორტის, სასტუმროებისა და რესტორნების, უძრავი ქონებით ოპერაციების, ხელოვნების, გართობისა და დასვენების სექტორებს. ამასთან ერთად, აპრილის თვეში საქონლის ექსპორტი 28 პროცენტით, ხოლო იმპორტის მაჩვენებელი 39 პროცენტით შემცირდა. კლება დაფიქსირდა საწარმოთა რეგისტრაციის კუთხითაც. საანგარიშო პერიოდში 307 საწარმო დარეგისტრირდა, რაც გასული წლის აპრილის მაჩვენებელს 93 პროცენტით ჩამორჩება...“, აცხადებს „საქსტატის“ აღმასრულებელი დირექტორი გოგიტა თოდრაძე.

არავინ იფიქროს, რომ ქვეყნის ეკონომიკაზე COVID-19-ის უარყოფითი გავლენის ეფექტი სულ ეს არის... ეროვნული ბანკის ცნობით, საზღვრების დახურვის შედეგად, ქვეყანა შემოსავლებს კარგავს ტურიზმიდან. კობა გვენეტაძის უწყების მონაცემებით, პანდემიის გამო, მხოლოდ აპრილში ქვეყანას ტურიზმიდან შემოსავლები 97 პროცენტით შეუმცირდა. აქვე შეგახსენებთ, საქართველო საერთაშორისო ვიზიტორებისთვის საზღვრების გახსნას 1 ივლისს გეგმავს, ხოლო 15 ივნისიდან შიდა ტურიზმი გახდება დასაშვები.    

ეროვნულმა ბანკმა ქვეყანაში აპრილში შემოსული ფულადი გზავნილებიც დააჯამა და გაირკვა, რომ გასული წლის შესაბამის პერიოდთან შედარებით კლება 42.3 პროცენტია. ყველაზე მეტად ფულადი გზავნილები რუსეთიდან, ესპანეთიდან და საფრანგეთიდან შემცირდა. მთელი წლის განმავლობაში დანაკარგი, სავარაუდოდ, რამდენიმე ასეული ათასი დოლარი იქნება. არადა, მსოფლიო ბანკის შეფასებით, ჩვენი ქვეყანა ფულად გზავნილებზე დამოკიდებულებით მსოფლიოში ხომ 24-ე ადგილზეა?! ქვეყნის ეკონომიკის 11.6 პროცენტს კი სწორედ საზღვარგარეთ დასაქმებული საქართველოს მოქალაქეების მიერ გამოგზავნილი სახსრები აკმაყოფილებს.

ერთი სიტყვით, კორონაეკონომიკის პირობებში პრაქტიკულად გაუარესდა ყველა ის ძირითადი მაკროეკონომიკური პარამეტრი, რომელიც ეროვნული ვალუტის კურსს აყალიბებს და სიმყარეს განსაზღვრავს. შედეგად, მიმდინარე წლის იანვრის მესამე დეკადიდან მოყოლებული ლარმა პოზიციები დათმო და მარტის თვეში რეკორდულად, 22 პროცენტით გაუფასურდა...   

ექსპერტ-ანალიტიკოსთა შეფასებებით, ქვეყნის ეკონომიკაზე პანდემიით გამოწვეული ძლიერი შოკი მოსალოდნელი იყო. მთლიანი შიდა პროდუქტის შემცირება ეკონომიკურ საქმიანობაზე დაწესებული სამთვიანი შეზღუდვების ლოგიკური შედეგია და ეს ადვილად პროგნოზირებადი იყო. საქართველო გამონაკლისი არ არის, მსოფლიოს უდიდეს ნაწილში ეკონომიკური რეცესიაა და ეს პროცესი ქვეყნის მაკროეკონომიკურ პარამეტრებზე აისახება.

„ეკონომიკური აქტივობის გაჩერებამ გამოიწვია აპრილში ეკონომიკის შემცირება და რაც უფრო მყიფე და სუსტი არის ეკონომიკა, მით უფრო მეტად მცირდება ის. ახლა კი პრინციპულად მნიშვნელოვაია, რომ სწორი ეკონომიკური პოლიტიკით ვუპასუხოთ ამ შემცირებას...“, აცხადებს ეკონომისტი ირაკლი ყიფიანი და დასძენს, რომ სწორი ეკონომიკური პოლიტიკა პირველ რიგში საერთაშორისო დონორი ორგანიზაციებიდან და მეგობარი ქვეყნებიდან მიღებული სესხებისა და ფულადი დახმარების ეფექტურ გამოყენებასა და ეკონომიკის სტიმულირებას გულისხმობს.

მოსახლეობისთვის მთავარი და დრამატული გამოწვევა ფასების კატასტროფული ზრდაა... ათეულობით პროცენტით გაძვირდა საკვები პროდუქტი, კერძოდ, რძის ნაწარმი, ხილი, შაქარი, ხორცი. საგრძნობლად მომატებულია პურის ფასიც... სტატისტიკის ეროვნული სამსახურის მონაცემებით, მიმდინარე წლის აპრილში 2019 წლის შესაბამის პერიოდთან შედარებით, ხილი 45 პროცენტით, რძე და რძის ნაწარმი 23 პროცენტით, ხორცპროდუქტები 15 პროცენტით, ხოლო პურპროდუქტები 8.4 პროცენტით გაძვირდა. აპრილის თვეში ფასებმა 5 პროცენტით მოიმატა ჯანდაცვის მიმართულებითაც. წლიური ინფლაციის დონემ კი 6.9 პროცენტი შეადგინა. ერთი სიტყვით, ცხოვრება საგრძნობლად გაძვირდა. სპეციალისტები ფასების ასეთ ზრდას პანდემიით გამოწვეული მიწოდების პრობლემებით, სავალუტო კურსის ცვლილებით, იმპორტირებული პროდუქციის გაძვირებით და დეფიციტის მოლოდინით ხსნიან. ფასების მატება მოსახლეობას მძიმე ტვირთად დააწვება, განსაკუთრებით მცირეშემოსავლიან ნაწილს. არ უნდა დავივიწყოთ, სტატისტიკის ეროვნული სამსახურის 2019 წლის მონაცემებით, საქართველოს მოსახლეობის 19.5 პროცენტი სიღარიბის აბსოლუტურ ზღვარს ქვევით იმყოფება...

კიდევ ერთი პრობლემური საკითხია საგანგებო მდგომარეობის მოთხოვნათა დარღვევისთვის ცხრა ათასამდე მოქალაქისათვის გამოწერილი ჯარიმები და საურავები... შეგახსენებთ, რომ დაწესებული შეზღუდვების დარღვევის შემთხვევაში ფიზიკური პირი 3 ათასი, იურიდიული პირი კი 15 ათასი ლარით ჯარიმდებოდა... საგანგებო მდგომარეობის დროს.

ჩამოიწერება თუ არა ჯარიმები? შესაბამისი ინიციატივა მმართველი გუნდის ოპონენტებს ეკუთვნით. პრემიერ-მინისტრი მიიჩნევს, რომ ახლა ჯარიმების ჩამოწერა იმის მანიშნებელი იქნება, რომ მომავალში მსგავსი პრევენციული ღონისძიება აღარ იმოქმედებს.

„არ დაგვავიწყდეს, პანდემია გრძელდება და არავინ იცის, შემზღუდავი ღონისძიებების მიღება როდის და რა დროით მოგვიწევს. ჩვენ ვერავის მოვუწოდებთ ამ ჯარიმების გაუქმებისკენ. ეს ყველას უნდა გვესმოდეს, შემდგომში ამ ინსტრუმენტების შემაკავებელი ძალა არ იმუშავებს. ეს საკანონმდებლო ხელისუფლების პრეროგატივაა და ჩვენ აქ ვერანაირ მითითებას ვერ მივცემთ პარლამენტს...“, - განაცხადა გიორგი გახარიამ პარლამენტში გამოსვლისას. როგორც ცნობილია, საპარლამენტო უმრავლესობა ჯარიმების შემსუბუქების საკითხს უკვე განიხილავს და უახლოეს დღეებში საბოლოო გადაწყვეტილებას შევიტყობთ...

ეკონომიკას დავუბრუნდეთ... რა იქნება ხვალ? საზოგადოებაში არის მცირე ნაწილი, რომელიც ფიქრობს, რომ გამოჩენილი სიფრთხილე და ხელისუფლების მიერ გატარებული ღონისძიებები იყო და არის გადამეტებული, რომ ვირუსის შიშით ჩვენ „მოვკალით ეკონომიკა და ძალიან მძიმე მდგომარეობაში ჩავაგდეთ მომავალი“... გავბედავ და ვიტყვი, ეს მცდარი აზრია... ეკონომიკურად.

მოლოდინების თვალსაზრისით, არჩეული პოლიტიკა გამართლებულია – როდესაც ქვეყნის მოსახლეობა ვირუსთან ბრძოლაში თავს გრძნობს დაცულად, როდესაც ხვდება, რომ მთავრობა აკონტროლებს სიტუაციას და მაქსიმალურად ეფექტიანად მუშაობს და თან ისე, რომ არ დგამს ზედმეტად მკაცრ ნაბიჯებს, მისი მოქმედებები უფრო რაციონალურია, რამდენადაც ეს შესაძლებელია ასეთ სიტუაციაში, შესაბამისად, მომავალიც განჭვრეტადია და ეს არის მთავარი.

 

31
ვალუტის გაცვლის პუნქტი

დოლარი ვარდნას განაგრძობს თურნავა მიზეზებზე საუბრობს

132
(განახლებულია 20:48 04.06.2020)
მაისის დასაწყისიდან ლარი დოლარის მიმართ 7,5%-ით გამყარდა, მაგრამ ინფლაცია მიზნობრივ მაჩვენებელს მაინც ისევ ორჯერ აჭარბებს.

თბილისი, 4 ივნისი – Sputnik. დაბალანსებულმა მაკროეკონომიკურმა პოლიტიკამ, მონეტარულმა და ფულად-საკრედიტო ბერკეტებმა საქართველოს ეროვნული ვალუტის კურსის გამყარება შეძლო, განუცხადა ჟურნალისტებს საქართველოს ეკონომიკისა და მდგრადი განვითარების მინისტრმა ნათია თურნავამ.

ლარის კურსმა დოლარის მიმართ ვარდნის მორიგი ეტაპი 9 მარტიდან დაიწყო, როდესაც კორონავირუსის პანდემიით გამოწვეულ გაურკვევლობას მსოფლიო ბაზრებზე ნავთობის ფასების მკვეთრი ვარდნაც დაერთო. მარტში ლარი 20%-ით გაიაფდა, ხოლო შემდეგ 3,2 GEL/$1 დონეზე დასტაბილურდა. თუმცა უკვე მაისის ბოლოსთვის ლარის კურსმა გამყარება დაიწყო და ეროვნულმა ბანკმა 4 ივნისისთვის ლარის გაცვლითი კურსი დოლარის მიმართ 3,0416 GEL/$1.ნიშნულზე დაადგინა.

„ლარის გამყარება – ეს არის რამდენიმე ფაქტორის კომპლექსი. ეს არის ჩვენი დაბალანსებული მაკროეკონომიკური პოლიტიკა, დაბალანსებული მონეტარული და ფულად-საკრედიტო ბერკეტები, რასაც ვიყენებთ და ეს ნორმალურია“, – განაცხადა თურნავამ.

მისი თქმით, ეკონომიკური აქტივობის შენელებაც თავის როლს ასრულებს, მაგრამ ეს არის დამაბალანსებელი პროცესი, რომელიც საბოლოოდ დადებითად აისახება, რადგან იმპორტირებული საქონლის ფასებზე ეს პოზიტიურად მოქმედებს და, საბოლოო ჯამში, ხელს შეუწყობს იმასაც, რომ ინფლაცია დაუბრუნდება მიზნობრივ მაჩვენებელს.

პანდემიის ფონზე საქართველოში ინფლაცია უწინდებურად 6%-ზე ზემოთ რჩება. სტატისტიკის ეროვნული სამსახურის მონაცემებით, მაისში ინფლაციის დონემ 6,5% შეადგინა მაშინ, როცა მიზნობრივი მაჩვენებლი 3%-ია.  

აპრილში ეროვნულმა ბანკმა მონეტარული პოლიტიკის თანდათანობით შერბილების გადაწყვეტილება მიიღო და რეფინანსირების განაკვეთი 50 საბაზისო პუნქტით, 8,5%-მდე დასწია. ეს არის გასული წლის სექტემბრის შემდეგ რეფინანსირების განაკვეთის პირველი შემცირება. მაშინ ეროვნული ვალუტის კურსის ვარდნის და ინფლაციის ზრდის ფონზე ეროვნულმა ბანკმა მონეტარული პოლიტიკის მაქსიმალურად გამკაცრების გადაწყვეტილება მიიღო.

რატომ არ ელოდება საქართველოს ეროვნული ბანკი ფასების ზრდას>>

სავალუტო ბაზარი რომ დაესტაბილურებინა, ეროვნულმა ბანკმა სამი თვის განმავლობაში ხუთი აუქციონი გამართა, რომლებზეც 160 მილიონი დოლარი გაყიდა. ამასთან, მარეგულირებელმა განაცხადა, რომ ფასების სტაბილურობის  უზრუნველსაყოფად გამოიყენებს მის ხელთ არსებულ ყველა ინსტრუმენტს, სავალუტო ინტერვენციების ჩათვლით.

132
თემები:
ლარის კურსი დღეს
ნიკა მელია

„ნაციონალური მოძრაობა“ თბილისის რვა მაჟორიტარული ოლქიდან ექვს ოლქს თმობს

0
საქართველოში ყველაზე მსხვილი ოპოზიციური პარტია წინასაარჩევნო კამპანიას თბილისის მხოლოდ ორ რაიონში – ისანსა და გლდანში დაიწყებს.

თბილისი, 4 ივნისი - Sputnik. „ნაციონალური მოძრაობა“, როგორც ყველაზე დიდი ოპოზიციური პარტია, თმობს თბილისის რვა მაჟორიტარული ოლქიდან ექვს მაჟორიტარულ ოლქს. ამის შესახებ განაცხადა „ნაციონალური მოძრაობის“ პოლიტსაბჭოს თავმჯდომარემ ნიკა მელიამ.

საქართველოში საპარლამენტო არჩევნები 31 ოქტომბერს უნდა გაიმართოს, ოფიციალური წინასაარჩევნო კამპანია სექტემბრის პირველ რიცხვებში დაიწყება.

ოპოზიციური პარტია წინასაარჩევნო კამპანიას თბილისის მხოლოდ ორ რაიონში – ისანსა და გლდანში დაიწყებს.

„ამით ჩვენ ვდემონსტრირებთ, რომ „ნაციონალური მოძრაობა“ არ გამოდის პარტიული ინტერესიდან და არ იბრძვის საკუთარი პარტიული რეზულტატის გაუმჯობესებისთვის. ვიბრძვით ჩვენი ქვეყნის გამარჯვებისთვის. ხვალიდან საარჩევნო კამპანიას ვიწყებთ ორ რაიონში, ეს არის ისანი და გლდანი“, - განაცხადა ნიკა მელიამ.

ნიკა მელიას განცხადებით, „ნაციონალური მოძრაობა“ მიზანშია ამოღებული, როგორც ყველაზე მსხვილი ოპოზიციური პარტია.

როგორც პარტიის პოლიტსაბჭოს თავმჯდომარემ აღნიშნა,  რამდენიმე სუბიექტმა ჩათვალა, რომ „ნაციონალური მოძრაობა“ არის ხელშემშლელი ფაქტორი შეთანხმების მისაღწევად მაჟორიტარულ ოლქებზე და განსაკუთრებით თბილისში საერთო კანდიდატებზე. ამის საფუძველი არ არსებობდა პირველივე დღიდანვე.

„ნაციონალური მოძრაობა“ იწყებს ბრძოლას გამარჯვებისთვის და გზას უხსნის ყველა მომსვლელ ოპოზიციურ პარტიას, რომ მოხდეს სრული შეთანხმება და წარმოდგენილები ვიყოთ ყველა ოლქში ძლიერი კანდიდატებით და ყველა სხვადასხვაგვარი ოპოზიცური განწყობის მქონე ამომრჩეველი იქნეს დაკმაყოფილებული არჩევნების დღეს. ვფიქრობ, ამით ბევრი რამაა ნათქვამი. ამას ბევრი არ მოელოდა, მაგრამ ძალიან საწყენი იყო, რომ არ მოელოდა“, - განაცხადა მელიამ.
2020 წლის 31 ოქტომბერს საპარლამენტო არჩევნების ახალი სისტემით გამართვა საქართველოს მიმართ საერთაშორისო საზოგადოების მხრიდან ერთ-ერთი ძირითადი მოთხოვნაა. 

საკონსტიტუციო ცვლილებების პროექტის თანახმად, 2020 წლის არჩევნების შედეგებით პარლამენტი პროპორციული წესით არჩეული 120 და მაჟორიტარული სისტემით არჩეული 30 დეპუტატისგან დაკომპლექტდება

საკონსტიტუციო შესწორებების მისაღებად აუცილებელია 112 ხმა, მმართველი პარტიის საპარლამენტო უმრავლესობას მხოლოდ 93 დეპუტატი ჰყავს, ამიტომ მას ოპოზიციის ერთი ნაწილის მხარდაჭერა მაინც სჭირდება.

საკანონმდებლო ინიციატივა პარლამენტში 11 მარტს დარეგისტრირდა. შესწორებების თანახმად, ახალ საარჩევნო სისტემაში იცვლება ოლქების რაოდენობა, პარტიების გამსვლელი ბარიერი და ადგილების გადანაწილების სისტემა პარლამენტში.

რატომ შეიძლება თქვას უარი „ქართულმა ოცნებამ“ წინასაარჩევნო აგიტაციაზე >>

წარმოდგენილ ვარიანტში 30 მაჟორიტარული ოლქია, პარტიებისთვის გამსვლელი ბარიერი – მხოლოდ 1%. საარჩევნოდ შექმნილმა ბლოკმა კი პარლამენტში მოსახვედრად მინიმუმ იმდენი პროცენტი უნდა მიიღოს, რამდენი პოლიტიკური სუბიექტიც შედის ამ ბლოკში. ამას გარდა, ხმების დათვლის დროს იმოქმედებს ე.წ. 40%-იანი შეზღუდვა – ყველა მაჟორიტარულ ოლქში გამარჯვების შემთხვევაშიც კი პარტია ან ბლოკი იმაზე მხოლოდ ერთი მეოთხედით მეტი მანდატის მიღებას შეძლებს, ვიდრე მათ პროპორციული არჩევნების შედეგების მიხედვით ერგებათ.

0