ანაკლია

ანაკლიის განვითარების კონსორციუმმა პოტენციური ინვესტორი დაკარგა

139
(განახლებულია 20:59 31.10.2019)
ქართული მხარე აქტიურად ეძებს ინვესტორებს, რომლებიც მზად არიან მონაწილეობა მიიღონ ანაკლიის ღრმაწყლოვანი პორტის მშენებლობაში.

თბილისი, 29 ოქტომბერი — Sputnik. ამერიკულ კომპანია Meridian Capital NL B.V-ს ამ ეტაპზე არ აქვს შესაძლებლობა როგორც ინვესტორმა მონაწილეობა მიიღოს პირველი ღრმაწყლოვანი პორტის მშენებლობის პროექტში, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში.

ანაკლიის პორტის უმსხვილესმა ინვესტორმა, ამერიკულმა კომპანია Conti International-მა კონსორციუმიდან გასვლის შესახებ მიმდინარე წლის აგვისტოში განაცხადა, რის გამოც კონსორციუმი იძულებული გახდა, ახალი პარტნიორის ძებნა დაეწყო.

ბოლო მონაცემებით, Anaklia Holding JSC კომპანიის აქციების 4,16% შეიძინა Van Oord International-მა, ჰოლანდიური კომპანიის Van Oord Dredging & Marine Contractors BV შვილობილმა კომპანიამ. კონსორციუმთან მიერთებით დაინტერესებულია ასევე კომპანია Meridian Capital NL B.V.

„წერილში აბსოლუტურად არც ერთი მიზეზი არ იყო მითითებული. ჩვენს ხელთ არსებული ინფორმაციით, ინვესტორს („ანაკლიის განვითარების კონსორციუმი" - რედ.) აქვს გარკვეული ალტერნატიული ვარიანტები და ჩვენ მზად ვართ, კონსტრუქციულ რეჟიმში გავაგრძელოთ თანამშრომლობა მათთან", – განაცხადა ჟურნალისტებთან „ანაკლიის ღრმაწყლოვანი პორტის განვითარების სააგენტოს" ხელმძღვანელმა დავით ჯავახაძემ ჟურნალისტებთან.

რეგიონული განვითარების სამინისტროს ინფორმაციით, საინვესტიციო შეთანხმებით, ახალი ინვესტორ Meridian Capital NL B.V-ის მოწონების თაობაზე გადაწყვეტილების მიღების ვადა მთავრობის მიერ 29 ოქტომბერი განისაზღვრა.

თუმცა, ორშაბათს, 28 ოქტომბერს, Meridian Capital NL B.V-ის წარმომადგენელმა წერილობითი ფორმით მიმართა სამინისტროს და დაადასტურა, რომ ამ ეტაპზე კომპანიას არ აქვს შესაძლებლობა მონაწილეობა მიიღოს პროექტში როგორც ინვესტორმა. ამიტომაც კომპანიამ უწყებას მოწონების თაობაზე ყველა პროცედურის შეჩერების თხოვნით მიმართა.

საქართველოს რეგიონული განვითარებისა და ინფრასტრუქტურის სამინისტროს განცხადებით, უწყება ითვალისწინებს Meridian Capital NL B.V-ის თხოვნას და გამოთქვამს მზადყოფნას მომავალშიც ხელი შეუწყოს სათანადო გამოცდილების, ფინანსური და საქმიანი რეპუტაციის მქონე ყველა ინვესტორს მიიღოს მონაწილეობა ანაკლიის ღრმაწყლოვანი პორტის განვითარების პროექტში.

სტრატეგიული მნიშვნელობის პროექტი

„ანაკლიის განვითარების კონსორციუმი" ქართულმა კომპანია TBC Holding-მა და ამერიკულმა კომპანია Conti International LLC-მ დააფუძნეს. კონსორციუმში შედიან ასევე SSA Marine (აშშ), British Wondernet Expres (ცენტრალური აზია) და G-Star Ltd. (ბულგარეთი).

ანაკლიის ღრმაწყლოვანი პორტის მშენებლობა 2017 წელს დაიწყო.

პორტის მუშაობის დაწყების დროდ 2021 წელი სახელდებოდა. პორტის განვითარება ცხრა ფაზად განხორციელდება.

პირველი ფაზა გულისხმობს პორტის ამუშავების შემდეგ წელიწადში 900 ათასი კონტეინერის მიღებას. ეს არ ნიშნავს, რომ პორტში ამ ოდენობის ტვირთი პირველივე წელიწადს შემოვა, მაგრამ ეს იქნება მაქსიმალური დასაშვები მოცულობა, აცხადებენ პროექტის ავტორები. პირველ და მეორე ფაზებს შორის სამ-ოთხწლიანი შუალედი იქნება. მომდევნო ნაბიჯების გეგმა კი პირველი ფაზის მსვლელობისას შემუშავდება.

პირველი ორი ფაზის დასასრულისთვის ანაკლიის პორტი დაახლოებით 14 მილიონი ტონა ტვირთის მიღებას შეძლებს. პროექტის ავტორების გათვლით, ამ მაჩვენებელს პორტი 2030 წლისთვის მიაღწევს. ყველა ცხრა ფაზის განხორციელებას 50 წელზე მეტი დასჭირდება. იმ დროისთვის პორტი, კონსორციუმის პროგნოზით, შეძლებს ყოველწლიურად 100 მილიონ ტონაზე მეტი ტვირთის მიღებას.

პროექტის საერთო ღირებულება 2,5 მლნ დოლარია.

ამასთან, 16 დეკემბრამდე ძალაში უნდა შევიდეს სასესხო ხელშეკრულებები, რომელიც საჭიროა პირველი ფაზის ფინანსური დახურვისთვის, ხოლო 17 დეკემბრამდე „ანაკლიის განვითარების კონსორციუმმა" უნდა წარმოადგინოს 20 მილიონი დოლარის ოდენობის საბანკო გარანტია, რომელიც უზრუნველყოფს ინვესტორის მიერ ვალდებულებების შესრულებას. წლის ბოლომდე კი კონსორციუმმა უნდა წარმოადგინოს 120 მილიონი დოლარის ოდენობის კაპიტალის შევსების თაობაზე მავალდებულებელი შეთანხმება და ასევე კრედიტორებისგან დაფინანსების მიღების შესახებ დოკუმენტი.

139
თემები:
ანაკლია – მომავლის ქალაქი (42)
ბალი

„დანერგე მომავალი“ - ფერმერებმა პირველი მოსავალი მიიღეს

99
(განახლებულია 12:45 05.07.2020)
პროგრამის „დანერგე მომავალი“ ფარგლებში სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება

თბილისი, 5 ივლისი — Sputnik. სახელმწიფოს მხარდაჭერით გაშენებულ ბაღში ფერმერებმა პირველი მოსავალი მიიღეს, ნათქვამია სოფლისა და სოფლის მეურნეობის განვითარების სააგენტოს მიერ გავრცელებულ განცხადებაში.

სახელმწიფო პროგრამის „დანერგე მომავალი“ ფარგლებში, გორის მუნიციპალიტეტის სოფელ ფხვენისში, ფერმერმა ანტონ ჯამელაშვილმა ახალი ხეხილის ბაღი 2015 წელს გააშენა. ფერმერმა 8 ჰექტარზე ბლის ბაღის გაშენებისათვის და სარწყავი სისტემის მოწყობისთვის 72 ათასი ლარის სახელმწიფო დაფინანსება მიიღო. მათ შორის 49 ათასი ლარი ნერგების შესაძენად, ხოლო 23 ათასი ლარი წვეთოვანი სისტემის მოწყობისთვის. წელს იგი პირველი მოსავლის სახით 30 ტონა ბალს ელოდება. ბაღში 32 ადგილობრივია დასაქმებული.

„მთელი საქართველოს მასშტაბით, პროგრამის „დანერგე მომავალი“ ფარგლებში გაშენებული ბაღები 10 ათას ჰა-მდე ფართობს შეადგენს. შიდა-ქართლის რეგიონში, სხვადასხვა ხეხილის ბაღი, ჯამში, 2 ათას 400 ჰა-მდე მიწის ფართობზე გაშენდა, გაცემულმა თანადაფინანსებამ 16 მლნ-მდე ლარი შეადგინა“, - განახადა სოფლისა და სოფლის მეურნეობის განვითარების სააგენტოს დირექტორმა, ილია თამარაშვილმა.

პროგრამის „დანერგე მომავალი“ ფარგლებში, სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება, აღნიშნავენ სააგენტოში.

პროგრამას „დანერგე მომავალი“ სოფლისა და სოფლის მეურნეობის განვითარების სააგენტო, „ერთიანი აგროპროექტის“ ფარგლებში, 2015 წლიდან ახორციელებს. „ერთიან აგროპროექტი“ გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას და სურსათის უვნებლობის საერთაშორისო სტანდარტების დანერგვას.

99
თემები:
საქართველოს სოფლის მეურნეობა
ძროხები

საქართველოში ყირიმ-კონგოს დაავადების პრევენციული ღონისძიებები გატარდა

130
(განახლებულია 15:30 04.07.2020)
სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

თბილისი, 4 ივლისი — Sputnik. სურსათის ეროვნული სააგენტოს სპეციალისტებმა ყირიმ-კონგოს დაავადების პრევენციის მიზნით სამცხე-ჯავახეთის რეგიონსა და შიდა ქართლში ინსექტოაკარიციდული პრეპარატით 3090 სული მსხვილფეხა პირუტყვი დაამუშავეს, იუწყება სურსათის ეროვნული სააგენტო.

ყირიმ-კონგოს ჰემორაგიული ცხელება ცხოველის და ადამიანის ვირუსული დაავადებაა და წარმოადგენს ბუნებრივ კეროვან ინფექციას. ვირუსის ძირითადი გადამტანი ტკიპაა (Hyalomma). ცხოველი და ადამიანი მისი კბენის შედეგად ინფიცირდება.

ცხოველებში დაავადება კლინიკური ნიშნების გარეშე მიმდინარეობს, ხოლო ადამიანის შემთხვევაში, დაგვიანებულ მკურნალობას შესაძლოა ლეტალური შედეგი მოჰყვეს.

დაავადების მაღალი რისკის ქვეშ არიან ცხოველებთან კონტაქტში მყოფი (მწყემსები, ფერმერები) ადამიანები.

სააგენტოს ცნობით, ტკიპა ცხოვრების ციკლიდან გამომდინარე წლის თბილ და ცხელ პერიოდში აქტიურდება.

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ, პროფილაქტიკის მიზნით, მინდორში მუშაობისას ატარონ დახურული ტანსაცმელი და ფეხსაცმელი, ხოლო დაავადების ნიშნების გამოვლენის შემთხვევაში დაუყონებლივ მიმართონ ექიმს.

სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

130
თემები:
საქართველოს სოფლის მეურნეობა
სიცილია, ეოლიის კუნძულები

კვირის ასტროპროგნოზი: რას გვიმზადებენ ვარსკვლავები 6-12 ივლისის პერიოდში

0
(განახლებულია 13:20 05.07.2020)
ადამიანების უმრავლესობისთვის ეს კვირა იდეალური გახდება აწმყოსა და მომავლის შესაცვლელად. ამაში ასტროლოგების რჩევები დაგეხმარებათ

ახლა ვარსკვლავები იმდაგვარად არიან განწყობილი, რომ ადამიანებს დაეხმარებიან საქმეებში და სამუშაოსა და ახალი გატაცებებისთვის იდეალური პირობების შექმნისთვის. იმისთვის, რომ წარმატებებს მიაღწიოთ, პირველ რიგში პოზიტიური განწყობა უნდა შეიქმნათ – იფიქროთ კარგზე, დადებით მომავალზე და გახსოვდეთ, რომ სიტყვასა და აზრს უდიდესი ძალა აქვს.

ვერძი

ვერძებისთვის ძალიან მნიშვნელოვანი და ხელსაყრელი პერიოდი იწყება ახალი წამოწყებებისთვის. თუ გსურთ, ბიზნესსა და სამუშაოზე წარმატებებს მიაღწიოთ, უნდა იფიქროთ იმაზე, თუ როგორ დაიწყოთ რაღაც ახალი და საინტერესო. მაღალი პროდუქტიულობისთვის დაიცავით დღის რეჟიმი – ეს გააძლიერებს თქვენს ბიოველს და გააუმჯობესებს განწყობას.

მთლიანობაში კვირა მრავალფეროვანი იქნება. კვირის ბოლოს უკვე დაინახავთ თქვენი შრომისა და ძალისხმევის პირველ ნაყოფს. ასტროლოგები გირჩევენ, მეტად კეთილგანწყობილი იყოთ გარშემომყოფების მიმართ, დაეხმაროთ მათ რთულ ვითარებებში.

კურო

კუროებისთვის ეს კვირა წარმატებული და პრობლემური დღეების მონაცვლეობაში ჩაივლის. პოზიტიური განწყობა დაგეხმარებათ ბარიერების გადალახვაში სამუშაო თუ სასიყვარულო სფეროებში ყველაზე არახელსაყრელი დღეებია 7 და 11 ივლისი, ხოლო ყველაზე ხელსაყრელი – 6 და 12 ივლისი.

უქმეებზე ასტროლოგები გირჩევენ, კარგად დაისვენოთ. გექნებათ არჩევნის საშუალება – დაისვენოთ მარტპმ თუ მეგორბებთან და ახლობლებთან ერთად. მთავარი თქვენი სურვილია – გააკეთეთ ის, რაც გსურთ, მცირეოდენ ეჭვსაც კი გაუგებრობების გამოწვევა შეუძლია.

ტყუპი

ტყუპებს ენერგიის შევსება გესაჭიროებათ, რათა პოზიტივით დაიმუხტოთ. ამ შვიდ დღეში მრავალი მოვლენა შეიძლება მოხდეს, მათ შორის, უსიამოვნოც. ძალიან მნიშვნელოვანია, რომ პრობლემებს ფილოსოფიურად შეხედოთ და აღიქვათ, როგორც ცხოვრებისეული გამოცდილებისა და ახალი ცოდნის შეძენის ხერხი.

მარტოხელა ტყუპებს მეორე ნახევრის ძებნაში ძალიან გაგიმართლებთ. ეს ძალზე პროდუქტიული კვირა იქნება ახალი ნაცნობობის თვალსაზრისით. ახალი ნაცნობებიდან ვინმე, შესაძლოა, თქვენს ცხოვრებაში ცვლილებების ტალღის „მიზეზი“ გახდეს. კარგი იქნება, თუ გააქტიურდებით სოციალურ ქსელებში.

კირჩხიბი

ამ კვირაში მუხლჩაუხრელად უნდა იშრომოთ, მაგრამ ამასთან, არ უნდა დაივიწყოთ დასვენებაც. გადაღლა. შესაძლოა, ძალიან ცუდად აისახოს თქვენს განწყობაზე. დასვენების სასარგებლო საშუალება იქნება სპორტი ან მსუბუქი ფიზიკური დატვირთვები, მედიტაცია.

კვირა შესანიშნავად მიესადაგება ფინანსურ ოპერაციებსა და ფულთან დაკავშირებული საკითხების გადაწყვეტას. სასიყვარულო საქმეებში უფრო უქმეებზე გაგიმართლებთ, როდესაც სამუშაოზე ფიქრები მეორე პლანზე გადაიწევს. შეგიძლიათ დანიშნოთ პაემანი. თავისუფალ დროს ფლირტზე უარი არ თქვათ.

ლომი

კვირის განმავლობაში დიდი ყურადღება გესაჭიროებათ. ნუ გამოედევნებით ორ კურდღელს ერთდროულად. დროა, ყველაზე მნიშვნელოვან საქმეებს მიხედოთ, რომელთა გადადებაც უკვე აღარ შეიძლება. მათ თუ გადაწყვეტთ, შვებით ამოისუნთქავთ და თავდაჯერებულობას შეიძენთ. გაითვალისწინეთ, რომ ამ კვირაში დამოუკიდებლად მუშაობა აჯობებს.

ამასთან, მოსალოდნელია ენერგეტიკული ვამპირების გააქტიურება. ერიდეთ მათ, ვინც გარშემომყოფების სიკეთით სარგებლობენ. სასიყვარულო საქმეებში ჯერჯერობით ყველაფერი ისე დატოვეთ, როგორც არის და მიჰყევით დინებას. დასვენების კარგი საშუალება იქნება შოპინგი.

ქალწული

ასტროლოგები გირჩევენ, ამ კვირაში თქვენს საყვარელ გატაცებას დაუთმოთ დრო. სამსახურში ძალიან  ნუ გადაიღლებით. ასე დაზოგავთ ძალებსა და ენერგიას, რომელიც ორ ყველაზე არასახარბიელო დღეს – პარასკევსა და შაბათს დაგჭირდებათ. ამ ორ დღეს ყველაზე მეტად დასვენება იქნება უპრიანი.

რაც შეეხება სიყვარულს, ამ სფეროში სწრაფი შედეგების იმედი ნუ გექნებათ. ასტროლოგები გირჩევენ, საყვარელ ადამიანთან, ოჯახის წევრებთან დაძაბულობა განმუხტოთ. მარტოხელებისთვის აჯობებს, თუ სამუშაოზე იფიქრებთ და არა ურთიერთობებზე. ზედმეტად არაფრით გადაიტვირთოთ გონება – ეს თქვენს პროდუქტიულობაზე აისახება.

სასწორი

თქვენთვის ამ კვირაში ყველაზე მნიშვნელოვანი ფინანსური სფერო გახდება. 6–9 ივლისის პერიოდი საუკეთესოა იმისთვის, რომ დააბრუნოთ ვალები, შეიძინოთ სასურველი ნივთები და შეიცვალოთ გარემო. შესანიშნავი დროა ახალი იდეების წამოყენებისთვის.

ყველაზე მეტად გაუმართლებს სასწორებს, რომელთა პროფესია დაკავშირებულია, რეკლამასთან, გაყიდვებთან, კლიენტების მოზიდვასთან. ასევე იღბალი არ გიმტყუნებთ სიყვარულში. ეს ის დროა, როცა შეგიძლიათ სამუშაო და სიყვარული ორ სფეროდ არ გაყოთ – მუშაობა და არშიყი ერთმანეთს ხელს არ შეუშლის.

მორიელი

კვირა არცთუ პოზიტიური ნოტით დაიწყება. ორშაბათსა და სამშაბათს, შესაძლოა, ნეგატიური აზრები მოგეძალოთ. უარყოფითი ემოციების დაძლევაში ფიზიკური აქტიურობა დაგეხმარებათ – მეტი იმოძრავეთ.

გარშემომყოფებთან ურთიერთობების თვალსაზრისით ასტროლოგები გირჩევენ, დასკვნების გამოტანა არ იჩქაროთ. ადამიანი, ერთი შეხედვით, შესაძლოა, ცუდი მოგეჩვენოთ, მაგრამ შემდეგ ის სასიამოვნო აღმოჩნდეს, ან პირიქით – ერთი შეხედვით გულღია და გულწრფელმა ადამიანმა თავი ძალიან ნეგატიურად წარმოაჩინოს. ახლა მნიშვნელოვანია, ადამიანზე მისი საქციელით იმსჯელოთ და არა გარეგნობით.

მშვილდოსანი

მშვილდოსნებს ძალზე იღბლიანი კვირა გელოდებათ. მოსალოდნელი არ არის განწყობის მკვეთრი და ხშირი ცვლა და წარუმატებლობები. პლანეტების განლაგება დაგეხმარებათ აზრების მატერიალიზებაში, ამიტომ ეცადეთ, თქვენი ფიქრები პოზიტიური იყოს.

კვირის პირველი დღე მოვალეობების შესრულებას დაუთმეთ, 8 ივლისიდან კი ექსპერიმენტებს შეგიძლიათ დაუთმოთ დრო. ამ კვირაში გეძლევათ შანსი, რომ თქვენი ცხოვრების სიყვარულს შეხვდეთ, ან გაიცნოთ ადამიანები, რომლებიც მომავალში თქვენი ერთგული მეგობრები გახდებიან.

თხის რქა

თხის რქებისთვის ამ კვირაში ძირითადი სფერო სიყვარული გახდება. არ შეუშინდეთ ახალ ნაცნობობას, ფლირტს, რომანტიკას. ვისაც უკვე ჰყავს პარტნიორი, მან პატიება უნდა ისწავლოს – არ არის გამორიცხული, რომ თქვენმა პარტნიორმა დაუფიქრებელი ნაბიჯი გადადგას, რასაც ნეგატიური შედეგები მოჰყვება.

ამ კვირაში არასასურველია ძვირად ღირებული ნივთების შეძენა. თუ მოგიწიათ დაუგეგმავად ამის გაკეთება, რჩევისთვის აუცილებლად მიმართეთ ახლობლებს. სამსახურში, შესაძლოა, მნიშვნელოვანი დავალება მოგცენ – ეს თქვენთვის თავის წარმოჩენის შესანიშნავი შანსი იქნება.

მერწყული

მერწყულებისთვის დგება დრო, როდესაც კატეგორიულად იკრძალება გარისკვა და დაუფიქრებელი ნაბიჯების გადადგმა ცხოვრების ყველა სფეროში. უნდა დაეყრდნოთ მხოლოდ საკუთარ გონებასა და ცხოვრებისეულ გამოცდილებას და არ მოუსმინოთ ინტუიციას, რომელიც ვარსკვლავების ნეგატიური ენერგიის გამო დაბლოკილი იქნება. მოსალოდნელია უსიამოვნო შეხევდრები და დაუგეგმავი საქმეები, ასე რომ, კვირის ბოლოს დაღლილობა შეგახსენებთ თავს.

ნეგატივთან გამკლავებისთვის მნიშვნელოვანია, რომ კარგად გეძინოთ და დაისვენოთ. უნდა გააცნობიეროთ, რომ პრობლემები გზაზე – ეს ცხოვრების განუყოფელი ნაწილია. ეცადეთ, ამისგან გაკვეთილი და ცხოვრებისეული გამოცდილება მიიღოთ და დიდი მნიშვნელობა არ მიანიჭოთ.

თევზები

ეს კვირა თევზებისთვის ძალზე დინამიკური იქნება, მაგრამ ყოველთვის ხელსაყრელი – არა. ზოგიერთ საკითხში გადაწყვეტილების მიღება, არჩევნის გაკეთება გულით მოგიწევთ და არა გონებით, ზოგიერთში – პირიქით.

სასიყვარულო ურთიერთობებს რაც შეეხება, აქ იდეალური დრო იწყება, განსაკუთრებით, თუ ურთიერთობები ახალი დაწყებულია. შესანიშნავი კვირაა ერთად გართობისთვის, ერთმანეთის უკეთ გაცნობისთვის. ძველ პარტნიორებს შორისაც კი მოსალოდნელია, რომ რაღაც ახალი შეიტყოთ თქვენი საყვარელი ადამიანის შესახებ.

0