საქართველოს დროშა თბილისის ფონზე

საქართველომ ბიზნესის წარმოების კუთხით ევროპაში მეორე ადგილი დაიკავა

53
(განახლებულია 21:56 24.10.2019)
საქართველოს, რომელმაც „ბიზნესის წარმოების" კვლევის გლობალურ რეიტინგში მეშვიდე ადგილი დაიკავა, ევროპის რეგიონისა და ცენტრალური აზიის ქვეყნებს შორის უმაღლესი რეიტინგი აქვს.

თბილისი, 24 ოქტომბერი — Sputnik. საქართველომ 190 ქვეყანას შორის რეიტინგში Doing Business-2020 მეშვიდე ადგილი დაიკავა. რეიტინგი ბიზნესის წარმოების სიმარტივეს აფასებს. ამის შესახებ ნათქვამია მსოფლიო ბანკის ვებ-გვერდზე განთავსებულ მოხსენებაში.

გასული წლის რეიტინგთან შედარებით, საქართველომ პოზიცია ერთი საფეხურით გაიუარესა, თუმცა მსოფლიო ბანკის შეფასება 0,2 ქულით გაიზარდა და 83,7 შეადგინა.

„საქართველოს, რომელმაც „ბიზნესის წარმოების" კვლევის გლობალურ რეიტინგში მეშვიდე ადგილი დაიკავა, ევროპის რეგიონისა და ცენტრალური აზიის ქვეყნებს შორის უმაღლესი რეიტინგი აქვს. მას მოსდევენ ჩრდილოეთ მაკედონია (მე-17), ყაზახეთი (25-ე) და რუსეთი (28-ე)", – აღნიშნულია მოხსენებაში.

მსოფლიო მასშტაბით საქართველოს წინ უსწრებენ ისეთი ქვეყნები, როგორიცაა აშშ, სამხრეთ კორეა, ჰონგ-კონგი, დანია, სინგაპური და ახალი ზელანდია.

ახალი ზელანდია პირველი ადგილი
სინგაპური მეორე ადგილი
სამხრეთ კორეა მეხუთე ადგილი
საქართველო მეშვიდე ადგილი
რუსეთი 28-ე ადგილი
თურქეთი 33-ე ადგილი
სომხეთი 47-ე ადგილი
უკრაინა 64-ე ადგილი

 

მოხსენებაში მონაცემები 2019 წლის 1 მაისის მდგომარეობით არის შეყვანილი. ეს ინდიკატორები ბიზნესის რეგულირების სფეროში ეკონომიკური შედეგებისა და წარმატებული რეფორმების ანალიზისთვის გამოიყენება.

საქართველოს ეკონომიკა მსოფლიოში ერთ–ერთ ყველაზე თავისუფალ ეკონომიკად აღიარეს>>

მსოფლიო ბანკის მონაცემებით, საქართველოში ერთ წელიწადში გატარდა ერთი წარმატებული რეფორმა – სამშენებლო სფეროში.

Doing Business-2019-ის ანგარიშში ცალკეულ კატეგორიებში საქართველომ დაიკავა შემდეგი ადგილები:

საწარმოს რეგისტრაცია მეორე ადგილი
მშენებლობის ნებართვის აღება 21-ე ადგილი
ელექტრომომარაგების სისტემაში ჩართვა 42-ე ადგილი
საკუთრების რეგისტრაცია მეხუთე ადგილი
კრედიტების გაცემა მე-15 ადგილი
მინორიტარული ინვესტორების დაცვა მეშვიდე ადგილი
გადასახადებით დაბეგვრა მე-14 ადგილი
საერთაშორისო ვაჭრობა 45-ე ადგილი
კონტრაქტების შესრულების უზრუნველყოფა მე-12 ადგილი
გადახდისუუნარობის ნებართვა 64-ე ადგილი
საქართველოს ფინანსთა მინისტრის მოადგილემ ლაშა ხუციშვილმა აღნიშნა, რომ მიუხედავად რეიტინგში მეექვსედან მეშვიდე პოზიციაზე გადასვლისა, შეფასება ქულებში გაიზარდა.
ხუციშვილის განცხადებით, ის ორ პუნქტს გამოყოფდა – ესაა მშენებლობის ნებართვები, სადაც ქვეყანა ექვსი პოზიციით დაწინაურდა, ასევე გადასახადების გადახდის ინდიკატორი, საგადასახადო ადმინისტრირების შეფასების ინდიკატორი, სადაც ქვეყანა ორი პოზიციით დაწინაურდა. ეს ნიშნავს, რომ ქვეყანაში მიმდინარე რეფორმების ფონზე ბიზნესის კეთება გამარტივდა, აღნიშნა ლაშა ხუციშვილმა.
53
ატმის მოსავალი კახეთში

ქართული ატამი და ვაშლატამა ექსპორტზე: სად და რამდენი გაიტანეს

73
(განახლებულია 21:08 03.08.2020)
ქართული ატამი და ვაშლატამა ძირითადად რუსეთში, სომხეთსა და აზერბაიჯანში გააქვთ. ატმისა და ვაშლატამას მოსავლის აღება აქტიურ ფაზაშია

თბილისი, 3 აგვისტო – Sputnik. საქართველოდან უკვე 16 273 ტონა ატამი და ვაშლატამაა ექსპორტირებული, რაც 6 521 ტონით მეტია წინა წლის ანალოგიური პერიოდის მაჩვენებელზე, იუწყება საქართველოს გარემოს დაცვისა და სოფლის მეურნეობის სამინისტრო.

ქართული ატმისა და ვაშლატამას ძირითადი საექსპორტო ქვეყნებია რუსეთი, სომხეთი და აზერბაიჯანია.

2 აგვისტოს მდგომარეობით, რუსეთში ექსპორტირებულია 10 108 ტონა ატამი და ვაშლატამა, რაც მთლიანი მაჩვენებლის 62% შეადგენს,  სომხეთში გატანილია 5 323 ტონა, (33%) ხოლო აზერბაიჯანში -543 ტონა (3%).

ექსპორტი ასევე ხორციელდება ყაზახეთში, მოლდოვაში, სლოვენიაში, უკრაინასა და სინგაპურში.

უწყების ცნობით, ატმისა და ვაშლატამას მოსავლის აღება აქტიურ ფაზაშია.

მოსავლის შეუფერხებლად დაბინავებისა და რეალიზებისთვის  კი სრული დატვირთვით 22 სამაცივრო მეურნეობა მუშაობს.

ატმის ექსპორტის ხელშეწყობის მიზნით, საჭირო დოკუმენტაციის მომზადება და გაცემა „ერთი ფანჯრის“ პრინციპით ხორციელდება. პროცესში ჩართული არიან ფიტოსანიტარიული და საბაჟო სამსახურების წარმომადგენლები. 

კორონავირუსის პანდემიის გამო შექმნილი სირთულეების მიუხედავად, საქართველო შეუფერხებლად ახორციელებს ატმისა და ვაშლატამას ექსპორტს. სოფლის მეურნეობის სამინისტრომ გახსნა „მწვანე დერეფანი“, რომლის წყალობითაც ექსპორტიორები ახერხებენ ხილის სწრაფად გატანას საზღვარგარეთ COVID-19-ის გამო დაწესებული შეზღუდვების პირობებშიც კი.

ქართული ატმის იმპორტი რუსეთში შეუფერხებლად მიმდინარეობს>>

უწყებაში აღნიშნავენ, რომ გარემოს დაცვისა და სოფლის მეურნეობის სამინისტროში შექმნილია სამუშაო ჯგუფი, რომელიც აქტიურად მუშაობს ინფორმაციის მოპოვების, სისტემატიზაციის, ფერმერებისა და ატმის რეალიზატორების  დაკავშირების მიმართულებებით.

73
თემები:
საქართველოს სოფლის მეურნეობა
ვალუტის კურსი

ლარის კურსი 3 აგვისტოს

450
(განახლებულია 21:56 02.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 3 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0719 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 3 აგვისტოს
450
თემები:
ლარის კურსი დღეს
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0