მზის პანელების ქარხანა ქუთაისში

ფასები სამრეწველო პროდუქციაზე მკვეთრად გაიზარდა

95
(განახლებულია 20:17 21.10.2019)
ფასები ძირითადად გადამამუშავებელი და სამთო-მომპოვებელი მრეწველობის პროდუქციაზე იზრდება.

თბილისი, 21 ოქტომბერი — Sputnik. სამრეწველო პროდუქციის მწარმოებელთა ფასები 2019 წლის სექტემბერში, გასული წლის ამავე პერიოდთან შედარებით, 11,2%-ით გაიზარდა, ნათქვამია საქართველოს სტატისტიკის ეროვნული სამსახურის „საქსტატის" მასალებში.

საქართველოში ფასების ზრდა, მათ შორის სამრეწველო პროდუქციაზე, ეროვნული ვალუტის დევალვაციის ფონზე მიმდინარეობს. ნახევარ წელიწადში ლარი დოლარის მიმართ დაახლოებით 10%-ით გაუფასურდა. დღეს ლარის კურსი დოლარის მიმართ არის 2,9718 GEL/$1.

ფასების ინდექსის ფორმირებაზე გავლენა ძირითადად მოახდინა ფასების ზრდამ გადამამუშავებელ მრეწველობაში – 11,9%-ით და სამთო-მომპოვებელ მრეწველობაში – 21,5%-ით.

სექტემბერში ფასებმა სამრეწველო პროდუქციაზე, აგვისტოსთან შედარებით, 1%-ით მოიმატა.

ადგილობრივი წარმოება

საქართველოში გამოშვებულ სამრეწველო პროდუქციაზე ფასები სექტემბერში, გასული წლის ანალოგიურ თვესთან შედარებით, 10,4%-ით გაიზარდა.

ყველაზე მეტად ფასებმა იმატა გადამამუშავებელ მრეწველობაში – 12,6%-ით, მათ შორის კვების პროდუქტებზე – 14,2%-ით.

ექსპორტი და იმპორტი

ექსპორტზე გამავალი სამრეწველო პროდუქციის მწარმოებელთა ფასების ინდექსი, გასული წლის სექტემბერთან შედარებით, 13,5%-ით გაიზარდა.

სამთო-მომპოვებელი მრეწველობის პროდუქციაზე ფასები გაიზარდა 39,3%-ით. გადამამუშავებელი მრეწველობის ექსპორტზე გამავალი პროდუქციის ფასები გაიზარდა 10,1%-ით, მათ შორის კვების პროდუქტებზე – 8,2%-ით, ხოლო ლითონის ნაკეთობებზე – 16,3%-ით.

საქართველოში იმპორტირებულ სამრეწველო პროდუქციაზე ფასები საანგარიშო პერიოდში გაიზარდა 11,7%-ით. ამასთან, იმპორტირებული გადამამუშავებელი პროდუქცია გაძვირდა 10,7%-ით, მათ შორის კვების პროდუქტები – 15%-ით.

სამომხმარებლო ფასები

ინფლაციის წლიურმა დონემ სექტემბერში 6,4% შეადგინა, ამასთან, ფასები სურსათზე 11,7%-ით გაიზარდა.

თურნავა: პრივატიზაცია ლარის კურსს გაამყარებს>>

საქართველოს ეროვნული ბანკი აცხადებს, რომ პანიკის საფუძველი არ არის, რომ ის ინფლაციური ზეწოლის შესამცირებლად თანმიმდევრულად იყენებს ყველა ბერკეტს და ფასები აუცილებლად შემცირდება.

ეროვნული ვალუტის ინფლაციაზე გავლენა მოახდინა ასევე რუსეთის მხრიდან საქართველოში ფრენების აკრძალვამ, მიიჩნევენ ექსპერტები.

95
თემები:
საქართველოს ეკონომიკა (780)
ვალუტის გადამცვლელი პუნქტი

ლარის კურსი 22 ოქტომბერს

63
(განახლებულია 08:24 22.10.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა.

თბილისი, 22 ოქტომბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,2274 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0052 ლარით გაუფასურდა. 

ლარის კურსი 22 ოქტომბერს

 

63
თემები:
ლარის კურსი დღეს
ღამის თბილისი

როგორია საქართველოში ბიზნესის განწყობა ბიზნეს-ასოციაციამ ახალი კვლევა გამოაქვეყნა

29
(განახლებულია 19:19 21.10.2020)
BAG ინდექსი ყოველკვარტალურად მზადდება და ის საქართველოში ბიზნეს-კლიმატის შეფასების ინდიკატორს წარმოადგენს.

თბილისი, 21 ოქტომბერი – Sputnik. საქართველოს ბიზნეს-ასოციაციამ (BAG) ქვეყანაში ბიზნესის განწყობის განახლებული ინდექსი გამოაქვეყნა, სადაც აღნიშნულია, რომ 2020 წლის მესამე კვარტალში ორგანიზაციის წევრებმა თავიანთი მიმდინარე მდგომარეობა უარყოფითად, ხოლო მომდევნო ექვსი თვის მოლოდინი დადებითად შეაფასეს.

BAG ინდექსი წარმოადგენს საქართველოში ბიზნეს-კლიმატის შეფასების ინდიკატორს, რომელსაც საქართველოს ბიზნეს-ასოციაცია და PMCG კვლევითი ცენტრი ყოველკვარტლურად აწარმოებს ეკონომიკური კვლევების გერმანული ინსტიტუტის IFO-ს მეთოდოლოგიაზე დაყრდნობით.

კვლევა რამდენიმე ნაწილისგან შედგება. ესენია: BAG ბიზნეს-კლიმატი, BAG დასაქმების ბარომეტრი და შრომითი რესურსების საჭიროების კვლევა.

BAG ბიზნეს-კლიმატის მაჩვენებელი გამოითვლება BAG-ის წევრების გამოკითხვის საფუძველზე. BAG-ის წევრი კომპანიები აფასებენ თავიანთ მიმდინარე მდგომარეობას და მომდევნო ექვსი თვის მოლოდინს.

ბიზნეს-ასოციაციის მიერ გამოქვეყნებული დოკუმენტის თანახმად, 2020 წლის III კვარტალში სექტორებს შორის BAG ბიზნეს-კლიმატის მაჩვენებელი ყველა სექტორისთვის დადებითია მომსახურების სექტორის გარდა.

  • „მომსახურების სექტორში ბიზნეს-კლიმატის მაჩვენებელი მცირედ უარყოფითია, რაც მიმდინარე მდგომარეობის მკვეთრად უარყოფითმა შეფასებამ განაპირობა. ამასთან, მომსახურების სექტორის მომდევნო ექვსი თვის მოლოდინი ოპტიმისტურია“, – ნათქვამია გამოქვეყნებულ კვლევაში.

2020 წლის III კვარტალში ბიზნეს-საქმიანობისთვის ყველაზე მეტად ხელის შემშლელად შემდეგი ოთხი ფაქტორი დასახელდა: პროდუქციასა თუ მომსახურებაზე მოთხოვნის სიმცირე, სამართლებრივი და ადმინისტრაციული ბარიერები, სპეციალისტების ნაკლებობა და შეზღუდული ფინანსური რესურსები.

რაც შეეხება ეროვნული ვალუტის აშშ დოლარის მიმართ გაცვლით კურსთან დაკავშირებულ მოლოდინს, ის სრულ თანხვედრაშია იმ დინამიკასთან, რაც თავად გაცვლით კურსს აქვს. კერძოდ, 2020 წლის III კვარტალში, 2020 წლის II კვარტალთან შედარებით, გამოკითხული კომპანიების წილი, რომელთაც ეროვნული ვალუტის გაუფასურების მოლოდინი ჰქონდათ, გაიზარდა 41%-დან 67%-მდე. შესაბამისად, იმ კომპანიების პროცენტული წილი, რომლებიც ფიქრობენ, რომ ლარის გაცვლითი კურსი დოლარის მიმართ არ შეიცვლება, შემცირდა 52%-დან 28%-მდე.

დოკუმენტში ასევე მოცემულია ის მოლოდინები, რომლებიც კომპანიებს მოკლევადიან პერიოდში გააჩნიათ.

მაგალითად, გამოკითხული კომპანიების 21.1% 2020 წლის IV კვარტალში, III კვარტალთან შედარებით, მოელის გაყიდვების ფასების ზრდას, მაშინ, როცა 64.9% არ ელოდება ამ მაჩვენებლის ცვლილებას, ხოლო 14%-ის მოლოდინია, რომ ფასები დაიკლებს. გამოკითხული BAG-ის წევრების 12.3% ასევე მოელის დაქირავებულთა რაოდენობის გაზრდას, მაშინ, როცა 82.4% არ ელოდება ამ მაჩვენებლის ცვლილებას, ხოლო 5.3% კლებას ვარაუდობს.

კვლევაში BAG დასაქმების ბარომეტრის მაჩვენებლის მისაღებად კომპანიები აფასებენ მომავალ სამ თვეში დასაქმების სავარაუდო ცვლილებას.

2020 წლის III კვარტალში BAG-ის გამოკითხულმა წევრებმა დასაქმების ცვლილების მოლოდინი დადებითად შეაფასეს. სექტორების მიხედვით, 2020 წლის III კვარტალში BAG-ის გამოკითხული წევრების მიერ დასაქმებასთან მიმართებით ნეგატიური მოლოდინი მხოლოდ მომსახურების სექტორში დაფიქსირდა.

BAG ინდექსის მესამე კვარტლის კვლევის ფარგლებში ასოციაციის წევრი კომპანიები ასევე გამოიკითხა შრომითი რესურსების საჭიროებებთან დაკავშირებით.

  • გამოკითხვის უმთავრეს შედეგს წარმოადგენს ფაქტი, რომ გამოკითხულ კომპანიათა 75%-ზე მეტი სირთულეებს აწყდება საჭირო კადრების მოძიებისას. ამასთან, აღნიშნულ პრობლემას ყველაზე მწვავედ მომსახურებისა და მრეწველობის სექტორში განიცდიან, სადაც კომპანიათა 80%-ზე მეტი სირთულეებს აწყდება პერსონალის მოძიებისას.

სხვა სექტორებთან შედარებით, კადრების მოძიების სირთულე ყველაზე ნაკლებად მშენებლობის სექტორში იგრძნობა, თუმცა აქაც გამოკითხულთა 43% აღნიშნულ საკითხს პრობლემურად ასახელებს.

სამუშაო არის, მაგრამ კვალიფიციური კადრები – არა>>

რაც შეეხება კონკრეტულ პროფესიებს, გამოკითხვის თანახმად, განსაკუთრებულ სირთულეს წარმოადგენს ტექნიკური პერსონალის, ტექნოლოგების, დეველოპერებისა და საინფორმაციო ტექნოლოგიების სპეციალისტების, ინჟინრების, ოპერატორებისა და აგრონომების მოძიება.

29
თემები:
საქართველოს ეკონომიკა (780)
თბილისის მეტრო

გამყრელიძე: კორონავირუსთან ერთად ცხოვრება, შესაძლოა, ერთ წელზე მეტხანს მოგვიწიოს

0
ამირან გამყრელიძე მოსახლეობას კიდევ ერთხელ მოუწოდებს გამოიყენონ პირბადე, როგორც დღევანდელ ვითარებაში ვირუსთან ბრძოლის ყველაზე ეფექტური საშუალება და დაიცვან ჯანდაცვის სამინისტროს მიერ დადგენილი რეგულაციები

თბილისი, 22 ოქტომბერი — Sputnik. საქართველოში კორონავირუსით ინფიცირების რაოდენობის მატება მოსალოდნელია, რადგან ზრდის ტენდენცია მთელ მსოფლიოში შეინიშნება, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ მთავრობის სხდომის დასრულების შემდეგ. 

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეებში ყოველდღიური მაჩვენებელი ათასს გადასცდა.

ამირან გამყრელიძის განმარტებით, საზოგადოებას კორონავირუსთან ერთად ცხოვრება, შესაძლოა, სულ მცირე 1 წელი ან უფრო მეტი პერიოდი მოუწიოს.

„უნდა ველოდოთ, რომ კორონავირუსის შემთხვევების ზრდა იქნება, რადგან ეს ტენდენცია გლობალური.  ჩვენ კიდევ კარგა ხანს, სულ მცირე წელიწადი, წელიწადნახევარი მოგვიწევს ვირუსთან ერთად ცხოვრება. . უნდა მივეჩვიოთ, რომ პირბადე გახდება  ჩვენი თანაცხოვრების თანმდევი ატრიბუტი“, – განაცხადა გამყრელიძემ.

მან მოსახლეობას კიდევ ერთხელ მოუწოდა გამოიყენონ პირბადე, როგორც დღევანდელ ვითარებაში ვირუსთან ბრძოლის ყველაზე ეფექტური საშუალება და დაიცვან ჯანდაცვის სამინისტროს მიერ დადგენილი რეგულაციები – სოციალური დისტანცია, ხელების ხშირი დაბანა, თავყრილობებზე თავის არიდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 1595-ით გაიზარდა და საერთო რიცხვმა 22803-ს მიაღწია, ამ დროისათვის სულ გამოჯანმრთელდა 9401 ადამიანი, გარდაიცვალა - 178 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში