ვალუტის გაცვლის პუნქტი

ლარის კურსი 16 ოქტომბერს

139
(განახლებულია 09:25 16.10.2019)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ არ შეცვლილა.

თბილისი, 16 ოქტომბერი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 2,9701 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ არ შეცვლილა.

ლარის კურსი 16 ოქტომბერს
ლარის კურსი 16 ოქტომბერს
139
თემები:
ლარის კურსი დღეს (391)
გიორგი გახარია

კოლოსალური ზარალი და მოსახლეობის დახმარება: პრემიერი ბიუჯეტის ახალი პროექტის შესახებ

85
(განახლებულია 14:35 28.05.2020)
საქართველოს ბიუჯეტის პროექტი უკვე შეთანხმებულია საერთაშორისო სავალუტო ფონდთან და მასში მთავრობის ანტიკრიზისული გეგმის ფარგლებში ყველა სახის დახმარებაა შეტანილი.

თბილისი, 28 მაისი — Sputnik. საერთაშორისო ექსპერტების ჯგუფი საქართველოს ეკონომიკის აღორძინების გეგმაზე მუშაობს, განაცხადა პრემიერ-მინისტრმა გიორგი გახარიამ.

საქართველოს ხელისუფლება მოქალაქეთა იპოთეკური სესხების სუბსიდირებას განახორციელებს>>

საქართველოს ეკონომიკა პანდემიისა და გლობალური კრიზისის ფონზე მძიმე მდგომარეობაში აღმოჩნდა. საერთაშორისო ორგანიზაციები წელს უარყოფით ეკონომიკურ ზრდას პროგნოზირებენ, ამავე დროს, აცხადებენ, რომ უკვე 2021 წელს საქართველო ცხოვრების ჩვეულ რეჟიმს დაუბრუნდება. საერთაშორისო ორგანიზაციების პროგნოზით, საქართველოს ეკონომიკა საშუალოდ –4%-მდე დაეცემა.

„ჩვენ დაგვაკლდება საბიუჯეტო შემოსავლები, დაახლოებით 1 800 მილიონი საბიუჯეტო სახსრების ნაწილში, 600 მლნ ლარით ჩვენ შევამცირებთ ხარჯებს, ეს იქნება 300 მლნ მიმდინარე ხარჯები და 300 მლნ კაპიტალური ხარჯები. ეს ის კაპიტალური ხარჯებია, რომლის გადავადებაც შესაძლებელია ქვეყნისთვის მეტ-ნაკლები ზიანისა და ზარალის გარეშე, ან ის ტურისტული პროექტებია, რომლებიც უახლოესი წლის განმავლობაში არ იქნება აქტუალური“, – განაცხადა გახარიამ.

ამასთან, პრემიერმა აღნიშნა, რომ ანტიკრიზისული გეგმის შესასრულებლად, რომელიც ითვალისწინებს როგორც სახელმწიფოს მიერ კრედიტების სუბსიდირებას, ისე მოსახლეობის ფინანსურ დახმარებას, საჭიროა 3 მლრდ ლარი.

გახარიამ აღნიშნა, რომ საქართველო პირველი ქვეყანაა, რომელიც საერთაშორისო სავალუტო ფონდისგან (სსფ) დახმარებას მიიღებს.

„საერთაშორისო დონორმა ორგანიზაციებმა გამოთქვეს მზადყოფნა, რომ დამატებით 1 500 მლნ დოლარიც არის მზად იმ შემთხვევაში, თუ შეიქმნება ლიკვიდობის პრობლემა. კორექტირებულ ბიუჯეტს ჩვენ უახლოეს პერიოდში, ეს იქნება უახლოესი კვირა, ან 10 დღე, შემოვიტანთ და ეს იქნება ის, სადაც გვექნება შესაძლებლობა, კიდევ ერთხელ ვისაუბროთ“, – განაცხადა გახარიამ.

საქართველოს ბიუჯეტის პროექტი უკვე შეთანხმებულია სსფ-თან და მასში მთავრობის ანტიკრიზისული გეგმის ფარგლებში ყველა სახის დახმარებაა შეტანილი.

„საქართველო ვერც ერთ დამატებით ხარჯს, დამატებით დახმარებას ვერ გასწევს, თუ ეკონომიკა არ იქნა დაბალანსებული და ეს დაბალანსებული ბიუჯეტი ჩვენ საერთაშორისო პარტნიორებთან, დონორ ორგანიზაციებთან და სავალუტო ფონდთან არ იქნა შეთანხმებული“, – განმარტა პრემიერმა.

ამავდროულად, მან აღნიშნა, რომ საქართველომ უკვე დაიწყო პოსტკრიზისულ გეგმაზე მუშაობა.

„გარდა ადგილობრივი ჯგუფებისა, ექსპერტებისა, ჩვენს პოსტკრიზისულ ეკონომიკური აღორძინების გეგმაზე მუშაობს კემბრიჯში ძალიან სერიოზული პროფესორების ჯგუფი და ამაში გვეხმარებიან ჩვენი დონორები, საერთაშორისო პარტნიორები, ისევე, როგორც ნიუ-იორკის Deloitte-ის ოფისიც“, – განაცხადა გახარიამ.

მთავრობის ანტიკრიზისული გეგმა საზოგადოებას აპრილის ბოლოს წარუდგინეს. ის ითვალისწინებს ფულადი კომპენსაციების გაცემას უმუშევრად დარჩენილებისთვის, საგადასახადო შეღავათებს მეწარმეებისთვის, კრედიტების გადავადებას.

85
თემები:
საქართველოს ეკონომიკა
გაზაფხული თბილისში

მოსახლეობისთვის ფულადი დახმარების გაცემა ამ კვირაში დაიწყება

112
(განახლებულია 13:47 28.05.2020)
კორონავირუსის პანდემიის გამო დაზარალებულ საქართველოს მოქალაქეებს დახმარებას ანტიკრიზისული გეგმის ფარგლებში გაუწევენ.

თბილისი, 28 მაისი — Sputnik. კორონავირუსით დაზარალებულთათვის ფულადი დახმარების გაცემა ამ კვირაში დაიწყება, განაცხადა პრემიერ-მინისტრმა გიორგი გახარიამ.

„ჩვენ არასდროს გაგვიცია დაპირება, რომ ეს იქნებოდა ან 1 აპრილს, ან 1 მაისს. ვთქვით, რომ ეს ყველაფერი 20 მაისის შემდგომ იქნებოდა. როგორც ვთქვით, ისე მივყვებით და არ მინდა სპეკულაციების კორიდორი დავტოვო“, – განაცხადა პრემიერმა პარლამენტში სიტყვით გამოსვლისას.

პრემიერის თქმით, პირველ რიგში 1 ივნისამდე დახმარებას მიიღებს 40 434 შშმ პირი, 194 529 პირი, ვისაც 65000-დან 100000-მდე ქულა აქვს მიღებული სოციალური კეთილდღეობის სკალის მიხედვით, სოციალურად დაუცველთა სიაში მყოფი 224 644 მრავალშვილიანი ოჯახი, 58 000 თვითდასაქმებული პირი, რომელიც უკვე იდენტიფიცირებულია.

„განაცხადები მიიღება და გაგრძელდება მანამდე, სანამ დახმარებას ყველა არ მიიღებს“, – აღნიშნა გახარიამ.

ვინ მიიღებს დახმარებას

სახელმწიფოსგან ნახევარი წლის განმავლობაში თვეში 200 ლარის ოდენობით დახმარებას მიიღებენ დეკრეტულ შვებულებაში მყოფი და კორონავირუსის პანდემიის გამო სამსახურდაკარგული და კონტრაქტით დასაქმებული პირები. ამ დროისთვის სულ დარეგისტრირებულია 78 ათასი ადამიანი, რომელთათვისაც გათვალისწინებულია აღნიშნული დახმარება.

ერთჯერად 300-ლარიან დახმარებას მიიღებენ ის თვითდასაქმებულები, რომლებიც შეძლებენ ცნობის წარდგენას, რომ კორონავირუსის პერიოდში შემოსავლის გარეშე დარჩნენ.

გარდა ამისა, დახმარებას მიიღებენ სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახები, რომელთა სარეიტინგო ქულა მეტია 65 ათასზე და ნაკლებია 100 ათასზე. აღნიშნულ დახმარებას ნახევარი წლის განმავლობაში 190 ათასი ადამიანი მიიღებს.

ექვსი თვის განმავლობაში დახმარების ოდენობა დამოკიდებული იქნება ოჯახის წევრების რაოდენობაზე:

ოჯახის წევრების რაოდენობა დახმარების მოცულობა
1 70 ლარი
2 90 ლარი
3 105 ლარი
4 140 ლარი
5 175 ლარი
6 210 ლარი
7 245 ლარი
8 280 ლარი
9 315 ლარი
10 385 ლარი

რაც შეეხება მონაცემთა ბაზაში რეგისტრირებულ 100 ათას სარეიტინგო ქულამდე მქონე ოჯახებს, რომელთაც ჰყავთ სამი ან სამზე მეტი შვილი, 100 ლარის ოდენობის კომპენსაციას ექვსი თვის განმავლობაში მიიღებენ.

დახმარებას მიიღებენ ასევე შეზღუდული შესაძლებლობის მქონე (შშმ) პირები, რომლებიც ნახევარი წლის განმავლობაში 100 ლარის ოდენობით შემწეობას მიიღებენ – დაახლოებით 40 ათასი ადამიანი.

112
საქართველოსა და სომხეთის დროშები

საქართველოს საგარეო უწყებამ სომხეთს პირველი რესპუბლიკის დღე მიულოცა

0
(განახლებულია 15:29 28.05.2020)
სომხეთი დღეს რესპუბლიკის დღესთან დაკავშირებით მილოცვებს მთელი მსოფლიოდან იღებს და ამ მილოცვებს საქართველოც უერთდება

თბილისი, 28 მაისი — Sputnik. საქართველოს საგარეო საქმეთა სამინისტრი სომეხ ხალხს პირველი დემოკრატიული რეპუბლიკის დაარსების 102–ე წლისთავს ულოცავს.

„გულწრფელად ვულოცავთ სომხეთის მთელ მოსახლეობას 1918 წელს პირველი დემოკრატიული რესპუბლიკის დაარსების წლისთავს. ამ ძალზე მნიშვნელოვან დღეს საქართველო უსურვებს კეთილდღეობასა და წარმატებას ჩვენს კარგ მეზობელ ქვეყანას“, – ნათქვამია საქართველოს საგარეო საქმეთა სამინისტროს მისალოც გზავნილში, რომელიც Twitter–შია განთავსებული.

სომხეთში 28 მაისს სარდარაპატის ბრძოლის დღეც აღინიშნება.

წელს სარდარაპატის ბრძოლის დღე ხალხმრავლობის გარეშე აღინიშნება. კორონავირუსის საფრთხის გამო პოლიციამ სარდარაპატი გადაკეტა როგორც ავტომობლების, ისე ადამიანებისთვის. ტრადიციულ ზეიმში მონაწილეობა მხოლოდ ოფიციალურმა პირებმა მიიღეს.

0