ბანკის საქმიანობა

გაძვირებული სესხები და ეკონომიკური სტაგნაციის საფრთხე...

827
(განახლებულია 16:30 30.09.2019)
ეროვნული ბანკი ლარის გამყარებასა და ინფლაციის შეჩერებას ცდილობს. ექსპერტ-ანალიტიკოსები და საბანკო სფეროს წარმომადგენლები კობა გვენეტაძის უწყების სექტემბრის თვის გადაწყვეტილებებს აფასებენ...

სამსონ ხონელი

ქვეყნის საფინანსო სექტორისთვის ენკენისთვე გამორჩეული გამოდგა. ეროვნულმა ბანკმა 21 დღის ინტერვალით – 4 და 25 სექტემბერს რეფინანსირების განაკვეთი ჯამურად 1 პროცენტული ერთეულით, 6.5 პროცენტიდან 7.5 პროცენტამდე გაზარდა.

კობა გვენეტაძის უწყება განმარტავს, რომ მიზანი ლარის გაუფასურების შეჩერება, ინფლაციისა და ფასების ზრდის პრევენციაა.

„ეროვნულმა ბანკმა ეს გადაწყვეტილება ინფლაციის მკვეთრი ზრდის გამო მიიღო“ − ასეთია კობა გვენეტაძის უწყების ოფიციალური პოზიცია.

ყურადღება უნდა მივაქციოთ, რომ ლარის არაბუნებრივად გაუფასურებისა და ინფლაციის ზრდის შესახებ სავალუტო ფონდისა და ქვეყნის წამყვანი საფინანსო ინსტიტუტების წარმომადგენლებმაც უკვე ხმამაღლა დაიწყეს ლაპარაკი. ვითარება მართლაც ურთულესია. თქვენი არ ვიცი და, მე კი არ მახსენდება, რომ ეროვნულ ბანკს რეფინანსირების განაკვეთის ცვლილების საკითხზე ერთი თვის ფარგლებში ორჯერ ემსჯელა. ასეა თუ ისეა, ფაქტი სახეზეა. მეტიც, ეროვნული ბანკი მხოლოდ რეფინანსირების განაკვეთის გაზრდას არ დასჯერდა, სავალუტო ბაზარზე 40 მილიონი ამერიკული დოლარის ინტერვენციაც განახორციელა. არადა, კარგად გვახსოვს, ქვეყნის მთავარი ბანკირი დიდხანს ჯიუტად ასაბუთებდა, რომ ლარის კურსის გამყარების მიზნით სავალუტო რეზერვების გამოყენება არამიზანშეწონილია. ახლა პოზიცია შეიცვალა და საინტერესოა, რატომ? იმედია, უახლოეს მომავალში კობა გვენეტაძე თავად განმარტავს. მანამდე კი ჩვენ ვცადოთ და ეროვნული ბანკის საშემოდგომო გააქტიურება შევაფასოთ. არც ახლა დავარღვევ ტრადიციას და ექსპერტ-ანალიტიკოსებისა და სპეციალისტების ნააზრევს მოვიშველიებ.

ანალიტიკოსების ერთი ნაწილი მიიჩნევს, რომ ეროვნული ბანკის ამ ძალისხმევას მხოლოდ ერთჯერადად ექნება ეფექტი. აუცილებელია ძირითადი მაკროეკონომიკური პარამეტრების გაუმჯობესება, რაც, პირველ რიგში, უცხოური ინვესტიციების ზრდას გულისხმობს.

ანალიტიკოსი ირაკლი კეპულაძე: „რეფინანსირების განაკვეთის გაზრდა და ინტერვენციები სავალუტო ბაზარზე, მაღალი ალბათობით, გრძელვადიან პერიოდში ვერ უზრუნველყოფს ლარის სტაბილურობასა და ინფლაციის დასაშვებ ნიშნულზე შეჩერებას. კობა გვენეტაძემ ამ ნაბიჯით ფსკერზე დაშვებულ ეროვნულ ვალუტას დროებით ჟანგბადი მიაწოდა. საჭიროა სისტემური მიდგომა, ხელი უნდა შეეწყოს ქვეყანაში პირდაპირი უცხოური ინვესტიციების შემოდინებას. ეროვნული ვალუტის კურსის სტაბილურობას ვერ უზრუნველყოფს მხოლოდ შემოსავლები ტურიზმიდან ან მხოლოდ ფულადი გზავნილები საზღვარგარეთიდან და, თუ გნებავთ, მხოლოდ ექსპორტის მოცულობის ზრდა. საქართველომ სასურველი საინვესტიციო ქვეყნის იმიჯი უნდა დაიბრუნოს..."

სპეციალისტთა ერთი ნაწილი კი ვარაუდობს, რომ მონეტარული პოლიტიკის განაკვეთის ზრდა შედეგს გრძელვადიან პერიოდში მოიტანს, რადგან ეროვნული ბანკის გააქტიურება დაგვიანებულია.

ფინანსისტი ვახტანგ ხომიზურაშვილი: „შედეგი მყისიერად არ იქნება. ყველაფერი, რასაც ცენტრალური ბანკი ლარის კურსთან მიმართებაში ბოლო პერიოდში აკეთებდა, ეკონომიკის კანონებს აცდენილი იყო. სადღეისოდ შექმნილ სიტუაციას კობა გვენეტაძის უწყება, ვეჭვობ, დამოუკიდებლად ვერ უშველის. ეკონომიკური სტიმულირებისთვის სწორი მექანიზმების შესამუშავებლად აუცილებელია მთავრობის ჩარევაც. სავალუტო ბაზარზე არსებული მძიმე სიტუაციის მიუხედავად ეროვნული ბანკი ყოველთვის კომფორტულ სიტუაციაშია და მუდმივად აცხადებს, რომ ინფლაციას აკვირდება. ასე კი არც ერთი ცენტრალური ბანკი არ იქცევა, ამიტომ ეროვნული ბანკის ფუნქციის გადახედვაა აუცილებელი და საჩქარო. ბოლო გადაწყვეტილება შედეგს, სავარაუდოდ, გრძელვადიან პერიოდში გამოიღებს. ეროვნული ბანკის აბსოლუტურად ყველა ნაბიჯი დაგვიანებული იყო... ეს ეხება ლარიზაციას, ეს ეხება სავალუტო ბაზარზე 32 მილიონი დოლარით ინტერვენციას და ახლა უკვე რეფინანსირების განაკვეთის ზრდას...“

საბანკო სფეროს ექსპერტთა ნაწილი აცხადებს, რომ ეროვნული ბანკის გადაწყვეტილება ინფლაციის შემცირებასთან ერთად ეკონომიკის სტაგნაციის გამომწვევიც იქნება.

ექსპერტი ლია ელიავა: „რეფინანსირების განაკვეთის მატებას ერთადერთი მიზანი აქვს – ეს არის ეკონომიკიდან ფულის ამოღება და ინფლაციური პროცესების მოთოკვა. მექანიზმი მარტივია: კომერციული ბანკები სარგებლობენ ამ ტიპის სესხით და გასცემენ კრედიტებს. შესაბამისად, როცა განაკვეთი იზრდება, სესხიც ძვირდება, ეს კი ეკონომიკიდან ფულის ამოღებას იწვევს. შედეგად მივიღებთ ორ რამეს – ინფლაციური პროცესის მოთოკვას და საერთო მოხმარების შემცირებას. სწორედ პირველს იმედოვნებს კობა გვენეტაძის უწყება და უგულებელყოფს მეორე ძალიან მნიშვნელოვან მომენტს. ეს არის ეკონომიკის სტაგნაციაში ჩაგდება. ზარალდება ყველაფერი, ფიზიკური და იურდიული პირები, მეწარმეები... დღეს ეროვნული ბანკი იძულებულია წავიდეს ვა-ბანკზე მხოლოდ იმის გამო, რომ თავის დროზე ლარის კურსი ვერ დაიჭირა და ინფლაციის სადავეები გაექცა...“

ექსპერტი სესხების გაძვირებაზე საუბრობს და მართალიც არის. უკვე თამამად შეგვიძლია ვთქვათ, რომ დაახლოებით 100 ათას ჩვენ მოქალაქეს საბანკო ვალდებულება გაუძვირდა. ეს ის დებიტორები არიან, რომელთა სესხები ეროვნულ ვალუტაშია გაცემული, პროცენტი ცვლადია და რეფინანსირების განაკვეთზეა დამოკიდებული. ორგანიზაცია „საზოგადოება და ბანკები“ იუწყება, რომ მიმდინარე წლის 1 სექტემბრის მდგომარეობით, ცვლად საპროცენტო განაკვეთზე დამოკიდებული 102 700 სესხია გაცემული და მათი აბსოლუტური უმრავლესობა რეფინანსირების განაკვეთზეა მიბმული. მომხმარებლებს სამი კვირის მანძილზე საპროცენტო განაკვეთი ჯამურად 1 პროცენტული პუნქტით გაეზარდათ.

სხვა ანალიტიკოსები აცხადებენ, რომ ძირითადი მაკროეკონომიკური და საგარეო ფაქტორების გათვალისწინებით ეროვნული ვალუტის კურსი ამერიკული დოლარის მიმართ დღეს 2.7-2.8-ის ფარგლებში უნდა ტრიალებდეს. მათი შეფასებით, კობა გვენეტაძის უწყების ეს გადაწყვეტილებები სწორია და უახლოეს მომავალში, წლის ბოლომდე ლარმა გამყარება უნდა დაიწყოს. ამ მოსაზრებას კომერციული ბანკების წარმომადგენლებიც იზიარებენ.

„საქართველოს ბანკის“ გენერალური დირექტორი არჩილ გაჩეჩილაძე: „კარგად გვესმის და გასაგებია, რომ მონეტარული პოლიტიკის გამკაცრება მსესხებლისთვის მარტივი არ არის. მას საბანკო ვალდებულება ეზრდება და ცხოვრება უძვირდება. შესაბამისად, ამ კუთხით ბალანსის დაცვა, ყველა დადებითი და უარყოფითი მხარის განხილვა არის მნიშვნელოვანი. კიდევ უფრო მნიშვნელოვანია – ეკონომიკის მონაწილე მხარეებმა დაინახონ, რომ ეროვნული ბანკი აქტიურობს და გააკეთებს ყველაფერს, რაც მის ხელთ არის. ეს საჭიროა, რომ ლარის მიმართ რწმენა აღდგეს და გაძლიერდეს...“

პატივცემული ბანკირის სიტყვებს თუ კარგად ჩავუღრმავდებით, მარტივად ამოვიკითხავთ, რომ ლარის გამყარების გზა თურმე მოქალაქეთა მოთმინებაზე გადის... რა გაეწყობა, გვინდა თუ არა, უნდა დაველოდოთ!.. თუ ჩამეძიებით – როდემდე? გეტყვით, რომ ეს არავინ უწყის...

827
„თიბისი ბანკის“ მთავარი ოფისი

საქართველოს ბანკები მზად არიან სასესხო დავალიანებების რესტრუქტურიზაციისთვის

114
დღეისათვის მთავარ პრობლემას წარმოადგენს წინა გადავადებების დროს დაგროვილი დარიცხული პროცენტები და დღეს მათი კაპიტალიზაცია ხდება, განაცხადა ბანკების ასოციაციის ხელძღვანელმა

თბილისი, 25 ოქტომბერი – Sputnik. კორონავირუსის პანდემიასთან დაკავშირებით ბანკები მზად არიან განახორციელონ ვალების რესტრუქტურიზაცია ყველაზე მოწყვლადი სექტორებისთვის, ყველა საკითხი შეისწავლება ინდივიდუალურად და შედგება გადახდების მოქნილი განრიგი, განაცხადა ბანკების ასოციაციის პრეზიდენტმა ალექსანდრე ძნელაძემ.

მისი თქმით, სესხებზე საყოველთაო გადავადება, როგორ ეს ადრე მოხდა, ამჟამად არ იგეგმება.

„რეალურად, აღარ იქნება ერთიანი საყოველთაო გადავადება, რაც იყო წინა პერიოდში შეთავაზებული. მაგრამ მონიტორინგი კეთდება ინდივიდუალურად, უკვე მიდის კლიენტებთან მუშაობა და ხდება რესტრუქტურიზაციები. პრემიერ-მინისტრმა დაავალა ბიზნესომბუდსმენის აპარატს აღნიშნული მიმართულებით მუშაობის გაგრძელება. ჩვენც ვაგრძელებთ მუშაობას იმ პრობლემების იდენტიფიცირებაზე, რა პრობლემებიც შეიძლება არსებობდეს რესტრუქტურიზაციების დროს“, - განაცხადა ძნელაძემ.

მან ასევე აღნიშნა, რომ არსებობს მზადყოფნა, წლის ბოლომდე გაფართოვდეს გარკვეული არსებული სახელმწიფო პროექტები, სუბსიდირების თუ საკრედიტო გარანტიების ფარგლებში, რაც, რა თქმა უნდა ხელს შეუწყობს იმას, რომ უფრო მარტივად მოხდეს რესტრუქტურიზაცია.

„აქ ცალსახად უნდა ვთქვათ, რომ ერთ-ერთი ყველაზე მნიშვნელოვანი პრობლემა, რომელსაც კლიენტები აფიქსირებენ, არის ის დარიცხული პროცენტები, რაც უკვე დაუგროვდათ წინა გადავადებების დროს და დღეის მდგომარეობითაც, მისი კაპიტალიზაცია ხდება“, – აღნიშნა ალექსანდრე ძნელაძემ.

ბანკების ასოციაციის პრეზიდენტის თქმით, ყველაზე მოწყვლადი სექტორი, რომელიც პანდემიის დროს განსაკუთრებით დაზარალდა, არის ტურიზმი და ტურიზმის მომიჯნავე დარგები.

ახალი კორონავირუსის პანდემიით გამოწვეული ვითარებიდან გამომდინარე, სააგენტომ „აწარმოე საქართველოში“ სპეციალური პროგრამა შეიმუშავა „თანადაფინანსების მექანიზმი საოჯახო, მცირე და საშუალო სასტუმრო ინდუსტრიის ხელშეწყობისთვის“, რომლის მიზანია მათთვის კომერციული ბანკების წინაშე ფინანსური ტვირთის შემსუბუქება.

პროგრამის ფარგლებში, სააგენტო 2020 წლის 1 მარტიდან მომდევნო ექვსი თვის განმავლობაში მეწარმე სუბიექტებისთვის სესხზე დარიცხული წლიური სარგებლის თანადაფინანსებას ახორციელებდა – ეროვნულ ვალუტაში 80%-ის ოდენობით, ხოლო უცხოურ ვალუტაში 70%-ის ოდენობით. ალექსანდრე ძნელაძის ინფორმაციით, მთავრობა სავარაუდოდ აპირებს ამ პროგრამის გაგრძელებას.

მისი ინფორმაციით, სუბსიდირების პროექტში მხოლოდ სასტუმროების ნაწილი მონაწილეობს, ამიტომ დღეს მიმდინარეობს მსჯელობა პროექტის შესაძლო გაფართოებაზე.

114
თემები:
საქართველოს ეკონომიკა
დამსვენებლები ქობულეთში

ქობულეთში ევროპული სტანდარტის ბულვარი გაჩნდება

35
(განახლებულია 12:37 25.10.2020)
პროექტის მიხედვით, ბულვარზე დეკორატიული ფილებით მოეწყობა სასეირნო და სავალი ნაწილი, გაშენდება მწვანე ზოლი და დამონტაჟდება თანამედროვე ტიპის გარე განათების სისტემა.

თბილისი, 25 ოქტომბერი - Sputnik. ქობულეთს  მომავალი წლის გაზაფხულიდან  ევროპული სტანდარტის ბულვარი ექნება, იუწყება აჭარის მთვარობა.

პროექტის მიხედვით, სრულად კეთილმოეწყობა სანაპირო ზოლი. მოწესრიგდება მიწისქვეშა კომუნიკაცია. დეკორატიული ფილებით მოეწყობა სასეირნო და სავალი ნაწილი, გაშენდება მწვანე ზოლი და დამონტაჟდება თანამედროვე ტიპის გარე განათების სისტემა.

აჭარის მთავრობის ცნობით, სანაპიროს კეთილმოწყობა ორ ეტაპად ხორციელდება. ტერიტორიაზე ინფრასტრუქტურული სამუშაოები უკვე მიმდინარეობს.

ინფრასტრუქტურული სამუშაოები აჭარის მთავრობის თავმჯდომარე თორნიკე რიჟვაძემ ქობულეთის მუნიციპალიტეტის მერთან ერთად დაათვალიერა.

35
თემები:
ტურიზმი საქართველოში
საბადურის

კვირის ასტროპროგნოზი: სიყვარული, ფინანსები, სამუშაო 25 ოქტომბერი - 1 ნოემბერი

0
(განახლებულია 12:11 25.10.2020)
როგორი იქნება ეს კვირა ზოდიაქოს ნიშნების წარმომადგენლებისთვის, როგორ მივაღწიოთ წარმატებებს, როგორ ავარიდოთ თავი განსაცდელს – ყოველივე ამის შესახებ ასტროლოგები გვიამბობენ.

ვარსკვლავების განწყობა ამ კვირაში ცვალებადი იქნება, თუმცა ერთი რამის თქმა მაინც შეიძლება – კვირის მეორე ნახევარი პირველზე გაცილებით პოზიტიური იქნება.

ვერძი

ამ კვირაში სიბრძნე და ძალა მოგემატებათ. ამისთვის უნდა მისდიოთ სასარგებლო რჩევებს, ასევე ენდოთ ინტუიციას, რომელიც ახლა სათანადო სიმაღლეზეა. ასტროლოგები გირჩევენ, შეაკავოთ ნეგატიური ემოციები და გამოხატოთ პოზიტიური. აჩვენეთ სიყვარული ახლობლებს და თავი შეიკავეთ, თუ ვინმე სკანდალის პროვოცირებას შეეცდება.

როგორი დასვენება უყვართ ზოდიაქოს ნიშნებს>>

კვირის მეორე ნახევარი იდეალურია იმიჯის შეცვლისთვის. ეს განსაკუთრებით წაადგება მათ, ვინც სამუშაოს ეძებს. ძალზე მნიშვნელოვანია, რომ ყურადღება მიაქციოთ ჯანმრთელობას და არ გადაიღალოთ.

კურო

კვირის დასაწყისი მერკურისა და მზის ძალაუფლების ქვეშ იქნება. კუროებს ცხოვრებაში არცთუ სასიამოვნო ცვლილებები გელოდებათ. შესუსტებული იქნება საინფორმაციო ნაკადები, ამიტომ ექსპერტები გირჩევენ, სიმართლე და სიცრუე ერთმანეთისგან განაცალკევოთ. კვირის პირველ დღეებში მატყუარა და ანგარებიანი ადამიანები გააქტიურდებიან – არ აიღოთ მათგან მაგალითი.

28 ოქტომბრიდან ძალზე ხელსაყრელი პერიოდი დადგება, როდესაც გაგიმართლებთ სიყვარულშიცა და საქმიანობაშიც.  ამისთვის კი აუცილებელია, რომ იზრუნოთ ჯანმრთელობასა და ენერგეტიკაზე. წაგადგებათ მოძრაობა, სეირნობა, სპორტი. კვირის ბოლო ასევე კარგი დროა მოგზაურობისთვის, მივლინებებისთვის.

ტყუპი

26 და 27 ოქტომბერი შეიძლება ნეგატიური ენერგიით იყოს დატვირთული. ეცადეთ, გონება უარყოფითი აზრებისგან გაწმინდოთ. ოთხშაბათიდან ვითარება მკვეთრად შეიცვლება. სამუშაო კვირის ბოლო ნებისმიერი პროფესიის წარმომადგენლებისთვის ძალზე პროდუქტიული იქნება.

იდეალური ქვეყანა ზოდიაქოს თითოეული ნიშნისთვის>>

ოთხშაბათიდან შაბათის ჩათვლით ვარსკვლავები და პლანეტები დიდ იღბლიანობასა და პოზიტივს მოიტანენ. შეგიძლიათ ახალი საქმეების დაწყება, რამე მნიშვნელოვანსა და საპასუხისმგებლოზე შეჭიდება, შესაძლებელია ფულის გამომუშავება და მისი გონივრულად დახარჯვა.

კირჩხიბი

ბედნიერება მხოლოდ ის არაა, როცა რაღაცას ვიღებთ, არამედ ისიც, როდესაც ვიწმინდებით არასაჭირო და ტოქსიკურისგან. მაგალითად, უნდა გათავისუფლდეთ წუწუნის, ყველაფრის სხვებისთვის დაბრალების  ჩვევისგან, ნეგატიური აზროვნებისგან, საკუთარი თავის მართლების, შიშების, ჭორებისგან და ასევე სიყვარულზე „ნარკოტიკული“ დამოკიდებულებისგან. ამ ყველაფრისთვის ეს იდეალური კვირაა.

არ არის გამორიცხული, რომ რაღაც მნიშვნელოვანი საიდუმლო შეიტყოთ, რომელიც დიდი ხანი დამალული იყო. ღამის მანათობლები ასევე დაგეხმარებიანსხვადასხვა ნივთის შეძენაში, მნიშვნელოვანი გარიგებების დადებაში, იურიდიული პრობლემების გადაჭრაში. კვირის მიწურულს გამძაფრდება ურთიერთობებისა და რომანტიკის მოთხოვნილება.

ლომი

ლომები ყველანაირად უნდა ეცადოთ, რომ ნეგატიურ ადამიანებს მოერიდოთ. მათ შეუძლიათ, უარყოფითი ენერგიით დაგმუხტონ და თან – გაუცნობიერებლად, არა სპეციალურად. მარტოხელა ლომებს ექსპერტები გირჩევენ, რომანტიკასა და ახალი ნაცნობობების ძიებას სწავლა და ახალი უნარების გამომუშავება ამჯობინოთ, მით უმეტეს, რომ თქვენი მეხსიერება და ყურადღება უფრო გამახვილდება.

სად იმალება ზოდიაქოს თითოეული ნიშნის ბედნიერების საიდუმლო>>

ინტელექტუალური სამუშაო შესანაშნავად შესრულდება, მაგრამ მგზავრობა და მივლინებები, სჯობს, გადადოთ, აუცილებლობის შემთხვევაში კი გზისთვის დიდი ყურადღებით გაემზადეთ და იფრთხილეთ.

ქალწული

ქალწულებმა ენერგია, სჯობს, სამუშაოზე, ბიზნესსა და ფინანსურ საკითხებზე დახარჯოთ. მოსალოდნელია პროდუქტიულობის ზრდა, გაგიმართლებთ სამუშაო სფეროში. გააქტიურება ასევე საჭიროა სიყვარულშიც. არაა გამორიცხული, რომ შეხვდეთ სასიამოვნო ადამიანს, რომელიც მომავალში, შესაძლოა, თქვენი მეორე ნახევარი ან კარგი მეგობარი გახდეს.

უპრიანია, კვირა სახლის საფუძვლიანი დალაგებითა და მოწესრიგებით დაიწყოთ. გათავისუფლდით და გადაყარეთ უსარგებლო და ძველი ნივთები – მათ თქვენი უარყოფითი ენერგიით დამუხტვა შეუძლიათ. შეამოწმეთ ფინანსები, შეადგინეთ საყიდლების სია, გეგმა. ასევე მნიშვნელოვანია, რომ მეტი დრო დაუთმოთ ოჯახის წევრებსა და ნათესავებს.

სასწორი

სასწორებისთვის კვირის პირველი ორი დღე შეიძლება ძალზე ნერვული აღმოჩნდეს, რადგან ვარსკვლავები და პლანეტები დისონანსში იქნებიან. კარგი პერიოდია ნათესავებთან დაახლოების, რემონტის ან ერთობლივი საქმეების დაწყებისთვის. შეიძლება შოპინგი, საჩუქრების გაკეთება საყვარელი ადამიანებისთვის.

ზოდიაქოს ნიშნები, რომლებსაც განსაკუთრებული მისია აკისრიათ>>

უქმეებზე ასტროლოგები კარგად დასვენებასა და გართობას გირჩევენ. ამასთან, გაფრთხილებენ, რომ მოერიდოთ ზედმეტ აზარტსა და რისკს. ვარსკვლავები მოტივაციით დაგასაჩუქრებენ, დაგეხმარებიან ახალი ცოდნისა და სურვილების წყაროს პოვნაში. შემოქმედებითი პროფესიების წარმომადგენლებს 28 ოქტომბრიდან დიდი შთაგონება გელოდებათ.

მორიელი

ასტროლოგები გირჩევენ, შურის გრძნობას შეებრძოლოთ. ეს გრძნობა თქვენთვის დამანგრეველია განსაკუთრებით ამ კვირაში. მან შეიძლება გავლენა მოახდინოს თქვენს სამუშაო გეგმაზე, ჯანმრთელობაზე. სამუშაო სფეროში წესიერება და პატიოსნება დაგჭირდებათ – ამ ორი თვისების წყალობით წარმატებებს უფრო მალე მიაღწევთ.

სხვების წარმატებებს ყურადღებას ნუ მიაქციევთ, არამედ მთელი ყურადღება საკუთარ მიღწევებზე გაამახვილეთ. ვარსკვლავები დაგეხმარებიან შრომისმოყვარეობის გაძლიერებაში, განამტკიცებენ თქვენს ჯანმრთელობასა და მორალურ სულს. ასევე ექსპერტების რჩევაა, რომ წარსულში არ გაიხედოთ, მზერა მომავლისკენ მიმართეთ და იზრუნეთ აწმყოზე. არ ღირს საკუთარი თავის კრიტიკა და დასჯა წარსულის შეცდომების გამო.

მშვილდოსანი

მშვილდოსნებისთვის დგება იმის დრო, რომ თავი მიუძღვნათ სიყვარულს, ოჯახსა და მეგობრებს. ახლობელ ადამიანებთან ურთიერთობები აამაღლებს თქვენს ენერგეტიკას და მოგმატებთ იღბალს. ახლობლებზე ზრუნვა აწმყოსა და მომავალში მათი მხრიდან დახმარების გარანტი იქნება.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

რაც შეეხება ფინანსურ სფეროს, აქ მშვილდოსნებს ყველა მიმართულებით გაგიმართლებთ. შესაძლებელია შემოსავლების გაზრდა, შემოსავლების მიღების ახალი წყაროების მოძებნა და პოვნა, ფულის სწორად დახარჯვა. შოპინგი განწყობის ამაღლებასა და პოზიტიური ენერგიით დამუხტვაში დაგეხმარებათ.

თხის რქა

ამ კვირაში წაგადგებათ ახალი შეხვედრები, ნაცნობობა, ურთიერთობები. არ ღირს საკუთარ თავში ჩაკეტვა. მოუსმინეთ გარშემომყოფების რჩევებს, განსაკუთრებით 28 ოქტომბრის შემდეგ. კვირის პირველ ორ დღეს არის რისკი იმისა, რომ სამუშაოსა და ბიზნესში მძლავ დაპირისპირებას შეეჯახოთ. არ არის გამორიცხული, რომ გააქტიურდნენ მტრები და არაკეთილმოსურნეები.

კოლეგებთან, პარტნიორებთან ან კლიენტებთან მეტი მოქნილობა გმართებთ. თხის რქები ბრძენ ნიშანთა რიცხვს განეკუთვნებით, მაგრამ პირველ ორ დღეს მაინც შეიძლება ადვილად გაანაწყენოთ ვინმე. თუ გარშემომყოფები თავიანთი პირობების კარნახს შეეცდებიან, დათმობაზე წასვლა თქვენს საზიანოდ არ ღირს. ექსპერტები ასევე ვარაუდობენ, რომ შესაძლებელია გაუთვალისწინებელი ხარჯები.

მერწყული

როგორც ეზოთერიკოსები ამბობენ, სწორად შერჩეული სიტყვები იღბლიანობას ზრდის. მიზიდულობის კანონი ნამდვილად მუშაობს, ამიტომ სჯობს, ჯერ დაფიქრდეთ და შემდეგ ილაპარაკოთ პოზიტიურ რამეებზე, მეტად გწამდეთ საკუთარი თავის და არ დაიწყოთ ურთიერთობების გამორკვევა მეორე ნახევართან. ჩხუბი და ნეგატივი პრობლემების პროვოცირებას მოაწყობს სხვა სფეროებშიც.

ზოდიაქოს ნიშნები, რომლებსაც ერთი ნახვით უყვარდებათ>>

მარტოხელა მერწყულებმა, სჯობს, შეაჩეროთ პარტნიორის ძებნის პროცესი და სამუშაოზე გადაერთოთ. განსაკუთრებული ყურადღება უნდა დაუთმოთ საოჯახო საქმეებსაც. წაგადგებათ გარეგნობის შეცვლა, გარდერობის განახლება. უქმეებზე კი კარგი იქნება გართობა.

თევზები

თევზებისთვის ძალზე წარმატებული და პოზიტიური კვირაა. შეგიძლიათ ახალი ცხოვრების დაწყება, რომელიც ბედნიერებამდე მიგიყვანთ. კარგად აეწყობა ახალი საქმეები, ახალი სამსახურის ძებნა, საყვარელი ადამიანის პოვნის პროცესი. ექსპერტების რჩევაა, გააქტიურდეთ სოციალურ ქსელებში.

ასტროლოგები ასევე გირჩევენ, გაწმინდოთ საინფორმაციო ველი. წაშალეთ არასაჭირო კონტაქტები ტელეფონიდან, სოციალური ქსელებიდან. ახლა ენერგეტიკული აღმავლობის გზაზე ხართ. გეყოფათ ძალა, რომ მთები გადადგათ. ძალზე მნიშვნელოვანია, რომ პოზიტიური განწყობა გარშემომყოფებს გაუზიაროთ.

0