ანაკლია

ანაკლიის განვითარების კონსორციუმმა პროექტის ორი ახალი ინვესტორი მოძებნა

93
(განახლებულია 19:39 17.09.2019)
პროექტის წარმატებით რეალიზებისთვის ყველა დაინტერესებულმა მხარემ ძალები უნდა გააერთიანოს, მიიჩნევენ კონსორციუმში.

თბილისი, 17 სექტემბერი — Sputnik. „ანაკლიის განვითარების კონსორციუმი" მნიშვნელოვნად მიიჩნევს, თუ რეგიონული განვითარებისა და ინფრასტრუქტურის სამინისტრო მხარდაჭერას გამოუცხადებს ღრმაწყლოვანი პორტის მშენებლობის პროექტის ორ ახალ ინვესტორს, ნათქვამია კონსორციუმის განცხადებაში.

პორტის მშენებლობით „ანაკლიის განვითარების კონსორციუმია" დაკავებული. ის ქართულმა კომპანია TBC Holding-მა და ამერიკულმა კომპანია Conti International LLC-მ დააფუძნეს. კონსორციუმში შედიან ასევე SSA Marine (აშშ), British Wondernet Expres (ცენტრალური აზია) და G-Star Ltd. (ბულგარეთი). აგვისტოს შუა რიცხვებში ამერიკულმა კომპანია Conti group-მა „ანაკლიის განვითარების კონსორციუმიდან" გასვლის შესახებ განაცხადა, ამის გამო პროექტის განხორციელება საფრთხის ქვეშ აღმოჩნდა.

„კონსორციუმი ფიქრობს, რომ ამ მიმართულებით დაწყებული კომუნიკაციის ლოგიკური გაგრძელება იქნება, თუ სამინისტრო ოფიციალური წერილებით დაუდასტურებს ზემოხსენებულ პოტენციურ ინვესტორებს, რომ მათ მიესალმებიან პროექტში და ექნებათ სახელმწიფოს სრული მხარდაჭერა", – აღნიშნულია განცხადებაში.

კონსორციუმმა გარკვეული პერიოდის წინ სამინისტროს ორი მსხვილი ინვესტორი წარუდგინა, რომლებსაც ამერიკულ SSA Marine-თან და ქართულ TBC Holding-თან ერთად პოტენციურად შეუძლიათ მნიშვნელოვანი წვლილის შეტანა კონსორციუმის გაძლიერებაში.

ამასთან, განცხადებაში აღნიშნულია, რომ კონსორციუმი ინტენსიურად განაგრძობს პროექტთან დაკავშირებულ ყველა მხარესთან, მათ შორის, სამინისტროსთან აღებული ვალდებულებების შესრულებაზე მუშაობას. როგორც კონსორციუმი აცხადებს, პროექტის წარმატებით განხორციელებისთვის დროა, რომ ყველა დაინტერესებულმა მხარემ ძალები გააერთიანოს.

„უკვე დროა, ყველა დაინტერესებულმა და ჩართულმა მხარემ გააერთიანოს ძალები, რათა ეს სტრატეგიული პროექტი წარმატებით განხორციელდეს. კონსორციუმი მიესალმება სახელმწიფოს მხრიდან გადადგმულ ყველა პოზიტიურ ნაბიჯს, რამაც შეიძლება ბიძგი მისცეს პროექტის შემდგომ სწრაფ განვითარებას – საქართველოს ზოგადი საერთო წარმატებისთვის", – ნათქვამია განცხადებაში.

საქართველოს ხელისუფლებამ, თავის მხრივ, არაერთხელ განაცხადა, თუ რაოდენ მნიშვნელოვანია სტრატეგიულად მნიშვნელოვანი პროექტის წარმატებით განხორციელება. ამიტომ ალტერნატიული ინვესტორის მოძებნა პრინციპული საკითხია.

ეკონომიკის მინისტრი: ანაკლიის პორტი აუცილებლად აშენდება>>

როგორც უფრო ადრე რეგიონული განვითარების სამინისტროში განაცხადეს, ღრმაწყლოვანი ანაკლიის პორტის პროექტის განხორციელება გამოცდილი და ფინანსურად ძლიერი ინვესტორის გარეშე შეუძლებელია. უწყებაში აღნიშნავენ, რომ პორტის მშენებლობის ტენდერში გამარჯვება „კონსორციუმს" სწორედ ამერიკული კომპანიის მონაწილეობამ მოუტანა.

ცოტა ხნის წინ საქართველოს პრემიერ-მინისტრმა გიორგი გახარიამ აღნიშნა, რომ ანაკლიის პორტს პასუხისმგებლიანი, სერიოზული, კერძო ინვესტორები სჭირდება, რომლებიც ქვეყანას, სამწუხაროდ, არ ჰყავს.

ანაკლიის ღრმაწყლოვანი პორტის მშენებლობა 2017 წელს დაიწყო.

პორტის მუშაობის დაწყება 2021 წელს არის დაგეგმილი. პორტის განვითარება ცხრა ფაზად განხორციელდება.

პირველი ფაზა გულისხმობს პორტის ამუშავების შემდეგ წელიწადში 900 ათასი კონტეინერის მიღებას. ეს არ ნიშნავს, რომ პორტში ამ ოდენობის ტვირთი პირველივე წელიწადს შემოვა, მაგრამ ეს იქნება მაქსიმალური დასაშვები მოცულობა, აცხადებენ პროექტის ავტორები. პირველ და მეორე ფაზებს შორის სამ-ოთხწლიანი შუალედი იქნება. მომდევნო ნაბიჯების გეგმა კი პირველი ფაზის მსვლელობისას შემუშავდება.

რა პირობა წაუყენა მთავრობამ „ანაკლიის განვითარების კონსორციუმს“>>

პირველი ორი ფაზის დასასრულისთვის ანაკლიის პორტი დაახლოებით 14 მილიონი ტონა ტვირთის მიღებას შეძლებს. პროექტის ავტორების გათვლით, ამ მაჩვენებელს პორტი 2030 წლისთვის მიაღწევს. ყველა ცხრა ფაზის განხორციელებას 50 წელზე მეტი დასჭირდება. იმ დროისთვის პორტი, კონსორციუმის პროგნოზით, შეძლებს ყოველწლიურად 100 მილიონ ტონაზე მეტი ტვირთის მიღებას.

პროექტის საერთო ღირებულება 2,5 მილიარდი აშშ დოლარია.

93
თემები:
ანაკლია – მომავლის ქალაქი (42)
ბალი

„დანერგე მომავალი“ - ფერმერებმა პირველი მოსავალი მიიღეს

99
(განახლებულია 12:45 05.07.2020)
პროგრამის „დანერგე მომავალი“ ფარგლებში სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება

თბილისი, 5 ივლისი — Sputnik. სახელმწიფოს მხარდაჭერით გაშენებულ ბაღში ფერმერებმა პირველი მოსავალი მიიღეს, ნათქვამია სოფლისა და სოფლის მეურნეობის განვითარების სააგენტოს მიერ გავრცელებულ განცხადებაში.

სახელმწიფო პროგრამის „დანერგე მომავალი“ ფარგლებში, გორის მუნიციპალიტეტის სოფელ ფხვენისში, ფერმერმა ანტონ ჯამელაშვილმა ახალი ხეხილის ბაღი 2015 წელს გააშენა. ფერმერმა 8 ჰექტარზე ბლის ბაღის გაშენებისათვის და სარწყავი სისტემის მოწყობისთვის 72 ათასი ლარის სახელმწიფო დაფინანსება მიიღო. მათ შორის 49 ათასი ლარი ნერგების შესაძენად, ხოლო 23 ათასი ლარი წვეთოვანი სისტემის მოწყობისთვის. წელს იგი პირველი მოსავლის სახით 30 ტონა ბალს ელოდება. ბაღში 32 ადგილობრივია დასაქმებული.

„მთელი საქართველოს მასშტაბით, პროგრამის „დანერგე მომავალი“ ფარგლებში გაშენებული ბაღები 10 ათას ჰა-მდე ფართობს შეადგენს. შიდა-ქართლის რეგიონში, სხვადასხვა ხეხილის ბაღი, ჯამში, 2 ათას 400 ჰა-მდე მიწის ფართობზე გაშენდა, გაცემულმა თანადაფინანსებამ 16 მლნ-მდე ლარი შეადგინა“, - განახადა სოფლისა და სოფლის მეურნეობის განვითარების სააგენტოს დირექტორმა, ილია თამარაშვილმა.

პროგრამის „დანერგე მომავალი“ ფარგლებში, სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება, აღნიშნავენ სააგენტოში.

პროგრამას „დანერგე მომავალი“ სოფლისა და სოფლის მეურნეობის განვითარების სააგენტო, „ერთიანი აგროპროექტის“ ფარგლებში, 2015 წლიდან ახორციელებს. „ერთიან აგროპროექტი“ გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას და სურსათის უვნებლობის საერთაშორისო სტანდარტების დანერგვას.

99
თემები:
საქართველოს სოფლის მეურნეობა
ძროხები

საქართველოში ყირიმ-კონგოს დაავადების პრევენციული ღონისძიებები გატარდა

130
(განახლებულია 15:30 04.07.2020)
სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

თბილისი, 4 ივლისი — Sputnik. სურსათის ეროვნული სააგენტოს სპეციალისტებმა ყირიმ-კონგოს დაავადების პრევენციის მიზნით სამცხე-ჯავახეთის რეგიონსა და შიდა ქართლში ინსექტოაკარიციდული პრეპარატით 3090 სული მსხვილფეხა პირუტყვი დაამუშავეს, იუწყება სურსათის ეროვნული სააგენტო.

ყირიმ-კონგოს ჰემორაგიული ცხელება ცხოველის და ადამიანის ვირუსული დაავადებაა და წარმოადგენს ბუნებრივ კეროვან ინფექციას. ვირუსის ძირითადი გადამტანი ტკიპაა (Hyalomma). ცხოველი და ადამიანი მისი კბენის შედეგად ინფიცირდება.

ცხოველებში დაავადება კლინიკური ნიშნების გარეშე მიმდინარეობს, ხოლო ადამიანის შემთხვევაში, დაგვიანებულ მკურნალობას შესაძლოა ლეტალური შედეგი მოჰყვეს.

დაავადების მაღალი რისკის ქვეშ არიან ცხოველებთან კონტაქტში მყოფი (მწყემსები, ფერმერები) ადამიანები.

სააგენტოს ცნობით, ტკიპა ცხოვრების ციკლიდან გამომდინარე წლის თბილ და ცხელ პერიოდში აქტიურდება.

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ, პროფილაქტიკის მიზნით, მინდორში მუშაობისას ატარონ დახურული ტანსაცმელი და ფეხსაცმელი, ხოლო დაავადების ნიშნების გამოვლენის შემთხვევაში დაუყონებლივ მიმართონ ექიმს.

სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

130
თემები:
საქართველოს სოფლის მეურნეობა
სავსე მთვარე

მთვარის კალენდარი: 6 ივლისი რისი გაკეთება შეიძლება და რისი არა

0
(განახლებულია 10:28 04.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივლისი, ორშაბათი. ამ დღეს მთვარე მართავს. კლებადი მთვარე თხის რქის ნიშანშია.

ირგვლივ მრავალი საცდუნებელი რამ ჩნდება, მძაფრდება ინსტინქტები, წინა პლანე გამოდის ხორციელი სურვილები. ადამიანებს ადვილად ეძალება სიზარმაცე, დიდია მოტყუების ალბათობა.

თავისი ენერგეტიკული სიმძლავრით ეს დღე გუშინდელ სავსემთვარეობას არ ჩამოუვარდება. მოთოკეთ ემოციები და ეცადეთ, არ ჩაებათ არანაინ ჩხუბსა და კონფლიქტში. ეცადეთ, შინაგანი სიმშვიდე შეინარჩუნოთ და ისე დაიცვათ სამართლიანობა, დაეხმაროთ ადამიანებს პრობლემებთან გამკლავებაში. ასევე მოსალოდნელია აზარტული გრძნობების გამძაფრება, რომელიც, თუ არ შეაჩერებთ, პრობლემებს მოიტანს.

კარგი დღეა მუშაობისა და ძვირადღირებული ნივთების შეძენისთვის.

თმის შეჭრა, შეღებვა: თხის რქა თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეჩერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

უპირატესობა მიანიჭეთ სადა ვარცხნილობას.

მთვარის კალენდარი მებაღეებისთვის: 2020 წლის ივლისი>>

მებაღეობა: 6 ივლისს არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0