გიორგი გახარია

პრემიერი: ანაკლიის პორტს სერიოზული ინვესტორები სჭირდება, რომლებიც არ გვყავს

78
(განახლებულია 18:35 16.09.2019)
ანაკლია, როგორც ღრმაწყლოვანი პორტის პროექტი, ქვეყნის განვითარებას ემსახურება, მიიჩნევს პრემიერი.

თბილისი, 16 სექტემბერი — Sputnik. ანაკლიის ღრმაწყლოვან პორტს სჭირდება პასუხისმგებლიანი, სერიოზული კერძო ინვესტორები, რომლებიც, სამწუხაროდ, არ გვყავს, განუცხადა საქართველოს პრემიერ-მინისტრმა გიორგი გახარიამ ჟურნალისტებს.

ეკონომიკის მინისტრი: ანაკლიის პორტი აუცილებლად აშენდება>>

პორტის მშენებლობით „ანაკლიის განვითარების კონსორციუმია" დაკავებული. ის ქართულმა კომპანია TBC Holding-მა და ამერიკულმა კომპანია Conti International LLC-მ დააფუძნეს, აგვისტოს შუა რიცხვებში ამერიკულმა კომპანია Conti group-მა „ანაკლიის განვითარების კონსორციუმიდან" გასვლის შესახებ განაცხადა, ამის გამო პროექტის განხორციელება საფრთხის ქვეშ აღმოჩნდა.

„ანაკლიის პროექტთან დაკავშირებით ყოველთვის ვამბობდი – ის რომ წარმატებით განხორციელდეს, მას სჭირდება პასუხისმგებლიანი და სერიოზული ინვესტორები. ჩვენ ვამბობთ, რომ სახელმწიფო ყველა თავის ვალდებულებას ასრულებდა და შეასრულებს. ანაკლიის ღრმაწყლოვან პორტს სჭირდება პასუხისმგებლიანი, სერიოზული კერძო ინვესტორები, რომლებიც სამწუხაროდ, არ გვყავს. ეს არის ანაკლიის ღრმაწყლოვანი პორტის პრობლემა", – განაცხადა გახარიამ.

გახარიამ ასევე გააკეთა კომენტარი TBC Holding-ის დამფუძნებლის მამუკა ხაზარაძის ბოლო განცხადებებზე, რომელსაც ფულის გათეთრებაში წაუყენეს ბრალი.

ხაზარაძე ამტკიცებს, რომ სისხლის სამართლის საქმე მის წინააღმდეგ იმისთვის აღძრეს, რომ პორტის მშენებლობას შეუშალონ ხელი. ხაზარაძის თქმით, რეგიონული განვითარებისა და ინფრასტრუქტურის მინისტრმა მაია ცქიტიშვილმა ბრიტანელ ინვესტორებს ანაკლიის პორტის დაფინანსებაზე უარი უთხრა, რადგან ხელისუფლებას ამ პროექტის განხორციელება არ სურს.

„საერთოდ, ბევრ საოცარ რამეს ამბობს ხოლმე, განსაკუთრებით, ამ ბოლო დროს ბატონი ხაზარაძე. წერილი, ოქმი და კიდევ ბევრი რაღაც. მოიტანოს, გვანახოს ეს ოქმი. არ არის კარგი, როდესაც ქვეყნისთვის მნიშვნელოვანი, სტრატეგიული პროექტი პოლიტიკური ჭორაობის და სპეკულირების საგანი ხდება", – განაცხადა გახარიამ.

მისი თქმით, ანაკლია არც ერთ ფიზიკურ პირს არ ეკუთვნის.

„ანაკლია არ ეკუთვნის არც ერთ ფიზიკურ პირს. ღრმაწყლოვანი პორტი, როგორც პროექტი, ემსახურება ქვეყნის განვითარებას და ყველა ცოტა უფრო პასუხისმგებლობით უნდა მოექცეს ქვეყნისთვის მნიშვნელოვან პროექტებს", – აღნიშნა პრემიერმა.

მამუკა ხაზარაძესა და ბადრი ჯაფარიძეს ბრალად ედება 2008 წელს დაახლოებით 17 მლნ დოლარის გათეთრება კომპანიების „სამგორი თრეიდის" და „სამგორი М"-ის მეშვეობით. ივლისის ბოლოს სასამართლომ აღკვეთის ზომა თითოეულს გირაოს სახით 700 ათასი ლარის გადახდა დააკისრა და პროკურატურის ნებართვის გარეშე ქვეყნის დატოვება აუკრძალა.

მთავრობა ანაკლიის პორტის ინვესტორთან დაკავშირებული პრობლემის გადაწყვეტას ელოდება>>

ფულის გათეთრებაში ხელშეწყობის ბრალდება წარუდგინეს ზემოაღნიშნული კომპანიების დამფუძნებელს ავთანდილ წერეთელს. სასამართლომ ის 500 ათასი ლარის გირაოს გადახდის საფუძველზე გაათავისუფლა.

78
თემები:
ანაკლია – მომავლის ქალაქი (42)
ბალი

„დანერგე მომავალი“ - ფერმერებმა პირველი მოსავალი მიიღეს

99
(განახლებულია 12:45 05.07.2020)
პროგრამის „დანერგე მომავალი“ ფარგლებში სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება

თბილისი, 5 ივლისი — Sputnik. სახელმწიფოს მხარდაჭერით გაშენებულ ბაღში ფერმერებმა პირველი მოსავალი მიიღეს, ნათქვამია სოფლისა და სოფლის მეურნეობის განვითარების სააგენტოს მიერ გავრცელებულ განცხადებაში.

სახელმწიფო პროგრამის „დანერგე მომავალი“ ფარგლებში, გორის მუნიციპალიტეტის სოფელ ფხვენისში, ფერმერმა ანტონ ჯამელაშვილმა ახალი ხეხილის ბაღი 2015 წელს გააშენა. ფერმერმა 8 ჰექტარზე ბლის ბაღის გაშენებისათვის და სარწყავი სისტემის მოწყობისთვის 72 ათასი ლარის სახელმწიფო დაფინანსება მიიღო. მათ შორის 49 ათასი ლარი ნერგების შესაძენად, ხოლო 23 ათასი ლარი წვეთოვანი სისტემის მოწყობისთვის. წელს იგი პირველი მოსავლის სახით 30 ტონა ბალს ელოდება. ბაღში 32 ადგილობრივია დასაქმებული.

„მთელი საქართველოს მასშტაბით, პროგრამის „დანერგე მომავალი“ ფარგლებში გაშენებული ბაღები 10 ათას ჰა-მდე ფართობს შეადგენს. შიდა-ქართლის რეგიონში, სხვადასხვა ხეხილის ბაღი, ჯამში, 2 ათას 400 ჰა-მდე მიწის ფართობზე გაშენდა, გაცემულმა თანადაფინანსებამ 16 მლნ-მდე ლარი შეადგინა“, - განახადა სოფლისა და სოფლის მეურნეობის განვითარების სააგენტოს დირექტორმა, ილია თამარაშვილმა.

პროგრამის „დანერგე მომავალი“ ფარგლებში, სახელმწიფოს მხრიდან ფინანსური მხარდაჭერით ქვეყნაში ეტაპობრივად პირველადი სასოფლო-სამეურნეო პროდუქციით უზრუნველყოფა და იმპორტის ჩანაცვლება ხდება, აღნიშნავენ სააგენტოში.

პროგრამას „დანერგე მომავალი“ სოფლისა და სოფლის მეურნეობის განვითარების სააგენტო, „ერთიანი აგროპროექტის“ ფარგლებში, 2015 წლიდან ახორციელებს. „ერთიან აგროპროექტი“ გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას და სურსათის უვნებლობის საერთაშორისო სტანდარტების დანერგვას.

99
თემები:
საქართველოს სოფლის მეურნეობა
ძროხები

საქართველოში ყირიმ-კონგოს დაავადების პრევენციული ღონისძიებები გატარდა

129
(განახლებულია 15:30 04.07.2020)
სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

თბილისი, 4 ივლისი — Sputnik. სურსათის ეროვნული სააგენტოს სპეციალისტებმა ყირიმ-კონგოს დაავადების პრევენციის მიზნით სამცხე-ჯავახეთის რეგიონსა და შიდა ქართლში ინსექტოაკარიციდული პრეპარატით 3090 სული მსხვილფეხა პირუტყვი დაამუშავეს, იუწყება სურსათის ეროვნული სააგენტო.

ყირიმ-კონგოს ჰემორაგიული ცხელება ცხოველის და ადამიანის ვირუსული დაავადებაა და წარმოადგენს ბუნებრივ კეროვან ინფექციას. ვირუსის ძირითადი გადამტანი ტკიპაა (Hyalomma). ცხოველი და ადამიანი მისი კბენის შედეგად ინფიცირდება.

ცხოველებში დაავადება კლინიკური ნიშნების გარეშე მიმდინარეობს, ხოლო ადამიანის შემთხვევაში, დაგვიანებულ მკურნალობას შესაძლოა ლეტალური შედეგი მოჰყვეს.

დაავადების მაღალი რისკის ქვეშ არიან ცხოველებთან კონტაქტში მყოფი (მწყემსები, ფერმერები) ადამიანები.

სააგენტოს ცნობით, ტკიპა ცხოვრების ციკლიდან გამომდინარე წლის თბილ და ცხელ პერიოდში აქტიურდება.

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ, პროფილაქტიკის მიზნით, მინდორში მუშაობისას ატარონ დახურული ტანსაცმელი და ფეხსაცმელი, ხოლო დაავადების ნიშნების გამოვლენის შემთხვევაში დაუყონებლივ მიმართონ ექიმს.

სურსათის ეროვნული სააგენტო ყოველწლიურად ახორციელებს ყირიმ-კონგოს დაავადების საწინააღმდეგო პრევენციულ ღონისძიებებს.

129
თემები:
საქართველოს სოფლის მეურნეობა
დაკავება

ფოთში მკვლელობის საქმეზე პოლიციამ კიდევ ერთი ბრალდებული დააკავა

0
გამოძიების ვერსიით, ბრალდებულებმა 44 წლის მამაკაცს ჯერ სცემეს, შემდეგ კი ბასრი საგნით და ცეცხლსასროლი იარაღით ჭრილობები მიაყენეს

თბილისი, 5 ივლისი — Sputnik. სამეგრელო-ზემო სვანეთის პოლიციის თანამშრომლებმა განზრახ მკვლელობისა და თავისუფლების უკანონო აღკვეთის ბრალდებით ფოთში ახალგაზრდა მამაკაცი დააკავეს, იუწყება შსს-ს პრესსამსახური.

შაბათს პოლიციის თანამშრომლებმა ამავე საქმეზე სამი პირი დააკავეს.

გამოძიებით დადგინდა, რომ ბრალდებულებმა, თანმხლებ პირებთან ერთად, 44 წლის ვ.ტ.-ს ფიზიკური შეურაცხყოფა მიაყენეს, შემდეგ კი, სავარაუდოდ, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ. უგონო მდგომაროებაში მყოფი ვ.ტ. გადაიყვანეს სამედიცინო დაწესებულებაში, სადაც მალევე გარდაიცვალა.

ბრალის დამტკიცების შემთხვევაში ოთხივე დაკავებულს 16-დან 20 წლამდე ვადით თავისუფლების აღკვეთა ემუქრება.

უწყების ცნობით, საქმეზე დამატებითი მტკიცებულებების მოპოვებისა და დანაშაულში მონაწილე სხვა პირთა გამოვლენის მიზნით ტარდება კომპლექსური ოპერატიულ-საგამოძიებო მოქმედებები.

0
თემები:
კრიმინალი საქართველოში