სავალუტო ჯიხური

საითკენ მიექანება ლარი კომუნალური ტარიფების გაძვირებისკენ?

169
(განახლებულია 17:21 13.09.2019)
მას შემდეგ, რაც ლარის კურსმა დოლარის მიმართ 2.97 ნიშნულს მიაღწია, საქართველოს ეროვნულმა ბანკმა მონეტარული პოლიტიკაც გაამკაცრა და საკუთარი სავალუტო რეზერვებიდანაც 32 მილიონ დოლარზე მეტი გაყიდა.

ნატა პატარაია

საქართველოს ფინანსთა მინისტრმა კი ლარის გამყარების ტენდენციებზე ისაუბრა. შედეგად – ეროვნულმა ვალუტამ მართლაც დაიწყო გამყარება, მაგრამ ჯერჯერობით არც ისე, როგორც ელოდნენ.

ლარი ხელოვნური სუნთქვის აპარატზე ჰყავს მიერთებული ეროვნულ ბანკს და რომ არა პოლიტიკური ზეწოლა, სამიანი ნიშნული უკვე გადალახული იქნებოდა, განაცხადა არასამთავრობო ორგანიზაცია „საერთაშორისო კვლევებისა და პროგნოზირების ცენტრის“ ვიცე-პრეზიდენტმა ნიკა შენგელიამ „Sputnik-საქართველოსთან“ საუბრისას.

ბოლო სამი თვის განმავლობაში ლარი დოლარის მიმართ 8 პროცენტზე მეტით გაუფასურდა. თუ 12 ივნისს ეროვნული ბანკის მიერ დადგენილი ლარის ოფიციალური კურსი დოლარის მიმართ 2,7347 GEL/$1 იყო, 12 სექტემბერს ეს მაჩვენებელი 2,9624 GEL/$1 ნიშნულზეა. 

მას შემდეგ, რაც 1 აგვისტოს ლარმა ახალი ანტირეკორდი (2,9718 GEL/1$) დაამყარა, ეროვნულმა ბანკმა 32 მლნ დოლარზე მეტი გაყიდა. მიზანი მიღწეულ იქნა – ეროვნულმა ვალუტამ გამყარება დაიწყო, თუმცა 8 აგვისტოდან ვარდნის პროცესი ისევ განახლდა.

4 სექტემბრისთვის კი ეროვნულმა ბანკმა მონეტარული პოლიტიკა გაამკაცრა და რეფინანსირების განაკვეთი 0,5% პუნქტით – 7%-მდე გაზარდა.

„ჩვენი ვარაუდი, სამწუხაროდ, გამართლდა და 10 სექტემბრამდე ვერ მოხდა კურსის 2,80 ნიშნულამდე კორექტირება, რაც გამოიწვევს დენისა და გაზის ტარიფებზე ფასების ზრდას“, – აღნიშნა ნიკა შენგელიამ.

ეკონომისტის თქმით, მართალია, ამ კვირაში ვერ ვხედავთ ლარის კურსის კორექციას, მაგრამ, სავარაუდოდ, 16 სექტემბრიდან შესაძლებელია მისი დაყვანა 2,92-ის ფარგლებამდე მოხერხდეს.

ნიკა შენგელიას განმარტებით, მთავარი ფაქტორი, რომელიც დღეს უარყოფითად მოქმედებს ეროვნულ ვალუტაზე, ინვესტიციების კლებაა. ასევე მნიშვნელოვანია ტენდერების თემაც, რომელიც გამჭვირვალე არ არის და კაბინეტებში წყდება, თუ ვინ მოიგებს მას. ყოველივე ამას ემატება ფულის მასის ზრდა, რომელსაც ეროვნული ბანკი რეფინანსირების სესხების სახით უკონტროლოდ უშვებს მიმოქცევაში.

„ბოლო 10 დღეში ეროვნულმა ბანკმა 1 660 000 ლარი გასცა სესხად კომერციულ ბანკებზე. მას რეფინანსირების განაკვეთი კი არ უნდა აეწია, სესხების მოცულობები უნდა შეემცირებინა, რადგან განაკვეთის ზრდა ეფექტს ერთ თვეზე ადრე არ მოგვცემს“, – აღნიშნა ნიკა შენგელიამ.

მისი თქმით, ამდენი ფული ჩვენს მომგებიან კომერციულ ბანკებს იმიტომ სჭირდებათ, რომ მათ მუდმივად აქვთ ლიკვიდობის პრობლემა, რადგან ფული აფილირებულ კომპანიებში აქვთ ჩადებული.

„როგორი იქნება ლარის კურსი საშუალოვადიან პერსპექტივაში, ამის პროგნოზირება მხოლოდ 25 სექტემბრის შემდეგ იქნება შესაძლებელი“, – თქვა ნიკა შენგელიამ

საქართველოს ფინანსთა მინისტრმა ივანე მაჭავარიანმა 9 სექტემბერს განაცხადა, რომ საქართველოს ეროვნული ვალუტა გამყარდება.

„ივლისში რეალურმა ეკონომიკურმა ზრდამ 6% შეადგინა და აგვისტოში, ჩვენ შეგვიძლია ვთქვათ, რომ დიდი ალბათობით, იგი მაღალი იქნება. ეს ნიშნავს, რომ არ დაკარგულა სამუშაო ადგილები, პროდუქციის წარმოება და მისი სტაბილურობა აუცილებლად გამოიწვევს ლარის გამყარებას", – აღნიშნა მაჭავარიანმა.

ნიკა შენგელია ლარის კურსის მოსალოდნელი გამყარების თაობაზე ფინანსთა მინისტრის ოპტიმიზმს არ იზიარებს.

„ხელისუფლებას მშრალი განცხადებებით სურს პოზიტიური მოლოდინების შექმნა, მაგრამ არ გამოსდის, რადგან ლარის 2,98-დან 2,90 ნიშნულზე ჩამოსვლა არაა ოპტიმისტური პროგნოზი“, – მიაჩნია ეკონომისტს.

საქართველოში მცურავი გაცვლითი კურსის რეჟიმი მოქმედებს. ეს კი იმას ნიშნავს, რომ ლარის გაცვლითი კურსი მთლიანად განისაზღვრება სავალუტო ბაზრის მიერ, რომელიც შედგება კომერციული ბანკებისგან, საინვესტიციო ფონდებისგან და იმ კორპორაციებისა თუ ინდივიდებისგან, რომელთა ინტერესშიც უცხოური ვალუტის ყიდვა–გაყიდვა შედის.

 

169
დოლარები და ლარები

ლარის კურსის სტაბილურობისთვის: რეგულატორმა დოლარების მორიგი პარტია გაყიდა

65
სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

თბილისი, 13 აგვისტო - Sputnik. საქართველოს ეროვნულმა ბანკმა მორიგი სავალუტო აუქციონი ჩაატარა, რომელზეც 20 მილიონი დოლარი გაყიდა. ბირჟაზე ლარის საშუალო შეწონილმა გაცვლითმა კურსმა დოლარის მიმართ შეადგინა 3, 0705  GEL/$1.

სავალუტო ბაზრის სტაბილურობის შესანარჩუნებლად ხუთი თვის განმავლობაში ეროვნულმა ბანკმა ჩაატარა ათი აუქციონი, რომლებზეც დაახლოებით 289,65 მილიონი დოლარი გაყიდა.

ეროვნული ბანკის ამასწინანდელი განცხადებით, იგი გამოიყენებს მის ხელთ არსებულ ყველა ინსტრუმენტს, მათ შორის, სავალუტო ინტერვენციებს ფასების სტაბილურობის უზრუნველსაყოფად.

„ახლა, როდესაც სავალუტო ბაზარი არასტაბილურია, ეროვნული ბანკი უზრუნველყოფს ბაზრისთვის საჭირო ლიკვიდურობას როგორც უცხოურ, ისე ეროვნულ ვალუტაში“, - განაცხადა რეგულატორმა.

სავალუტო აუქციონების გარდა, ეროვნული ბანკი კურსის რყევის შესამცირებლად ყოველდღიურად ახორციელებს ინტერვენციებს. კერძოდ, როდესაც გაცვლითი კურსი დღის განმავლობაში წინასწარ დადგენილ ნიშნულს ასცდება, ეროვნული ბანკი ვაჭრობაში გარკვეული მოცულობის უცხოური ვალუტით ერთვება.

გარდა ამისა, წელს ეროვნული ბანკი ინტერვენციისთვის იმ ვალუტას იყენებს, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიით გამოწვეული შედეგების აღმოსაფხვრელად იღებს.

საქართველოს ეროვნულმა ბანკმა პარასკევისთვის ლარის კურსი აშშ დოლარის მიმართ 3, 0728 GEL/$1 ნიშნულზე დაადგინა. წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0057 ლარით გამყარდა.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება.

 

65
თემები:
საქართველოს ეკონომიკა
თეა წულუკიანი

მასშტაბური რეფორმა რა სიახლეები შევა მეწარმეთა შესახებ ახალ კანონპროექტში

116
(განახლებულია 19:44 13.08.2020)
მინისტრის თქმით, ახალი კანონპროექტის თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა.

თბილისი, 13 – Sputnik. დღეს ჩვენ დავასრულეთ სრულიად ახალ კანონპროექტზე მუშაობის მრავალწლიანი პროცესი, რომელსაც ჰქვია საქართველოს კანონი „მეწარმეთა შესახებ“, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

როგორც მინისტრმა განმარტა, ეს კანონი 1994 წელს მიღებულ მეწარმეთა შესახებ კანონს ჩაანაცვლებს, რომელიც, მიუხედავად 2008 წელს განხორციელებული ცვლილებებისა, საერთოდ არ პასუხობს თანამედროვეობას, ბიზნეს-წრეების ინტერესებსა და გამჭვირვალობის პრინციპებს, რომელიც თავისუფალი მეწარმეობისთვის აუცილებელია.

რა საჭიროა ანტიდემპინგური კანონი და რა სარგებელს მოუტანს ის ქართულ ბაზარს>>

წულუკიანის განცხადებით, მნიშვნელოვანია, რომ ბევრი ისეთი ახალი რეგულაცია შემოდის, რომელიც დავის შემთხვევაში სახელმძღვანელო გახდება როგორც მეწარმეების, ასევე მოსამართლეებისთვის.

„მნიშვნელოვანია, რომ ძალიან ბევრი ახალი რეგულაცია შემოდის, რომელიც არასავალდებულო ხასიათისაა, ანუ დისპოზიციურია, მაგრამ სახელმძღვანელო იქნება როგორც მეწარმეებისთვის, ასევე მოსამართლეებისთვის – დავის შემთხვევაში. რასაკვირველია, არის იმპერატიული ნორმებიც, მაგრამ ამ კანონით იქმნება სრულიად თავისუფალი, რეგულირებული და განჭვრეტადი ატმოსფერო და ბიზნეს-კლიმატი კიდევ უფრო უნდა გაუმჯობესდეს“, – აღნიშნა მინისტრმა.

მისი თქმით, ახალი კანონპროექტის თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა, იქნება ეს სააქციო საზოგადოება, შპს, სოლიდარული პასუხისმგებლობის საზოგადოება, კოოპერატივი თუ კომანდიტური საზოგადოება. ასევე შემოდის სხვადასხვა ევროპული სტანდარტი, მათ შორის, სადამფუძნებლო დოკუმენტების საჯარო რეესტრში წარდგენის მიმართულებით.

„ესაა მასშტაბური რეფორმა, ესაა ის რეფორმა, რომელსაც არა მხოლოდ დარგობრივი უწყებები, ეკონომიკისა და ფინანსთა სამინისტროები, არამედ ჩვენი ბიზნესმენებიც მრავალი წელია ელოდნენ და 2013 წელს მათთან ერთად დაწყებული ეს პროცესი დღეს დასრულდა“, – აღნიშნა იუსტიციის მინისტრმა.

თეა წულუკიანის თქმით, ახალი კანონპროექტი ორი კვირის განმავლობაში გამოქვეყნდება „საქართველოს საკანონმდებლო მაცნეში“.

პარლამენტის მიერ პროექტის დამტკიცების შემთხვევაში ახალი რეგულაციები ძალაში 2021 წლის 1 იანვრიდან შევა.

116
მთვარე

მთვარის კალენდარი: 14 აგვისტო რისი გაკეთება შეიძლება და რისი არა

0
(განახლებულია 12:39 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 აგვისტო, პარასკევი. ამ დღეს ვენერა მართავს. კლებადი მთვარე ტყუპის ნიშანშია.

სწრაფი და ენერგიული საქმეების დროა. მომატებულია იმპულსურობა, ამიტომ ეცადეთ, თავი აარიდოთ ისეთ საქმეებს, რომლებიც დიდ ყურადღებას მოითხოვს.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სწრაფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ინტუიციის ნდობა დღის მეორე ნახევარში, განსაკუთრებით ფულთან დაკავშირებულ საკითხებში, მარტივი საკითხების გადაჭრა, მიმდინარე საქმეების განხილვა, სავაჭრო ოპერაციების ჩატარება, პასიურობა და საკუთარ თავში ჩაღრმავება, ნეიტრალიტეტის დაცვა კოლეგებთან მიმართებით.

არარეკომენდებული აჩქარება, აქტიურობა, დღის პირველ ნახევარში გუნდთან ერთად საქმიანობა, რთული მოლაპარაკებები, შეთანხმებების დადება, კონტრაქტებზე ხელმოწერა, საპასუხისმგებლო გადაწყვეტილებების მიღება.

კარგი დღეა მგზავრობისთვის, მაგრამ აჩქარების გარეშე.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. ხელსაყრელია ჰაეროვანი ვარცხნილობის გაკეთებისთვის. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. არახელსაყრელი დღეა ბალახეული კულტურების დარგვა–გადარგვისთვის. ეფექტური იქნება ზედმეტი ყლორტების მოშორება გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0